مشاكل الازواج

عذابي مع زوجي بدأ من ليلة الدخله

انا متزوجة من 14 سنه وعندي 5 اطفال ربنا يحفظهم وهم اجمل حاجه خدتها في حياتي كلها مشكلتي مع جوزي بدات من اول يوم ليله الدخله يعني ضربني قلتله عملت كده ليه قالي كده لما اضربك مش هتقدري تقاومي وده كانت اول حاجه بعدها بفتره اتفاجئت انا بيتبول عليا وهوا صاحي بقوله عملت كده ليه بيقولي ده مجرد هزار طبعا وقتها كان عندي 16 سنه وكنت خجوله جدا واتكسفت اكلم اهلي عن اللي بيعمله بعدها بشهر سافر وسابني سابني لانه كان مش هينفع اسافر لانه لسه معمليش اي اجراءات للسفر قضيت حوالي سنتين عند اهله وكنت بخدم الكبير والصغير برضايا مش غصب عني لاني متربيه كده بعدها بسنتين سافرت عنده واهله سكنو في بيتي هوا كان بيعاملني كويس بس كلام والدته عنى غير وجهه نظره وكل يوم تعملي خناقه مكنتش بشتكيله منها بقول عيب عليا دي مهما كان والدته واكيد هوا عارف تصرفاتها وعارفني خلفت بعدها اول طفل وطبعا طول الفتره دي في السفر ممنوع اخرخ بتاتا ممنوع اكلم اي حد ما فيش تلفزيون وحتى مره قلتله هاتلي مجله والنبي زهقانه علشان اقراها واتسلى رفض طبعا كان السبب لكل ده انه محدش يعرف هم بيعملو ايه في بنات الناس تانيا علشان افضل متل القطه العميا اللي مبتعرفش تدافع عن نفسها في مره اهله خرجو من البيت وهوا كان نايم كلمت وحده من قرايبهم كنت هموت من السجن اللي انا عايشاه هوا صحي ومسكني من شعري وضربني وطبعا اهلي كان منعني اكلمهم كنت بكلمهم في السنه مره على التلفون وانا بتكلم يخطفو التلفون ويقفلوه فكرت بالطلاق وقتها بس عز عليا اول ابن ليا فكرت اهرب من البيت بس قلت يا بنت هتروحي فين وتتصرفي ازاي وانتي في غربه بعدها خلفت المولود التاني قلت يمكن ربنا يهديه ويهدي عيلته بس طبعا كلام امه اللي امر من السم ومشاكلها اللي بتعملها كل يوم زهقته عيشته وطفش من البيت وعرفت انه بيعرف بنت تانيه واتصرفت في الموضوع عرفت اجيت نمرتها وكلمتها انه متجوز وهيا بعدت عنه راح دور على غيرها وكل مره انا اكلمهم بالتلفون من غير ما هوا يعرف وابعدهم عنه جت بنت في الاخر وكلمتها راحت قالتله هوا جا وضربني واستمر معاها وجابهالي البيت وكان بيقضى وقته ويبات عندها وكمان اهله كانو بيضربوني مستغلين اني في غربه ومليش حد وقتها دعيت عليه قلت يا ربي انت شايف اللي بيعملوه وشايفني يا رب مليش غيرك انت اقوى منهم حسبي الله ونعم الوكيل فيهم والله العظيم بعدها بفتره صغيره حد ضربه بالرصاص ودخل المستشفى كان بين الحياه والموت وقفت جنبه وهوا قعد شهرين في غيبوبه دعيت ربنا وقلتله يا رب لو كان اللي بيحصله ده بسببي وبسبب اللي عمله فيا يااااا رب انا مسمحاه يا رب اشفيه ورجعه وانا مسامحاه دنيا واخره الحمد لله ربنا شفاه ونجي من الموت باعجوبه ورجع البيت وكنت طول الوقت تحت رجليه بخدمه وخايفه عليه كنت بنام على الارض وهوا على السرير كنت خايفه عليه واكله واعمله كل حاجه مكنش هوا بيقدر يعمل اي حاجه حتى الحمام مكنش بيعرف يوصله بعدها بفتره اتحسن وبقى كويس وبقى يمشي ويقوم اول حاجه عملها راح لحبيبته اللي بيكلمها بعد كل اللي عملته علشانه وراح ونام عندها وخلف منها كمان بدون جوازانا قلت خلاص مش قادره استحمل اكتر من كده انا هطلق وفعلا سبت البيت ورجعت عند اهلي كانو بيضربو اولادي ويربطوهم يعزبوهم رجعت علشان احميهم رجعت علشان اولادي قلت يمكن ربنا يهدي جوزي وخلفت كمان بعدها وحصلت معاه حجات عرف اهله على حقيقتهم وابعد عنهم وبقى انسان كويس قلت الحمد لله ربنا مش بيضيع حق حد بس الحال ده ما استمرش كتيرشهرين او تلاته ورجع زي الاول واهله خرجو من عندي بعد حوالي 10 سنين بس بقو يعملو مشاكل على التلفون قلت التلفون مش مشكله وهوا رجع يكلم بنات ويعاملني مش كويس ومن فتره خرجنا لمطعم وقاعدين بناكل بيقولي اهلك ميتين من الجوع وانا باكلك وانتي دلوقتي منتهيه الصلاحيه لازم ادور على وحده تانيه يا منتهيه الصلاحيه زعلت وخرجت من المطعم انا واولادي وسيبته لوحده ورجعت البيت انا والله مش عارفه اعمل ايه اولا اكلي وشربي انا واولادي وعلاج اولادي كل الحجات دي موفراها الحكومه لينا هوا موفر لينا البيت وخرجنا على مطعم على حسابه يقوم يعمل كده تاني حاجه انا جميله جدا وست بيت شاطره وكنت متفوقه جدا في دارستي سبت دراستي واتجوزته واستحملته كتير ومش عارفه هستحمل ايه ولا ايه مشاكله ولا مشاكل تربيه اولادي وحتى بفكر اخد ادويه مهدئه لاني مش قادره استحمل اكتر من كده انا قلتلكم مشكلتي علشان افضفض لانه حتى اهلي مش راضيه اكلمهم والدتي ست مريضه ومش هتقدر تستحمل واخواتي كل واحد ليه مشاكله وانا مش عارفه اعمل ايه عايزه اربي اولادي وعايزه حياه كريمه وعايزه شويه احترام بس مش معامله متل الحيوان انا اللي استحملت وصبرت حتى كلمه تقدير مش لاقياها ولا مراعاه للعشره اتجوزته وعندي 16 سنه ودلوقتي عندي 30 الفتره دي كلها خدت فيها العذاب اشكال والوان ولا لاقيه حب ولا تقدير ولا هوا اتغير ولا اهلو اتغيرو ومش عارفه اشكي لمين غير ربنا حسبي الله ونعم الوكيل ده اللي اقدر اقوله مع دموعي وعزذابي اللي مش بيفارقوني

مشاكل وحلول ذات صلة

اضيف بتاريخ: Tuesday, February 15th, 2011 في 04:07

كلمات مشاكل وحلول: , , , , , , , ,

56 رد to “عذابي مع زوجي بدأ من ليلة الدخله”

  1. hamid
    04/04/2014 at 13:35

    لا يوجد بين دعوتك لله حجاب فادعى الله بما شئتى وثقى بان الله لن يتخلى عنك حتى لو تخلى عنك الجميع

    قَـيّـم هذا الحل: Thumb up 1 Thumb down 0

  2. سالي
    14/03/2014 at 14:53

    حسبك الله ونعم الوكيل حسبك الله ونعم الوكيل قصتك المتني وقد دعوت لك ..

    قَـيّـم هذا الحل: Thumb up 1 Thumb down 0

  3. سالي
    14/03/2014 at 14:45

    الله اكبر قال تعالى ( انما يوفى الصابرون اجرهم بغير حساب ) اسأل الله االلذي جل في علاه ان ينصرك على زوجك وعلى اهله ويقر عينك بصلاح اولادك ويجعل العاقبة لك قولي امين حسبك الله ونعم الوكيل

    قَـيّـم هذا الحل: Thumb up 2 Thumb down 0

  4. ابواميرة
    01/12/2013 at 01:02

    اختي العزيزة للاسف الشديد انت مااحسنتي اختيارك الزوج المناسب كان الاجدربك انت واهلك التحري عن اخلاق وسلوك هذاالرجل قبل الارتباط والموافقةعليه وكذلك تساهلك معه طوال هالفترة على حساب كرامتك وعزةنفسك لايوجدعاقل يقبل بهذةالتصرفات اوالافعال الغيرانسانيةولااخلاقية اطلاقا لكنك ضعفت وفرطتي في شبابك وصحتك وكرامتك وسمعةاهلك لاجل هالحيوان السافل الوغدالحقير المنحط وهولايستاهل العيش معه اوالبقاءعلى ذمته اطلبي الطلاق فورا لاجل ماتحفظ ولوجزءتبقى من كرامتك وعزةنفسك وكفاك تفريط ومجاملة اوتساهل معه المومن لايلدغ من جحر مرتين وتاكدي انه لاخيرمنه يرجى ولافايدةمن اصلاح ماافسده الدهر فكري في حياتك وواولادك وتخلصي من هالوباءوالعلة وربي بيعوضك بخيرمنه انت لسه في اعز شبابك والف من يرغب في زواج منك ولست باول ولااخرمطلقة في هالكون انفذي بجلدك انت واولادك واشتري راحتك وسعادتك من هالانسان المتوحش النكره وحسابه على الله ربك بينتقم لك منه هوواهله ان عاجلا اواجلا وربك يمهل ولايهمل ابدا والدنيالسه بخير تلاقي ابن الحلال الصالح اللي يقبل الزواج منك ويساعدك على تربيةالاولاد ويعوضك مافات من عمرك ومالاقيته في حياتك

