مشاكل الازواج

متزوجة مع ايقاف التنفيذ هل اطلب الطلاق

انا مدام عمرى 26 سنه متزوجة من شخص سنه 42سنه متزوجة من 8 سنوات حين خطبنى لم اكن اعرفه فهو كان يعمل فى دوله خليجيه لفتره طويله واتى فى اجازة قصيرة خطبنى وسافر لمده 3سنوات واتى بعدهم وتزوجنا مباشره واقام معى 6سنوات ونصف وكان يعمل بعمل يمكث فيه اكثر من اسبوع ويقضى معى يوم او اثنين واستمر على هذا الوضع طيله ال6سنوات ونصف الا ان مل من العمل هنا وقرر ان يسافر لدوله خليجيه مره ثانيه علما بانه فى المده الطوليه التى قضاها قبل الزواج فى الغربة لم يوفر اى مبلغ سوى مصاريف الزواج وسافر منذ ما يقرب من سنه ونصف وللعلم لم يوفر اى مبلغ فى هذه الفتره ومستوانا المعيشى اقل من المتوسط من سكن ومعيشه ومعنا طفل وطفله طلبت منه ان ياتى ويستمر هنا ويعمل باى عمل وان يكون بجوارنا ولكنه رفض اهلى مصممين على انه اذا رغب فى السفر تانى ان ياخذنى معه او اتركه ماذا افعل فانااريد ان اتركه انى اعلم انه لا يستطيع ان ياخذنا مه لاسباب خاصه بعمله ولم يوافق ان يستمر هنا اخشى ان اتركه اكون ظلمته ويعاقبنى الله عليه واخشى ان استمر معه اكون ظلمت نفسى لانى اخاف على نفسى جدا من الفتنه فانا انسانه اريد الحياه بدون ظلم لا لى ولا لغيرى ابكى كل يوم على حالى التفكير والملل سيقتلوننى فكرت اكثر من مره فى الانتحار ولاكنى اخاف عقاب الله

مشاكل وحلول ذات صلة

اضيف بتاريخ: Sunday, February 6th, 2011 في 04:57

كلمات مشاكل وحلول: , , , , , , , , ,

24 رد to “متزوجة مع ايقاف التنفيذ هل اطلب الطلاق”

  1. ابواميرة
    23/10/2013 at 10:11

    شوفي ياختي من حقك كزوجةان تعيش مع زوجك وين ماكان وهولازم يخاف عليك انت واولادك من الوحدةولاعذرله في هذااطلبي منه ان يستقر في بلده والله هوالرزاق الكريم ولايترككم بلامصاريف ويعرضكم للخطروخصوصاوانت امراةشابةومعك طفلين صغار لااحدمعكم في البيت والزمن دا يخوف ولاعادفيه يستامن على حاله من كثرالجرايم والمصايب اللي نسمعهاكل يوم ومعك كل الحق في حرصك على سلامةبيتك وولادك وخوفك من الوقوع ضحية لناس ماترحم في غياب زوج غير مبالي بمصيرزوجته ووالاده واذارفض انكم تجوامعه اويستقر هوعندكم اطلب الطلاق كي تحفظ شرفك وكرامتك واولادك وربي يكرمك بالرجل الصالح اللي يقدرك ويستاهلك ويرضى بك زوجةله مع اولادك

    قَـيّـم هذا الحل: Thumb up 0 Thumb down 0

  2. ابواميرة
    16/12/2012 at 21:57

    دي مشكلة تعاني منهااغلب الزوجات اللي ازواجهم مغتربين في الخارج من اجل العمل وبعضهم للاسف يخطي في حق زوجته ويمكث اكترمن 3الى 5 سنوات بحجة العمل وتوفير لقمةالعيش متناسي مراته واولاده ولايدري عن ظروفهم واحوالهم شي ويجعل الزوجة تعاني من الحرمان ممايوقعهاصيد سهلا في ايدي ذياب لاتخاف الله ويوقعهافي الرذيلة والانحراف كذلك الاولاد تتكدرحياتهم ويقل تفوقهم الدراسي وممكن يتشردو في الشوارع ويضيعو وكل هذاوالاباء غافلون ويجرو من اجل وسخ الدنياوزيادة دخلهم ولايفكرون في مصير زوجاتهم واولادهم وهل هذايرضي احد لاوالله انكم محاسبون عنهم والله سايلكم عنهم يوم القيامة فاتقوالله ياخواني في اهليكم وولادكم قبل فوات الاوان

