اسرار البنات

عارفة ان اللي بعمله غلط وبتعذب

انا بنت عندى 20 سنه ومؤدبه اووى والناس اللى بتقول كده مش انا بس بمارس العادة السرية وكمان بكلم واحد فى التليفون وبيقولى بحبك وواحشتينى وانا كمان ارد عليه وانا عارفه انه حرم وكمان كنت شغاله عند واحد فى شركة وانا محاسبة وكنت بيبوسنى ويحضنى بس انا بعامله انه حد برتاح انى اتكلم معاه بس احنا مش بنعمل اكتر من كده وعلى فكره انا كل يوم لازم اقراء القرآن قبل ما انام ومنتظامه فى الصلاه اوووووى وكمان وانا بعمل الغلط بكون بفكر فى ربنا اوووى وبكون عارفه ان ربنا شايفنى ومش بقدر ابوص لى السماء لانى عارفه ان ربنا زعلان منى وكتييييير اوووووى اعد اعيط واقول مش هعمل كده تانى وبعد كده ارجع تانى بس انا حاسه من بعد ماسبت خطيبى وانا كده حاسه انى تعبانه وبحس انى مجنونه وبحس انى مريضه منين بنصح الناس لى الصلاه والاتجاه لى ربنا وانا اصلا بعمل غلط بس والله انا بصلى وبقراء القرآن ومؤدبه والله بس مش عارفه اعمل ايه ونبى قولولى اعمل ايهه انا حاسه انى بموت من التفكير

مشاكل وحلول ذات صلة

اضيف بتاريخ: Monday, December 13th, 2010 في 17:27

كلمات مشاكل وحلول: , , , , , ,

41 رد to “عارفة ان اللي بعمله غلط وبتعذب”

  1. مجنون نسوان
    10/12/2015 at 11:33

    اذاكانت صلاتك وعبادتك لله لاتنهاك عن المعاصي والذنوب فانت ضعيفة الايمان والشيطان متحكم فيك ولاتنفعك صلاةولاعبادةوانت على هذي الحال ابدا اغسلي قلبك من الذنوب والمعاصي والتزمي الحجاب الشرعي وابتعدي عن اماكن الفتنة والشبهات من الاختلاط المحرم مع الرجال الغرباء عنك اوالتكلم معهم بلاحاجة وحصنى نفسك وشرفك بالحلال تزوجي على الفور بمن يتقدم لك وتجدي فيه الخيروالصلاح من دين واخلاق واياك ثم اياك والعودة لماكنت عليه من انحراف وضلال ومعاصي فالله يمهل ولايهمل وهومنتقم جبار على العصاةالمذنبين ياخذهم اخذعزيز مقتدر احذري من عاقبة ذلك وارضي الله عزوجل وادي حقوقه من العبادات والطاعات وارضاءالوالدين والبربهماوالاحسان لهما والمحافظةعلى تربيتك واخلاقك وشرفك وكرامتك تلاقي الخيروالرضاوالسعادة من الله عليك والتوفيق لك في حياتك كلها

  2. ابوبتول
    27/09/2014 at 00:16

    كل حياتك اغلاط في اغلاط اولا اذاحلفت فحلفي بالله عزوجل وانت صادقة ماتحلفيش بااحد كقول والنبي لانه ده شرك بالله يخرج من الملة – ثانيا اتقي الله في تصرفاتك ايه فايدةالصلاةوقراءةالقران وانتي لم تنتهي عن الفحشاءوالمنكروالمحرمات ثالثا تجنبي الاختلاط المحرم مع الرجال الاجانب عنك لانه مدعاةللفتنة والوقوع في المحرمات واياك والخلوة المحرمةمعهم سوافي العمل اوفي الجامعة اوالشارع وغضي بصرك عن النظر للرجال والاعجاب بهم حتى لاتقعي فريسة للذياب البشر الذين لايخافون الله وتفرطي في شرفك وكرامتك رابعا-عفي عن الحرام وتزوجي واستري نفسك مع ابن الحلال اللي يستاهلك ويصونك وربي يسترعليك ويهديك ويبعدك عن المحرمات والمعاصي في حياتك

