البنات المراهقات

انا و صاحبتى و الجمال

انا أ.ح بنت عندى 13 سنة وصاحبتى الانتيم ل.أ انا الحمد الله يارب الحمد لله الحمد لله الحمد لله الحمد لله شكلى حلو الحمد لله رب العالمين انا طويلة و رشيفة و لونى ابيض و شعرى بنى ناعم و وشى ملامحه حلوة الحمد لله الحمد لله الحمد لله و صاحبتى ل.أ قصيرة و تخينة شوية و سمرا حبتين و ملامحها معقولة
المهم انا كنت مقتنعة و كل الناس بتقولى و بتقول من ورايا ان انا احلا من ل.أ فى الشكل لانى عارفا ان فيه نوع تانى من الجمال هو جمال الروح
المهم فى يوم كنا بنلعب لعبة اللى هى اسئلة ديه و تختارى الاجابات أ او ب و كدا و فى الاخر تشوف الحروف الاكتر تبقا نتيجتك و اللعبة ديه بعنوان هل انتى مغرورة
كان فيه سؤال هل تشعر بالاستياء عنما تكونى مع صدقية ما اجمل منكى بالشكل ؟
فهى قالتلى انا معرفش عشان مفيش اصحابى احللا منى
مع العلم انى مش بقول انى احلا كدا لوحدى حتا مرة كنا ماشيين فى النادى انا و هى و و لد غلس قال اللى لابسا موف هى اللى احلا التانية مش وحشة لكن اللى لابسة موف احلا و انا كنت لابسا مموف و هى كانت لابسا بنى
و مع العلم ان فيه واحدة تانية صحبنها اسمها م.ع احلا منها بردو و كل الناس شايفين كدا
المهم انا ستغربت من كدا لانها شايفة انها احلا من كل الناس مع انها مش وحشة لكن مش حلوة يعنى معقولة
و كل اصحابنا بسمعهم من بعيد بيقولوا انى احلا
بعد فترة من سماع انى احلا و ان الولاد الرخميييين جدا جدا بيغلسوا عليا و مش بيغلسوا عليها
حست انى فعلا احلا
انا عايزة اعرف ازاى احسسها انى احلا لانى بحس انها شايفة انى احلا و حاسة انى احلا و متاكدة انى احلا بس مش عايزة تقنع نفسها
ازاى اقنعها انى احلا
عارفة هتقولولى الجمال جمال الروح بس انا عايزة اقنعها انى احلا فى الشكل و جمال الروح بقا محدش يقدر يتدخل فيه

مشاكل وحلول ذات صلة

اضيف بتاريخ: Saturday, April 30th, 2011 في 06:54

كلمات مشاكل وحلول: , , , ,

49 رد to “انا و صاحبتى و الجمال”

  1. مجنون نسوان
    19/02/2016 at 09:04

    اتفق مع الاخوات مريم عيسى -ايمي -ندى -على كل ماقالوا لصاحبةالمشكلة هوراى الصواب والحكيم والصحيح ولاازيد على كلامهن فيه الكفاية والعبرةوالعظة لمن ارادان يتعظ ويعتبر في حياته

  2. ابواميرة
    16/01/2013 at 12:39

    لاانت حلوة ولاصاحبتك دي انااحلى منكماالاتنان ايه رايك قولي حاجة مفيدةبلاش الكلام الخايب دا وربي يهديك انت وصحابتك الجمال هوفي الادب والاخلاق الحميدة

  3. نور
    02/12/2012 at 22:27

    انتي مغرورة اوووووووووووووي اي دة!!!!
    انا برضو صحبتي مش حلوة وبتفضل تقولي انا مش حلوة وان انا احلي منها
    بس عشانها صحبتي وبحبها بزود ثقتها ف نفسها وبقولها لا انتي احلي لاني فعلا شايفاها احلي واحدة لانها اعز صحابي مش شرط تبقي قمورة وجميلة اوي عشان تعجبني وكدة
    وع فكرة مش كل حاجة الجمال الخارجي بس الجمال جمال الاخلاق ربنا يهديكي يابنتي

