تفسير الاحلام

تفسير حلم السقوط من مكان عالي

حلمت انى فى مدرستى ( ومدرستى دى انا بكرهها جدا ) وكانت الدنيا زحمة اوى وانا عمالة اطلع السلالم لحد ما وصلت الدور التالت وبعدين السلالم خلصت وكان فيه فراغ كده ولازم تنط عشان توصل للناحية التانية ومعظم الناس نطت فعلا بس انا لما جيت انط قمت واقعة بس قبل ما اوصل للارض صحيت مخضوضة من النوم

ياترى ايه تفسير الحلم ده ؟ وعلى فكرة اتكرر مرة تانية انى بقع برده بس فى مكان تانى وبرضه صحيت قبل ما اوصل للارض

يارب الاقى رد ويكون خير

مشاكل وحلول ذات صلة

اضيف بتاريخ: Monday, January 24th, 2011 في 06:39

كلمات مشاكل وحلول: , ,

10 رد to “تفسير حلم السقوط من مكان عالي”

  1. غريبه الاحلام
    22/05/2014 at 21:56

    انا بردوا حلمت كتير اوى انى بقع من الدور الرابع من وانا صغيره بيتكرر الحلم ده معايا لحد ما كبرت بس لما بقع انا اللى برمى نفسى وبكون عارفه انى مش هموت وفعلا بنزل على رجلى من الدور الرابع وبهرب دايما من ناس بتجرى ورايا وبتمنى لو الاقى تفسير للحلم ده ودايما الناس دول مش بيمسكونى وبفضل ادخل فى اماكن كتير عشان اهرب وبيستمر الحلم على كده كل مره

  2. الحلوة انا
    05/08/2013 at 08:47

    الحلم ده كتيييييير من الناس بحلموه واغلبيا كلهم وده معنناه ان العقل والجهاز العصبى بينبه الانسان لان كل الاعضاء واولها القلب كانت ستتوقف عن ضخ الدم اى ان الانسان كان هيموت والله تعالى اعلم

  3. عبدالاله عبيده
    27/08/2012 at 05:17

    وانا كمان نفس الشيئ احلم أني اقف على برج الفيصلية واقع صار معي حوالي٦مرات

    والله العليم

  4. الزناتى
    21/12/2011 at 02:05

    بنسبةللوقع من على مكان عالى هو سحر او جن مكلف فعليك قبل النوم قراة الرقية الشرعية واستغفر اللة ولم لاتعرف الرقية فقراء اية الكرسى وسورة الاخلاص والفلق والناس 3 مرات وان شئ اللة ستشفين باذن اللة تعالى

  5. nadeen
    27/07/2011 at 01:54

    شو حلم اني بكون في مرتفع عالي وفجاءة بنزلوا الناس اللي جنبي بس انا ما بنزل الا بطريئة ما بتخليني اموت وهدا الحلم دايما بيجيني لاني معي فوبيا من المناطق العالية

  6. ريتاج اسامة
    14/02/2011 at 03:13

    هو انا اعرف ان الصعود فى الحلم دة خير جدا للشخص اوك؟
    والمدرسة كمان يعنى خير جدا جايلك
    والله اعلى واعلم بس في شيئ انتى او انت خايف منة جدااااااااااااا شيئ بتكرهة

  7. جني
    13/02/2011 at 23:28

    مرحبا: العلم نور والجهل يهدم وانتي بحاجة الى جهد للتقدم في الحياة في كل المجالات يجب ان تنقذي نفسك بيدك لا تكرهي المدرسة ولا تكرهي العلم لانه اساس التقدم والنجاح وبعض السقوط في المنام يكون عمل سحر اذ كان فيه شيئ من الفزع والله اعلم.

  8. محمد
    26/01/2011 at 08:53

    ده معناه ان في مدرستك في حاجات بيدرسوهالك غلط وتتنافى مع الدين والناس في الأغلب بتدرسها بس مش بتصدقها بس انتي مصدقاها.. يعتي مثلاً نظرية النشوء اللي هي مجرد نظريه مش مسلّمة… يعني مالهاش اساس…. فلازم تاخدي بالك لان فيه حاجات ندرسها مش مزبوطه وهي مجرد نظريات.. والله أعلم.

  9. الأحلام الضائعة
    24/01/2011 at 08:31

    وانا حاسس ان حلمي برضوا تفسير المجلة لية صحيح لأني طول عمري خايف من الفشل وحاسس اني كل ما بدخل مرحلة في حياتي بفشل فيها مهما كانت هي اية يعني حاسس اني فشلت في كل حاجة في حياتي علشان كدة على طول الخوف من الفشل ملازمني علشان كدة ديماً بشوف نفس الحلم وبيتكرر معايا كتير

  10. الأحلام الضائعة
    24/01/2011 at 08:28

    الأخت العزيزة بصي أنا بحلم نفس الحلم بتاعك دة بالظبط بس مع الأختلاف في الأماكن أنا بحلم أني فوق ناطحت سحاب وكلها عبارة عني ممرات ضيقة والعمارة كلها من غير حيطان وانا بمشي على ممر من الممرات دي بسقط في قرار مالهوش نهاية وبصحى كارة نفسي سألت ناس كتير في اللي قالي انت بعيد عن ربنا يعني مابتصليش ومش ملتزم أوي ودة صحيح مع العلم اني مش بعمل حاجات حرام غير تقصيري في الصلاة وفي ناس قلولي دة خوف من شيئ معين لغايت ما في يوم بالصدفة وقعت في ايدي مجلة فيها جزء بيتكلم عن الأحلام حسيت ان تفسير الحلم دة في المجلة حقيقي وهو اللي بيخلم بالسقوط من مكان عالي بيكون خايف من الفشل وحاسس أن دة صحيح لأنك قولتي انك بتكرهي مدرستك جدا وعايزة تعديها ومش عارفة او خايفة تفشلي فيها وهو دة اللي شوفتية في الحلم من السقوط في نهاية السلالم ومش عارفة توصلي للنحاية التانية زي باقي الناس

اترك رداً أو حلاً لهذه المشكلة