جماعة انا فى مشكلة و محتاجة نصيحة منكم . انا عندى ٢٠ سنة من ٦ سنين حبيت جارى و اتعلقت بيه بطريقة جنونية عارفة انها مرحلة مراهقة طبعا بس الموضوع كا زايد معايا جدا و بشكل مش طبيعى و لما كان بيحصل مشاكل تبعدنى عنه كنت بفكر فى الانتحار و لما اهلى ضغطوا عليا اسيبه جربت انتخر بالفعل و فشل الحمدلله رب العالمين . و هو استغل حبى ليه الشديد ده و مش بس كده ده كان مرتبط باكتر من ٨ بنات و كانوا بيعانوا من نفس مشكلتى و حبى له وانا معرفتش كل ده غير لما حصل اللى حصل و مارست علاقة معاه فى سن ال ١٦ بعد ارتباط سنتين ! و للاسف كنت كل مرة بندم و اصلى وانوى التوبة و يضحك عليا تانى و فضلت كده لغاية ١٧ سنة ! مع العلم انى لسة بنت . و اكتشفت ان كلامه ليا كان بنفس الطريقة مع كل بنت و كل بنت كانت بتخسر نفسها و اهلها عشانه برضو بنفس الطريقة ! و قررت ساعتها انى ابعد عنه تماما الموضوع قلب معايا بعقدة نفسية شديدة و رافضت الارتباط تماما ! و اتعرض عليا عرسان و كنت برفض نهائى و حتى مش بكلم اى ولد ولا حتى كزميل دراسة ! و اتجهت لربنا و كنت متقربة منه جدا ! مع العلم انى عمرى ما حكيت كل ده لأى حد من اصدقائى ! و لما بقى عندى ١٩ سنة قربت من اصدقاء ليا بيشربوا حشيش و خمرة و سجاير ! و ده اللى حصلى فعلا انى شربت كل ده عشان انسى اللى حصلى و بعدت تانى عن ربنا و كنت بعمل اى حاجة معادا انى اكلم راجل او حتى اسلم على راجل ! و بعد بالضبط ٦ شهور من حالت شرب الحشيش و الخمرة ، كلمنى راجل و قالى انه صاحب اللى كنت مرتبطة بيه ده ! و قالى ان صاحبه ده بيحبنى جدا و مفيش واحدة حبها زى و كلام من ده كتير و كان رد فعلى انى مستحيل هرجعله مهما حصل ! صاحبه كان اول راجل يكلمنى من ٣ سنين تقريبا ! و موصفاته كأنها متفصلة على موصفات فتى احلامى ! و فجاءة بقى بيكلمنى بدون سبب و بطل يفتح فى سيرة صحبه لحد ما اعجب بيا زى ما انا كمان اعجبت بيه ! و قرر انه يلمحلى وانا كان رد فعلى انى نفسى جدا بس انت صحبه و هتخسره عشانى ! وانى مستحيل اعمل ده او اوافق بكده! من كتر كلامى معاه و تعلقى الشديد بيه و انه بيحاول ديما يفرحنى ! قررت انى اتحدى اى حاجة و افضل مع الانسان ده زى ما هو عمل كده ! و حبيته بطريقة محدش يتخيلها و لحد دلوقتى انا معاه ! و عوضنى عن كل حاجة شفتها . بس صاحبه اللى كنت مرتبطة بيه قاله على تفاصيل العلاقة اللي كانت بيننا ! و قاله كل حاجة حصلت مبنا ! و مع ذلك قرر انه يكمل معايا و حتى مفتحش السيرة دى تانى من ساعتها و قالى انه مش فارق معاه الماضى ! و كلم ماما و امى كانت موافقة عليه . الغريب ان هو بيحاول كذا مرة انه يحضنى و بيطلع منه كلام زى البوس و الكلام ده ! انا وقفته عند حدوده بس انا من كتر ما كنت كتمة شهوتى من ٣ سنين و انى حبيته جدا للأسف حضنى مرتين و فى المرتين كنت بقوله ميعملش كده تانى و يتقى الله فيا و كلام زى ده كتير و كنت