  4. مريم عيسى
    04/10/2012 at 14:56

    انتي لو عايزة مساعدة فهي مساعدة ليكي انتي شخصيا عشان تغيري طريقة تفكيرك الانسان اللي بيفخر بجماله دة معناه انه انسان فارغ و فاقد اشياء كتير و لا يملك الا جماله الذي يشعره بالتفوق على الاخرين انا شايفة ان الجمال دة الانسان مالوش دخل فيه و مش شطارة منك انك طلعتي جميلة لان دة مش بايدك بس الشطارة بقى انك تكوني مثقفة اكتر من غيرك و متدينة اكتر من غيرك و محبوبة و روحك طيبة و حتى لو فيكي كل الحاجات دي مش من حقك باردو تفخري بيها لانها كلها رزق من ربنا و ربنا يرزق من يشاء متى يشاء و زي ما عنده الهبة و العطاء عنده السلب و المنع احمدي ربنا و لا تغتري في حالك و اطلبي منه انه يهديكي و يحسن خلقك كما احسن خلقتك .. و اتذكري شي ان الجمال فاني و عمره قصير و ربنا له حكمة اننا بنشيخ و شعرنا بيبيض و بشرتنا بتكرمش و بنضعف عشان يورينا ان مافيش حاجة دايمة و سبحانه اول ما بنموت اول حاجة بتفنى فينا اجسادنا يعني اللي بتتغر بطولها و رشاقتها اقولها جسمك دة بكرة حياكله الدود و اللي مغرورة بلون عيونها بقولها عيونك دي بكرة حتاكلها الدود .. بالله عليكي بلاش تركزي في جمال الجسد لانه فاني اهتمي بجمال الروح لانه هي اللي بتبقى ربنا يهديكي و لعل طرحك لمشكلتك دة يكون سبب لهدايتك اللهم امين و على فكرة الجمال دة شي نسبي مش مطلق و لو تعدد الاذواق لبارت السلع انا مش عايزاكي تفرحي بنفسك بس لان ممكن اللي يشوفك جميلة غيره يشوفك مش جميلة دة شي نسبي و القبول بتاع ربنا في الاول و في الاخر

  5. واثقة من نفسي .. بس مش مغرورة
    11/09/2012 at 05:08

    ههههههههههههههههههههههه مشكلتك غريبة وانتي بعد غريبة .. الله يهديكي تبغينا نقولك طريقة تثبتي بيها لصحبتك انك احلا ..؟!!
    انا حجاوبك بطريقة مختلفة شوية من تجربتي الشخصية ..
    كنت دايما بشوف نفسي بنت عادية لما كنت بالمتوسط بالثانوي بديت اهتم بنفسي شوية اهتمام بسيط مو مبالغ فيه ابذا زي باقي صديقاتي .. وساعات كنت بشوف نفسي اقل منهم جمالا مع بحب شكلي وراضية بيه وحلوة الحمدلله .. بس الناس بيقولو غير كذا بيقولو انك حلوة لدرجة صاحبااتي حكولي انه فيه نسوان كانو بيتكلمو علي و ع جمالي .. مكدبش عليكي ثقتي زادت اكثر .. لما دخلت الجامعة شخصيتي حلوة جدا والناس بيحترموني وحدة من صحباتي كانو كل الشباب وراها لانها حلوة بس وراها زي الكلاب السعرانة .. انا وزي باقي البنات كنا بنحس شوية غيره بس ابا ماكننا نظهرها .. كانو سحباتي لو عايزين ينرفزوني بيقولولي انتي ماعندكيش ولد يحبك .. انا كنت بطنش وبشوف دا كلام هبل في هبل .. وفجاة ظهر في حياتي شب ماشالله عليه جمال واخلاق وكل بنات الجامعة بيركضوا وراه وتفاجات انه جا وخطبني من غير قلة الادب بتاع العيال دول .. ومش هو لوحدة فيه شباب غيره عرفت انهم معجبين فيني .. بس ماكانو يظهرو هالشي لانهم عارفين شخصيتي واني مش بتاعة الكلام ده .. العبارة ياحبيبتي ماتقوليش نها اقل مني جمالا لانه الشباب بيغلسوا عليكي انتي .. الذبان بيمشو ورا اللحم المكشوف .. والبنت الحلوة بشخصيتها وروحها هي دايما المتقدمة

  6. أمل
    05/09/2012 at 14:32

    أنت كتير مغرورة بحالك دا انت شايف حالك على صحبتك ولو بتحبيها عنجد ماراح تحسسيها أنك أحلى منها شو أنت مفكر حالك ملكة جمال الكون ادا بدا تقتنع راح تقتنع لحال بدون ماتحاولي ok برنسيس أ.ح

  7. شوشو هيما
    30/01/2012 at 23:37

    هههههههههههههههههههه انتى مغرورة بجد ياعنى اية عايزة تعرفيها انك احلا انتى لو ملكة الجمال سبيها تفتكر ال تفتكروا كفايا انتى عارفة نفسك ولا عايزة تكسريها وخلاص سبيها ياستى بلاش غرور بجد اية ياعنى حلوة دى بقت مشكلتك

  8. No NaMe
    19/01/2012 at 08:59

    مشكلتك مضحكة على فكرة لانها مش مشكلة اصلا

    انتي ايه الي مزعلك يعني انها شايفة نفسها حلوة !

    بالعكسدي حاجة المفروض تفرحك كصديقة مخلصة !

    طب انتي عارفة انا عندي واحدة صاحبتي و انا احلى منها بكتير و الناس كمان بتقول كدة بس
    مش بحسسها ابدا ب كدة بالعكس بتجنب اي حاجة توضح كدة
    لانها حتى لو احلى مني مش هتضايق عشان انا و هي واحد

    حتى سعات هي بتقول اني احلى منها اقولها لا انتي احلى

    انتي شكلك بتغيري منها اصلا عشان هي واثقة ف نفسها مع انك المفروض تشجعيها على كدة ..