  3. ابواميرة
    16/11/2012 at 08:43

    الصلاةتنهى على الفحشاءوالمنكر لكن شيطانك اكبرمنك واتركي الاختلاط بالرجال الاجانب واستغفري ربك وتوبي اليه وحصني نفسك بالزواج هداك الله

  4. nona
    29/08/2012 at 00:10

    افضل حاجة تعمليها انك تجوزى علشان شهوتك دى واحسن حاجة انك عرفة غلطك وانك قريبة لربنا

  5. KaLoOoSh
    28/01/2012 at 09:15

    شكلك بتعانى من اضطرابات نفسيه او انك مريضة نفسيا
    لان مش طبيعى انك تقولى انك مؤدبة وبتصلى وبتقرأى قرآن
    وبتمارسى العادة وكمان فى حد بيحضنك وبيبوسك عشان بس انتى بترتاحى لما بتتكلمى معاه
    ربنا يهديكى

  6. عبدالله
    01/11/2011 at 00:44

    انتي مصدقة ان ربنا خلقك (صح)
    خلق الغريزة الي جواك (صح)
    خلق عقلك للتحكم بتلك الغريزة (صح)
    مقدرتيش (صح)
    اذا هتحكميها بالنعم التانية الي ربنا ادهالك (ازاي)
    من كلامك يبدو انك اجتماعية استغلي هذا بانك تتعرفي علي أصدقاء بنات صالحات متكتفيش بقراءة القرآن فقط والصلاة اتعرفي علي(الصحبة الصالحة ) هي العلاج ان شاء الله والله الموفق

  7. HanyMoh
    23/09/2011 at 07:15

    يا أختي الكريمة أنت ذكرت ثلاث ذنوب منها اثنتين من الكبائر أو على مشارفها..

    التحدث مع رجل في التليفون، مشكلة كبيرة يجب الخلاص منها الآن.

    تقبيل رجل لك واحتضانك.. مشكلة أكبر وعليك بترك العمل في هذا المكان الذي يمكن وصفه بأنه بيتا للدعارة.

    ممارسة العادة السرية.. هذه أقل الذنوب يمكنك تقليلها يوما بعد الآخر.. وليس بالضرورة القضاء عليها الآن لأنها عادة وتحتاج لوقت للقضاء عليها..

  8. ربنا يصبرنا
    24/07/2011 at 22:51

    الوحيد اللى بجد فاهم صح هو اسلام،ثانيا طبعا اللى هي عملتة دة غلط وغلط اوووووووى كمان وربنا يهدينا،لكن اعتقد ان الردود السيىء دى كلها مش فاهمه المشكلة اوى،كلنا بنغلط {كل ابن ءادم خطاء وخير الخطاءين التاوبين}فمينفعش بقى لما هى تيجى تعترف بغلطها وعايز حل نغلط احنا فيها
    لان كلكم بتغلطو وربنا اعلم بيكم،ودى اصلا مش مشكلة بنت لوحدها ،لاء،والله دى مشكلة جيل من الشباب والبنات يعنى متلموهاش اوى كدة،انا مش ببرر افعالها الغلط لاء بس مش اللوم عليها لوحدها
    احنا جيل عندنا مشاكل وقرف وحياه صعبة،وكل حاجة حولينا بتعمل لينا اثارة،تلفزيون ودش ونت حتى الالعاب دلوقت بقت مثيرة،ورغم دة كلة سن الجواز بيتاخر،ودى مشكلة الاهل مبيحسوش بيها ،مبيفهموش ان خلاص الجسد دة بقى ناضج وليه متطلبات
    ربنا يحفظنا بجد ويصبرنا على اللى احنا فيه،وياريت الناس يحسو ويقدرو غيرهم.