    قَـيّـم هذا الحل: Thumb up 3 Thumb down 0

  5. نورا
    30/11/2013 at 21:06

    ربنا يسمحه الفصة قصرت فية اوى وبعدان انتى اتجوزتى بدرى كده ليه اكيد كنتى فى اولى اعدادى انا هقولك على حل وياريت تنفزيه انا لو كنت مكانك كنت هعمل كده انا كنت هطلب الطلاق الاول ولو مرضاش كنت هاحول مرة واثنين وثلاثة ولو مرضاش كنت هخلعه فى المحكمة وحكى للمحكمة كل اللى عملو معايا وانشاء الله كانت المحكمة كانت هتحكملك تخلصى منه بدون مايحصلك كل اللى هصلك ده وكمان انا بحيكى على جرائتك وربنا يحميلك ولادك بازن الله ربنا معاكى

    قَـيّـم هذا الحل: Thumb up 4 Thumb down 0

  6. ادهم
    13/04/2013 at 15:24

    صاحبة المشكلة .. ربنا يهدي زوجك .. انتي ياسيدتي الفاضة حرام عليكي انك تتعذبي كده وتقبل احنا نعيش الحياه مرة واحدة بس ليه تقبلي بكل العذاب ده واعتذر من السؤال الحالة المادية عند اهلك ايه يقدروا يصرفوا عليكي ولا مش هيقدروا ؟
    استخيري ربنا في انك تسيبي بيته وتروحي لاهلك لو يقدروا وابعدي عن الانسان السيكوباتي ده حرام بجد لما جوزك يضربك ويشتمك ده مش متربي ووقح واسف طبعا اني بسبه بس صدقيني ده مش بيعرف قيمتك واتوكلي على الله هو حسبك واكيد هتلاقي انسان يحترمك ويقدرك

    قَـيّـم هذا الحل: Thumb up 4 Thumb down 0

  7. زائره,
    22/01/2013 at 05:04

    شوفي انتي انسانه طيبه ادعي لله وصلي واستخيري الله انك طلقينه او لا بس الافضل انك تلقينه وتروحي لشقه تستاجرينها وتدورين لك شغل تكونين معلمه او اي شي الا مايكبروا اولادك الله يخليهم لك يساعدونك اتنمى لك الحياه السعيده

    قَـيّـم هذا الحل: Thumb up 0 Thumb down 2

  8. nada
    01/10/2012 at 15:32

    أولا الحكاية اللي حكتها هي اختصاراللي شافته منه وأكيد فيه حاجات عملتها هي له بقصد أو غير قصد فالانسان مش معصوم من الخطأ وانا رأيي من رأي الاستاذ ayman فعلا اللي قاله هو الصواب ومش عارفة ليه أكتر من 30شخص مش عاجبهم كلامه وكمان اللي قالته الحبوبة ايمي زملكاوية نصيحة فمحلها ما عليكي غير الصبر لين يكبروا أولادك وحتلاقي خير منهم باذن الله أما هو بعد السنين كلها وهو زي مهو مستحيل يندم لانه شايف نفسه مش ظالمها وأنه هو المظلوم وماراح أقول غير حسبك الله ونعم الوكيل والسلام

    قَـيّـم هذا الحل: Thumb up 0 Thumb down 4

  9. الشيماء
    03/02/2012 at 11:36

    عرفت ازاى توصلى للنت اذا مافى مجلات ومش مسموح تتعاملى مع الناس؟
    بعدين لو كتير موحاباه وبتعيطى ومحزونه كيف خلفتى كل دول؟
    كتير فى اخطاء فى الرساله بس يالا لو حقيقى ربنا معاك اكيد ماحد فينا بدو اذيه واللى يخليك تستحملى 15 سنه استحملى لاخر العمر خلاص ماعاد فى وقت
    بس اولادك حرام عليك وديهم ملجأ او شى مكان يعيشوا بدونك افضل

    حل غير مناسب حسب التصويت. ما رأيك انت: Thumb up 7 Thumb down 20

  10. hamid
    29/08/2011 at 17:19

    اعانك الله رددى دائما حسبى الله ونعم الوكيل ففبها سر عظيم

    حل مناسب حسب التصويت. وانت ما هو رأيك? Thumb up 11 Thumb down 1

  11. neno
    23/05/2011 at 01:33

    اختى فى الله لو كنت مكانك كنت اطلقت وبعدت عنه باسرع وقت دة انسان معندهوش قلب ولا يقدر يحترمك واهله ناس مش محترمين والله ياحبيبتى احسن حاجة تبعدى كفايه الى استحملتيه منه وربنا معاكى يارب هدعيلك دايما :(

    حل مناسب حسب التصويت. وانت ما هو رأيك? Thumb up 12 Thumb down 2

  12. ayman
    07/04/2011 at 14:28

    انا اسف مش مقتنع بكلامك مش عارف ليه لانه مش طبيعي
    الرجل مهما كان قاسي وجبار عندم يجد من يمد له الحب فانه يتقبله بكل جوارحه ويكون مثل العصفور
    اختي انني متزوج من 17 عام ووجدت ان اساس الحياه الزوجيه الناجحه تعتمد على 3 اشياء مهمه جدا للرجل وهي
    1_____ الصدق (لابد ان تكون الزوجه صادقه مع زوجها لابعد الحدود)
    2__________ الطاعه (لابد على الزوجه ان تطيع زوجها وتسمع كلامه طالما لا يامرها بمعصيه لله سبحانه وتعالى )
    3___ تهتم بنفسها من الناحيه الجماليه والصحيه وان تتزين له كل ليليه وليس لغرض المعاشره ولكن لغرض ان تشعره انها تهتم به فقط ولا مانع كل فتره توحي له بانها محتاج له (جنسيا) ولا تطلب صراحة بل ايحاء سوء بلملبس او بالحركت والدلع
    فاذا فعلت المراءه ذلك وجدت زوجها خادم لها _(قــــــــــوة الــمــــراءه في اظهار ضعفها لزوجها وانها محتاجه وهذا حقيقي)

    حل غير مناسب حسب التصويت. ما رأيك انت: Thumb up 8 Thumb down 38

  13. دودى
    16/03/2011 at 16:58

    انى ربنا حيديكى خير فى ولادك ان شاء الله وانتى انسانة طيبة بس لازم تطلقى منه وتاخدى ولادك معاكى

    حل مناسب حسب التصويت. وانت ما هو رأيك? Thumb up 12 Thumb down 0

  14. ام أشرف-فلسطين
    15/03/2011 at 12:47

    السلام عليكم ورحمة الله وبركاته- بداية ربنا يعينك كثير على ما بلاكي وهاد اكيد ابتلاء من رب العالمين لانه ربنا ما بيبتلي الا المؤمن … ثانيا الصبر اله حدود وعالاغلب حدود صبرك انتهت من زمان كثير وانت المفروض انك بالوقت الحاضر تفكري كثير باولادك الاربعة ربنا يخليلك ياهم ويعوضك فيهم بالخير كلة وينورلك طريقهم ، هدول اطفال حرام يشوفوا المشاكل هاي قدام عيونهم لانهم بتعقدوا بشكل وبصيروا عدوانيين وهاد كله بيأثر عليهم مستقبلا وانت زي ما تفضلتي بدك اولادك يكونوا احسن الناس ويتربوا كويس وتوصليهم لبر الامان
    والأمان والله العظيم بالطلاق بس يعرفوا انه ابوهم وامهم مطلقين وبيعيشوا مع هالواقع بس بامان طثير وراحة واحسن تربية بس بالوضع اللي انت فيه مستحيل تقدري تمحي اثر هالمشاكل والضرب رح يظل محفور بعقولهم وقلوبهم على مر العمر صدقيني يا أختي حرام مشانهم لازم تختاري الطريق الصح المفروض من زمان طلبتي الطلاق لكن سبحان الله قدر الله وما شاء فعل-الطـــــــــــــلاق هو الحل للكل وانت أدرى بواقع حياتك اللي انعرف من كلامك انه وجودك او عدمه عفوا على التعبير واحد بحياة هاد الانسان اللي ما بمت للانسانية بصلة ، استخيري ربنا وربنا اكيد رح ينورلك طريق الخير الك ولاولادك … بتعرفي شي انا ام لطفلين ولد وبنت بحبهم كثير صرلي متزوجة سنتين ونص بس زوجي انسان جدا رائع دين بيخاف ربنا فينا صح اوقات بزعل منه بيزعلني بس عمره ما رفع ايده ولا عمره حكى كلمة مش كويس مهما كانت بسيطة على قد ما هو دين وبيخاف ربنا فينا حتى لو ازعله انا ويكون مدايق مني ومخنوق براضيه وببوس رجليه وبحكيله سامحني وانا بحب اعمل هالشي لانه بيستاهل مع انه بيستحي مني واوقات ما بيخليني واوقات حتى لو انا اللي زعلانة منه برضة براضيه لانه الا اوقات الانسان يغلط بضل انسان خاصة لما يكون معصب يمكن يبدر منه تصرفات هيك او هيك بس المهم ما تكون خارج حدود الانسانية .. سامحيني اذا وجعتك بكلامي بس ربنا معك وربنا ينورك طريق الخير قدامك وينور بصيرتك للقرار الصح … بحب احكيلك حياتك لسا قدامك لا اضيعيها مع حد هانك مرة واتنين وتلات ورح يضل يهينك لاخر العمر عيشي حياتك بهدوء مع اولادك وربيهم احسن تريبة هيك بتكونوا وفرتيلهم الامان والهدوء واحسن حياة بانك تبعديهم عن هالاب اللي حرام يكون اسمة اب .. بأمان الله وحفظة دوما..