    و حاولي متشغليش نفسك بالحاجات الطفولية دي

  9. نور الهدى
    17/12/2011 at 19:22

    اقول ما عندج سالفة حسستيني مين الاحلا و يا اختي الصداقة مش في الجمال و استحي على حالك لما تقولين صديقتي مش حلوة و لما يقولون كذا خبريهم مش المهم حلها المهم حلى روحها و الصداقا

  10. رورو
    10/12/2011 at 20:44

    ههههههههههه بصى يا اختى من المفروض انها صحبتك والمفروض انك ما تتكلميش عليها بلاسلوب دة الجمال جمال الروح وانا اتوافق مع كلام اخوانى واخواتى ولاكن الشباب الغلسين الى بيعكسوكى ما كنوش يقصدوا جمال الشكل طبعا احنا عارفيين هما قصديين اية وواضح انها اجمل ليس شكلا بل اسلوبا االى واضح كدةمن اسلوبك ارجو انك ما تزعليش

  11. ابن النيل
    10/10/2011 at 00:22

    رسالتك مجموعة من الرموز والمعادلات الرياضية ولهذا فضلت ان اتدخل لحل مشكلتلك بنوع بسيط من البرهان الهندسى .
    بما أن الولد اللى كان بيغلس عليكم بيقول ان اللى لابسة موف هى الاحلى .
    اذا انتى الاحلى والاجمل ( وهناك احتمال انه هذا الشخص بيحب اللون الموف ) هههههههه
    وبما ان هى اكثر منك ذكاءا استطاعت ان تقنع نفسها ثم المقربين منكما انها الاجمل
    اعتقد انها اكثر ثقة فى نفسها منك وربما تكون فتاة كثيرة الجدل . انصحك ان لا تتدخلى معها فى اى نوع من الجدال لانها سوف تكسبك . واذا اردتى ان تثبتى لها انكى الاجمل انتظرى فرصة اخرى لشاب يقول انكى انتى الاجمل وبهدوء شديد وبثقة وببراءة وكانكى لم تسمعى شيئا . اسأليها وقوليلها هو اللى كان بيغلس علينا ده كان بيقول ايه ؟؟ وساعتها هى اللى هتعترفلك انكى الاجمل وكتزعليش يا ستى انتى زى الشربات ههههههههههه

  12. ahmed
    30/09/2011 at 21:41

    والله وشكلك كدة بت مغرورة ومعجبة بنفسك اوى
    وانا متأكد ان صحبتك ديه بت زى القمر وبعدين
    وانتى مالك هى حاسة انها حلوة حاسة انها وحشة
    انتى ياريت تخليكى فى نفسك بس

  13. ahmed
    30/09/2011 at 21:37

    للكاتبة المشكلة ديه يعنى انتى بتقولى انك احلا منها وهى وحشة انا عايز اعرف انتى ايه
    مشكلتك مشكلتك انك عايزة تقنعيها انك احلا منها
    يا بنتى اتقى الله يعنى ربنا مديك نعمة الجمال المفروض متتكبريش بيها
    على اى حد المفروض تحمدى ربنا على النعمة ديه مش عايزة
    تغيظى بيها صحبتك حرام عليك مينفعش اللى انتى بتعمليه ده
    ورسالة لاى بنت شباب كتير بيعكسوها او معجبين بيها
    ياريت متنساش ان البضاعة الرخيصة هى اللى الناس بتتهافت عليها
    توبى الى ربك واحمديه على النعمة ديه ومتتكبريش بيها على حد
    وانا عارف ان ناس كتير مش حتعجبهم وجهة نظرى
    واسف على الاطالة

  14. نور
    16/09/2011 at 17:43

    يا بختك انك جميلة بس انا عادية عيوني سودا و شعري اسود و بيضا شوية

  15. هدوء القمر
    11/09/2011 at 23:00

    اكييييد صحبتك احلى منك لانه يظهر من كلامك انك فتاة مغرورة و معجبة بنفسك و اذا كنتي جميلة كما تقولين فجمالك غير مكتمل لانك تفتقدين جمال الروح

  16. ايمي
    24/08/2011 at 12:51

    الى كل امراه وفتاه ليس لها اى حظ فى الجمال..

    بل والى كل من ابتليت فى جسدها…….

    او وجهها بحب الشباب…

    او شعرها بالتجعد..

    او قد تكون نحيفه جدا عظام فقط….

    او بدينه جدا تخينه جدا…………….

    او سمراء……………..
    او بيضاء بياض مرض………………

    او لسانها به لدغه لاتنطق كل الحروف سليمه…..

    او بها برص….

    اوبها…………….
    اوبها……………………. ….. ..

    الى اخر هذه الابتلاءات.

    بل والى كل من وقفت امام المراه وتحسرت وتفطر قلبها حزنا والما
    وتمتمت ببعض الاهات
    اقرب منها الى الكلمات
    اقول لها ولغيرها
    هل الله ظالم؟؟؟؟؟؟
    حاشا لله ان يكون ظالم.
    طيب لماذا لم يجعلنى جميله مثل فلانه,,,,وفلانه.
    انا اصلى واذكره وهم (بعض الجميلات)
    لا يصلون ,بل وقد يرتكبوا الفواحش.