    قَـيّـم هذا الحل: Thumb up 1 Thumb down 0

  3. همام
    24/09/2012 at 02:25

    للاسف اتكلمت معاه انى يستنى معانا ولكنه رفض ورفض ان يتركنى بالمعروف وساومنى على كل شى حتى رؤيه اولادى وحضانتهم وان ادفع له 50 الف جنيه كى يعطينى حريتى فهل هذا انسان يستحق ان استمر معه خيرته بينى وبين السفر فقال لى السفر وسافر وانا عند اهلى بدون علمى وانا الان رفعت دعوى خلع

    قَـيّـم هذا الحل: Thumb up 0 Thumb down 0

  4. Star
    07/07/2012 at 17:00

    تفكري. في الطلاق لارجع الي حبيبيك الاول
    بجد انتي مش مكسوفة. وانتي ست متزوجة. تقولي
    اللفظ داة. شووووفي حبيبيك. الاول. لما ظهر.
    فكرتي في الطلاق. لأنة اية الي عرفك انة بيحبك لسة
    بعد 16سنة.
    بالله. حرام عليكي. الشخص يسافر. ليحسن. مستواة
    والله. اعلم. بحالة. ياستي. انتي. تصدقي. اني في واحد
    يقدر. يبعد عن ولادة. ويعيش بعيد عنهم. الا لما يكون عايز يحسن. دخلهم

    وشوووووفي قبل الندم. حبيبك. مجرد. شهوة نزلت علية
    مجرد. ما هياخدها منك. هيقولك. باي.

    وكمان. الشخص الي يكلم. واحدة وهي. علي ذمة راجل غير مستامن
    لو وعدك. بالزواج. ممكن. كلامة صح وممكن خطأ
    هتطلاقي. وبعد كدا لو رجع. في كلامة.
    لو صدق. صدقيني. انتي الخسرانة
    داة انسان. غير مستامن. وهيجي اليوم الي هيرميكي فية
    ويعايرك. هقولك. لية. لان الراجل. مننا. بيقول
    الي تعمل كدا في زوجها. تعمل كدا فيا.
    الي تكلم واحد. من غير علم زوجها. اكيد هتعمل كدا معاية
    لان الشخص. الذي يتكلم معاك ويعيب. في اخر صدقني
    هيجي اليوم الي هيعب

    قَـيّـم هذا الحل: Thumb up 1 Thumb down 0

  5. الانسان
    15/05/2012 at 15:14

    أختي العزيزة ابعدي عنك وساوس الشيطان بالانفصال وما أشبه ذلك وأنصحك ونفسي بالدعاء له بالتوفيق في عمل مناسب ويظل الى جانبك فاصبري وصابري ولكن لا تنهي حياتك معه بسرعه هكذا وفقك الله الى خير العمل

    قَـيّـم هذا الحل: Thumb up 0 Thumb down 0

  6. الطيار الرايق
    02/01/2012 at 08:04

    صباح الخير موضوعانك تفكرى بالطلاق فده حقك بس انا بعرف شئ انتى مشكلتك من شهر 2 لليوم مافى اى حل من الا انتى عملتيه مع زواجكك يعنى انك تروحيله زياره مثلا 3 شهور وترجعى وهوه ينزلك شهرين وكده والدنيا بتمشى انا كمان مسافر فى دوله خليجيه وبعمل كده والحياه ماشيه وزى الفل عرضتى عليه الحل ده ؟ وبعدين انتى بتقولى هترجعى لحبيبك الا منسكيش من 16 سنه وانتى معاك ولد وبنت هيتقبلك بيهم وهوه طول ال 16 سنه دول ما اتزوج هوه كمان مش ممكن يكون ده حل ده اسمه هروب اعرضى على زوجكك الحل الا قولتلك عليه انك تروحيلهانتى والاولاد زياره 3 شهور وهوه على نهايه السنه ينزل ليكم شهرين وطولى بالك وتحلى بالصبر علشان بيتك ولاولادك وربنا الموفق / المحامى. وعرفينى الا صار معاك وانشاله بنقدر نساعد فى الحل

