مشاكل الزواج

اشعر ان خطيبتي لا تحبني هل اتركها

احببتها بصدق و تقدمت اليها فى البيت بدون ان اتحدث اليها فى الجامعة و تمت الخطبة وكتبت الكتاب خلال ثلاثة شهور فقط إلا اننى اشعر ان خطيبتي لا تحبني وانى مش فارق معاها و لو سبتها هتلقى افضل منى لديها عزة نفس شديدة ولا تقول لى كلمة حب تكتفى بالصمت حتى ظننت ان هناك شخص اخر تحبة و صرحتها إلا انها تقسم لى انى أول واحد فى حياتها ماذا افعل
امها و اخوتها بدؤ يشدو معى فى الكلام و انا مستحمل كل هذا من اجلها فكرت فى الانفصال إلا اننى كل مرة اتراجع لانى احبها
كلما اراها تشدنى اليها و عندما ابتعد عنها العنها فى نفسى اشعر انها اقوى منى رغم انها بتسمع الكلام بس احساسى انها بتتقل عليا من الاخر
عاوز اكون قوى امامها افيدونى بسرعة

مشاكل وحلول ذات صلة

اضيف بتاريخ: Thursday, January 13th, 2011 في 02:29

كلمات مشاكل وحلول: , , , , , ,

33 رد to “اشعر ان خطيبتي لا تحبني هل اتركها”

  1. Youssef Sabyh
    14/05/2021 at 00:16

    انا نفس الرجال اعيش نفس شيء خطبت بعد الخطوبه في مره سا فرة لم تقول قالت مع اهلي هي خرجت مع اصدقاء اليوم حصلت عندها فيسبوك ما كنت اعرفها حصلت عندها شباب كثير في واحد كانت معاه حصلت عندها ليوم العيد انا برغم ضروف جيت من الشغل تعبان نمت صباح حصلت كنت خليت لها رساله تهنئت العيد ردة علي اليوم كامل ما فتحت احسها ما تحبني رغم اني اعملها اكثر من اختي على فكره انا مو ف بلدي اشتغل بره البلد سويت خطوب الحين صرلي سنه تعرفت عليها في الفيسبوك الى يقدر يساعدني الله يجازيه بألف خير

  2. سامي
    16/02/2021 at 14:22

    كل اللي قريتو من أولاد و بنات فهمت و لو جزءيا المشكلة.
    إما إنو العلاقة غير ناضجة أو أحد الطرفين غير ناضج.
    من رأيي أنو إذا شفت نفسك بتدي أكثر ملي بتاخذ فتأكد أنك في علاقة حب من طرف واحد.
    إذا كنت ذكر أو كنت أنثى ، حافظ على قلبك لأن القلب مهما صار فيه صلح أو تفاهم “متأخر” بعد جهد جهيد فإنه لن ينسى ما مر به.
    أنا زيكم مريت بنفس التجرية و أكثر منكم كمان.
    أنا وصلت سامحت في الخيانة إلي هي أقصى ما يمكن تجربتو في علاقة الحب.
    و كانت كلمة بحبك “الكلمة السحرية” تنسيني كل ألم.
    لا تصدقو الكلام ، صدقو الأفعال.
    تعاملو بعقولكم أكثر من قلوبكم.
    لا تتجاهلو التفاصيل أبدا.
    لا تغفرو تقلب المشاعر الفجئي من الشريك ، لأنه إشارة واضحة على التلاعب بمشاعركم و تتفيهها.

  3. رمرم
    26/10/2016 at 04:25

    الحب واضح وضوح الشمس أتركها

  4. منعم
    19/10/2016 at 11:17

    اذا اردت شيئا بقوه.فاطلق سراحه ..فان عاد اليك فهو ملكك الي الابد..وان لم يعد فهو ليس لك من البدايه ..يعني محدش هياخد اكتر من نصيبه

  5. احمد
    21/06/2016 at 13:41

    انا بقي مشكلتي مع خطيبتي انها دايما ساكته ومش بتحكيلي حاجه وفي نفس الوقت بتزعل لو اخرت عليها ومكلمتهاش واحياناكدابترمي كلام وخلاص بحس بيه اني مش فارق معاها