    اخيتى
    لو ان الله جعل لنا الدنيا فقط, نتمتع فيها ولا حساب ولا جزاء.
    لقلت لكى احزنى,
    وابكى,
    بل وتباكى.
    اما وان الله العادل الرحيم الحكيم.
    قد جعل هناك الاخره
    الباقيه
    وان الدنيا فانيه
    وامرنا بالصبر
    بل واخبرنا انه يحبك.
    نعم يحبك انتى
    انتى التى تعانى من كل هذه المشاكل
    كيف؟؟؟؟؟؟؟؟؟؟

    الم تسمعى لقول نبيك,
    وحبيبك محمد صلى الله عليه وسلم..
    حيث قال
    (ان الله اذا احب عبدا ابتلاه).
    اذا هو يحبك.
    يريد لكى الخير.
    ثم هو يعوضك فى الدنيا والاخره ان شاء الله
    لو صبرتى ولم تتشكى.ان الله حين ابتلاكى علم منكي انكي ستصبرى
    ولو علم منكي السخط لخفف عنكى البلاء
    اسمعى الى قول النبى صلى الله عليه وسلم
    الذى نقلته من السلسله الصحيحه للشيخ الالبانى
    اشد الناس بلاءالانبياء ثم للامثل فا لامثل يبتلى الرجل على حسب دينه,
    وفى روايه قدر.
    فان كان دينه صلبا اشتد بلاؤه ,
    وان كان فى دينه رقه ابتلى على حسب دينه ,
    فما يبرح البلاء بالعبد حتى يتركه يمشى على الارض ما عليه خطيئه.
    وفى الحديث الاخر
    أشد الناس بلاء الأنبياء ثم الصالحون إن كان أحدهم ليبتلى بالفقر حتى ما يجد أحدهم إلا العباءة التي يحويها وإن كان أحدهم ليفرح بالبلاء كما يفرح أحدكم بالرخاء . عن أبي سعيد الخدري قال دخلت على النبي صلى الله عليه وسلم وهو يوعك فوضعت يدي عليه فوجدت حره بين يدي فوق اللحاف فقلت يا رسول الله ما أشدها عليك قال إنا كذلك يضعف لنا البلاء ويضعف لنا الأجر قلت يا رسول الله أي الناس بلاء قال الأنبياء قلت يا رسول الله ثم من قال ثم الصالحون إن كان . . . . . الحديث .

    انظرى اخيتى

    ان الله يحبك بابتلائه لكى
    وان الله سيعوضك.
    كيف؟؟؟؟؟؟ليس جمال الوجه او الشعر اوماسبق ذكره هو فقط السعاده
    كم من جميله وغرها جمالها فطلقها زوجها
    وكم من جميله ارداها جمالها الى مساؤ الرزيله
    وكم من جميله ليس لها حظ فى زوجها
    ولا اولادها
    وبالعكس
    كم من امراه ليست جميله وقد تكون لها ابتلاء جسدى
    وبارك الله لها فى زوجها
    واولادها
    وكل ما مست يمينها
    وقد تكون ذو روح عاليه
    وهمه فى الدين والطاعه
    كل هذا تعويض

  17. الدنيا كده
    15/08/2011 at 23:05

    انتى ايه الى مضيقك من كده هى وحده شايفه انها حلوه ده حقها وانتى لو صحبتها فعلا مش هتفكرى انك تبقى احلى منها وتبينى كده بصراحه العيب فيكى انتى وعمر الجمال ما كان بالشكل بالاخلاق والتربيه واروح