    قيم هذا الحل سلباً او ايجاباً: Thumb up 5 Thumb down 0

  15. Essam Ayyad
    15/03/2011 at 03:50

    انا مش رح اقدر اكتب شي .. انا رح اكتفي بالعياط عليكي وعلى حالتك
    حسبي الله ونعم الوكيل فيه .. ربنا ما هينساكي يا اختي الغالية
    اجرك عند الله عظيم .. ربنا معاكي والله ينصرك عليه
    والله العظيم ما انا قادر امسك نفسي من العياط عليكي

    حل مناسب حسب التصويت. وانت ما هو رأيك? Thumb up 13 Thumb down 0

  16. بنت الجزائر
    12/03/2011 at 02:38

    لا حول ولا قوة إلا بالله ….فعلا قصتك عكرت مزاجي و أنا بعيدة كل البعد عن ما تعيشينه فكيف بك أنت مع هذا الحيوان أكرمكي الله و القراء ….ربما كما تقولون بالمصري كنت صغيرة وعلى نياتك لهذا إستقوى عليك و عاملك بما يغضب الله ….لكن أنت طيبة أكثر من الازم و من طيبتك نسيتي أهمية كرامتك التي تكفل لك خوفه من تجاوز حدوده معك ….و عادتا هذا النوع الهمجي و السادي من الأزواج يكون على درجة عالية من الجبن و قلة الحيلة و يهرب من المواجهة …و بالتالي يمكن الدخول له من نقطة ضعفه …لو كنت مكانك و في بلد أوروبي للجئت لمنظمات حقوقية أنا و أولادي و هم سيتصرفون معك و قد يرفعون قضية لك و ستكسبينها بإذن الله و تحصلين على الطلاق و على سكن و أجرة شهرية …و هذا ما حدث مع صديقة لي في فرنسا و هي تعيش الآن حياة كريمة و هادئة فبعد أن ضربها ذهبت مباشرة لمركز الشرطة فححوا الأضرار التي لحقت بها و وكلت لها منظمة حقوقية محاميا و ربحت القضية و حصلت على مسكن من الدولة و زوجها سجن ثم خرج و أكمل حياته الهمجية بعيدا عنها …..أما إذا لم تريدي ذلك فما عليك إلا الإلتزام بالإستغفار بالآلاف يوميا و ستفاجئين بالفرج كيف يأتيك من العزيز المقتدر ….و ما دمت دعوت عنه من قبل و أستجاب لك الله فهذا يعني أن علاقتك بربكي سليمة و دعوتك و أنت مظلومة مستجابة إذا إحرصي على الدعاء له في جوف الليل بالصلاح إن كنت متمسكة به لعل الله يغيره فهو القادر على كل شيئ ….كن جيت في بلاستك والله مانكمل معاك تصوري إنت جميلة و في الثلاثين و يراكي منتهية الصلاحية و كي تولي في 50 ماذا سيراكي ….هل تضمنين أنه لن يتخلص منكي …و عندنا مثل شعبي هو الأكثر إنتشارا يقول ” النيف و الخسارة” …يعني مستعدون لخسارة أي شيئ مقابل الحفاض على كرامتنا ….و فعلا أعرف حالات كثيرة لنساء كرههن أزواجهن بسبب قلة الكرامة و “السماطة” كما نقول ….و لم أجد شيئ يوقف الرجل عند حده عند التطاول أكثر من عزة النفس و الإبتعاد عليه و عدم الرد على كلامه إلا بنبرة من الغضب و الحزن و تفادي النظر إليه قدر الإمكان و عدم إستعطافه أبدا أبدا فقط تهديد و جفاء ….فالمعتوه الذي يتبول على زوجته ليس له حل سوى الخلع أو الدعاء في جوف الليل لله فهو القادر على كل شيئ …فإما يهديه أو يديه ….سأدعوا لكي أختي لعل الله يفرج عنك….إحترامي

    حل مناسب حسب التصويت. وانت ما هو رأيك? Thumb up 9 Thumb down 0

  17. حسام العراقي
    09/03/2011 at 15:43

    انا اقول لك ياسيدتي لو كنت انا مكانك لتركته لو كان عندي منه الف طفل هذا الحيوان لايستحق الحياة والتقدير ويجب ان يهمل الكلب ليتعلم ان بنات الناس ليسوا لعبة بين يديه ويجب ان يتحمل ماساته الغبي وانا مكانك لعثرت لهم على اب جديد له قلب طيب يحميهم وتخلصي من هذه الفاجعة والالم المحزن في قلبك وشكرا الله الموفق – هذه هي اخلاق المسلمين ضد المراءة ويجب ان تتغير قبل فوات الاوان …

    قيم هذا الحل سلباً او ايجاباً: Thumb up 4 Thumb down 1

  18. سلمى
    05/03/2011 at 21:18

    انت بتقوللى عندك 30 سنة ياعنى تقدرى تشتغللى وكمان تتجوزى تانى واولادك والله احسنلهم يبعدوا عن اب مخه تعبان وبيهين امهم ادمهم واهلها ومش عاو يصرف علية انا مش عارفا اية الرجلة الهم ديه عاوزين بس يعرفوا بنات ويغيروا ويصرفوا بره على البنا اللى مشين غلط انما فى بيتهم لا وغير كدا انتى غلطانة اكتر منة المفروض كنت ركبتى وسيلة لمنع الحمل مش شايفا الوضع كدا تروحى تخلفى 5 ربنا يخليهم ليك طبعا واللى فات مات بس انتى بتقوللى انوا خلف من بنت من غير جواز اية دة اللى انتى فية علشان خاطر اولادك اية انت مممكن يجيلك منة مرض جنسى او يعدى حتى اولادك الاولاد ليهم رب وليهم نفقة كدا بتحافظى على ولاادك لما ترميه لان كرمتك من كرمتهم بكرة اولادك لما يكبروا ويعرفوا ان ابهم كدا هيفهموا ويمكن هما كمان ما يحبوش يشوفة واللى بيعملة فى بنا الناس هيترد لية فبعتدى بولادك احسن ليك وليهم دا انسان حتى مش خايف من ربنا ولا عامل حسب لمرض ولا سمعه ولا عيال ولا بيت خليكى ايجابية واتصرفى وبسرعة بدل ما تجيبى عيال تانية واخرى قرارك اكر من كدا وتلاقى نفسك بردوا بتشتكى والناس اللى بيقولوا اصبرى ما تسمعيش كلامهم والله لو عاشوا حياتك لكانوا اتطلاقوا من يوميها ربنا قال نصبر وانتى صبرتى 14 سنة انما ماقالش نكون ضعاف ومعندناش شخصية وخايفين من بكرة على اولادنا دا حتى ربنا قال الرجال قومون على النساء بما فضل الله بعضهم على بعض وبما انفقوا من اموالهم صدق الله العظيم والحمد لله هوا ماينطبقش علية الموصفات فى الاية ديةوفى اية تانية وللاسف مش فاكرها كويس بتقول والذين اذا تركوا من وارثهم ذريتا ضعاف خافوا عليهم فاليتقوا الله نحن نرزقهم واياكم صد ق اله العظيم وياري حد يصحح الاية ليه ياعنى ما تخافش على اولادك ربنا عمل حساب رزقمهم فرزقهم على الله مش على جوزى اللى عدم وجودة احسن

    قَـيّـم هذا الحل: Thumb up 4 Thumb down 0

  19. احمد سمير
    02/03/2011 at 17:11

    اختى العزيزه احمدى ربنا على كل شئ وانا شايف ان مفيش حل غير انك تقولى حسبى الله ونعم الوكيل لانك وللاسف مش هتقدرى تغيرى شخصيتك الضعيفه قدام زوجك ودى حاجه تبين انك انسانه متربيه كويس ومحترمه اعملى حسابك ربنا عمره مهينساكى هيجى عليكى يوم ان شاء الله وهتلاقى اولادك بيدولك اللى عمرك ماخدتيه فى حياتك احمدى ربناوبعدين لو بصيتى هتلاقى جوزك مهما اتعدل عمره مهيرضيكى لانه خلاص بقى قليل فى نظرك انت دلوقتى مستقبلك وباقى حياتك فى اولادك هما خير عوض ليكى ربنا يخليهملك وبكره هتفتكرى كلامى اما تكبرى فى السن وتلاقى اولادك بيعوضوكى عن كل اللى فات
    (لا اله الا الله سيدنا محمد رسول الله)

    قيم هذا الحل سلباً او ايجاباً: Thumb up 4 Thumb down 1

  20. فارس العرب
    01/03/2011 at 18:38

    اقسم بالله خلتيني ادمع زوجك غير سوي اطلبي الطلاق وعيالك ليهم رب يعني الي ابوة وامة مش موجودين بيتربي ويطلع راجل وارجل من جوزك كمان حرام والله حرام حسبي الله ونعم الوكيل