  9. مستغربه
    21/04/2011 at 11:03

    جدا هم صادقين انا مشكلتي اقل تعقيد ولكن لا ازكي نفسي ع الله واعترف انا امارس العاده السريه ولكن بدات كلما تذكرت الضرر النفسي والبدني والديني اتراجع بالتدرج بدات استغفر شعرت بأن الاستغفار اثره عظيم مشكلتنا ليس بالتوبه بل المشكله في هذا الزمن بالاصرار بعمل الذنب وعدم عمل اي مفيد للابتعاد عنه انا اعترف اشعر باني انسانه كاااااااااااااذبه لاني دائما اتوب وارجع ولكن الحمدلله اني قد تمالكت نفسي وابتعدت عن صاحبة السوءالتي اوقعتني لكن اتمنى من الله ان يمن علي بفضله بنسيان هذا المسمى الجنس انا اكره الجنس ولا احبه اشعر انه شي غير مهم بالحياه عندما يكون بشكل طاغي وغير واعي اي بالحلال للاسف

  10. hamoz sad
    05/02/2011 at 18:40

    الشغلة اللي كتير منيحة انك بتفكري بربنا وانتي بتعملي الغلط وعارفة انو زعلان منك وانو اللي بتعمليه غلط نصيحتي لتجئي للرقية والمداومة على سماعها وقرائتهاوالألتزام الى ما يحبه الله افضل لأن الحياة فانية ولا يبقى الا وجهه جل جلاله ولاتنسي انه يوجد حساب فتوبي واستغفري ان الله غفار رحيم وقابل التوبة ان شاء الله واسف على دخول هادي الصفحة بس حبيت افيد

  11. تعبانه بجد
    05/02/2011 at 16:10

    بصى يا اختاه نحن كلنا خطائين لاننا بشر والبشر لابد من وقوعه فى الخطا واضح انك محترمه لانك شعرتى بخطاك ونفسك تبطلى بس ممكن متكونيش قدره لانك ممكن تكونى بقالك فتره على كدا لازم تقوى اراتق وعزمتك على الاقلاع عن ذلك واستعينوا بالصبر والصلاه واذا شعرتى بشى اتوضى وصلى وغيرى مكانك وممكن بردك تقومى بعمليه الطهاره تخلصك من الشعور دا اما بالنسبه للشخص الى فى شغلك لازم توقفيه عن حده وتمشى من الشغل وتشوفى مكان اخر بع ما تكونى غيرتى من نفسك وربنا يهدينا جميعا

  12. لؤلؤة الإسلام
    03/02/2011 at 08:37

    حبيبتى الصلاة اللى معظمنا بيصليها مش هى الصلاة الحقيقية
    لان الصلاة اللى بجد
    تنهى عن الفحشاء والمنكر
    ربنا يعزك
    ارجعى لربنا
    ابحثى عن روحك فى كتاب الله
    واضح انك عندك استعداد كبير للرجوع لربنا
    وابحثى عن النت عن طرق تفادى العادة السرية
    زى مثلا
    اجتناب افلام الإثارة او الصور او كده
    بس اعرف انك لازم تتوبى عن ذنبك وتستغفرى ربنا وتعملى خير عشان ربنا يتقبل توبتك

    ربنا يكرمك ويعزك بالطاعة ويرزقك الطاعة

  13. زملكاوى
    13/01/2011 at 00:34

    غيرى حياتك واعملى الحاجه اللى بيحبها ربنا
    يعنى صلى وصومى وخاصةً الصوم عشان الصوم مش هيخليكى تعملى حاجه طول اليوم
    بس طبعاً الصلاه مهمه جداً وكمان تقرى قرأن
    ولما تحسى انك عايزه تعملى كدا اعدى وسط اسرتك واضحكى وهزرى
    او قومى اتوضى وصلى كتير كتير وهكذا

  14. مستغربه الصراحه
    07/01/2011 at 16:50

    على فكره ممارسة العاده السريه للبنت بتؤدي لآثار جانبيه توضح إن البنت دي كانت بتمارسها .. غير انها بتأثر على صحة البنت وممكن تؤدي إلا ان علاقتها مع زوجها مش تبقى جميله .. ممكن شكل العضو يتغير من كتر الممارسه وطبعا لو دا حصل بتبقى شكلها وحش اوي ومش عارفه موقف الزوج ممكن يبقى ايه بقى لو إكتشف دا .. خافي على نفسك وخليكي عفيفه واستغفري وأنبي نفسك .. ومفيش حاجه اسمها انا مؤدبه واسيب واحده يحضن ويبوس وانا مرتاحه كدا ( دا هبل) ابعدي عن كل دا وحافظي على نفسك .. ربنا يبعد عنك كل شر

