الحب من طرف واحد

حبيته من طرف واحد ومش عارفة انساه

انا بنت عندى 17 سنة انا بحب واحد اوى من طرف واحد ولا اعرف هو يحبنى ولا لا هو لما بيشفنى بيبصلى اوى وبيزعل لما مش ببصلة فى اوقات كنت انا بزعل منه وهو ميعرفشي لية وكنت ببعد عنه وكنت بحس انه زعلان وانا بعيدة المشكلة انة بتاع بنات حتى صحابى لما بيروحو عندة بيهظر معاهم وهما بيجوا يحكولى حولت كتير ابعد عنه بس معرفتش لانى بشوفوا كتير وان عرفت انوا فية وحدة معاة ومع ذلك معرفتش ابعد عنه هو اساسا كان الى بادى الحكاية معايا بس عمرة متكلم معايا فى حاجا كان قايل لصحابة عليا من اول مرة شفنى فيها انا قررت بعد كدة انى اصرحلة بحبى قلتلة كل حاجة فى ورقة بعد كدة مكلمتوش خالص ولا هو كمان كلمنى بس بطل حجات كتير كان نفسي انه يبطلها متلا بطل يهظر مع صحابى ولما بروح عندة بيضحكلى من بس مش عايز يبين انا حسيت انه عيزنى ابعد فبعدت وبعدين لقيتة بيكلم صحبتة فى الموبيل وبيبصلى انا زعلت و انا دلوقتى بعيدة عنوا اوى وبحاول انساه بس مش عرفة اعمل اية ارجوكوا ادونى حل

مشاكل وحلول ذات صلة

اضيف بتاريخ: Thursday, January 13th, 2011 في 01:49

كلمات مشاكل وحلول: , , , ,

13 رد to “حبيته من طرف واحد ومش عارفة انساه”

  1. دموع الورد
    19/07/2011 at 01:43

    بصى انا بنت زيك وعايزة اقولك انه طالما مقلكش انه بيحبك يبقى عمره محبك …, هى حقيقة مرة ولكن لازم تعرفيها لانى مرضتش اصدقها فى يوم من الايام وللاسف فقت على صدمة انه راح اتقدم لصاحبتى مع انه كان برضو بيبص لى ومعجب بيا بس مش عايزاكى توهمى نفسك لازم تبقى اقوى من كدةوتدوسى انتى على قلبك بدل ما تتصمى صدمة عمرك

    قيم هذا الحل سلباً او ايجاباً: Thumb up 8 Thumb down 3

  2. alaa
    30/06/2011 at 10:59

    لازم انتي تصارحي بحبك كرمال انتي ترتاحي

    قيم هذا الحل سلباً او ايجاباً: Thumb up 1 Thumb down 4

  3. انا مسلمة مصرية
    14/06/2011 at 14:29

    بصى انا كنت زيك والله ومش كنت عافة انساة ولحد دلوقتى لسة مانستهوش بس انا ما قلتلوش ولا لمحتله خالص عشان ادنى محافظة على كرامتى وهو اعجب بيا موت لما شافنى مؤدبة ومابكلمش اولاد . انا لسة بحبه بس جو قلبى ماحدش يعرف خالص من اصحابى ولا من اهلى لا بسيطر على نفسى كويس ولما بلاقى نفسى مش قادرة بسمع اغانى بتعبر على مشاعر ي تجاهة فبستريح من كدة . الحل انك تجلسى مع نفسك شوية وتفكرى فية وتتخيلية قدامك فكل مرة هتزهقى وتقولى هنساه والله انا عملت كدة ونفع ماعنتش متعلقة بية زى الاول مع انى لسة بحبة بس مش زى الاول . وانا موافقة كلام الاخ زملكاوى كلامة جميل جدا وانا ماشية من الاول على مبداة من قبل ما اشوف كلامة مع انى اهلاوية هههههههه . ربنا معاكى ياحبيبتى وحاولى