  6. مصطفى
    05/02/2016 at 12:21

    والله انا نفسك وقرأت حلول الناس الموجوده ولقيت انه هو حل واحد انك تتقل عليها. وشوف هى هتعمل ايه لو رجعتلك بلهفه يبقى دا شيطان جواك وحاول تتخلص منه وربنا يوفقك

  7. القلب الحزين
    22/10/2015 at 00:58

    انا بحب بحب بحب باخلااااص وفى بعض الايام بعد الخطوبة اعترفت لياااا انا كانت بتحب واحد 3سنين وكرهتوة وقالتلى انا بحبك انتا وبعد بشهرين لقتا بتكلمنى وبتعيط ماللك انا انا ال لى كنت بحبو الاولانى انا سبتو فى ظروف صعبة -بعد كدا قلبت الدنيا عاليها من اهلها فقلولها انتى بتحبى محمد قالت اة انا بحبو عاليا انا جات الايامدى ضربااا بوز حاسس انى انا ولاا حاجة بالنسبة ليهااا بس بقولها ماللك زعلاانة من اية بتقولى ولهى ولهى مازعلاانة بس الكلاام وراة حاجة اجبها يمين اجبها شمال تقولى مافيش حاجة -انا عاوز واحد يقولى اعمل اية عالشان انا مخنوق وبحب بحب بجد مش عارف اعمل ايااا انا نفسيتى تحت الصفر عاوز باللة

  8. محمد
    01/11/2013 at 14:39

    ده جواز وانت مترميش نفسك على حد(من حبنا حبناه وصار متاعنا متاعه ومن كرهنا كرهنا يحرم علينا اجتماعه) لو عايز العلاقه تظهر على حقيقنها اعتبر نفسك انك فركشت الخطوبه بينك وبين نفسك وعاملها بقسوه وشوفها هتستحملك ولا لا

  9. محمود العبد
    09/09/2013 at 22:44

    اتقلوا ايها الشباب البنات دى بتدلع زيادة عن الزوم

  10. حسام
    16/07/2013 at 16:38

    بص يا عم عشان اريحك وراحتك مع ربنا وانا مجرد رسالة وهقولك الحقيقة فين
    عشان تسأل عن الحب لازم تكون عارف ايه هوة فن الحب وايه اعراضه الحب لهفة اشتياق مكالمة بنتهي بصعوبة بين الطرفين رسالة حلوة معبرة من حين للتاني تنازل عن بعض الحقوق ولما يحصل كدة صدقني هتبص في عنيها هتشوف نفسك فيها ايوة هتلاقي نفسك حقيقي وهتبقي واثق من نفسك مفيش بنت مش بتحب ومفيش بنت باردة الا لما يكون قلبها خالي واقصد خالي يعني لسة ملقتش اللي يحرك قلبها وبكلامك دة ومن غير اي شك انها مكش بتحبك ومدام بتعرف تغيب يبقي مش بتوحشها ومداد مش بتوحشها عمرها ما هتتألم من الوجع بسبب اللهفة عليك زي ما انت موجوع وبتكتب هنا كدة فتش وراها الاول خصوصا انك كاتب كتابك ولو اتأكدت انها بتحب غيرك طبعا موضوع منتهي ولو اتأكدت انها مش بتحبك مش اكتر وبس يبقي شوف البت عشان تحب محتاجة ايه واعمله وخليها تحبك يعني المطلوب تفتش وتعرف في حد في حياتها ولا لاء راقب تليفونها لو فودافون وطريقة المراقبة سهلة ومعروفة راقبها هيا نفسها لو قدرت نصيحة اتفرغ لها شهر كفاية عشان دة قرار مصيري ولازم يتحسم وربنا يوفقك

  11. ش
    26/05/2013 at 20:50

    كلامك جميل ومفيد جداوكل اللي انت قولته حصل قبل كده ونجح كتير بس انا بحب وحده عندها 16 سنه وانا شخصيتي قويه جدا وواثق من نفسي قوي بس ضعيف جدا قدامهاومهتم بيها قوي لدرجة ان غابة عليه اسبوع من غير ماشوفها ومسكت سكينه وعورت نفسي في ايدي ومش عارف هي بتحبني ولا لا بس بتتقل عليه قوي

