مشاكل الجلد

علاج اثار الحساسية بالجيوب الانفية

السلام عليكم
انا عندى مشكلة من حوالى 9 شهور ونفسى حد يساعدنى
باختصار انا جالى برد من تسع شهور وروحت للدكتور قالى انى عندى حساسية فى الجيوب الانفية وانحراف بسيط فى الحاجز الانفى وانا بعد كدة اضطريت ااجل العملية عشان امتحاناتى وبعد ما خلصت روحت لدكتور تانى وقالى انى عندى بس حساسية شديدة ومش محتاجة عملية
المهم ان مشكلتى ابتدت لما تحت عنيا ورمت بشكل فظيع وده اثر على نفسيتى جدا لدرجه انى مش بشوف اصحابى ولا بزور حد حتى لما بيتقدملى عريس بقيت برفض لانى خايفة انه يشوفنى وحالتى النفسية ووووحشة جدااا لدرجة انى مش بنام
انا بيجيلى الم فى عنيا وصداع نصفى دائم
مش عارفه اعمل ايه ولا اروح فين حتى اهلى مشغولين بمشاكلهم وشغلهم ومش لاقية حد جانبى
ياريت حد يساعدنى ويقولى اروح فين واكشف ايه
انا اسفة انى طولت عليكم لكن ربنا الاعلم بحجم همومى واللى بمر بيه فى حياتى

مشاكل وحلول ذات صلة

اضيف بتاريخ: Saturday, February 4th, 2012 في 04:53

كلمات مشاكل وحلول: , ,

2 رد to “علاج اثار الحساسية بالجيوب الانفية”

  1. فارس الاحلام
    06/02/2012 at 02:00

    على فكره يا اختى يوجد بخاخه رش للجيوب الانفيه ومفيده جدا ومش شرط العمليه دى بتريح لكن من الافضل الاول موضوع الورم لازم يخف الاول وان شاء الله توضحى ظروف الانف بالظبط هلى مسدود تماما لا تتنفسى منه وتعتمدى على التنفس من الفم ام مازال هناك مجال للتنفس من الانف

    قَـيّـم هذا الحل: Thumb up 1 Thumb down 2

  2. فارس الاحلام
    06/02/2012 at 01:56

    اختى الكريمه اولا ادعوا الله لكى بالشفاء العاجل اما بالنسبه لحساسيه الجيوب الانفيه لاتسبب ورم تحت العين لانى انا ايضا اعانى مش من الجيوب وبس بل بالجيوب والجلاليب والفساتين والبلد الانفيه يعنى من الاخر كده عملت عمليات كتير وبترجع تانى المهم اللى انا عايز اقوله لكى ان سبب ورم تحت العين هو ممكن او شبه اكيد لانه حصلى وهو انسداد فى القناه الدمعيه وانسداد القناه الدمعيه بتخلى الماء بدل ما ينزل على الانف بينزل تحت الجلد فى منطقه جفن العين من تحت وبجوار الانف انا انصحك تروحى الى دكتور عيون وهو بيسلك القناه دى فى دقيقه واحد وبدون الام ولا شئ سهله وبسيطه جدا واتمنى لكى الشفاء العاجل ونرجوا ان تفيدينا عما حدث ان كان فى تحسن

    قَـيّـم هذا الحل: Thumb up 1 Thumb down 1

اترك رداً أو حلاً لهذه المشكلة