    حل مناسب حسب التصويت. وانت ما هو رأيك? Thumb up 13 Thumb down 0

  21. جودية
    27/02/2011 at 01:45

    ربنا يصبرك على مابلاك وربنا اذااحب عبدا ابتلاةوربنااكيدبيحبك عشان ابتلاكى بهذا الزوج وافعالةوانتى صابرةفهذا عند الله له ثواب عظيم فمن اجل الادك اصبرى وربنا ان شاء الله هيهدهولك ويرجع الى صوابة وينعم عليكى بحياة افضل من ما تتمنيهالانك فعلا بنت اصول وان الله لايضيع اجر من احسن عملاوابقى طمنينا ولا تياسى من رحمة الله منتظرين تتطمنيننا والله الموفق والمستعان

    قَـيّـم هذا الحل: Thumb up 4 Thumb down 0

  22. مني
    22/02/2011 at 21:15

    انا حاسه انك عشتي ليله فرحك بحق وانتي في العمليه استغلي حب جوزك ودوري عليه وغيري من شخصيتك وربنا يوفقك نفسي اصغرتلك واقولك الف حمدلله علي السلامه والف مبروك ربنا يوفقك

    حل غير مناسب حسب التصويت. ما رأيك انت: Thumb up 5 Thumb down 14

  23. randa_tn
    21/02/2011 at 17:01

    “الصبر مفتاح الفرج”
    الحمد لله عالسلامة

    على فكرة اكثر شئ يخلي الراجل يتمسك بزوجته هو شخصيتها المستقلة وثقتها وعزتها بنفسها
    وكمان حنيتها ….انتي عطوفه كثير وحنونة أكثر وياريت تحاولي تكوّني شخصية لنفسك
    مو شرط انك تكوني متعلمة من شان تشتغلي..تقدري تشتغلي اي شئ حلال حتى لو اشتغلتي في بيتك المهم انه يكون عندك مورد رزق بعيد عن زوجك من شان تحسي انه انتي منتجة
    وكمان لا تسكتي عن الإهانة بعد اليوم ودافعي عن نفسك مو منشانك بس كمان منشاء أطفالك..لاتكوني انهزامية بعد اليوم ..مولازم تعطي لأي احد يمس كرامتك
    اتمنالك التوفيق واتمنى اسمع عنك اخبار كويسة في القريب العاجل

    حل مناسب حسب التصويت. وانت ما هو رأيك? Thumb up 12 Thumb down 0

  24. ابشري بفرج قريب
    19/02/2011 at 21:43

    بصي متنسيش انو ربنا همهل ولا يهمل . ولعل الاحداث التي تمرين بها خيرا . ابشري بالصبر والثواب من الله عز وجل

    حل مناسب حسب التصويت. وانت ما هو رأيك? Thumb up 9 Thumb down 0

  25. القلب الحائر
    19/02/2011 at 15:21

    عارفة هو بيعمل معاكى كدة لية عشان انتى ضعيفة قصادة وانا اسفة فكلمة اللى هقولهالك ماحى شخصيتك يعنى بيضربك وبيبهدلك وانتى معندكيش رض فعل تماما حتى اهلك مينفعش تروحى تعدى معاهم عشان كدة مصتتعفك حاولى تبقى قوية قدامة حاولى انك تبعدى روحى عند اى حد من قرايبك ابعدى عنة فترة متعرفيش اى حد خالص اتغيرى من جواكى انتى بتقولى انك جميلة استغلى الموضوع دة يعنى البسى كويس حطى مكياج فوشك حطى برفان انة لما يشوفك يشوف انسانة تانية خالص غير كدة اتقلى علية جداا يعنى لو موجود فشقة متعديش معاة خشى الاوضة اعملى اى حاجة وقفلى على نفسك الباب لو قالك اى حاجة ردى علية بنفس الاسلوب حاولى تتمسكى قدامة تبقى قوية وتبقى اقوى منة كمان حاولى تنزلى تشتغلى ومش مهم حكاية انك مش مكملة دراستك لان فى شغل ماتتطلبش حكاية الدراسة دى وتتعرفى على ناس وتتعملى مع ناس تانية وتتغيرى من جوكى هتبقى مش محتكالوا غير فى السكن وبس ولو عملك اى حاجة ابعدى فترة اختفى زى ماقولت المهم يعرف انك بقيتى قويةلانى زى ما قولتلك هو مستتضعفك وربنا يوفقك يارب

    حل مناسب حسب التصويت. وانت ما هو رأيك? Thumb up 14 Thumb down 0

  26. الحر
    19/02/2011 at 09:01

    بالبداية بهنيك وبهني اهلك عليك وبهني اطفالك لحظهم الرائع بوجود ام رائعة متلك بصبرك وتقديرك للامور وباخلاقك الراقية
    اما بالنسبة لمشكلتك بتستحق الوقوف والاهتمام ومشاركتك بمثل هيك مشاعر بالحدى الادنى واضعف الايمان بالدعاء وكل انسان فيه يعطي وجهة نظره بالطريقة الي بشوفها مناسبة وانا واثق بحسن تقديرك وخيارك رح تاخدي من كل رأي الزبدة والفائدة وتستجمعيها بفكرة وحدة ورأي واحد بساعدك على حل مشكلتك او التخفيف من اثاراها السلبية على حياتك لانه بالنهاية انتي لوحدك وبس الي بتعرفي تفاصيل ظروفك بشكل دقيق
    الله عز وجل بحكي ومن يتقي الله يجعل له مخرجا ويرزقه من حيث لا يحتسب ) والمخرج والرزق اله اشكال متعددة وانتي يا اختي بتحكي انه عندك خمس اطفال الله يوفقلك اياهم ويحفظهم يارب لهيك ما تفكري ابدا بموضوع الطلاق بعد كل هاي السنوات وفكري كيف تاخدي سعادتك الي فقدتيها مع زوجك من اطفالك وثقي انه رح تلاقي اضعاف السعادة الي كنت بتطلبيها من زوجك من اطفالك بتقديرهم الك والحياة سلف ودين وما في شي بضيع ومتل ما بتزرعي بتحصدي وثقي بانه الله عز وجل رح بعوضك وبتمنالك التوفيق والسعادة الك ولاطفالك والهداية لزوجك وتقبلي تحية اخ لك بالله من سوريا

    قيم هذا الحل سلباً او ايجاباً: Thumb up 4 Thumb down 1

  27. روح القمر
    19/02/2011 at 03:14

    هقولك كلمة واحدة بس انتى ليكى الجنة بس ربنا ميرضاش بالظلم وانتى المفروض كنتى تطلقى منه من ليلة الدخلة اصلا بس اللى يصبر على حقه مش هيرجعله لازم يروح هو بنفسه يجيب حقه انتى المفروض تطلقى منه وتعيشى مع اهلك لان الانسان ده شيطان ومش بيتعلم ومش هيتعلم ومش هيبقى انسان ده شيطان لو عاوزة تعيشى وتصبرى على عيشتك مع شيطان لوانتى خايفة على اولادك فعلا تطلقى منه لانك مش هترضى لاولادك يعيشوا مع اب زى ده!!!!!!!!!!!ده ميعرفش معنى الانسانية يبقى ازاى هيبقى اب!!!!!!!!

    قَـيّـم هذا الحل: Thumb up 3 Thumb down 0

  28. مني
    18/02/2011 at 21:19

    انا اسفه عندي مشكله بالكمبيوتر وانا برجع بعد ما كتبت الرساله اكتشفت الاخطاء وهحاول اعدل فيها
    ا سلاموا عليكم —- اهنيكي علي قوه تحملك وصبرك واعوا الله يزيدك مانصحكيش بالشغل لان اثبات نفسك مع اولادك اهم مليون مره من مليون دكتواره ابعدي عن جوزك بشكل غير مباشر خليه يدور عليكي وممكن كمان يعتقد انك بتكرهيه او بق سهل حدتاني يشغلك لو في طلب ممكن يعذبوكي او يذلوكي فيه ماتطلبهوش زي تكلمي اهلك بالتليفون او تزوريهم او تقعدي علي الكمبيوتر واهتمي بمظهرك اكتر واكتر حاولي طول ماهو موجود بالبيت انتي مش قاعده معه ولا تهتمي بيكلم مين ولا بيعمل ايه فقط عليكي بالاهتمام بنفسك اعملي انك سرحانه وكانك افتكرتي حاجه وابتسمي ابتسامه خفيفه وهكذا يوفقك