  12. احمد
    03/05/2013 at 19:46

    بص يا باشا انا كنت زيك كده وكنت خاطب ونفس موضوعك بالظبط بالعكس انت يمكن قصتم مجرد برود خطيبتك مش خيانه او حب تانى انصحك لوجه الله تعالى اتركها فورا مفيش واحده هتعترف انها بتحب واحد تانى غيرك مهما اكدت ليك الكلام ده وان بعد الظن اثم بس مفيش واحده هتعرف بكده تمام .. دلوئتى الزواج بقى صعب جدا والواحد اول ما تلاقى واحد جاهز على الرغم من انها ممكن تكون بتحب واحد تانى هتلاقيها زى ما تكون لقيت كنز وهتوافق فورا بس مش معنى موافقتها انها بتحبك او ان مفيش حد تانى فى حياتها ,, ربنا يوفقك وانصحك انك تبتعد وتسيبها فورا

  13. عاشق الجنة
    13/04/2013 at 18:02

    السلام عليكم اولا : بص انا هقولك حاجة واحدة بس هو انت ممكن تاخد خطيبتك حتى لو مش بتحبك؟؟
    افتكر طبعا لا.صح يبقى لازم تتقل عليها وتعرف هى بتحبك او ع الاقل عندها استعداد تحبك او لا وفى كلتا الحالتين انت الكسبان يعنى لو تقلت عليها وليتها فعلا بتحبك يبقى انت عرفت الحل ولو حسيت انها مش بتحبك تبقى برضوا كسبان عشان عرفت دا بدرى وتقدر تشوف حب تانى يقدرك ويقدر قلبك الطيب.زع فكرة البنات كتير اوى اوى بس هى فين اللى ممكن تتغير عشانك او عشان بتحبك وشكرا

  14. محمود
    17/12/2012 at 02:14

    لو هيا تنفع للجواز اجوزها وريح دماغك

  15. مصرى وافتخر
    02/09/2012 at 15:11

    انا مثلك تماماوبجد التقل جاب معايا نتيجة وعايشيين والحمد لله وسنتزوج العيد القادم باذن الله

  16. APo star
    25/06/2012 at 13:39

    بسم الله الرحمن الرحيم
    فعلا دي مشكلة تقابل الكثير من الشباب
    والحل لهذة المشكلة. من وجهة نظري.
    اولا. اول حاجة لازم تكون مؤمن. بها اني الي يحبني
    هحبة. والي مش هيبكي. عليا مش هبكي علية والي مش
    هيحترمني. مش هحترمة. والي ميقدرنيش. مش هقدرة
    والي ميهنشي. علية زعلي ميلزمنيش. والي عايزني انا عايزة
    اول. حاجة. تعملها. انك متعديش الصغيرة. منها مثال متتصلشي
    عليها. خالص. ولما تتصل هيا. هتسالك متصلتش لية قووول لها. انا متصلتش
    كان من المفروض انك تتصلي وتسالي. مش داة الصح ولا انا غلطان. وهكذا في كل الامور
    امشي. علي كدا ودائما. لما تكلمها. خليها تقدمك. التقرير. ولو شفت فية حاجة غلط
    مارس حقك بالنصيحة. وصغرها امامك.
    كان المفروض كذا. كان المفروض تستاذنيني
    وعلي كدا. وخليك. زي الاستك. شدة ولما يقرب ينقطع. ارخي شوية والبنات زي الظل الذي امامك
    كل ماتجري وراة يجري امامك ولو وقفت. يقف عندك وربنا يعينك.

    والي مش عايزني انا مش عايزة.

    دي أشياء. لازم تكون في اعتبارك.
    نيجي للمشكلة.
    اولا عامل الشخص. كما يعاملك. حسسها بان داة غلط
    عن طريق نفس المعاملة .
    واعتقد بان  

  17. ahmed
    13/03/2012 at 15:43

    البنات اليومين دول ملهمش امان والله البنت ممكن تحب واحد وعشره كمان (لا تأمن شمس الشتاء ولا دموع النساء) نصيحه ابعد عنها دور على غيرها هتلاقى اللى احسن منها