  15. مستغربه الصراحه
    07/01/2011 at 16:43

    منين مؤدبه وبتصلي وتقري قرآن ومنين واحد بيحضنك ويبوسك والتاني بتتكلمي معاه كلام رومانتيك ف التليفون وبتمارسي العاده السريه – طب بتوفقي بين كل دا إزاي – يعني مش مثلا قلتي انك بتحبي واحد لا دا انتي بتعملي كدا علشان توصلي لإحساس معين معاهم بس .. فين المبرر للتصرفات دي ؟؟ إنتي إهدي شويه وحاولي توسعي دايرة أصحابك شويه ( البنات ) بس يكونوا كويسين يعني وإشغلي نفسك بأي حاجه بعيد عن تفكيرك ف الجنس وحاولي تبعدي عن اي حاجه ممكن توصلك لممارس العاده السريه .. انتي عندك 20 سنه وبتعملي كل دا ؟؟ أمال لووصلتي ل 24 ولسه مش اتجوزتي لاقدر الله هتعملي إيه ؟ مفيش حاجه اسمها غصب عند ويحضن ويبوس وانتي راضيه عادي .. أنا مش عارفه أقولك ايه .. انتي كدا غلط طبعا وفي حاجه مش طبيعيه .. ربنا يهديكي

  16. خالد عبد الراضى
    31/12/2010 at 03:13

    لازم يا اختى الكريمه تحطى لنفسك خطوط حمراء لا تتخطيها ده يكون مبدئك فى الدنيا يعنى حد يلمسك ده خط احمر ممنوع حد يكلمك فى التليفون كلام لا يصح برضه خط احمر تخرجى مع احد بدون محرم وهكذا الحلال بين والحرام بين وانت مش صغيره لانك لو تركت نفسك بالهبل ده والاستهتار بذاتك ستنزلق قدمك لما هو اخطر من ذلك وستندمين على نفسك بقية عمرك تذكرى انك ستكونين ام وزوجه فى يوم من الايام ماذا ستقولين لاولادك لذلك اصحى وفوقى وعاهدى ربك بانك لن تعودى الى هذه الذنوب مرة اخرى ربنا يتوب علينا وعليك وعلى كل المؤمنين ويحفظك من كل سوء

  17. ما راء الخفاء
    30/12/2010 at 15:23

    السلام علكم ورحمة الله وبركاته :
    مادام حضرتك قولتى مشكلتك يبقى اكيد نيتك مضمونها البحث عن حل – لو كدا يبقى مش عيب اننا نقول اللى بيحصلنا سواء فحشاء او ما شابه – بس فى الحقيقة اذا بليتم فاستتروا – الاول اشغلى نفسك بالبكاء وتذكرى دايما عقوبة الشئ قبل فعله – يعنى لو حسيتى انك داخلة على موقف لا تندرجى فيه الا لما تفتكرى عقوبتها ايه عن المولى سبحانه وتعالى – اما ما يخص العادة فهى من الفراغ اولا ثم التقليد ثانيا – اعلمى انها عادة سيئة تفقدك الكثير من الصحة وتسبب الكثير من المضاعفات منها البصر- وستؤثر على حياتك الزوجية عندما تتزوجين – هذا كله سببه اننا تركنا الباب للشيطان الرجيم ليتوغل بيننا وبين انفسنا – لا احب ان اطيل فى حديثى والله المستعان .
    ولا تنسى الله حليم ورحيم وان خالصتى النية فى التوبة سيقربك من الذين يساعدونك على هذا 🙂

  18. طارق
    28/12/2010 at 15:54

    نصيحة لكى ألحأى نفسك بسرعة أنتى بينك وبين الكارثةوألفحشاء لحظة…. وبينك وبين التقوى والصلاح لحظة وقد حان الوقت لتغادرى دون رجعة أما للكارثة وألفحشاء والضياع وأما للتقوى والصلاح .. وعليكى ألاختيار