    قَـيّـم هذا الحل: Thumb up 1 Thumb down 0

  7. صاحبة المشكلة
    27/12/2011 at 21:30

    افكر الان جديا فى الطلاق لاررجع الى خطيبى الاول وحبى الاول الذي لم اكن اعرف انه ما زال يحبنى مثل ما احبه وانه لم يستطيع نسيانى خلال 16 سنه وسبب تركنا لبعض هو دخول افراد من اصحاب الضمائر الميته للوقيعه بيننا ليحرمونا من بعضنا والان بعد بعد زوجى الدائم عنى وعدم احساسه بى واحساسى به افكر جديا بالانفصال عنه والرجوع الى حبيبى الاول ولكى احمى نفسى من الوقوع فى الخطيئة

    قَـيّـم هذا الحل: Thumb up 1 Thumb down 1

  8. fathysafa
    10/10/2011 at 13:58

    السلام عليكم
    يا سيدتى أنا شايف أن المشكلة الأساسيه هو بعده عنك أنتى لسه سنك صغير ومحتاجه احتواء الرجل وحنانه وعاطفه ومشاعرة وأحساسه أكتر بعد الزوج مسبب لكى فراغ كبير الفراغ هنا هو فراغ الحب فراع أن حد يحتويكى فراغ مادى أيضا وتفكرى دائما أنك تحملى المسؤوليه وحدك وليس هناك أموال تكفى أن تجعل الحياه بالنسبه لكى سهله وكمان غيابه وكمان سنك الصغير وكمان أهلك اللى بيقولوا يا تسفرى معاه يا تسبيه .
    سيدتى أنتى ست متزوجه وتخافى الله ولازم نصبر على كل الظروف التى تعيشيها ولكن لكى مطالب نطلبها منه ونتحاور معه أنتى بعيد عنى وعن أولادك والنتاج يساوى صفر يعنى مفيش مقابل مادى لغربتك يبقى وجودك هنا ممكن يكون افضل على الأقل تكون بجوارى أنا وأولادى وقولى له بالحرف الواحد أنا خايفه على نفسى من عدم تواجدك خايفه أن حيتنا تتهدم خايفه أن ولادنا يتربوا بعيد عن حد منا وحاولى معاه كثيرا عسى أن يفكر بعقلبه وقلبه وروحه ووجدانه ويعود اليكم طالما هنا مثل هناك اصبرى ولا تبكى وأرضى بما قسمه الله لكى عسى أن يكون حالك حاليا أفضل من أى شىء تانى أنا اريد وأنتى تريدى والله يفعل ما يريد ربنا يوفقك