  18. محمد
    06/02/2012 at 19:32

    بص يا سيدى انا فى نفس مشكلتك دى بالظبط .. بحبها حب اسطورى وهى بقى مجننانى ساعه بتموت فيا وساعه مش شيفانى اصلا او بمعنى أصح بتقولى ساعات بنسى انى مخطوبة .. بعمل معاها كل اللى اقدر عليه واكتر والله بدون مبالغه برحم نفسى من حاجات كتير عشان اجيبلها هى حاجه تسعدها
    اذا زعلت مش بخليها تنام الا لو انا مصالحها لو انا زعلت بقى بدور على اقرب حيطه عشان اخبط راسى فيها .. اتكلمت معاها كتير جدااا وبقولها على اللى مدايقنى حاجه حاجه ومش بلاقى منها اى رد غير السكوووووت ووقتها بحس انى مش فارق معاها او انى اصلا وجودى زى عدمه
    حاجات كتير من اللى بتفق معاها نعملها بتنساها او تعمل عكسها وترجع تقولى معلش نسيت .. انا بفوت كتير اوى اوى عشان بحبها بجد وفى عز ما بكون زعلان اوى مجرد كلمة منها حلوة بنسى بسرعه … بقنع نفسى ديما انها بتحبنى بس مش عارفه تظهر كده ليا .. لحد ما اتكلمنا وقالتلى فى حاجه انا خايفه منها بس مش عارفه ايه هى .. لحظة هبل بقى .. بس هى فعلا الحاجة دى اللى مخلياها شوية بتحبنى وشوية كانى مش موجود فى قايمة الاحياء بالمرة .. تعبان جدا وحاسس بألم رهيب وهى بتسألنى بكل هدوء ايه اللى تاعبك رغم انها بتكون لسه قايله الكلام اللى يتعبنى تفتكر دى لامبالاة !!!؟؟
    بخاف اعاتبها لانها بتزعل ويوم ما بعاتب بكلام متزوق والله بتزعل بردو ببقى خايف على زعلها .. انا مش ضعيف ولا شخصيتى ضعيفه سبحان من مصبرنى على الهدوء اللى انا بتعامل بيه معاها
    خايف تيجى لحظة وتفلت اعصابى من البرود اللى هى فيه وانفجر فيها
    بس دلوقتى بحاول ادور على اسلوب جديد لمعاملتى معاها عشان مش عايز اخسرها انا هفضل احاول بكل طريقه معاها لحد ما اللى ربنا عايزه هو اللى يكون اما تكون من نصيبى او لا
    بس اتمنى اننا نتجوز وهى بتحبنى على الاقل ربع منا بحبها ساعتها هكون اسعد واحد فى الدنيا

    انصحك اتبع اسلوب التقل لان ناس كتير بتنصح بيه وبيجيب نتيجة رغم انى مش بحبه لانى بحس انه مزايده على الحب بس مضطر اعمله عشان مش عايزها تضيع منى

    ربنا يوفقكم ويوفقنى انا وخطيبتى ويوفق كل الناس للخير

  19. حاسس بيك
    11/09/2011 at 09:24

    بسم الله الرحمن الرحيم
    شوف يا سيدى , انا حاسس بمشكلتك وبشعورك 100% , لانى ساعات بيجيلى الاحساس ده , لان خطيبتى حساسة جدا و بتزعل من اقَلّ كلمة ,, حتى لو لم اقول الكلمة بنية انى اتعصب عليها
    او ازعلها .. المهم لما بتزعل … بحس انها مش بتحبنى وبتتعبنى جدا لغايت ما تتصالح وبستغرق وقت كبير قوى فى مصالحتها .. لدرجة انى بحس انى ماليش غلاوة عندها ..
    لكن لما بصالحها .. بتقولى انها بتحبنى وبتموووت فيا ..
    وياما قالتلى بحبك .. وانى واحشها ..
    بس المشكلة ساعة الزعل … بتنسى حبها او بتداريه وبتحاول تبعد .. ومابتتلكمش غير بصعوبة
    المهم … انا رأيى انك تتقل شوية زى ما كل الناس قالولك .. عشان تشوف رد فعلها
    ورد الفعل مش شرط يكون لهفة وتبينلك انك وحشتها .. بس ممكن يكون فى صورة عتاب او لوم
    انت الوحيد اللى حتحس باللى جواها ناحيتك من رد فعلها بعد غيابك عنها ..
    ربنا يوفقك وييسر لك الحال … وياريت تطمنا