  19. أبو عبد الله
    20/12/2010 at 15:24

    أختي الفاضلة عليكي بالاستغفار والتوبة والإقلاعن تلك الذنوب واعلمي ان الله غفور رحيم ولكن يجب عليكي عمل التالي:
    1.ترك هذه الشركة بدون رجعة.
    2.عدم التحدث مع هذا الشخص نهائيا وغيري رقم التليفون المحمول.
    3.التوجه إلى الله بالدعاء الخالص الصادق أن يهديك ويثبتك على دينه وينجيكي من جميع الفواحش والفتن ما ظهر منها وما بطن إنه ولي ذلك والقادر عليه.

  20. aboesar _1
    17/12/2010 at 15:57

    معلش أولاً أنا ليا تعليق بسيط ” حضرتك كررتي كلمة مؤدبة ” كتير قوي أنا عايز أعرف معني الأدب إيه بالنسبة ليك ؟ أنت بتقولي انك بتشتغلي محاسبة وصاحب الشركة بيبوسك وبيحضنك واكيد بيعمل ده بشهوة وأنت أكيد بتستمتعي ” يبقي فين الأدب ” دا توضيح مش أكتر
    أما بالنسبة لمشكلتك فياسيدتي العزيزة أنا ملاحظ عليكي أنك عايزة تتوبي من الحاجة اللي مأرقه حياتك وهي العادة السرية ومجبتيش سيرة أنك ندمانه علي علاقتك مع صاحب الشركة وعلشان كده أنا بقولك أن العادة السرية عرض وليست مرض في حد ذاتها أنتي بتمارسيها كنتيجة لكلامك في التليفون وكنتيجة للعلاقة الآثمة مع صاحب الشركة فلو أنت تخلصتي من الأسباب أكيد هتزول الأعراض أنت حاولي تتحكمي في نفسك الأول وأعلمي أن نفسك وشرفك حاجة غالية جداً لا تقدر بمال ولا يدفع فيها ثمن واستغفري ربنا وأنوي التوبة عن الأسباب أكيد هتزول الأعراض معلش كلامي قاسي شوية
    بس أنت محتاجة حد يفوقك مش أكتر ،، والمعدن الطيب مهما جه عليه تراب بمجرد نفضة بسيطة هيرجع زي ما كان ،، شكراً

  21. إسلام
    17/12/2010 at 04:06

    الأخت(زعلانه من الدنيا أوى)
    أولا بشكرك جدا على ردك الجميل الرائع وإبدائك تأييدى فى رأيى فشكرا لكى.
    ثانيا يا جماعه كل واحد مننا فى الموقع ده إقتطع جزء من وقته علشان يكون طرف فى إنقاذ طرف آخر من مشكله هو واقع فيها فياريت يكون كلنا قلبنا على قلب بعض.
    مش عايزين حد يهاجم حد ولكن أنا طبعا معاكم إن فى بعض المشاكل الى بتعرض علينا بتكون مستفزة جدا ولكن الغضب يكون لله خصوصا إن صاحب المشكلة لا يخصنا لا من قريب ولا من بعيد فالمكسب الوحيد إنك تقول كلمة تحل المشكلة علشان صاحبها يدعيلك أو تسكت وكأنك ما شوفتش حاجه

  22. زعلانة من الدنيا اوى
    16/12/2010 at 02:36

    أخ اسلام بحييك على صراحتك وانا بحترم رأيك جدا وعندك حق فكل الكلام الى قولته وسيبك من الناس الى بتخرف الى فوق كل واحد فاكر نفسه واعظ وعامل محترم والله اعلم هما بيعملوا ايه وذنوبهم اد ايه واذا كانت هى بتمارس العادة السرية فانتوا كلكوا بتزنوا ومبتعرفوش ربنا والناس المحترمة الى زيك قليلة جدا يااخ اسلام ليه بتهاجموها هى عايزة نصيحة مش عايزة هجوم عليها
    انصحوا نفسكوا قبل ما تنصحوا الناس ربنا يهدينا جميعا