بندم جدا بس للأسف قدر انه يحضنى و ضعفت للمرة التانيه ! وانا خايفة جدا الموضوع يزيد ! و خايفة يكون بيكلمنى لنفس سبب صحبه انه يعمل حاجة معايا و خايفة اوى اضعف ! و مش عارفة اعمل ايه ده غير انه بيتكلم كلام كتير و مبيعملش بيه زى انه هيحافظ عليا و حتى كلامع مع امى متناقض جدا ! انا خايفة من نفسى و منه و مع ذلك مش قادرة ابعد ! و مش عارفة اعمل ايه ! انا كنت لازم احكى قصة حياتى دى لأنى لو محتش كنت حاسة انى هنفجر لأنى عمرى ما حكيت لحد ! و لو ربنا سترنى مش هفضح نفسى ! ارجوكوا بلاش نقد سلبى يجرحنى انا والله تعبانة و فعلا مش ناقصة ! مع العلم انى بقالى ٦ شهور بطلت خمرة و حشيش و عمرى ما هرجع تانى ان شاء الله . انصحونى بالله عليكوا
شوفي يابنتي انا بكون قاسي عليك ولازم تتحمل كلامي ده وتعتبرني زي ابوكي اللي خايف عليك ويهمه مصلحتك جدا انت من البداية كل تصرفاتك علط في غلط ازاي ترضي تتكلم مع راجل غريب عنك وتسمحي له يلمسك ويتمتع بك كانك زوجته انت في نظر الدين زانية وارتكبت كبيرة من كبائر الذنوب وهي -الزنا- ولابد لك من التوبة الصادقة مع الله عزوجل وكثرة الاستغفار اليه والندم على مافات مع عدم الرجوع اليه اما مسالة شرب الحشيش والخمرة فدي ايضا محرمة والحمدلله انك اقلعت عنها للابد وتوبت منها وموضوع انك تعرفت على صاحب ذلك الرجل اللي اغواكي وضحك عليك فانت ايضا لم تتعلمي مماحصل لك وتريدي العودة لماضيك الاسود اقطع علاقتك به نهايا واتقي الله في نفسك وفي شرفك وفي سمعة اهلك وكرامتهم وتاكدي انه لافرق بينه وبين صاحبه ذلك السافل الواطي وعمره مايحافظ عليك ولايقدرك ابعدي عنه نهاية وحافظي على سمعتك وسمعة اهلك وتاكدي ان الله عزوجل بيكرمك بالحلال بالزوج الصالح اللي يخاف الله فيك ويسعدك في هذي الحياة اياك والاستمرار في العلاقة المحرمة معه اوغيره والله يستر عليك ويصلح حالك ويهديك
اختي الكريمة، الشخص ده كذاب واستغل معرفته بتفاصيل علاقتك معىصاحبة ويريد تكرار القصة معك، لو استمريت معه ستخسرين دينك وشرفك واخلاقك وسمعتك وأهلك، وعلى فكرة أسهل حاجة على الشباب إنه يكلم أم البنت عشان تتطمن، لكن الجاد منهم يجيب أهله ويكلم أبوها وأخوها لأنه يعرف إن الرجل يفهمه رجل زيه، لا يا اختي الرسول صلى الله عليه وسلم يقول ( الخمر أم الخبائث )( وما أسكر كثيره فقليله حرام)، عود إلى الله وهذه أشهر مباركة الحسنة فيها مضاعفة والسيئة كذلك، ابتعد عن هذا الطريق واكثر من الاستغفار والدعاء، واعلم يقينا أن نصيبك سيأتيك إلى باب بيتك، وأن الله يعطيك الفرصة تلو الأخرى وإذاكررت الخطأ فستقعين في الهاوية
انا شاب اهو وبقولك الشخص التاني دا شهواني زي صاحبه
ومفيش حد يتزوج من واحده سبق ومارست العلاقه مع حد هو يعرفه دي مسأله شرف واحنا كمصريين بنيجي عند النقطه دي ونقول ستوب , صدقيني لو مقفلتيش باب الشخص التاني دا , هتندمي ندم عمرك
وقربي من ربنا اكتر