    قيم هذا الحل سلباً او ايجاباً: Thumb up 4 Thumb down 2

  29. مني
    18/02/2011 at 21:10

    شلاموا عليكم
    اولا اسمحيلي اقولك قلبي عندك لكناهنيكي علي قوه تحملك وادعوا الله انه يزيدك صبر وقوه تحمل وعجبني جدا كلامك عن جوزك بالحب دا رغم كل اللي عمله فيكي بس انا حسيت منك بشويه سلبيه يعني يعمل اللي عايزه ويتصرف زي ما يحب ممكن اتخيل معاكي هو ايه اللي بيدور عليه بره ليه كل ما بعدي عنه بنت سعي انه يدور علي التانيه علي فكره مش كل الرجاله تحب الطاعه العمياء لازم تعترضي وتزعلي وتبعدي وانتي موجوده معه مش صح انه كان لازم كل ما يدور عليكي يلاقيكي انا عندي حلين الاول انا مش بشجعك عليه وهو انك تطلقي وتاخدي اولادك وتعيشي مع اهلك و الحكومه تتكفل باولادك وانتي تحاولي تشتغلي اي شغل يناسبك.
    الحل التاني وهو انك تعيشي متمرده وجوزك قلقان عليكي ويعرف انك ممكن تمشي في اي وقت بس حاولي ماتوصليش دا للاودك لانهم ماشاء الله علي ذكاء وملاحظه لما يدور حولهم وانا مش بشجعك بالشغللان مسئوليه اودك واثبات نفسك في اولادك احسم من مليون دكتوراه اعملي كل الواجب عليكي بالبيت ولجوزك بس ما تتعمليش مع حد ولا جوزك وزلا اهله ماتسبيش فرصه لحد يتلكك معاكي عليها البيت نطيف الهدوم الاكل مذاكره الاولاد لو في طلب ممكن يتمنع عنك زياره اقاربك تكلميهم في التليفون بلاش كلمي اهلك وانتي بتجيبي الاولاد من المدرسه ماتقعديش علي الكمبيوتر كتير قدامهم فاهمه لازم يحسوا انك شخصيه تانيه قويه مش ضعيفه هما مالهمش لازمه عنك وابعدي عن جوزك لو عايز علاقه بينكم ابعدي بس مش بشكل مباشر بحس انه مايملش خليه يسال هي بقيت بتكرهني ولا ايه طولب ماهو متاكد انك موجوده مش هيشوفك فاهمني وصلي وادعي ربنا وازرعي في اولادك الحنيه اللي ضاعت منك الوقت دا كله وربنا يوفقك ويكرمك في حياتك ومع زوجك واولادك علي فكره انا عندي احساس انك انتي وجوزك بتحبوا بعض جدا بس في حاجه كل واحد بيدور عليها في التاني ومع العلم جوزك واضح ان سلوكه مش مظبوط قوي بسب اهله او انه عنده ثقفه جنسيه من مكان غلط بس بردوا انتي بتقولي انه كان بيعملك كويس حاولي وصدقيني صعب ربنا يضيع صبرك علي الاقل هتلاقيه في اولادك واخرتك

    قَـيّـم هذا الحل: Thumb up 1 Thumb down 1

  30. صاحبه المشكله
    18/02/2011 at 05:28

    اخواتي بالله ربي يخليكم ليا انتو وامثالكم وعسى ان تكرهو شيئا وهو خير لكم بصراحه يا جماعه حصلت معايا حاجه كنت عيانه جدا وكان لازم اعمل عمليه فورا والدكاترا قالو ان العمليه خطره ونسبه نجاحها بين الحياه والموت وبصراحه شفت جوزي زعلان جدا وخايف عليا جدا وفضل واقف جنبي ومرحش شغله وعمل اكل ليا ولولاده وكان بيوصي اولاده عليا سبحان الدي يغير ولا يتغير ربنا كبير وبركه دعواتكو ليا انا دلوقتي قايمه من العمليه وبصراحه مقدرش استنى اخف شويه واكتبلكم واقول ربنا مش بيضيع حق حد وبتيجي على اهون سبب

    قَـيّـم هذا الحل: Thumb up 2 Thumb down 1

  31. ايمى زملكاوية
    17/02/2011 at 15:29

    ربنا يهديهم يارب المهم بالله عليكى تطمنينى عليكى طمنينى هتعملى اية وابقى كلمينا على طول

    قَـيّـم هذا الحل: Thumb up 2 Thumb down 0

  32. صاحبه المشكله
    17/02/2011 at 02:02

    اخت رندا بصراحه ردك عجبني وكمان ردود كل الاخوه ومش عارفه تفكيري بيشبه تفكيرك شويه وانا فعلا بفكر اشتغل بس المشكله اني مش متعلمه تانيا انهم عيشوني معزوله عن الناس بس كمان حاجه حابه اقولها ليكم بالرغم من انهم مستضعفيني بس بنظر ابنائي انا الملاك وهم الشياطين يعني اطفالي الحمد لله انهم شبهي اناوعاشو الواقع وعرفين الصح من الغلط واساسا انا اللي ربتهم يعني هم زيهم زي الاغراب وتصرفاتهم مع ابوهم بيحبوه بس لو اساء قدامهم الكلام عليا مش بيسكتو وقدام اهل جوزي لو حد منهم اتكلم عليا في وجودهم مش بيسكتو وانا حاسه انه حقي بيرجعلي علشان كده حاسه ان اطفالي على اد ما استحملت علشانهم فهم ملو حياتي وعارفه هيجي يوم وياخدولي حقي وكفايه حسهم في الدنيا كلها يعني الوضع تغير دلوقتي شويه انا بخرج علشان اوديهم المدرسه وفي مره زعلو من ابوهم بيقولو سمعوه بيكلم بنت وبطلو يكلموه وانا قلتلهم لا يا ماما بابا مش بيكلم حد ده شغل ودي وحده كانت عايزه تشتري

    قيم هذا الحل سلباً او ايجاباً: Thumb up 7 Thumb down 0

  33. خالد
    17/02/2011 at 01:46

    اخاختى الكريمة اولا انتى بنت اصول وكل ما عملة زوحك سوف يندم علية ولكن الهادى هو الله وانتى عندك ثلاث اولاد ربنا يسعدك بيهم ويهنوكى ويعوضوكى خير باذن الله الايام بتجرى فارجوكى لا تغضبى ولا تحزنى من اجل صحتك ومن اجل اطفالك انتى عايشة من اجل اطفالك وليس من اجل زوجك زوجك اخرت يعلمها الله لانه نسى الله ونسى اقل شىء وعاشرهم بالمعروف اهلة كذلك فصبرى وانشاء الله ربنا عيعوضك خير وحافظى على اولادك الطلاق والفراق اسهل مايكون ولكن تاكدى ان اولادك ضاعو ولكن عيشى من اجلهم اتوجة الى الله ان يصبرك وان يعطيكى الصحة وان يهدى اولادك لكى ويهدى زوجك اعمى القلب اعمى العين ليس دعاء بس لا يرى انسانة بتلق الجمال الاخلاقى هو يرى المنظرة فقط وربنا معاكى

    قَـيّـم هذا الحل: Thumb up 2 Thumb down 0

  34. محمود
    17/02/2011 at 01:27

    في الاول انتي جريئه انك قدرتي تفضفضي وده بداية خروجك من المشكله انك بدأتي تلاقي حل لعزلتك بالفضفضه
    ثانيا ابعدي عن اي مهدئ علشان ما تمشيش في طريق لا عوده منه
    ثالثا في كليتنا علمونا كاخصائيين اجتماعيين اننا نعرف اسباب نشأة المشكله وزي ما قا احد الاخوه انك غلطي في انك وافقتي على انه يعاملك كده من البدايه فالعيب من حضرتك
    هقدملك حل المشكله من وجهة نظري ” وجهة نظري وارجو ان لا تضايقكي ”
    1- استمري في حبك ليه ولا تكرهيه ابدا لعل الله يبدل الاحوال فيرجع عما يفعله
    2- قربي من اهله واقعدي مع حماتك وقربي منها مهما كان سمها اي بنت شاطره تقدر تلين الحجر
    3- خلي اولادك يحبوا جدتهم اكتر واكتر هما اللي هيكونوا سبب تحويل سم جدتهم فيكي الي عسل
    4- اقعدي مع زوجك واعرفي منه ليه بيعاملك كده وايه مضايقه منك وغيريه
    5- لو انتي انعم الله عليكي بنعمة الجمال استخدمي جمالك في اسعاده
    6- غيري استيلك معاه يعني
    * البسي اشكال مختلفه من نظام لبسك
    * عطري نفسك وكوني جميله
    * هاتيلوا هديه في عيد زواجكم وعيد الحب
    * اسف ” لو مش بتعرفي ترقصي له حاولي ” المهم هو انك تحسسيه انك” بتحسيه ” فالاحساس اقوى من الحب

    هذه وجهة نظري وارجو ان لاتكوني متضايقه منها
    شكرا لكي
    محمود

    قيم هذا الحل سلباً او ايجاباً: Thumb up 2 Thumb down 6

  35. زائر
    16/02/2011 at 23:39

    بصراحه اختى العزيزه انتى وجودك نادر فى هذا الزمان ولكن هذا الزوج مفيش حل معاه غير ان ربنا يهديه وان ما هدهوش يريحك منه علشان اللى بيعمله فيكى ما يعملهوش انسان ولو واحده غيرك ما كانت تقدر تصبر وانت ما عندكيش حد يلمه يرجعه لكن ربنا قادر عليه وعلى أهله وربنا هيخدوا ويعوضك أحسن منه لكن انتى سلبيه وطيبه زياده عن اللزوم . اصبرى لغاية ربنا ما يحلها ولكى الجنه ان شاء الله