    قَـيّـم هذا الحل: Thumb up 1 Thumb down 0

  9. قلب انســـــان
    28/06/2011 at 02:04

    اولا : اللهم ابعد عنك فكره الانتحار هذه و استعيذي بالشيطان و وسوسه الانفس.
    انتي لازم تتكلمي معاه بكل احترام له و لغربته و تعبه حتي يوفر لكم مصاريفكم و ان كان العائد قليل
    الاول بحنان الام علي اولادها وان هما مش قادرين يستحملو بعد ابوهم
    و بحنان الزوجه المحبه و المشتاقه لزوجها و لتؤنس وحدته و يؤنس عليها لياليها
    وان هو صمم علي ان السفر افيد من الرجوع بالذات في الظروف دي
    كوني عون له و صبريه علي انه يستمر في شغله و لكن يجب عليه توفير مبلغ لما يرجع لبلده يفتح فيه اي مشروع مطعم او سوبرماركت او اي مشروع خفيف عشان كمان سنه وانه مش صغير
    كل الكلام ده من منطلق حبك و خوفك عليه و طلب راحته
    وهو بالطريقه دي هيحس انه في انسانه بتعينه علي الغربيه و حبه انه يرجع عشان يرتاح وسط اولاده و مع زوجته
    و بلاش انك تشكي من طول غيابه عليكي و احتياجك ليه في ظلمه الليل ,,, عشان ابسط ردود احنا في ايه و انتي في ايه
    انتي مش حاسه بالي انا فيه و كل تفكيرك كده بس ,,,,, و كلام من الشكل ده
    و انشاء الله يرجعلك بشوقه و حبه ليكي و لاولاده
    خليكي ذكيه معاه في الكلام
    و الله الموفق

    قَـيّـم هذا الحل: Thumb up 2 Thumb down 0

  10. عمر الساعى
    14/04/2011 at 10:51

    حللك بين يد الله سبحانة وتعالى ولا تحكى لاحد ولن انظر الى ردود الاخرين صلى صلاة استخارة فان الله يهديكى الى الما فية الخير لكى فى الدين والدنيا والاخرة

    حل مناسب حسب التصويت. وانت ما هو رأيك? Thumb up 10 Thumb down 1

  11. الشافعي
    08/04/2011 at 02:32

    كلام اهلك هو الصح اما ان ياخذك معاة او ان تتركية وتشقي طريقك وهو في الاصل كان دور عليكي وعلي الاولاد لاكن مش عارف الناس بتفكر ازاي

    قيم هذا الحل سلباً او ايجاباً: Thumb up 6 Thumb down 2

  12. rody66
    08/02/2011 at 18:29

    بصى ياست الكل
    انت تكلمية بكل ادب كدة وتقوليلة انك انت والولاد ماتقدروش تستغنوا عنة اكتر من كدة
    وانة لازم يكون موجود فى حياتكم وتقوليلة انت بتوحشنا ومعدناش نقدر نستغنى عنك وكدة يعنى
    وهو اكيد هايفهم وطالما انت بتقولى انة مابيوفرش كتير من السفر يبقى يرجع
    ورب هنا رب هناك والارزاق بايد ربناسبحانة وتعالى
    وقوليلة يضغط على نفسة شوية لمدة كام شهر او سنة بالكتير ويحوش مبلغ يجى يفتح بية اى مشروع تجارى وربنا يوفقة
    اما موضوع سفرك معاة طبعا مش هاينفع لانك بتقولى انة مش بيكسب كويس
    وموضوع انك تسيبية دة مرفوض نهائيا طالما المشكلة مادية فقط
    مش يمكن دة اختبار من ربنا سبحانة وتعالى
    اصبرى وانشاء الله خير

    حل مناسب حسب التصويت. وانت ما هو رأيك? Thumb up 13 Thumb down 0

  13. نبيل رضا
    07/02/2011 at 00:24

    شاركى زوجك معك وحاولى عرض مابداخلك لزوجك حيث انه لاحياء فى الدين والله الموفق

    قيم هذا الحل سلباً او ايجاباً: Thumb up 5 Thumb down 1

  14. اســـ الــدمــع ـيـ ـر
    06/02/2011 at 17:50

    اولا المشكلة مش مشكلة انه هاجر المشكلة انه مش حاسس بيكى ولا هيحس بيكى لانه فى فرق
    كبير بينك وبينة فى السن فهنا اول مشكلة لانى الا حضرتك بتقكرى قية غير الا هو بيفكر
    فية زى مثلا الطفل الا عندة 5 سنوات غير الا عندة 10 سنوات لو 15 سنة وهكذا
    فنلاحظ كلماالانسان وصل لسن معين كلما نضج عقلة وفكرة وقلت تفكيرة بالاحساس هذا الا فى
    فى ظروف استثنائية يعنى بالبلدى عيقول اية التفاهات دى
    ثانيا ممكن يكون البيئة الا حولية هى السبب المباشر لهذة الظروف
    ازاى يعنى نشىء فى ظروف خالية من الحب والرومانسية بيئة كلها عمل
    وعدم الحفاظ على ةهذا المال للاسرة والله واعلم وادعو من الله ان يوفقى فى حياتك ويهدية
    مع تحياتى بخالص الاحترام