  18. ندي
    15/08/2011 at 18:34

    السلام عليكم ازيك ياختي كلامك ده بتعاني منه بنات كتير للاسف والاكتر في الموضوع معاكسات الشباب تفتكري ان الشاب بيعااكس البنات الحلويين بس لا طبعا في شباب مش وراهم غير ان يعاكسوا حلوة وحشة والمفروض اننا لمانتعاكس مانبقاش فرحنين او ده يحسسنا بحلوتنا لا ده بيرخصنا للاسف وموضوع انتي الاحلي هي الاحلي ده المفروض تسالي نفسك هو ده بيقرق معاكي بجد بفرق في رسالتك النتي عشانها اتخلقتي في الدنيا قال الله تعالي ماخلقت الجن والانسان الاليعبدون يعني رسالتك الاولي عبادة ربنا والتانية تعمير الارض وتعمير بلدك الرسالة الاولي لو فهمناها كويس مش هحنتاج حد غير ربنا واذا كان موضوع زي ده احسنلك ماتنشروهش وتسمعي اراء اي حد وانتي سايبة راي ممن يريدك لنفسك خلاف من حولك الذين يريدونك كما يحبون يعني انا هنصحك علي الشايفة والبفكر فيه ان البنات المفروض يبقي ازاي لكن المولي عزوجل هيقولك وهيسرلك في الموضوع ده اكتر هتقولي ديه حاجة تافهة ازاي هسال ربنا عليها او هطلب من المولي عزوجل المساعدة هقولك ياحبيتي قريبي من ربنا اكتر واحسلنا كلنا ان قبل مانروح لحد ونطلب المساعدة نطلب من المنان ان يمن علينا بحلول ومش هنلاقي احسن من ربنا وعلي فكرة ممكن الشباب مش هيفهموا كلامك لكن معظم البنات يحسوا بيكي الجمال حلو واهتمامك بنفسك احلي لكن المفروض يبقي عندك ثقتك في نفسك اكتر وتبقي واثقة في نفسك ولو كل الناس قالوا عنك وحشة انا برده واثقة في نفسي وعلي فكرة ياختي مكن واحدة تبقي سمرة وتخينة تبقي احلي من واحدة بيضة وشاقرة الجمال اولا جمال رضا ربنا ثم جمال الروح قم جمال الرضا والشكل والاهتمام اتمني ان اكون فدتك وصلتلك كلامي وربنا ييسرلك في امورك وشدي حيلك في الثانوية علي فكرة في ناس حلويين قوي بس للاسف حظهم وحش ياما بيقي قدرهم وحش في الدنيا او في الاخرة اتمني ان يكون كلامي خفيف ويساعدك

  19. سبحان الله
    14/08/2011 at 00:42

    انتى صغيرة جدا ع انك تحبى بصى لدراستك اولا

  20. صاحب الفكر الكثير والحظ الضئيل عبدالله الفقير حماده
    12/08/2011 at 18:22

    الجمال جمال الروح والاخلاق ما احلي ولا اجمل من تكون معطاء قلبك عامر بالوفاء تؤثر علي نفسك الغير وتحب الخير لكل الناس اتمني انك تلاقي التوجيه الصحيح اللي يجعلك جميله بعقلك واخلاقك ربنا يوفقك حماده توفيق

  21. MosTafa
    01/08/2011 at 18:24

    انا هقولك على حاجه صحبتك دى مش مغرورة هى عندها ثقة بنفسها او ممكن مرض نفسى ممكن هى عرفه انك احسن منها بس عادى

  22. mooony
    26/07/2011 at 19:24

    طيب وانتى زعلانه من ايه ديه ثقتها بنفسها عاليه انما انتى معندكيش ثقه بنفسك خالصوهيا شكله ااحلى منك بصراحه عمر الجمال مكان مقياس لشكل الجمال جمال الروح والاخلاق وهيا شكلها دمها خفيف وعسوله وقمر وجمده جدا وان شاء الله هتكون احسن منكم انتى مش عرفه زعلانه ليه عشان شيفه نفسها احلى واحده واثقه من نفسها معلش متزعليش منى انتى صغنونه وكل حاجه بس لازم تتعودى وتعرفى انك تثقى بنفسك مهما كنتى حلوة او وحشة وبلاش غرور وربنا يهديكى

  23. saratoga
    23/07/2011 at 10:39

    يعنى انتى زعلانة علشان صحبتك الانتيم بتقول انهااحلى منك طب ما هى فعلا احلى على فكرة فى ناس ممكن يكونوا حلوين بس لما نيجى نتكلم معاهم بنتخنق منهم بسرعة وممكن تكون صحبتك دية احسن منك عند ربنا ساعتها بقى جمالك عملك اية

  24. ساسو
    18/07/2011 at 20:06

    انا رايى ان صحبتك احلى منك واللى بيعاسك ده عاكسك عشان اتلاقى لبسك كان ضيق او كده متزعليش منى بس باين من كلامك انك مغروره شويه حاولى تهتمى بحاجه مفيده لان ربنا مبيخلقش حد وحش واللى حلو مش بيقول على نفيه حلو

  25. انا مسلمة
    10/07/2011 at 00:48

    بصى هو واضح من كلامك انك معجبة بنفسك زيادة عن اللزوم ودى مشكلة كبيرة سيبك بقى من الكلام الفاضى وحاولى تخلصى نفسك من الغرور ده

  26. بتاعت سراحة
    07/07/2011 at 06:44

    معلش يا حبيبتى ومن غير زعل كل اللى كتبادا اساسا مش مشكلة لان كلامك كله كان على نفسك وعلى جمالك ومفيش صديقة بجد تحسس صديقتها انها احلى منها وعلى فكرة انا ليا بعض الاصدقاء و انا اجمل منهم فى الشكل لكن عمرنا م فكرنا فى موضوع الجمال والشكل لاننا اصحاب بجد و معلومة احتفظى بيها دايما (احناكلينا خلقة ربنا)

  27. roro
    04/07/2011 at 18:40

    حرام توصفي نفسك وصديقتك الانيم لانو حرام قال رسول الله(لا يسخر قوم من قوم عسى ان يكون خيرا منهم)