    قيم هذا الحل سلباً او ايجاباً: Thumb up 7 Thumb down 1

  4. زملكاوى
    21/01/2011 at 02:46

    وانتى ايه اللى يجبرك تحبى حد بالشكل دا ؟
    ايه مبدأك فى اختيار الحبيب ؟
    مش لازم يكون كويس و ملتزم الى حد ما حتى واخلاقه تمام وشم بيعرف بنات وخلاص كدا ؟
    وبعدين بنبص على صفات و حاجات تانيه
    انما دا مش عنده اساسيات الحبيب يبقى ازاى يتحب ؟
    سيبك منه وركزى كدا مع نفسك وقربى من ربنا
    وبجد والله البنت اللى بتعرض نفسها ع الولد بينزل من نظرها بعد فتره لما يبدأ الموضوع يدخل فى الجد بالنسبة لتفكيره
    انما انتى تعيشى بين الناس معززه مكرمه واللى عايزك يجيى عندك ويكلمك ويقلك على مشاعره وكمان يبقى فى ارتباط مش حب مش حالك بتاع اليومين دول !!

    حل مناسب حسب التصويت. وانت ما هو رأيك? Thumb up 12 Thumb down 2

  5. NO LOVE
    20/01/2011 at 20:41

    بصى انا مش هقولك انسية او ابعدى عنة لان مافيش حاجة بتيجى بسرعة او بسهوله كدا اصل هو مش كيلو قوطة وبقولك اعصرية لاده حب بس انا بقولك عيشى حياتك عادى وعيشى فى المود مع اصحابك وحبيبك وخروجى واتفسحى وعادى جدا لحد ما هتلاقى نفسك لقيتى الانسان اللى يستحق فعلا كلمة بحبك ومتسرحيش حد بحبك الا لما يجيى ويقولك هو بحبك وسعتها تفكرى الاول مش مرة وحده لا مرة واتنين وتلاته لحد لما تعرفى راسك من رجليكى ومتقلقيش من حاجة ابدا وكمان لو هو رجعلك اوعى ترجعيلو لان مش اللى تحبية خالص منصحكيش لان اللى فية عيب ميغيرهوش حتى لو بان قدامك ان هو اتغير لا خالص من وراكى هتلاقية بيلعب بديلو وخدى بالك بعد كده والدنيا تجارب وانتى لسة صغيرة وياما هتشوفى بلاوى

    قيم هذا الحل سلباً او ايجاباً: Thumb up 7 Thumb down 2

  6. dr:smsm
    15/01/2011 at 14:24

    خدى حذرك من هذا الشاب لانه من طريقة كلامك انوا بتاع بنات وهيخدك زيك زى اى واحدة عرفها
    صدقينى

    قيم هذا الحل سلباً او ايجاباً: Thumb up 6 Thumb down 3

  7. mido
    15/01/2011 at 03:27

    نفس اللى حصل معاكى ده حصل معايا وانا فى الثانوى كنت حبيت بنت من تانيه اعدادى وكنت بشوفها كل درس وكنا بنبص لبعض بس مكنتش بقدر اكلمها لانى خجول وفضلنا كده لحد الثانوى وزاد حبى ليها بطريقه غير عاديه وكنت حاسس انها بتبصلى بردو وبتبادلنى نفس الاحساس بس مقدرتش اكلمها وخلصنا الثانوى ودخلنا الجامعه ومشوفتهاش تانى انا دلوقتى فى تانيه جامعه جيبت رقم بيتها بالصدفه من واحده صحبتها وكلمتها وهى مش فاكرانى وخدت الموبايل بس المشكله انها فهمتنى غلط بسبب واحد صحبى رحت قابلتها فى الجامعه قالتلى انسانى وهى متعرفش لحد دلوقتى انى حبيتها ولا بحبها انا عايز اقولك مش انتى لوحدك اللى متعزبه الحب من طرف واحد عزاب ملوش حل انا بحاول انساها بس صورتها مبتفارقش خيالى نفسى اقولها على الحقيقه بس ازاى انا عايز اقولك انسيه ولو مش هتقدرى واكيد انتى مش هتقدرى لانك بنت ومينفعش البنت هى اللى تقول للولد اانا بحبك والا هياخد عنها فكره مش كويسه وهتقلى من نظره اتركيه وبكره تلاقى حد يحبك وهو لو بيحبك صح هيصارحك زى منا بفكر اصارح اللى بحبها