    قَـيّـم هذا الحل: Thumb up 1 Thumb down 0

  15. توتا
    06/02/2011 at 17:18

    بصى اتكلمى معاة الاول ولازم يشوف وضع تانى يا هو يقعد يا انتى تسافرى معاة وبعدين هو مش صغير اوى يقعد بئة هنا فى وسط ولادة بس طبعا انتى من الاول عارفة ظروفة ووافقتى تكلملى وبردة لو سبتية يبقى انتى كدة بتتخلى عنة عشان الظروف المادية اتكلمى معاة واقنعيبة انك محتجالة فى كل حاجة وانك عاوزاة جنبك ووولادة محتاجنلة جنبهم وشوفى هتوصلى لحل اية معاة واوعى تفكرى فى الانتحار دة تانى لمجرد الفكرة بس اولا هتموتى كافرة ثانيا ولادك دول يهونو عليكى تسيبيهم يتبهدلوا من بعدك فوقى وشيلى الافكار بتاعت الشيطان دى ناس كتير ظروفها وحشة وعايشين ومستحملين عشان ولادهم

    قَـيّـم هذا الحل: Thumb up 3 Thumb down 0

  16. طارق بورسعيد
    06/02/2011 at 16:49

    اختى الفاضلة لا استطيع ان احكم اذا كان هو يتعب ويشقى ويتطر للسفر والغياب لتحقيق حياة كريمة ولاكن رزقه ضيق رغم تعبه وغيابه لا يستطيع الوفاء بذلك كما ذكرتى بان ياتى بمبالغ قليلة بعد الغياب… اذ كان كذلك فيجب ان تقفى بجواره وتتحملى وتدعى له وتتحاورو لايجاد حل وسط ليكون بجانبك اكثر وقت ممكن…اما اذا كان غير ذلك بمعنى انه يكسب اموال كثيرة وينفقها على غير بيته ولا تعود عليكى انتى وابنك منها الا الفتات ولا تستفيدى منه الا البعد والهجر دون جدوى …. ساعتها ليس بحرام اطلاقا من ان تطلبى الطلاق ولاكن الحرام فعلا هو الاستمرار مع شخص لا يهمه بيته ولا اولاده وهم بالنسبة له شىء هامشى … وانتى ادرى ما اذا كان كما ذكرت انا فى الاول… او ماذكرت فى النهاية .. ولكى الاختيار .. وربنا يهديكى لما هو اصلح لكى ولابنك … طارق

    قيم هذا الحل سلباً او ايجاباً: Thumb up 5 Thumb down 0

  17. سمسم
    06/02/2011 at 12:10

    يا عزيزتى انتى تزوجتى وتعلمين ظروف زوجك ولديكى اولاد منة وظروف الحياة تطلبت ذلك ما ارجوة نمكى ان تبلغية وجة نظرك وظروفك وحالتك النفسية وتشركية معكى فيما انت فية فالانفصال ليس حل لذلك ولكن ممكن ان ينزل فى اجاذات من حين الى اخر ويضحى بجزء من دخلةفى سبيل حفاظة عليكى وعلى بيتك وادعو الله لكى ان يصبرك وان يبعد عنكى الشيطان لان الانفصال ليس حل لا فى مصلحتك او مصلحت الاولاد وربنا معكى

    قيم هذا الحل سلباً او ايجاباً: Thumb up 5 Thumb down 0

  18. هايدي
    06/02/2011 at 11:07

    انا ادري كم المعاناه التي تعانيها لكن حاولي تناقشي وضعك مع زوجك للمره الاخيره وشوفي رده هيكون ايه وانشاء الله يسير خير