  28. اختكـ ف الله
    02/07/2011 at 15:10

    هههههه دا ايه ؟
    حياتى ياامورة انتى اسمحيلى اقوللك ان صاحبتك فعلا احلى منك ,كفايه انها ف نظر نفسها كده
    واعرفى ان ثقتك ف نفسك من جوااااااكى مش انك تروحى وتيجى تقولى انا حلوة انا حلوة دى اللى فعلا هتخلى الناس تشوفك حلوة ..
    وبعدين ياقمر مش كل اللى قاللك انتى احلى منها تبقى فعلا كده ماهى جايز جدا مجامله والله اعلم جواهم ايه .
    لو انتى حلوة فى الاحلى منك وفعلا ممكن لاقدر الله ف لحظه تفقدى جمالك دا بعيد الشر عنك طبعا
    بس جمال الروح اللى دايم ياجميله .ومعاملتك مع صاحبتك دى اللى هيفيدك اما هتفضلى شايفه نفسك على كل واحده تصاحبيها مش هتعرفى تعيشى .
    وبعدين كبروا دمغاكوا جمال ايه وبتاع ايه انتوا داخلين الثانوى اهو مفيش مساحه للحوارات دى
    حبى صاحبتك يابنتى وخليكوا كويسين

  29. سوما
    22/06/2011 at 22:19

    انا ادك كده برده بس مش بهتم بالحجاد ديه مع اني سمره مش بيضا ومش بزعل لما صاحبتي تكوني احلي مني مش هتفرق احنا الاتنين واحد

  30. احمد
    18/06/2011 at 13:44

    بعدين على فكرة البنت الى الولاد بيعاكسوها دة معناه انها لبسها مش ملائم لديننا ولا اخلاقنا مش معناه انها جميلة ولا حاجةواصلا البنات القصيرين احلى من الطوال بكتيرعموما متفكريش فى التفاهة دى وفكرى فى حاجة مفيدة تعملبها تنفعك وتنفع بلدك ودينك

  31. مسلمة وعلى حق
    15/06/2011 at 16:01

    الجمال جمال الروح والخلق والدين ربما تكونى ملكة جمال الكون لكن اخرتك وين هتروحى الى التراب ومن التراب والى التراب نعود فكرى فى اخريتك وبلاش تفكرى فى الجمال والكلام الفاضى ده اختك فى الاسلام نفيسة وشكرا وارجو تقبل راى

  32. الفيلسوف
    09/06/2011 at 06:38

    اكيد صحبتك احلى يكفى انها مش بتفهتك معلش سامحينى ,,
    احلا ومش احلا حرام عليكى انتى بتفكرى ازاى اعقلى يا اختى وبعدين صحبتك حرة تشوف نفسها احلى وحدة فى الدنيا سبيها يا حجه فى حلها
    بس احلى حاجه والله انك رايقة اوى خاصتا فى موضوع الواد رغم انه كان رذل بس انتى حفظتى كل كلامى وبعدين لو قال بعد كده الى لبسه موف احلى غيري مع صحبتك عشان متزعلش 😀
    سيبك من الكلام ده وزكرى احسن ,, وبعدين انا مبحبش البنات الطويله 😀
    انتى زى العسل بس اعقلى كده وخلى عقلك كبير وسعتها هتزيدى ثقة فى نفسك

  33. BMW
    02/06/2011 at 10:02

    خلص بقى أنتو التنتين حلوين وخلصونا من هالموضوع التافه لأن كل واحد عندو ثقة بنفسو مابينظر إلى الأخرين

  34. مى
    01/06/2011 at 17:10

    بجدبجد انتوا باين عليكم اطفال ياحبيبتى مينفعش كدا لما انتوا بتعملواكدا وانتم صغيرين امال لما تكبروا هتموتوا بعض عشان الاحلى ومش احلى وبلاش تحسسيها بكدا زى مانتى شايفة نفسك حلوة هى اكيد شايفة نفسها حلوة

  35. sniper
    25/05/2011 at 05:00

    والله ماعارف اققول اه لسعادتك …..لانك بجد الواحد اللي مش بيحمد ربنا على نعمه انعم بيها عليه المولى عز وجل زي نعمة الجمال ويحسس التانيين انه هو احلى والكلام ده …لمجرد بس انه عايز يقول كده ….ممكن في لحظه يخسر الجمال ده بابتلاء قاس عليه يمس الحاجه النعمه دي ساعتها بقاه هتقولي ياريتني ماعرفتش الناس اني باهتم بالجمال والكلام الفاضي ده لانهم ماهيصدقوا اللي حصلك وياخدوكي في الكلام والتريقه رااااااااااايح ..جاااااااااي

