العادة السرية عند الشباب

كرهت نفسى من ادمان العاده السريه

كرهت نفسى بسبب العاده السريه 10 سنين وانا امارس العاده ومش لاقى ليها حل
حاولت كتير انى ابطلها بس فشلت مع انى مش بعملها كتير يمكن مره كل اسبوع او كل اسبوعين
زمان لما كنت بعملها كنت اشعر بلذتها
ولكن مع مرور الوقت ومع كثره ممارستها لم اعد اشعر بنفس لذتها زى الاول الاول وساعات اعملها اما اكون زهقان طبعا مش حقولكو الوحد بيبقى ندمان ومخنوق قد ايه لما يعملها وده اللى بيكرهنى فى نفسى
ياجماعه بجد عاوزين نشوف حل للموضوع ده لان دى من اكبر المشاكل اللى بيعانى منها معظم الشباب
وطبعا اكيد كل واحد عارف تأثيرها النفسى
ياريت اللى عنده حلول يشاركنا يمكن ربنا يتوب علينا منها

مشاكل وحلول ذات صلة

اضيف بتاريخ: Sunday, August 10th, 2014 في 10:42

كلمات مشاكل وحلول: , ,

7 رد to “كرهت نفسى من ادمان العاده السريه”

  1. Kakarot
    22/02/2017 at 12:56

    بص ياعم اسمع مني
    اولا النيه انك تبطلها بص متقولش مش عارف
    بس كل الحكايه لما تيجي تعملها اذكر اضرارها وانها بتجيب سرعه القذف وبكده انسي انك تستمتع مع مراتك والفضايح بقا اعمل حساب لقدام يا ابنى وانسى انك تخلف عيال اصلا لان الحيوانات المنويه بتتعب بص خليك واثق من نفسك واعمل الخطوات والصلاه الصلاه الصلاه في وقتها وبص خليك متوضي دايما بس اهم حاجه انوي من قبلك هو اول اسبوع عديتو خلاص كده ولو فشلت حاول تاني وتالت ورابع واخيرا
    ادعي ربنا في كل صلاه الدعاء مهم
    قيم هذا الكلام من فضلك

    قَـيّـم هذا الحل: Thumb up 0 Thumb down 0

  2. علي
    18/05/2015 at 00:21

    تزوج.

    قَـيّـم هذا الحل: Thumb up 1 Thumb down 1

  3. كلب الليل
    15/01/2015 at 13:28

    عليك بالصلاة والصوم

    قَـيّـم هذا الحل: Thumb up 2 Thumb down 0

  4. Dr_Elgen
    19/11/2014 at 00:04

    بسم الله الرحمن الرحيم
    علاج المشكلة دى عندى بس ركز و افهم وخليك معايا خطوة بخطوة هما عدة خطوات هتمشى عليهم هتبطلها نهايأ ومش هتفكر ترجعلها تانى والخطوات دى هالاتى:
    1-انك تبعد عن الكمبيوتر خالص ومش تعد قدامة لوحدك الا مع اسرتك مثلا.
    2-تبعد عن التلفزيون خالص ومش تعد قدامة لوحدك الا مع اسرتك برضوا .
    3-ابعد عن الاصدقاء السوء واخرج كتير مع اصحابى الى انتا بتطمنلهم .
    4-متعدش فى الحمام كتير و قل الدعاء قبل الدخول اعوز بالله من الخبث و الخبائث وادخل برجلك الشمال واطلع باليمين .
    5-حاول لما الشيطان يوسوسك اشغل نفسك باى حاجة او اعد ما اسرتك كتير .
    6- لما تيجى تنام متحطش ايدك تحت البطنية خليها فوق البطنية .
    7-شارك فى اى نادى وروح مارس هواتك هناك كل يوم .
    8- خليك ملتزم فى صلاتك و اعرف مواعيد الصلاه وروح الجامع قبل ما يأذن ب10 او 5 دقائق .
    9- اقرا قران كريم وانا هقلك على طريقة تخلص فيها المصحف فى خلال شهر بعد كل صلاه اقرا خمس ورقات وش وضهر يعنى 10 صفح بالعدد
    انا عارف انى كلامى اهبل بس لو مشيت على الخطوات دى هتبطلها ومش هترجلها تانى
    وشكرا