  23. صاحبة المشكله
    14/12/2010 at 14:14

    شكرا اووووووووووى على ردودكم وانا بجد هعمل بيه وربنا يريح بالكم وانا اسفه وادعولى ان ربنا يكرمنى واتجوز ابن الحلال

  24. السندباد
    14/12/2010 at 12:09

    اولا في ناس مختلفه مع بعضها هنا في الردود وشويه شويه يتخانقوا ببساطه انتي بتصلي وبتقرأي القرءان وعارفه انتي بتعملي ايه خلي ايرادتك قويه بنفسك علشان تبطلي دا ولاحظت احد الردود لو مش قادره تتحكمي في نفسك يبقي احسن حل هو الجواز علشان لو استمريتي في دا وغلطتي مع حد هتندمي اكتر واكتر ومش هتلومي غير نفسك وربنا يهديكي

  25. كرم الزناتي
    14/12/2010 at 10:56

    السلام عليكم و رحمة الله و بركاتة
    و بعد
    اختي في الله لقد خلقنا الله سبحانة و تعالي احرارا فلا تكوني عبدة لشياطين الانس و الجن فعليك بالتحصين
    و التوبةالي الله و ابتعدي عن كل ما يثير الشهوة و عوضي هذا بيمك و بين اسرتك فما ينقصك الا الحنان الاسري و عليك بالتوبة حالا و الله غفور رحيم

  26. فارس
    14/12/2010 at 07:48

    من لم تنهه صلاته عن الفحشاء والمنكر فلا صلاة له فكيف تصلي وتفعلي تلك الأشياء التي لا تليق بمسلمة أختي ابتعدي عن طريق الشيطان فان كنتي تصلي وتفعلي ذلك فماذا يفعل من لا يصلي فاتق الله وارجعي عن تلك الأفعال هداك الله ولاتسمحي لأحد أن يمس شعرة منك فأنت مسلمة والمسلمة طاهرة نقية عفيفة . الله يحفظك آمين آمين آمين

  27. ahmed
    14/12/2010 at 06:51

    بصي انتي مريضة بالجنس لانك اول ما بتكوني في ظروف انك تمارسي الجنس مش بتترددي وبعدين جواكي التربية اللي اهلك عودوكي عليها بتخليكي تشوفي نفسك انتي غلطانة اد ايه الحل يا ماما انك تتجوزي ولازم خطيبك يكون مش انسان خجول عشان يلبي رغباتك وعجلي بالجواز وربنا يهديكي

  28. ahlam
    14/12/2010 at 05:12

    hakyk fitlephon mo mchkila kol bant thki mafi wahda mathki bas ino bossni wyhdoni mabibl abadn rah awafo 3an had wikhalih ya3raf hdod

  29. اسامه منير
    14/12/2010 at 05:08

    انت غريبه قوى وكلامك متناقض لكن
    حاولى تختارى الطريق الصح لان هو ده اخرتك فى الدنيا والاخره فى الدنيا الشخص اللى يحبك ويصونك ويحميك ويقويكى على طاعه ربنا وطبعا مش هاتكلم عن الهاده السريه لان كل الناس عارفه اضرارها بس هاتكلم انه بتزيد شهوتك وبتضعف الثقه بالنفس ودى اخطر حاجه وهو ده الى انت بتبقليه انك ماعندكيش ثقه انك تبعدى عن المحرمات مع الجنس الاخر اللى اكيد الاثنين نيتهم مش سليمه اطلاقا لما يكونى معاكى ولو انت لسه فى الشركه ده لازم تسبيها فورا وتبعدى عن اى شىء يثير شهوتك الا فى”الحلال” والاخره طبعا هتكونى احلى من الحور العين