    نفكر بالعقل ونكبر شويه ونحمد ربنا على النعمه

  36. سارة
    24/05/2011 at 18:19

    يا بنتى اية لعب العيال دة مش تقولى عليها صحبتك اساسا لان مفيش اصحاب بجد بيفكرو فى الموضوع دة ومش هقولك الجمال جمال الروح جمالك ثقتك فى نفسك وانك تحسسى كل الناس انهم حلوين مش تحبطيهم وتحسسيهم انهم وحشين ولو هية شايفة نفسها حلوة اتعلمى منها ثقتها بى نفسها فيها اية ياعنى لمة تتعتقدى انك حلوة وهية كمان حلووة وتبقو انتم لاتنين هيفا ونانسى عجرم ماشين على لارض ههههههههه خلاص يا موزة مش تحطى الكلام دة فى دماغك عشان مش يجيلك شوجر

  37. دينا
    23/05/2011 at 20:08

    كل ده لعب عيال الى يبقى شايف نفسه حلو اوى كده يبقى صدقينى العكس وبلاش الغرور ده لانه مش كويس فى الاخر وكمان ركزى فى المذاكره احسن لان الموضوع ده مش هينفعك صدقينى ركزى فى مستقبلك احسن باااااااااااااااااااااااااااااااااى

  38. مشاعر
    23/05/2011 at 18:33

    انا رايى ان حرام جدا انك تحسسيها انك احلى منها عشان دة مش زنبها يعنى هى اللى خلقة نفسها دة ربنا وبعدين عادى هى احلى او انتى احلى كلها خلقة ربنا وعلى فكرة انتى احسن انك تحسسيها انها جميلة عشان لو حسستيها انها وحشة او انك احلى منها دة هاياثر على نفسيتها جااامد وهتبقى مش واثقة من نفسها وبعدين ممكن يكون رايى ناس انك احلى منها وممكن يكون راى ناس تانية ان هى احلى عادى الناس بتختلف فى ارائها وعلى فكرة انا فى نفس سنك وعارفة الكلام اللى انتى بتتكلمى عليه وانا واصحابى ساعات بنزعل من بعض بسبب الحكاية دى عشان كدة ما بقتش اتكلم انا واصحابى على الحجات دى وبحب دايما احسس اللى قدامى انها حلوة عشان دة عامل مهم جدا لتكون واثقة من نفسها وانا عندى واحدة صحبتى بردة انا احلى منها لكن عمرى ما قلتلها انى احلى منها بالعكس بحسسها انها احلى منى مع العلم انها دايما بتنقدنى فى كل حاجة فعشان كدة انا رايى اختى انك ما تقليلهاش ابدا انك احلى منها وبلاش تتكلموا فى الجمال عشان كلها خلقة ربنا وربنا معاكى حبىىى

  39. بستغرب و الله
    21/05/2011 at 00:22

    ههههههههههههه و عجبي
    انا احلى لا هي احلى لا مش عارفة ايه اقول ايه بصراحة و بعدين يعني هاتحسسيها انك احلى و هاتقنعيها بكدة so what!!!
    ايه الفايدة من كدة بالظبط هي مقتنعة انها حلوة هي حرة انتي عايزة تحبطيها مثلا اذا كنتي احلى منها شكلا مش معنى كدة انك احلى منها في كل حاجة
    بصي انا اسفة مش قصدي اتريق عليك لان ده فعلا طبيعة سنك بس انا حصل معايا حاجة شبه كدة انا الحمد لله شكلي حلو و في واحدة قريبتي انا و هي زي الاخوات و قد بعض في السن المشكلة ان مستوايا في الدراسة اعلى منها بمراحل و مستوى عيشتي كمان اعلى بس قسما بالله طول عمري بحاول احسسها اننا زي بعض في كل حاجة و عمري ماحسستها اني احسن منها و خصوصا في التعليم لان المدرسين كانوا دايما يقولوا عليا ماشاء الله شاطرة اوي و هي مستواها ضعيف المشكلة الاكبر ان والدها كان بيعايرها بكدة لاني اصغر منها بسنة بس مع بعض في التعليم و انا اشطر منها بعدها هي بدات يبقى شكلها حلو و كل الناس بتقولها انتي حلوة بدأت تشوف نفسها عليا و تقول عليا مش حلوة و كذا مرة كانت بتجرحني بكلامها و انا ياما عيطت بسببها ان مش دي اللي اتوقع منها كدة خالص و خصوصا انا عمري ما عايرتها خالص بس الله اعلم هي حبت تتفوق عليا في حاجة مالقتش الا جمالها تعايرني بيه رغم انها مش احلى بكتير يعني بس غرورها خلاها تشوف كدة و انا ياما كنت بساعدها في الدراسة و اعطل نفسي عشانها مش بقول افضالي عليها بس بقول مش ده رد الفعل اللي استحقه منها و انا لما قرأت مشكلتك افتكرت الموضوع و اتنرفزت اوي لاني بكره الغرور انا ممكن تبقى واحدة صحبتي احسن مني في حاجة بس عمري ماهتضايق لان اكيد انا كمان فيا حاجة احسن المشكلة بقى لو هي اتكبرت عليا بس بصراحة انا سعات كنت بعزرها و اقول هي حاسة اني احسن منها دايما لكن انتي مفيش مبرر للي بتعمليه فاعتبريني اختك الكبيرة و ماتهتميش بكدة و شيلي الفكرة دي من دماغك و بلاش الغرور ده ( ولا تصعر خدك للناس و لا تمشي في الارض مرحا ان الله لا يحب كل مختال فخور )