  20. ديوارس جرجس
    26/05/2011 at 15:47

    انا كان عندى نفس المشكلة ومش عارف اقولك اية ربنا معاك

  21. دروجبا
    15/04/2011 at 21:26

    واضح يا حبوب ان خطيبتك شخصيتها اقوى منك وتقيله عنك وده ما ينفعش لازم تكون انت اقوى منها واتقل منها ولو عاوز تتاكد من حبها سيبها فتره ومتكلمهاش وشوف رد فعلها ايه لو كلمتك تبقا بتحبك وخليها دايما هى اللى محتجالك ومتندلقش عليها اوى وخليك واثق من نفسك البنات بتحب الراجل القوى التقيل معلش اسمع كلامى وتعالى على نفسك ولو مشاعرك هتنفجر منك برضه خليك راجل وسيبها هى اكيد هتتصل لان البنت بطبعها رومانسيه اكتر من الراجل واضعف منه ما ينفعش تكون هى اتقل منك يا مان وربنا يوفقك

  22. rana
    26/01/2011 at 17:33

    يعنى هى لو كانت بتحبك ومدلوقة عليك ماكنتش هاتسأل فيها ولا تعبرها وده نفس حالى مع خطيبى لما بهتم بيه مش بيعبرنى خالص ولما ببعد عنه بيسألنى ايه شاغلك عنى طب نعمل ايه

  23. همسه
    18/01/2011 at 07:13

    يعنى هى لو مش عاوزاك ومش بتحبك ليه توافق تتخطبلك وكمان يتكتب كتابها عليك واحده عندها عزة نفس اوى كده كانت تقدر تقولك لاء مش عاوزاك بسهوله وترفضك حقولك نصيحه وجربها الست دايما تحب الرجل القوى التقيل حاول تكون انت اقوى منها فى الشخصيه يعنى اتقل عليها اوى وشوف هى حتعمل ايه حتتصل تسال عليك ولا لاء حتوحشها ولا لاء وساعتها حتفهم ممكن تكون هى دى طبيعتها انها تقيله شويه عاوز تكسر التقل ده اتقل انت كمان ومتجريش وراها ومش كل حاجه تقولهالك يبقى حاضر لاء خلى عندك موقف وشخصيه معاها لو حسيت انها مش مناسبه يبقى وانتم على البر كده تسيبو بعض احسن ما تتجوزو وتطلقو

  24. nolife
    18/01/2011 at 00:48

    لاحول ولا قوة الا بالله انا معرفش الرجالة مالها لما حبيبتك تقول وتبقا متكلمة وتديك وتحبك تقولو انا شاكك فيها ولما تسكت وتبقا خجولة تقولو مش بتحبني نقطع نفسنا يعني وبعدين هيا بتقولك وبتقسم انك اول راجل ف حياتها يعني براحة معاها وواحدة واحدة كدا هيا ماعندهاش تجارب قبل كدا علمها براحةلاكن لو حاسس انك اقل منها دا ضعف ونقص فيك لو شايف انك هتتعب معاها بلاش تظلمها ولو يوم كمان وسيبها لحال نصيبها ربنا يوفقها ب احسن منك ولو شايف انك هتستحملها يبقا خلاص اصبر عليها وربنا يوفقك معاها

  25. قلب حر
    16/01/2011 at 16:34

    اخى العزيز الكريم هداك الله لن اطول عليك بكلامى ولكن يجب ان تضع حدا لما يحدث معك مفيش حاجة اسمها اصلى حاسس اصل ممكن اصل تقريبا لا يبنى مفيش الكلام هى عايزاك وبتحبك والا لا دة مش منطلون هتشترية و هيتبدل دى زوجة وشركة بين اتنين مينفعش يبقى فيها غش علشان لو بدات كدة الجوازة دة بعد 50 سنة مش هتنفع

  26. حبيبة الرحمن
    16/01/2011 at 00:26

    لو انتا بتتصل فيها كتير اتقل عليها وماتتصلش ولو بتروح في الاسبوع كتير ماتروحشي خالص غير لما تتصل فيك هي او اهلها واعمل لنفسك كرامه وماتبقاش مدلوق عليهم قوي وشوف ايه راي اهلها والمفروض اهلها شدو معاك في الكلام تقطع وتشوف هما عاوزين ايه وليه بنتهم بتعملك اكده لو عزة نفس واكده يبقه لالا تحاول تعلمعا طبعك ده جواز وعشره