  30. إسلام
    14/12/2010 at 00:43

    الأخ فارس والأخت فراوله (أو الأخ) أولا حديث من لم تنهه صلاته عن الفحشاء والمنكر حديث ضعيف ولم يرد عن النبى صلى الله عليه وآله.
    ثانيا : الأخ فارس بيتكلم عن الطهارة والطهارة نوعان 1- طهارة حسية 2- طهارة معنويه
    وإيه علاقة الطهارة بإنها تمس المصحف ؟؟؟؟؟
    وبعدين يا إخوة يالى قولتوا كلام للأخت يوجع ويحرق الدم مين فيكم مش بيغلط
    أتحدى أى واحد من الى بينصحوا الأخت إنه مش بيخطأ ومش بعيد يكون بيمارس العاده السرية هو كمان وأتحدى.
    الأهم من ده كله قول النبى صلى الله عليه وآله وسلم فى رواية الإمام مسلم عن أبى هريرة رضى الله تعالى عنه قال : قال رسول الله صلى الله عليه وآله وسلم لو لم تذنبوا لذهب الله بكم ثم لجاء بقوم يذنبون فيستغفرون فيغفر لهم.
    فيا أختى الغاليه أنتى إنسانه من لحم ودم ومعرضع للفتن والشهوات كما أنك بنت رقيقة المشاعر يمكن لكى أن تنساقى لأبسط الكلمات فكونى دائما ذات عزة وشموخ وكونى مرفوعة الرأس بأخلاقك وأنا أثق فى أنكى إنسانه على خلق وذات دين وذلك من تأنيب ضميرك وخوفك من الله.
    وأعلموا جميعا رجالا ونساءا أن من يخطئ ويرجع لله فإن هذا المؤمن حقا
    ومن يتق الله ولا يعصى الله أبدا فليقسم بالله أنه على الطريق القويم والصراط المستقيم وأنا أهبه نفسى أخدمه وأكون خادما له بحق ولكن ليكن واثق من أنه على طاعة الله فعلا.
    من منا يغض بصره بحق؟
    من منا يبر أبواه بحق؟
    من منا يعطى جاره حقه بحق؟
    من منا يقوم لصلاة الفجر كل يوم بلا تكاسل بحق؟
    الأسئله كثيرة
    وكما قال سيدنا عيسى بن مريم عليه السلام فى المرأة الزانية : فليبدأ برجمها من لم يرتكب منكم خطيئه.
    وشكرا

  31. النبيل شارل
    13/12/2010 at 23:21

    اختي هناك صراع كبيير في نفسك لكنك تحتاجين للعزيمه لترك تلك الامور المشينه بالنسبه للي يبوسك ويحضك اظن الموضوع ما يحتاج تعليق انتي غلطانه وتدرين انك غلطانه توبي وربنا غفور رحيم

  32. roro
    13/12/2010 at 23:15

    يآرب اشفي مرضى المسلمين!!!!!!!!!!!!
    تمارسي العادة السريه و تصلين وتقرين قران ومدبه اوي واحد يبوسك واحد مدري وش يسوي اك ومدري وشو!!!كيف تجي ذي بالله
    نصيحه روحي عند دكتور نفسي

  33. طبيب جراح
    13/12/2010 at 21:47

    طب ازاى تأمرون الناس بالبر وتنسون أنفسكم
    رجعى نفسك اختى فى الله
    كل اللى بتعمليه ده غلط بجد

  34. ♣♥♣ فارس ♣♥♣
    13/12/2010 at 21:39

    المشكل انو انتى عارفه الصح فين والغلط فين والى زيك المفروض يكون قدوه اى انسان يحتذى بيها اولا للتواصل على الصلاه ودوام قراءة القران لاكن الى بتعمليه ده شي خارج عن ارادتك لسبب بسيط انو انتى معندكيش ثقه قويه بنفسك ولازم تعرفى انو الاحضان والقبلات وسيله بتؤدى لاكثر من كده بس وقتها هتزعلى من نفسك اوى فى وقت مينفعش فيه الندم خلى دايما بذهنك انو انتى بنت يعنى لمسه واحده ممكن تنهى حياتك وتدمر مستقبلك انتى متضمنيش الى ممكن يحصل وانتى بتمارسى العاده السريه وكمان متضمنيش ايه الى ممكن يحصل بعد الاحضان وبالنهايه لازم تعرفى شي مهم جدا ان ربنا سبحانه وتعالى فى محكم التنزيل عن القران ( لا يمسه الا المطهرون ) وانتى لكونك بتعملى الحاجات دى فاكيد مش طاهره والطهاره مش معناها الاستحمام لا ده اولها طهاره الاستحمام وبعدها طهاره القلب وبعدها طهاره العقيده والى هيه صلتك بربك ارجعى لربك الى خلقك وكفيل بكل مكان بجسدك وشكرا اختى