    قَـيّـم هذا الحل: Thumb up 2 Thumb down 0

  19. هايدي
    06/02/2011 at 11:05

    صيحه مني اتحملي اي شيء مقابل اني يكونو اولادك في حضك صدقيني لو انفصلتي عنه هما اللي هيدفعوا الثمن وقبليهم انتي لاني عمره زوجك الجديد مما هيحب اولادك ولا زوجه الاب هتحب اولادك فرجاء حافي علي اولادك واستعيذي بالله من ااشيطان الرجيم وتكلمي عاه وشوفي رده

    قَـيّـم هذا الحل: Thumb up 3 Thumb down 0

  20. حبيبة الرحمن
    06/02/2011 at 10:36

    الحل الوحيد انك تستخيري ربك هو اللي هايدلك عن اي شخص لانه لو قولنا انفصلي في اولاد لو قولنا استحملي اي ست بتحتاج جوزها استخيري ربك وحاولي تقنعيه تاني

    قيم هذا الحل سلباً او ايجاباً: Thumb up 6 Thumb down 0

  21. etqan54
    06/02/2011 at 10:11

    ادعو الله سبحانه وتعالى ان يعينك وان يثبتك اللهم امين
    من كلامك انك كنت مرتاحة فى وجوده انصحك بكثرة الصيام والصبر والصلاة والدعاء وأن تصارحيه بما فى صدرك وان كان مصر على رأيه وانت فعلا لا تتحملى غيابه ولا تصبرى على بعده فيكون الطلاق هو الحل الاخير بعد المصارحة بينكما والوضوح والله يوفقك ويرعاك

    قَـيّـم هذا الحل: Thumb up 1 Thumb down 0

  22. عادل
    06/02/2011 at 09:33

    اصبرى يابنتى ولاتفعلى الحرام اجرك عظيم عند رب العالمين انا واحد من ال لهم نفس المشكله على طول فى سفر واترك عيالى واسافر بس اقصى مده ممكن تكون 9 شهور او اقل فحاولى الصبر وحاولى على التليفون تخرجى من العواطف ماشئتى تجاهه حتى يفكر فيكى شويه ويهتم بالرجوع ولايطول بالسفر وربنا يصبرك على ظروفك هذه

    قَـيّـم هذا الحل: Thumb up 2 Thumb down 0

  23. لؤلؤة الإسلام
    06/02/2011 at 09:24

    اولا حبيبتى
    اياك ومجرد التفكير فى الإنتحار
    بلاش تظلمى نفسك

    ثانيا انتى واضح انك طيبة اوى
    ماتتكلمى معاه يا اختى
    قوليله على احساسك
    فهميه وضعك وكلام اهلك وان ده يمس استقرار اسرتكم وانه كأب لازم يعرف انه مسئول عن اولاده دول قدام ربنا لكن فكرة الطلاق دى أكيد هتأذى اطفالك
    حاولى تبعدى عنها
    بس صدقينى الحل هو انك تتفاهمى معااااااااااااااه
    وتدعى ربنا يكرمك ويقلبه يرق
    سبحان الله والله هيكرمك بشكل ما تتوقعيه
    بس ماتنسيش ان ربنا هو صاحب الفضل عليكى
    بس انتى لما تكلميه
    كلميه بحب وشوق عرفيه احتياجك ليه
    حاولى تكسرى الروتين فى العلاقة بينكم

    ربنا يزيد الحب بينكم ويقدر لكم كل خير ان شاء الله ويبارك فى اولادكم

    قَـيّـم هذا الحل: Thumb up 1 Thumb down 0

  24. ســالم
    06/02/2011 at 05:57

    لان نيتك طيبة , أسال الله أن يرزقك الخير ويوفقك ويعود لك زوجك ويرزقة الله العمل الصالح ويكون بجانبك وبجانب اطفالة
    قليل جدا جدا نجد زوجة مثلك وعليكي بالدعاء

    السعودية

    قَـيّـم هذا الحل: Thumb up 2 Thumb down 0

اترك رداً أو حلاً لهذه المشكلة