تفسير الاحلام

تفسير معنى الحذاء في الحلم

.. انا انهاردة خير ان شاء الله حلمت حلم و عاوزة تفسيره لأن فى نقطة فيه اتكررت كذا مرة
هحكى كل اللى حصل فيه لأنى معرفش ايه اللى ليه لازمة احكيه و ايه لا
أنا حلمت انى فى يوم فرحى و لابسة فستان فرح أبيض طبعا و حلو جدا و كنت قلبوظة زى ما انا
و ان عريسي كان شاب أهله كلهم مش بيحبونى و لما شافونى كانوا متدايقين منى اوى بس هو كان مبسوط
و مش ملتفت لكلام حد كأنه مش سامع و لا شايف
و أنا إتدايقت شوية و بعد كدة تجاهلت
المهم إن بابا لما خدنى من تحت بيتنا يوصلنى للمكان اللى فيه استديو التصوير كان العريس مش موجود
و عرفت انه بيتصور مع اخوه لحد ما أوصل أنا
المهم انى فضلت واقفة لوحدى خالص و معايا ماما و بابا بس من عيلتى كلها محدش غيرهم موجود
و الباقى عيلة العريس ..
بعد شوية انا زهقت قولت هطلع استناه فوق عشان مفضلش واقفة فى الشارع و طلعت لوحدى و دخلت استوديو و اللى فيه بيسألنى انتى جاية لوحدك او مستنية حد
فا قلتله انه العريس بيتصور !! فا طلع انى طلعت استوديو غلط .
و نزلت تانى وقفت فى الشارع و كنت بدأت اتخنق و عايزة اعيط بقا
المهم العريس بعدها بشوية نزل مع اخوه عشان ياخدنى و نطلع نتصور
و كانوا كل اهله واقفين فى ممر كبير كدة على الصفين و مخنوقين منى كأن غيرانين او مستخصرينه فيا
معرفش .
كنت انا واقفة فى اول الممر ده و هو جاى بس انا كنت على حتة عالية جدا طولها بتاع متر مثلا
و مفيش سلالم
و كل الناس عدوا و نزلوا الممر الا انا فضلت واقفة مستنية عشان مش عارفة انزل
فا هو جه من بعيد شالنى و نزلنى و مشينا فى الممر ده عشان نروح نتصور
و طلعنا عند المصور مستنين نبدأ و كدة فا و احنا مستنيين كان شكله ” العريس ” متدايق و مالل كدة
و بدل ما يقعد على كرسي نام على الارض بالبدلة ! و انا اتدايقت انه قعد كدة
فا سبته و قعدت برا بعيد عنه و ببص لنفسى فى مراية طويلة جمبى كدة و انا قاعدة
فرفعت الفستان شوية لقيت انى لابسة شراب اسود فوال اللى هو العادى بتاع الخروج
و جزمة سوداء مش بيضاء !!!
فا اتدايقت جدا لأن طبعا مش نافعين مع الفستان مع انهم مكانوش باينين خالص قبل كدة .
..
لحد كدة الحلم خلص

الفكرة اللى قلقتنى من الحلم و خلتنى معتبرهوش تخريف
إن حلم الجزمة اتكرر قبل كدة من فترة كدة فى اخر شهر مارس كنت فى المنصورة بحضر فرح بنت عمى
و حلمت انى و انا رايحة المدرسة وقفت عند محل جزم قعدت اقيس كل الجزم اللى فيه
و معجبنيش ولا جزمة و فى الاخر لبست واحدة و خلاص و مكانتش جزمة مدرسة كانت عالية جدا جدا بس كانت عاجبانى
دى حاجة
تانى حاجة بقا ان الجزمة اللى كنت لابساها فى الحلم ده تحت فستان الفرح هى نفس الجزمة اللى لبستها فى الفرح ده ” فرح بنت عمى” و كانت جات بعد معاناه فى التدوير على جزمة هناك و ملاقيتش حاجة عاجبانى
و مش انا اللى اشتريتها .. مرات عمى هى اللى جابتهالى هدية

..
اسفة طبعا جدااااااااااااااا لو قولت تفاصيل ممله و ملهاش لازمة بس انا كنت بوضح الصورة و الحلم ..

مشاكل وحلول ذات صلة

اضيف بتاريخ: Friday, June 1st, 2012 في 11:43

كلمات مشاكل وحلول: , ,

3 رد to “تفسير معنى الحذاء في الحلم”

  1. aziza
    02/10/2012 at 09:40

    الحذاء في المنام يدل على السير والسفر

    قَـيّـم هذا الحل: Thumb up 2 Thumb down 1

  2. ساحرة العيون
    19/06/2012 at 10:41

    وانا كمان والله واعلم اعرف وانو الجزمة عريس وطول الكعب يعني الرقي او طول العمر والله واعلم وانو بدو ييجيكي عريس عن طريق مرة عمك لانو بتحكي انو مرة عمك جابتلك هدية واحنا كلنا منعرف انو الهدية في المنام خطبة والله واعلم وانشالله خير

    قَـيّـم هذا الحل: Thumb up 2 Thumb down 2

  3. dream
    03/06/2012 at 03:42

    أنا سمعت والله أعلم أن الحذاء يعنى:
    العريس، الراجل عموما،أو زوج المستقبل،أو خطيبك ……
    الله أعلم وربنا يوفقك

    قيم هذا الحل سلباً او ايجاباً: Thumb up 7 Thumb down 3

اترك رداً أو حلاً لهذه المشكلة