  27. هوان الحب
    14/01/2011 at 19:13

    خطيبتك بتحلف انك اول شخص فى حياتها وان اعتقد ان ذلك حقيقى وممكن صمتها وعدم تعبيرها لك بالكلام من خجلها والحياء شئ محبب فى البنات حد لاقى كدة اليومين دول انا بتصدم من مشاكل البنات التى يتم عرضها من خلال باب مشاكل وحلول اما انت تقدر تتاكد من حبها لك مش بالكلام ولكن لما تزورها هل تشعر انها ملهوفة عليك؟ أو لو لم تتصل يوم او اتنين ما رد فعلها ؟ لو تعبت لاقدر الله برد…الخمش ما رد فعلها ؟ هل فى بينكم صداقة وبتحكوا مع بعض فى كل ما يخصكم ولا ايه إذا كانت هذه الامور موجودة يبقى اكيد بتحبك مش لازم احضان وقبلات عشان تثبت الحب الحب مشاعر داخل القلب اما اذا لم تكن موجودة انصحك بالتأنى الجواز لازم يكون فيه مشاعر متبادلة بين الطرفين

  28. توتا
    14/01/2011 at 17:01

    اتقل عليها لو ضعفت ادمها صدقنى هتفضل طول عمرك معندكش شخصية قدمها انت راجل المفروض انت تكون قوى اكتر من كدة

  29. المصرى
    14/01/2011 at 04:52

    اتقل يامعلم وابعد شويه ، وشوف رد الفعل .

  30. نونا
    13/01/2011 at 19:50

    راى بردوا انك تصارحها واوعى تهين نفسك عشان الحب متضحكش على نفسك حاول انتا تتقل عليها لو قربتلك تبقى عيزاك وشرياك لو لا ابعد بس اوعى بردو تظلمها اوعى ربنا يوفقك وصارحها الاول

  31. monster
    13/01/2011 at 19:00

    اخى العزيز مشكلتك تتلخص فى كلمتين كن واثق من نفسك واعلم ان الايام التى نعيش فيها الان اصبح الزواج صعب جدا وان الفتاه التى تجد زوج جاهز كانها وجدت قطعه من السماء ومن الممكن ان يكون طبع خطيبتك هو هكذا فحاول ان تكون انت المحرك لمشاعرها واعلم انك تتحرك من منطق قوه وليس ضعف الثقه بالنفس هو حلك الوحيد .

  32. بنت مصر
    13/01/2011 at 17:53

    انا عايزة اقولك حاجة ممكن صح خطيبتك تكون مش بتحب حد تانى بس دة ما يمنعش انها ممكن تكون مش حاسة بمشاعر نحيتك واجمل ايام للبنت هى عند الخطوبة لانها بتحس اوى بحب خطيبها ليها ايام حلوة وهى فى الايام دى مش حاسة بكدا ما بالك فى الجواز اللى كتير بيقولوا علية المشاعر بتبرد عن الخطوبة وكمان تصرف اهلها معام ممكن لاحساسهم انك مش هتقدر تسيبها وبتحبها جيب خاطبتك واقعد معاها وصارحها بكل اللى حاسة وخليها تشرحلك السبب وهى بتحبك ولاء لاء اوعى تيجى على نفسك وبعد كدا تندم وتقول كل دا علشانها هى ما طلبيتش منك تيجى على نفسك صارحها احسن علشان ترتاح وربنا يوفقك لو ربنا رايدلكم اى شىء هتشوفوة

  33. نورسين
    13/01/2011 at 11:43

    بسم الله الرحمن الرحيم
    انت مبهور بشخصيتها وعزة نفسها وكبرياؤها.انت بتعمل حاجات غلط علشان كده اهلها بدؤا يزعلوا منك .وانت بتلعنها عندما تبعد عنها لانك حاسس بالنقص فى شخصيتك وانك اقل منها ولاسف بعد الزواج سوف يستمر عندك هذا الشعور اعتقد انك لو حاسس انها احسن منك سيبها لانك سوف تكون ظلمت نفسك وظلمتها والله اعلم

اترك رداً أو حلاً لهذه المشكلة