مشاكل الادمان

شربت حشيش كام مرة و بوظلي حياتي

انا يا جدعان كنت شاب رياضي و صحتي حلوة اوي الحمد لله لحد اما دخلت في سكه الشيش بعد كده السجاير بسبب الثانوية العامة و في يوم جربت و شربت حشيش حسيت اني ريقي بينشف و اللعاب بيتسحب و حسيت الدنيا بتضلم سنه سنه جريت و لحقت نفسي ب ازازة مايه و قعدت اشرب كل ما اشرب ريقي ينشف تاني و اكن اللعاب بيمُتص اقوم شارب تاني قعدت ساعتين ولا تلاته اشرب مايه ورا بعض و اعمل حمام ده غير ان ضربات قلبي كانت سريعة جداً جداً جداً و مكنتش عارف اوزن نفسي غير الخوف الشديد لحد اما نمت و صحيت الحمد لله كل ده راح ف قولت مش هشربه تاني و كملت سجاير عادي زي ما انا و في يوم الشيطان وزني ف قولت اما اجرب اشرب تاني بس بكمية بسيطه يعني مثلاً نفسين او تلاته بالكتير ف حصل نفسي اللي حصلي و تاني يوم راح بردوا الحمد لله …..فقولت خلاص انا مش هشرب حشيش تاني و هستقر ع السجاير و الشيش لحد اما ف يوم راجع البيت و كنت شارب حجر قص و كام سيجارة كدا لاقيت ريقي بينشف و بيتسحب تاني بس المرادي من سجاير و شيش مش حشيش ف روحت جريت علي كولدير و قعدت اشرب بس المرادي صحيت ما انا بحس اني مش عطشان بس بحس ان اللعاب بيتسحب و الدنيا بتسود شويه شويه يعني نفس الاحساس مع زيادة في ضربات القلب نمت تاني يوم و صحيت لسه زي مانا قعدت ييجي اسبوعين لحد اما بقيت اتحسن سنه سنه و غير ان اول كام اسبوع لما كنت باكل لما بنضغ اللعاب مش بيتفرز ف بتف الاكل قعدت لحد نص سنه مثلاً مبطل كل حاجة الحمد لله وباكل كويس و مبقاش يجيلي الاحساس ده بس بقا عندي وسواس بقيت اروح اي مكان معايا ازازة مايه و خايف دايماً و بالنسبة للاكل باكل كل حاجة عادي و اللعاب شغال الحمد لله كويس بس لما باكل عيش فينو كتير مثلاً بيجيلي نفس الاحساس انا عايز افهم ايه اللي حصل و تقريباً محصلش لحد قبل كده خالص و شكراً و اسف للاطاله
ملحوظة ” انا قعدت اشرب سجاير و شيش لمده 9 شهور او 10 بس ”

مشاكل وحلول ذات صلة

اضيف بتاريخ: Sunday, April 2nd, 2017 في 20:07

كلمات مشاكل وحلول: , , ,

2 رد to “شربت حشيش كام مرة و بوظلي حياتي”

  1. دكتور جامعة الحياة
    20/04/2017 at 20:19

    كان الله فى عونك قادر تستحمل تبطل الحشيش فترة كتر خيرك عندك أرادة قوية تصدق أنا شربت جميع أنواع المخدرات برشام وأبر للعلاج تأمين صحى ببلاش وكلما حضرنى صداع أمنعه و مرة أكتشفت أنى
    مررت بمرحلة لا أشعر بما يحدث حولى بطلت وفضلت أضرب أي طامع فى عن أخذ شيئآ يتحكم فى داخل على 60
    وصدمتنى سيارة وأعتمد على عكاز وأخطر المجرمين يتقى شر غضبى ويقولون عنى هذا شر وسمعت بأذنى رغم أنى أعيش وحيدآ لك أن تكذب منهم تجار برشام أو أسماك صحتك أمانة لك و لأولادك لتكون ظهرهم

    قَـيّـم هذا الحل: Thumb up 0 Thumb down 0

  2. ابوالبتول
    20/04/2017 at 16:12

    يابني حرام عليك تعمل بنفسك كده حشيش وسجاير وشيشه انت بكده تقتل نفسك بنفسك ومصيرك الى النار تضيع صحتك وشبابك وفلوسك في الاشياء المحرمة تدراكي روحك قبل فوات الاوان وبطل تناول الحاجات دي المحرمة والضارة بالصحة وتب الى الله واقلع عنها فورا وهتشوف الخير والبركة والسعادة في حياتك وتبقى باحسن حال

    قَـيّـم هذا الحل: Thumb up 1 Thumb down 0

اترك رداً أو حلاً لهذه المشكلة