    حل مناسب حسب التصويت. وانت ما هو رأيك? Thumb up 21 Thumb down 1

  5. 3bdo
    17/09/2014 at 04:05

    انت ممكن تستفيد من وقتك وتعمل حاجه مفيده متغضبش ربنا وحاول تزود المده بين كل مره و مره يعني مثلا بتعملها كل اسبوع مثلا بعد كده ذود المده تبقي مثلا كل اسبوعين بعد كده زودها تاني خليها كل شهر و بعد كده زودها شهرين ٠٠٠٠٠٠ الخ (اسئل مجرب ولا تسئلش طبيب (الا إذا احتاج الامر)) انا المجرب

    قيم هذا الحل سلباً او ايجاباً: Thumb up 8 Thumb down 3

  6. ابوبتول
    04/09/2014 at 09:32

    ياولدي اتقي الله في نفسك وفي فرجك واترك عنك هالعادةالقذرة المحرمة لايجوز فعلهاولهاضرر كبيرعلى صحتك اتركها للابد واشغل وقتك بطاعةالله من صلوات في اوقاتهاوالصوم وقراءةالقران وحفظه والابتعادعن النظر للنساء والاختلاط بهن واثارةالغرائز والخلوة مع النفس كي لايفتنك الشيطان ويجعلك تفكرفيها بالارادةوالعزيمةوالتوكل على الله سوف تتركها وتنساها للابد وربي يصلحك ويبعدك عنهاويحصنك بالحلال ويجعلك من عبادالله الصالحين

    قيم هذا الحل سلباً او ايجاباً: Thumb up 8 Thumb down 2

  7. mohamed
    11/08/2014 at 06:56

    عشان اكون صريح فكرة انك تبطل العادة بين يوم وليلة هو موضوع شبه مستحيل .. لكن بالتدريب والتدريج .. يعنى مثلا انت فى نص كلامك من غير متحس كشفت سر خطير من اسرار الادمان على العادة دى ( لما اكون زهقان ) .. من الاخر الاستغلال الخاطئ للفراغ هو اول اسباب الوقوع فيها .. وعشان تستغل فراغك صح لازم تغير منظومة حياتك للاسف وتشوف ايه اللى ناقص فيها وتكمله من عبادات وعلاقات بالناس وعلاقتك بنفسك وبربك .. ودا اساسى لو عايز تبطل .. ولحد الوقت دا انت مش هتعرف تبطل حاجة اتعودت انك تعملها من 10 سنين ..وانما علاجها بيجى بالتدريب وانا شخصيا اقترح عليك اسلوب التقسيم فى البداية .. يعنى تحدد لنفسك من دلوقتى .. هوا يوم واحد بس فى الاسبوع اللى لو خلاص مش قادر تمسك نفسك تستنى لحد اليوم دا .. مرة واحدة بس فى الاسبوع .. او على حسب قدرتك ابدا بالمعدل الزمنى اللى تقدر عليه .. ومع الوقت ابدا كتر وخليها مثلا اسبوع ونص وامشى مدة شهر على الحال دا وبعدها بعد اكتر وهكذا فاهم قصدى .. على الاقل حتى لو مقدرتش تبطلها اهو منها تقلل الاوقات اللى بتحس فيها بالذنب والاكتئاب والتعب .. وفى بعض النصائح ممكن منها اول مرة تسمعها .. وفى النقطة دى بستأذنك احنا ولاد زى بعضنا وهبقى جرئ حبة .. خلال الفترة اللى هتبدا تعالج نفسك فيها ( اياك واياك انك تفضل تتمعن النظر فى العضو التناسلى ) .. دائما وانت بتغير هدومك او بتاخد دش حاول عنيك متجيش عليه ابدا قدر الاماكن ) .. جرب تعمل النصيحة دى واوعدك هتشوف فرق كبير .. وتانى حاجة حاول متفكرش حتى فى الموضوع ولا تفكر حتى فى انت تقدر تبطلها ولا لا .. متخليش عقلك اغلب الوقت يجى فى سيرتها اصلا .. وخلى عندك نية صادقة فى التوبة لانك هتقع كتير انا عارف فى الفترة الجاية لكن دايما خلى عندك عزيمة حقيقية واستخدم عقلك فى مواجهتها مهما كانت عزيمتك قوية هتتهزم ادامها .. لكن عقلك هو اللى يقدر يصد ادامها .. زى مبقول دايما انا مش بطلب منك انك متكونش ضعيف .. انا بطلب منك انك تقوك قوى قدر االامكان !!

    حل مناسب حسب التصويت. وانت ما هو رأيك? Thumb up 38 Thumb down 0

اترك رداً أو حلاً لهذه المشكلة