    قيم هذا الحل سلباً او ايجاباً: Thumb up 6 Thumb down 1

  36. randa_tn
    16/02/2011 at 18:13

    ماشاء الله عليكي
    عارفة والله فرحانه كثير لانه إيمانك كبير كبير.. وأخلاقك عالية كثير.. وطيبتك مامنها مثيل
    عارفه مع اني بنت بس بحسد زوجك عليكي.. وصدقيني هو في قرارت نفسه بيحبك لانه كان يقدر يطلقك من زمان لو مايحبك بس هو باقي عليكي لانه طيبتك غلبته ولانه اصلك غلب أصله
    الطلاق ماتفكري فيه أقولك ليش.. لإنك عندك 5 اطفال ماشاء الله .. ولانه أطفالك بدأوا يدخلو لسن مراهقة..
    إنتي بهالاخلاق العالية والعقل الرزين تقدري تبدئي بإثبات ذاتك بس لازم تحسي انك قوية كفاية انه انتي تقدري تتحدي كل العالم من شانك و من شان تربية أطفالك تربية صالحة وكريمة بعيد عن كل الضغوطات
    أختي الغالية حاولي تجددي حياتك وحاولي تشتغلي لو تقدري طبعا مع التوفيق بالنسبة لحياتك الأسرية..حاولي تصنعي لنفسك إستقلالية عن الزوج من شان لو فكرت تتطلقي تقدري تواصلي بعيد عن الكل اهله وأهلك ومن شان مايضيع أطفالك في النص
    ترا بجد إنتي عماد البيت واطفالك محتجينك كثير كثير بس لازم تحسسيهم انك قوية بما يكفي للدفاع عنهم ضد الكل
    البداية صعبة بس عليكي لا لانك بجد بنت راجل

    بالنسبة لزوجة ماتبطلي تدعيله بالخير يمكن ربنا يهديه لأولاده على الأقل
    ربنا يقويكي ويخليكي لأطفالك الي حيكونوا فخوريين بيكي لما يكبروا

    قيم هذا الحل سلباً او ايجاباً: Thumb up 4 Thumb down 2

  37. طارق بورسعيد
    16/02/2011 at 17:58

    اختى الشاكية

    اولا اعتزر على سوء الفهم ..فانا قد فهمت بان اهلك انتى هم اللذين يضربوا اولادك..اما اذا كان اهلك غير ذللك ويرحبوا بكم فلماذا كل هذا الصبر .. هذا الشخص اكيد عنده مرض نفسى ولن يعالج منه .. اذا الحل هو الطلاق لان هذه العيشة السيئة ستعود بمشاكل نفسية على اولادك .. فلما كل هذا التحمل ..

    قَـيّـم هذا الحل: Thumb up 2 Thumb down 0

  38. صاحبه المشكله
    16/02/2011 at 17:14

    انا بشكركم كلكم والله ايمي ومصري والمحلله ولله الامر من قبل ومن بعد وسامح واشرف وميدو وميرا وميمو وطارق والتائب الى الله وسعيد انا هرجع واقول اني كنت متضايقه جدا وكتبت مشكلتي باختصار جدا لانه في حجات كتير لو كتبتبها الموقع كله مش هيكفي حتى الناس قرايبي بيقولولي والله احنا مش عارفين بتجيبي الصبر ده منين بس اللي معاه ربنا ربنا احن عليه من امه اما بعض الاخوه بيقولولي انتي تحملتي ليه من البدايه انا يا جماعه تجوزت طفله كان عندي 16 سنه بنت صغيره مش بتعرف تتصرف لو واجهتها اي مشكله وتاني حاجه كنت ولا زلت خجوله جدا اتكسفت اقول لاهلي اللي عمله فيا بعد ما اتجوزت بشويه هوا سافر حوالي سنتين وكنت عند اهله كنت والله بخدمهم من قلبي من غير ما حد يقولي بعمل كل شغل البيت وكان على قلبي احلى من العسل السنتين دول ما حصلش فيهم مشاكل بسبب اني عروسه جديده وجوزي مسافر وكانو عاملين مشاكل مع وطلاق كان ليها اولاد متجوزين ومراتهم ما ستحملتش معاملتهم واطلقو فهم علشان يثبتو العكس للناس كانت المعامله كويسه وجوزي وقتها قال لامه عن اللي عمله فيا وهيا هزءته طبعا علشان الطلاقات اللي حصلت في الوقت ده وعلشان تحسن سمعتها بين الناس بعدها سافرت وكلهم سكنو عندي وطبعا في غربه محدش شايفها من اول ما وصلت ابتدت في الخناقات والمشاكل ويمنعوني اكلم اهلي او اي حد ولا اخرج برا البيت اساسا اللي خرجتهم وانا حامل في ابني الاول كانو مرتين مره لما عملت فحص للحمل ساعتها كانت فسحتي عياده الدكتور وتاني مره كانت فسحتي في المستشفى علشان اولد كانو خانقني اوي مش بخرج ونكد ومشاكل حتى البلكونه ممنوع اخرج اقعد في البلكونه خلفت اول طفل علشان انا زي اي بنت بتحلم تكون ام وقلت الاقي حاجه عندي في البيت تكون ليا انا واربيها واشغل وقتي بيها وفعلا كنت بشكي لربنا ولطفلي واحمله في حضني وابكي واشكي له وقلت يمكن يتغير بعد ما يكونله ولد الاولاد اللي بعدها كان بناء على طلبهم من وجهه نظرهم اللي فهمتها بعدين اني مش هقدر اسيبهم واتجوز لانها في كل خناقه اهله كان بيعملوها وتخلي ابنها اللي هوا جوزي يتجنن ويقولهم انا هطلقها واريحكم تقوله تطلقها ايه احنا مش عايزين تطلقها لو طلقتها تاني يوم تتجوز وبنت صغيره وفي غربه وملهاش حد حتى البلكونه مش مسمحولي اخرج اقعد فيها جيش بحاله عايش في بيتي يا ترى هقدر اعمل ايه وقتها ده ردي على موضوع الاولاد يعني اولاولاد دول ربنا يخليهم والله هم اجمل حاجه في حياتي وكان بناء على طلبهم دكتور مين اللي اروحله واقوله مش عايزه اخلف يا جماعه شايفين التلفون كانو لازم يسمعوني وانا بكلم اهلي وبعد خمس دقايق يقفلو التلفون

    قَـيّـم هذا الحل: Thumb up 3 Thumb down 1

  39. سامح
    16/02/2011 at 14:00

    اختى العزيزة وصلنى ردك واوضح يعض الاساسيات ولاكن عندك غلطه من بداية الامر تجاهلك اليها هو ما جعل المشكله تزداد وهى ان ما حدث كان من بداية ليله الدخلة فكيف تقبلين التكمله على ذلك وتنجبى اطفال كمان …؟ انتى مشتركة لما انتى فيه الان لان اظلم الناس من ظلم نفسة وانتى ظلمتى نفسك من البداية وتحاملتى عليها حقا ان ابغض الحلال عند الله الطلاق وهو الواجب فى تلك الحالات وممكن انصحك بذلك مثل الاخوة الاخرين ولاكن ننظر نظرة بعيدة شوية ما شاء الله عندك 5 اطفال عاوزين يتأمن حياتهم مش طفل ولا اثنين وهى دى الغلطه الى انا قلت عنها ليه اطفال ادام البدايه مش مبشرة ….؟
    هل لو طلبتى الطلاق باستطاعتك المرور باولادك من بنات وولاد لبر الامان بكل متطلبات الحياة …؟
    لو لاقدر الله فقدتى الشخص دة فى الخادث كنتى هتستطيعى تكمله المسيرة..؟
    وكمان ممكن الى جعلك تتحملى الفترة الى فاتت دى كلها اكيد قواة عزيمتك عندك اولاد لو متزوجه من 14 سنه يفترض عمرهم يصل الى 12 عام وكلها كام سنه يكون عندك شباب يعينوك على ما انتى فيه ولو حتى وصل للطلاق وقتها يكون فى سند ليك يعينك بس احتضنى اولادك دائما وتعاملى مع ما انتى فيه انه ثمن تامين مستقبل اولادك وثمن غلطة من البداية انتى مشتركة فيها حقيقى صعبان عليه ما انتى فيه لاكن هتصعبى عليه اكتر لو انفصلتى واتحرمتى من ولادك اوما استطعتى تكفى متطلبات الحياة لاولادك ودايما علشان الحياة تمشى لازم يكون فى تضحيات ومثل ما قلتى انك بتفضفضى معنا اعتبرينا اخواتك وفضفى وهنرد عليك نقوى من عزيمتك ونرفع من معناوياتك وربنا سبحانه معاكى ثم اخوانك على الموقع وتحت امرك فى اى شيئ اخيك سامح

    قَـيّـم هذا الحل: Thumb up 2 Thumb down 0

  40. سعيد عبدالفتاح
    16/02/2011 at 10:00

    أختى العزيزة زوجك ده أكيد مريض وبعيد عن ربنا فلايوجد أمامك سوى الدعاء أن ربنا يشفيه ويهديه وأنت تحملت كثير ومن غير ماأسمع الطرف الثانى اللى هو جوزك اللى مش بيحمد ربنا عليك وعلى نعمة الأولاد فتصرفاته وأهله واضحة فاصبرى فالصبر مفتاح الفرج وماضاقت إلا مافرجت وربنا حايعوضك لقاء صبرك وهذا إبتلاء من الله سبحانه وتعالى إقتربى من ربك أكثر وفرغى همومك فى الصلاة وقراءة القرآن ساعتها ربنا حايقف جنبك ويسهل لك أمورك حتى تكملى مسيرتك مع أولادك الله يحفظهم لك ويعوضك بيهم عن أبيهم آمين يارب العالمين .أرجو إن عجبك رأيى أن تردى كما رديتى على أحد التعليقات وأود أن أسمع رضاك …….