  35. بلبل
    13/12/2010 at 21:30

    الله ربي
    مؤدبة وبصلي واقرأ قرآن كل يوم
    واللي بشتغل عنده ببوسني ويحضني كل يوم

    ايه يا بنتي ايه المتناقضات دي
    دا المسعور اللي كنت شغاله عنده لو حكا لناس يعرفوك ايه اللي كان يعملو معاك حيقولو الناس برده انك مؤدبه؟

    اتق الله وابعدي عن ذئاب البشر
    اللي عايز الحلال يدق الباب

  36. momo
    13/12/2010 at 20:47

    انة انفصام بداخلك فمن الطبيعى ان تصلى و لكن ككثير من الناس تحبين الخطأ فبة متعة مثل العادة السرية, الحل هوا التقرب لله فعلا وليس مجرد ارضاء من حولك او اكمال شيء اعتدى علية من الصغر ,هذا هوا الحل لانهاء الصراع الداخلى.

  37. فراولة
    13/12/2010 at 19:45

    من لم تنهه صلاته عن الفحشاء والمنكر فلا صلاة له اتق الله وحاولي ان تبتعدي عن المثيرات وتحلي بالارادة وربنا يهديك

  38. مستشار نفسي
    13/12/2010 at 19:39

    السلام عليكم
    انت يا اختي عندك الخامة للرجوع الى الله والقابلية للرجوع بكل صدق وايمان
    مشكلتك انك تخلطين الزيت مع الماء وطبعا لا يلتقي الزيت مع الماء يعني بطريقة اخرى هل يلتقي حب الله والتقرب اليه بكافة الاعمال مع مجالسة الرجال والتعامل معهم في المحرمات لا يلتقيان يا اختي
    نقطة اخرى : هناك قاعدة مضمونها التخلي قبل التحلي يعني اذا كان يوجد عندك كأس من الشراب وتريدين شرب المياههل من المعقول ان تضعي المياه قبل تفريغ الشراب ؟؟؟
    وايضا لا تقرئي القرآن لمجرد القراءة وانما استشعار المعاني الروحية
    وغيري قناعاتك ان خطيبك ذهب الى فتاة اخرى وانك انت سوف تنزعين ثوب الحياء
    لو علم خطيبك القديم بتصرفاتك هذه لفرح لأنه تركك ولو كان بوسعه ان يضرك لضرك
    واعلمي ان الله لا يغير ما بقوم حتى يغيروا ما بأنفسهم

  39. جمال
    13/12/2010 at 19:15

    اكثر من الصوم كما قال رسول الله فا فى الصوم الالتزام وتجنب عمل المعصية

  40. حبيبه
    13/12/2010 at 18:02

    حببتى انتى تتوقفى فورا عن معصيه الله بانك تخدى عهد بينك وبين ربنا انك مش هتعملى كدا تانى وانتى عارفه اللى مينفذش عهده مع ربنا جزاته ايه وربنا يتقبل

  41. واحد وخلاص
    13/12/2010 at 18:01

    والله يا اختى انتى محيرة بتصلى وتصومى وعارفة ربنا ومؤدبة بشهادة الناس دى امور جميلة بس اية اللى انتى بتعمليه دة ازاى واحد غريب يبوسك ولا يحط ايده عليكى اكيد انتى عارفة ان دة حرام حرام ودة الشى الكويس انك حاسة بالذنب وعارفة ان اللى بتعملة غلط بلاش كلام فالتلفون وبلاش الامور دى كلها وربنا يرزقك بابن الحلال اللى يسعدك ما ترخصيش نفسك ان واحد يكلمك فالتلفون ولا واحد يحط ايدة عليكى كل دة حرام وربنا يهدينا جميعا

اترك رداً أو حلاً لهذه المشكلة