مشاكل التعليم الجامعي

اختيار القسم المناسب فى كلية الهندسة

دلوقتى انا طالب فى كلية الهندسة جامعة الزقازيق . ايام لما كنت فى الثانوية العامة كان كل حلم حياتى انى ابقى مهندس طيران وكنت دايما بقعد اقرى كتب فى المجال دة وابحث عنه عالنت واشوف افلام وثائقية واروح احضر ندوات لمهندسين طيران كتيير سافروا برا لحد ما تعلقت بالقسم دة اووووى وبقى كل همى فى الثانوية انى ادخل كلية الهندسة عشان ابقى مهندس طيران والحمد الله ربنا كرمنى ودخلت هندسة بس كانت كل مشكلتى انى مفيش قسم طيران فى جامعة الزقازيق وكانت دراسة هندسة صعبة لدرجة انى مكنتش هقدر اجيب امتياز عشان احول طيران القاهرة فصرفت نظر عن الموضوع وقلت ادخل اى قسم فى هندسة وخلاص فجه سبحان الله فتحوا قسم طيران ومركبات فضائية فى هندسة الزقازيق على الدفعة بتاعتى وكانت دفعتى هى اول دفعة تدخل القسم وفرحت جدا واتعلقت انى ادخل القسم بس اهلى قعدوا يقنعونى انى مدخلش وقعدوا يقلولى ادخل مدنى عشان تعرف تشتغل وتلاقى فلوس بعد لما تتخرج انت لو دخلت طيران دى هتعمل واخوك مهندس مدنى هيشغلك بسهولة والكلام الى انتوا عارفينه دة وقدروا يأثروا عليا وقررت انى مش هدخل بس لما جه معاد التقديم فى القسم لانه كان بنظام ال Gpa والقسم الطلاب بيدخلوه من اعدادى هندسة صاحبى ملالى استمارة التقديم من غير ما اعرف لانه كان عاوزنى ادخل معاه وجه اسمى نزل ضمن المقبولين فى القسم والحمد الله دخلت مع انى الى كان مالى استمارات التقديم حوالى 200 واحد خدوا منهم 40 واحد بس وكنت ساعتها فرحان جدا انى دخلت وربنا كرمنى وحققت هدفى وبيت دلوقتى فى اعدادى هندسة الطيران . بس من ساعة لما دخلت وانا مش مرتاح فى القسم خااالص فى اول سنة الى هى اعدادى شلت حوالى 3 مواد وفى مشاكل بتحصلى كدا لوحدى من غير ما اقصد هى الى بتجيلى لوحدى مرة يحصل مشكلة مع رئيس القسم ومرة مع دكتور دة بالاضافة ان فى لخبطة فى القسم كبيرة اوووى بسبب اننا اول دفعة والكل عمال يحذرنى من القسم دة وبيقلولى انتوا هتبقوا فران تجارب هيجربوا فيكوا عشان انتوا اول دفعة والى بحذرنى انى مش هلاقى شغل بعد كدا والكل بينصحنى انى احول اى قسم اعرف اشتغل منه . المشكلة بقى ان انا ينفع احول من القسم دة السنة الجاية لانى فى اعدادى طيرانوينفعى اروح اى قسم تانى دلوقتى المشكلة انى انا اصلا نفسى بعد ما كنت حابب القسم كرهته جدا لدرجة انى معنتش بحضر خاالص ولا عنت طايق الدكاترة الى بيدونا وطايق اى حد من زمايلى الى معايا فى القسم ودلوقتى بفكر احول من القسم واروح قسم مدنى او تشييد زى ما اهلى نصحونى فى البداية . بس انا محتار من انى مش عايز اسيب قسم كنت حابب الدراسة فيه وناس كتير من صحابى من الى فى سنى شايفين انى القسم دة حاجة كبيرة وبيحسدونى عليها وفى نفسى الوقت محتار انى احول قسم تانى اعرف الاقى منه شغل بعد لما التخرج زى مدنى كدا او تشييد .

مشاكل وحلول ذات صلة

اضيف بتاريخ: Thursday, July 13th, 2017 في 12:48

كلمات مشاكل وحلول: , , ,

ردود to “اختيار القسم المناسب فى كلية الهندسة”

  1. ابوالبتول
    04/08/2017 at 14:22

    اخي العزيز هندسة الطيران في الزمن ده ماتاكلش عيش صدقني افضل حاجة انك تحول لهندسة مدني وتبقى مهندس زي اخوك ومستقبلها مضمون وفرص العمل متوفرة سوا في مصر اوفي اي بلد في العالم بعرف زميل لي مهندس في احدى دول الخليج عارف كم راتبه من غير البدلات يقبض مايقارب 30 الف ريال سعودي احسبها بالجنيه المصري غير السكن في شقة فخمة وسيارة اخر موديل وتذاكر سفر مرتين في السنةوتامين طبي له ولاسرته طوال السنة اسمع كلامي وسيبك من هندسة الطيران وحول للهندسة المعمارية المدني وربنا يكرمك ويوفقك ان شاء الله

    قَـيّـم هذا الحل: Thumb up 0 Thumb down 0

اترك رداً أو حلاً لهذه المشكلة