    قَـيّـم هذا الحل: Thumb up 0 Thumb down 1

  41. صاحبه المشكله
    16/02/2011 at 05:07

    انا شاكره كل واحد فيكم على اهتمامه بمشكلتي واسفه لو حد فيكو بكى علشاني انا كان هدفي افضفض مش انكم تبكو كمان حبيت اقول للاخ طارق مش اهلي انا اللي كانو بيضربوهم اهل جوزي انا لما سبت البيت وده كان قرار من مجموعه ناس قرايبهم قالو هم ايه مش جايين بالزوء قالو لاهلي خلو بنتكم عندكم وخلو اولادهم عندهم علشان يحسو بغلطهم ويبطلو يعملو مشاكل بس الحجر بيفضل حجر هيحس ازاي والله العظيم وقتها رحت المحكمه علشان اطلق وانا داخله المحكمه امي قعدت تبكي وتقولي اولادك اصبري شويه يا بنتي ما يمكن يتغيرو يعني هعمل ايه امي بتبكي قدامي حتى امي بكت بسببهم

    قيم هذا الحل سلباً او ايجاباً: Thumb up 8 Thumb down 0

  42. المحلله
    16/02/2011 at 03:30

    حبيبتى قريت ردك لماالحياه كده معاكى كنتى بتيجيبى اطفال كتير ليه طبعا ده رزق وربنايخليهم بس الحياه بردوا محتاجه نحكم عقلناشويه الواحده لمابتشوف المشاكل مع جوزهابتجيب طفل اواتنين وتربط عشان الاطفال هى اللى بتدفع ثمن المشاكل ده من حياتهم ونفسيتهم مش حلو يشوفوا الام بتتهان بتتضرب يزرق جسمها ده بياثر فى نفسيتهم المهم ربنايحافظلك فيهم بصى اجتنبيه خالص وماتديهوش الفرصه يمد ايده ان شاء الله تقعدى فى اوضه بعيد عنه وسيبيه لكل جبار نهايه بجد وربناعلى المفترى حاولى تصبرى
    لحد مايجى بجد قضى ربنا اناممكن اقولك اطلقى وسيبيه وحلوه وصغيره بس اطفالك الخمسه يروحوا فين يتبهدلوا يشحتتوا وتبقى جنيتى عليهم منهم لله بجد على اللى عاملوه فيكى هو واهله دول اخدوا دعا مننا يكفيهم انهم يتهدوا عنك شويه حسبى الله ونعم الوكيل قادر يعوضك فى عيالك

    قَـيّـم هذا الحل: Thumb up 2 Thumb down 0

  43. سهيلة
    16/02/2011 at 01:06

    نا مع الاخ ميدو فى كل اللى قاله وباكد لازم تطلقى واوعى تقولى الطلاق مش سهل كرامتك فوق كل شئ ومنه لله

    قَـيّـم هذا الحل: Thumb up 2 Thumb down 0

  44. صاحبه المشكله
    16/02/2011 at 00:11

    اخي طارق انا لما سبت اولادي سبتهم عندهم عند اهل جوزي مش عند اهلي لانه الناس اللي كانو بيتدخلو في حل المشكله قالو انتي احسن حاجه تسيبلهم البيت بالاولاد علشان يعرفو قيمتك ده اللي حصل انما اهلي بيموتو في اي حاجه من ريحه اولادي هما قالو ايه الناس اللي اتدخلت وقتها وكانو من قرايبهم اولادكم عندكم وهيا عند اهلها

    قَـيّـم هذا الحل: Thumb up 3 Thumb down 0

  45. طارق بورسعيد
    15/02/2011 at 23:25

    انتى ليه بتدعيله ربنا يشفيه لما كان فى المستشفى ليه … بصراحة لو كان مات كان احسن ليكى ولاولادك.. بس انتى افلتى كل الابواب ..لو اطلقتى حتروحى فين واهلك بيضربو اولادك … بصراحة لو اهلك كانو حيرحبوا بيكى ويعاملو اولادك كويس كنتى تطلقى فورا …لاكن فى ظروفك دى مفيش غير حل واحد… تصلى لربنا وتدعى عليه ان ربنا ياخده …ده الحل الوحيد ولو ضربه حد بالرصاص تانى أوعى تدعيله … ويوم اما يموت بجد ده حيكون تاريخ ميلادك انتى واولادك .. ربنا يعلم اد أيه انا حزنت عليكى .. ولا اقدر على شىء الا الدعاء لكى ولاولادك لانى كدت ابكى عندما قرأت جملة (( بانهم كانو بيضربوهم و بيعزبوهم )) حسبى الله ونعم الوكيل وربنا ينتقم من كل ظالم.

    قيم هذا الحل سلباً او ايجاباً: Thumb up 5 Thumb down 2

  46. ميرا
    15/02/2011 at 22:11

    بصى الحاجه العايزة اقولهالك مفيش حد مستريح فى حياته لازم يكون فى حاجه لو جوزك كويس حماتك وحشه او تتأخرى فالخلفه او او حاجات كتير بس انتى اعتبرى نفسك مطلقة او ارملة وسيبك من تصرفات جوزك ومتعلقيش عليها فالنهايه هايلف يلف ويرجعلك علشان الطلاق مش فمصلحتك خالص علشان اولادك انت صغيره اللى زيك لسه متجوزش بس المشكله كلها فالاولاد ومحدش بيستحمل حد دلوقتى خليكى فبيتك ومع اولادك وربنا يهديلك زوجك باذن الله واكثرى من الدعاء له بالهداية وممكن حاجه تانى حاولى تغيرى من نفسك ومن شكلك وتهتمى بنفسك اكتر وبزوجك

    قَـيّـم هذا الحل: Thumb up 3 Thumb down 0

  47. ميمو
    15/02/2011 at 21:02

    لا حول ولا قوة الا بالله ابكانى كلامك ولكن نصيحه قومى باليل صلى قبل الفجر بساعه وادعى ربنا انه يفرج همك قال رسول الله صلى الله عليه ةسلم اللهم انا عبدك وابن عبدك ناصيتى بيدك ماضى فيا حكمك عدل فيا قضائك اساللك بكل اسم هو للك سميت به نفسك او انزلته فى كتابك او علمته احد من خلقك او استاثرت به فى علم الغيب عندك ان تجعل القران العظيم ربيع قلبى ونور صدرى وجلاء همى وحزنى ) قولى بدل كلمة عبدك امتك واقرءى قران وادعى قبل الفجر وكل دا هينتهى واستغفرى كتير جدا بس اللم فرج كربها واستر عيبها وارفع درجاتها وارزقها الصبر انك على كل شيء قدير وبالاجابة جدير

    قَـيّـم هذا الحل: Thumb up 3 Thumb down 1

  48. تائب الى الله
    15/02/2011 at 21:01

    اختى فى الله انا قريت مشكلتك بجد وبجد حزنت اوووى عليكى ووجعتنى اوى قصتك دى اللى ماينفعش يتصرف فيها غير ربنا
    كعلش يا اختى ربنا حيعوضك خير ان شاء الله كله يهون علشان خاطر اولادك قربى من ربنا وادعيله ويمكن لما تقربى من ربنا قلبه يحن ويعرف انه غلط فى حقك كتير
    ولا بد من يوم معلوم تترد فيه المظالم
    ابيض على كل مظلوم اسود على كل ظالم

    قَـيّـم هذا الحل: Thumb up 2 Thumb down 1

  49. meeed0
    15/02/2011 at 20:46

    اولا بصي يا بنت الناس
    نصيحه إسمعيها مني
    اللي يفرض في كرمته مش مره جزء حتى بسيط منها الناس هتركبه وهتبهدله زي ما بيحصلك كده
    أولا تطلبي الطلاق وولادك تخديهم ولو مطلقش تخلعيه ب الجزمه مفيش حاجه إسمها صبر وهبل وكلام فاضي وربنا قوي على اي حد بس إنت كده اللي حابه كده لأن الحل بسيط جدا وفي إيديكي وربنا إدهوليك الطلاق وهو مش بيحبك اساسا إزاي تقبلي على نفسك أصلا إن يتبول عليكي فييييييييييييييين كرمتك يا أستاذه بجد عيب
    ومفيش حاجه إمها يتغير ومش يتغير الواطي واطي وممكن يتغير بس مش علشانك ده أكيد أعذريني في حدد كلامي بس دي الحقيقه والواقع
    و لازم تطلبي الطلاق
    بس