    قيم هذا الحل سلباً او ايجاباً: Thumb up 10 Thumb down 2

  8. توتا
    14/01/2011 at 22:03

    بصى يا قمر اللى انتى فية دة مش حب انتى فى سن مراهقة لما كنت قدك كنت فاكرة انى بحب واللة لما كبرت قاعدت اضحك على اللى انا كنت بعملة واللى انتى حاسة بية دة عشان انتى عاوزة كدة ممكن يكون الموضوع عادى ولو هو معجب بيكى كان راح قال لصاحبتك انة معجب بيكى لاكن دة متكلمش يبقى عادى فاكرى فى مزاكرتك ومتقلقيش بكرة تكبرى وتنسى

    قيم هذا الحل سلباً او ايجاباً: Thumb up 6 Thumb down 3

  9. ميرو
    13/01/2011 at 19:29

    بصي ياختي كل حب بدون الله فناء الا الحب فى الله بقاء

    قيم هذا الحل سلباً او ايجاباً: Thumb up 6 Thumb down 5

  10. ماجى
    13/01/2011 at 14:45

    بصى الحب من طرف واحد فعلا حاجه محيره جدا ومعذبه بس مقدرش اقولك حاجه غير انك تسيبى كل حاجه لله ولو ليكى نصيب فيه اكيد هتاخديه وربنا يريحك وبردو حلولى متغشغليش نفسك بيه اوى علشان حتى لو مفيش نصيب متتعبيش ربنا يقدملك اللى فيه الخير

    قيم هذا الحل سلباً او ايجاباً: Thumb up 4 Thumb down 4

  11. عماد
    13/01/2011 at 11:38

    بصى يا انسة انا فى سن المراهقة زيك وعارف حب المراهقة بيكون عامل ازاى مازالت اعانى منة حتى الان
    لاكن حب من طرف واحد صعب جدا وعزاب لكى وراحة لة

    قيم هذا الحل سلباً او ايجاباً: Thumb up 7 Thumb down 3

  12. همسة
    13/01/2011 at 02:42

    السلام عليكم …اولا انتي في سن مراهقه والحب في الوقت ده بيكون حاسس شوي بصي لو انتي عاوزه تعدي عنو بجد يبقي اشغلي نفسك بمليون حاجه …وقربي من ربنا وحطي في دماغك حاجه هتريحك جداااا انو لو نصيبك يبقي لو بعد عشر سنين هيكون ليكي حتي لو مقلتيش ليه ولا كلمه واحده لان الحاجات دي بايد ربنا …خالي دماغك حاليا في الدراسه ..ومستقبلك ..ولو انتي بتقولي بتاع بنات يبقي ربنا بيحبك انو هو بعيد عنك يمكن ياذيكي ..ومش عاوزه اسيء الظن فيه لانو شب ومراهق هو كمان اكيد يعني مسالة كلام البنات والتلفونات تسليه عندوا وبتثبت رجولتوا …انا لما كنت في عمرك انا حاليا 23 كنت بحب برضوا ..بس والله لما هتكبري وعقلك يكبر وتنضجي وتفهمي حاجات كتيره في الحياة هتعرفي انو مكنش حب حقيقي ..اصبري وبكره هتعرفي الحب الحقيقي ..مش مجرد نظره وابتسامه وكلمة بحبك يبقي هو ده حب .. لا الحب اكبر بكثير بكثير ..ربنا يوفقك ياقمر وينجحك ..وابقي ردي وقولي حصل معاكي ايه ..وربنا يكتبلك اللي فيه الخير ويبعد عنك كل شر ..سلام

    قيم هذا الحل سلباً او ايجاباً: Thumb up 7 Thumb down 1

  13. عمرو المصري
    13/01/2011 at 02:42

    بصي ياانسه هقولك الحب من طرف واحد عذاب وانتي شكلك مش متاكده من حبه ليكي يبقي احسن سيبك منه

    قيم هذا الحل سلباً او ايجاباً: Thumb up 6 Thumb down 3

اترك رداً أو حلاً لهذه المشكلة