    قيم هذا الحل سلباً او ايجاباً: Thumb up 4 Thumb down 1

  50. صاحبة المشكلة
    15/02/2011 at 20:17

    ردا على الاخ سامح اخي الكريم اللي حصلي في 10 سنين بكل تفاصيله مش هيكفيني 10 سنين وانا بكتبه في مشكله باختصار انا اللي كتبته كان باختصار بس اللي ما قلتوش بيصعب على الكافر شفت كتير منه ومن اهله ولسه بشوف لما بيضربني جسمي بياخد شهور علشان يرجع للونه الطبيعي دايما لونه ازرق ده غير الشتيمه انا من كتر اللي بشوفه مش عارفه هفتكر ايه ولا ايه اما عن الحلول اللي حضرتك قولتها انا هجاوبك عليها صحيح انك سمعت مني وما سمعتش منه انا مشكلتي كل الناس عارفاها لاننا من نفس المنطقه وفي ناس كتير حاولو يصلحو بينا وغلبو واللي يتدخل مره بيني وبينهم ما يقبلش يتدخل تاني يقول دول ناس ملهموش كبير ومش بيحترمو حد ولا بيسمعو كلام حد وهقولك حاجه تانيه الناس اللي اتدخلو في منهم من عيلتي وفي منهم من عيلته تعرف اللي من عيلته وقرايبه قالو ايه قالو والله لولا الحلال والحرام ولو ما فيش اولاد انتي طلاقك احسن حاجه لانهم مش بيستاهلو ولا بيحترمو حد ده كلام مين كلام قرايبهم اما بالنسبه للحاجه التانيه اللي ذكرتها انا والحمد لله جميله وبالرغم من كل المشاكل اللي عندي الا اني بهتم بنفسي وباينه اصغر من عمري بكتير يمكن انت ما شفتش كل اللي انا كتبته ده من اول يوم اتجوته ضربني ومخلي حياتنا كتاب يقراه القريب والغريب اما عن نشر مشكلتي فانا قلت اني كتبتها علشان افضفض واتكلم والله زهقت المشاكل وحاسه انه حتى الناس زهقت مشاكلنا وامي عيانه لما بكلمها بظهرلها اني اسعد انسانه في الدنيا كلها كانت بتعيا وتتعب وتعيط لما تعرف بمشاكلي وبصراحه زعلها عزيز عليا وانا مش هيجرالي حاجه لو خبيت عليها انه عندي مشاكل ما انا كده كده حياتي كلها مشكله ما جربت وسبته لقيت اولادي بيدفعو التمن وبدل ما كانو يعزبوني لما سبت البيت ابتدو يعزبو اولادي فانا هستحمل علشان اولادي انا اقدر اتحمل العذاب انما هم لسه اطفال والحياه قدامهم حرام يضيعو ضحيه مشاكل امهم وابوهم احنا اخترنا نجيبهم على الدنيا وجم بارادتنا بس من حقهم حد يضحي علشانهمانا لو بتمنى حاجه دلوقتي بتمنى اني اوصلهم لبر الامان واطمن عليهم وبعدها ربنا ياخدني عنده مش عايزه اكتر من كده

    قيم هذا الحل سلباً او ايجاباً: Thumb up 7 Thumb down 0

  51. اشرف الشاهد
    15/02/2011 at 19:37

    كلمه واحده هقولها لحضرتك انت بنت اصول واصبرى ان الله لا يضبع اجر من احسن عمل وقوله وبشر الصابرين صدق الله العظيم

    قيم هذا الحل سلباً او ايجاباً: Thumb up 5 Thumb down 0

  52. سامح
    15/02/2011 at 18:51

    اختى العزيزة انا مثلك مقيم فى الخارج
    و موضوعك شدنى جدا وبعد كل ما ذكرتى انوه ان موضوعك له اكثر من حل ولاكن ناخذ تدريجيا بالافضلية عادتا الانسان لا برى غلطة وسمعت منك ولاكن للحكم الجاد يجب تدخل طرف اخر من الممكن ان يكون فى شيئ بيصدر منك بدون قصد هو ما جعله يتحول كل هذه التحول وممكن يكون شيئ بسيط ولاكن غائب عن نظرك حيث ان معظم السيدات المصريه بتختلف فى اهتمامها بنفسها بعد الزواج وهى لا تشعر بسبب انشغالها فى الحياه والبيت والاولاد وهذه النقطة كفيله ان تغير من الرجل يجب مراجعتها حيث ان فى بع من الرجال دائما تحب زوجتها ليس زوجه فقط ولاكن صديقة وعشيقة يحب ان يشعر برجولته دائما وفى نفس الوقت هو مثل الطفل يحب كلمه حاضر ونعم هذا شيئ
    ومن الممكن ايضا ان يكون هذا الرجل يشعر بالنقص فى شيئ معيا مش شرط فى علاقته الجنسية ولاكن فى امور حياته وانتى بدون قصد بتظهرى هذا النقص عندة لذلك بيبحث خارج المنزل عن اشخاص اخرين ليأكد لنفسة انه عكس ما بشعر فى بيته حيث ان العلاقه الحارجيه بتكون دائما زائفة كل شخص بيتجمل ويجمل من حوله هذا شيئ اخر ابحثى فيه
    وللعلم لا تقولى انك غير قادرة على فعل شيئ يوج د حل اخر ولاكن اغشى ان اقوله يقوى قلبك عليه ابحثى فى الامرين السالف زكرهم وان لم تجدى الحل وتحتاجى الى انهاء الامر فورا بينكم اعرضى الامر مره اخرى على الموقع وسوف اوفيكى بالحل الاخير ولاكن ابحثى فى ذاتك اولا
    اعانك الله على ما ابتلاكى وقدرك على حل المشكله بدون ما تخسرى اى شيئ اخيك سامح

    قَـيّـم هذا الحل: Thumb up 0 Thumb down 1

  53. لله الامر من قبل ومن بعد
    15/02/2011 at 09:23

    اختى الكريمه انتى جزاكى الله خير الجذاء على قدر ماصبرتى عليه هذا الصبر من اجل اولادك بارك الله لكى فيهم ولكن يا اختى انتى ذكرتى انكى تعيشى فى بلد دوله هى التى تقوم بدفع مصاريف المعيشه لكم وانا اعتقد ان هذا بلد اوربى البلاد العربيه لاتقوم بمساعده الاجانب فيها على ما اعتقد فأن كنتى فى بلد اوربى يا اختى الكريمه فسارعى بالانفصال من هذا الرجل حتى تواصلى على تربيه اولادك تربيه سويه لان وجود الاطفال فى هذا الجو الغير ملائم سيجعلهم اصحاب مشاكل نفسيه فى المستقبل مما يؤثر على دراستهم اما من ناحيتك انتى كانسانه فمن حقك ان تعيشى ايضا حياتك كاى زوجه فان لم يقدر الله لكى الحياه الكريمه مع هذا الشخص ولا اريد ان اذكر كلمه رجل حتى لا اظلم نفسى واظلم بقيه الرجال الذين هم على شاكلتى فعلى الاقل تعيشى حياه هادئه بدون مشاكل ومنغصات يوميه عليكى حتى تداومى على تربيه اولادك هناك بعض الردود التى تخالفنى وتقول لكى اصبرى علشان الاولاد فهذا خطأ كبير هذا الرجل غير سوى ويتعامل معكى مالاتتعامل الحيوانات مع بعضها البعض نصيحتى لكى اتركيه وسوف يعوضكى الله بافضل منه ان شاء الله وانتى فى بلد يقوم بدفع مصاريف المعيشه فلا تحتاجين له من الناحيه الماديه ومن الناحيه العاطفيه فهو غير اهل لها فعلى اى شئ تصبرين معه حتى ياتى اليوم التى تصبحى فيه مريضه نفسيه وتقومى بالانتحار وتحرمى اطفالك منك اختى الكريمه انتى صاحبه القرار فى هذا الشـأن هداكى الله الى طريق الخير

    قيم هذا الحل سلباً او ايجاباً: Thumb up 7 Thumb down 2

  54. المحلله
    15/02/2011 at 07:21

    رغم كل ده من الواضح انك بتحبيه لانك استحملتى اهانات مفيش ست تستحمل ربعها زى مامن الواضح برضه انك بنت ناس ومحترمه واصيله انك وقفتى جنبه بعد كل ده بصى انا لو بسمع كلام كده يقطع قلبى بقول الطلاق لكن حالتك ماينفعش عشان ولادك الخمسه ماشاء الله ربنايخليهملك ومتهيالى الظروف بقت احسن طالمااهله بعده عنك ياستى لو على تليفونهم ماترديش عليهم انتى وضحتى انك مغتربه يبقى تخلى بالك على نفسك وعلى عيالك وهو اتجاهليه لمايغلط فيكى وسكوتك ده هيندمه اكيد لانه بكره هيندم اوى على كل اللى عملوا فيكى ده وصدقينى حتى لو راح اتجوز صاحبته دى هيرجع لانه على كلامك حمل منها من غير جواز يعنى هيعرف الفرق كويس وعمره ماهيجوزها يادوب يتسلى انتى اعرفى ان كل اهانه ليكى ثواب فى حسناتك واصمتى عشان الاولاد على الاقل دالوقتى هو بيصرف عليهم لو سبتيه هتتبهدلى انتى وهما وربنايعينك ويغيرطباعه ويهديه انتى قولتى ان فى وقت اتعدل ياعالم يمكن يحس بقيمتك ويعرف ان بنات الناس مش لعبك ويفهم جوهرك ربنا يصلحلك الاحوال

    قَـيّـم هذا الحل: Thumb up 4 Thumb down 0

  55. مصري بالخارج
    15/02/2011 at 07:00

    ربنا معاكي بس بلاش اي ادوية اعصاب علشان غلط وربنا يهدي جوزيك ويصلح حاليك

    قيم هذا الحل سلباً او ايجاباً: Thumb up 6 Thumb down 0

  56. ايمى زملكاوية
    15/02/2011 at 04:23

    بصى يا امى انا اة بنت عندى 17 سنة بس بجد كلامك وجعنى حسيت بيكى وبعذابك متقوليش غير يارب والله والله هتلقى الاحسن بس خليكى مع اولادك عيشى ليهم عيشى ليهم عيشى ليهم وكبريهم وعلميهم احسن حاجة وربنا يحمهوملك وارضى بالا يكتبهولك ربك وخليكى مع ربنا وربنا بينتقم فى يوم هتسمعى اخبار عنو ومسير يجى اليوم الا هيفتكرك فية بس لللاسف بعد فوات الاوان

    قيم هذا الحل سلباً او ايجاباً: Thumb up 10 Thumb down 3

اترك رداً أو حلاً لهذه المشكلة