  40. ملاك السعادة
    17/05/2011 at 02:54

    سبحان الله و هي زنبها ايه انك احلى منها و ايه لزمة انك عايزة تحسسيها بكدة ده اسمه غرور و تكبر و انتي كدة بتتكبري عليها و بعدين ممكن جمالك ده يروح في لحظة اتقى ربنا شوية

  41. سمسم
    09/05/2011 at 17:13

    يابنتي كل دا لعب عيال ولو استمريتو في المنافسة مين الاحلى والكلام دا هتكرهو بعض
    وبعدين كل واحد شايف نفسه هو الاحلى
    واوعي تحطي من معناويات حد
    وانتي بردو لسة صغيرة ومتحطيش فدماغك معاكسات شباب وتعملي انك زعلانة
    اوي لما بتتعاكسي
    وربنا يهدي الكل

  42. سوسو
    07/05/2011 at 10:26

    :/ ممممممم مو لازم رفيقتك تعرف ان انت احلى انت واتقه بحالك بيكفي و اذا هي مو حلوه انت لازم تنبسطي ان رفيقتك مبسوطه وشايفه حاله ان هي حلوه 🙂

  43. ملكه الانوثه
    01/05/2011 at 13:20

    حببتى انتى لسه صغيره وكل ده كلام اطفال ومفيش واحده حلوه بتقول على نفسها حلوه ده غرور وعيب انك تحسسى صحبتك بده يمكن تكونى انتى احلى منها ف الشكل وهى احلى منك فى اى امكانيات العقل التفوق التفكير ربنا مش بيدى الانسان كل شى

  44. احمد ط
    01/05/2011 at 01:25

    بصراحه كل ده دلع بنات وانتي بتقولي انا احلا من صحبتك بس الله يخلق ما يشاء وفي لحظه يغير الله من شكلك الجميل الي شكل قبيح فبلاش تقولي انا احلا منها الله يخلق ما يشاء وشكرا

  45. pepars
    30/04/2011 at 23:47

    هوا انا مش فاهم ايه الموضوع وكل الكلام دا وضح انكم لسه اطفال لان معلش الموضوع يعنى مش مهم لدرجه انك محتاجه حلول ومساعده من حد بس عايزاقولك فى الاخر الجمال جمال الروح والخلق الكريموجمال الادب وجمال التربيه وجمال حب الله والتقرب اليه كده هتكونى افضل بمراحل وبعدين خليكى جوهريه ومتبقيش سطحيه هتكونى اجمل بنت فى الدنيا

  46. بسمة خجل
    30/04/2011 at 21:40

    السلام عليكم

    طيب اتكلم بصراحة انتى لو عايزة فعلا تبقى احلى واحسن منها متهتميش بالموضوع دا
    وخليكى قدامها دايما متواضعة كفاية زى ما بتقولى فى الاخر ان هي حاسة وعشان تبقو اصدقاء على طول راعى الصداقة ومتهتميش بالموضوع وكل ما يجى فى بالك استعيذى بالله وبعدين اقرئى على نفسك ايات حافظات وبس دى رائى انك تنسى الموضوع وصدقينى كل ما هتنسيه الناس هتحبك اكتر واكتر

  47. مصريه وافتخر
    30/04/2011 at 17:53

    فى ايه بس يعنى معدش فى مشكله غير انك تعرفيها انك احلى منها طيب انتى اساسا مضايقه ليه انها تشوف نفسها احلى منك وايه المشكله يعنى ياحببتى الواحد لازم يكون عنده ثقه فنفسه وبصراحه انتى واضح انك بتحسديها على ثقتها فنفسها خليكى فمذاكرتك وسيبك من الكلام الفاضى دا

  48. رجل قانون
    30/04/2011 at 12:48

    اختى الصغيرة اضحك كثيرا ان تفكرى فى مثل هذا التفكير المضحك ولكن هذا هو طبيعة سنك ولكن ماذا سيعود عليكى لما تحسسيها انك احلى؟؟؟
    وليه تحسسيها بده؟ مش هى صحبتك؟
    انا بطلب من اختى الصغيرة متفكرش فى ده عشان متزعلش صحبتها وتبدأ غيرة ومشاكل وتبدأ تفكر تعمل حاجه تضرها؟
    فكرى فى مصلحتك اكتر وانك مش مهم تكونى احلى بس المهم تكونى اشطر فى المدرسة وكل الناس تقول انك اشطر فهذه منافسة مشروعه
    وربنا يهديكى لما فيه الخير لكى ولكل البنات

  49. عمر
    30/04/2011 at 11:17

    اولا هي عارفة كويس انك احلا بس هي مش عايزة تقنع نفسها بكده و لا حتى عايزة تظهره و انا مش فاهم انتي ليه بتكلمي معاها في الموضوع ده و عايزة تقنعيها ليه فرقت معاكي في ايه طالما انتي عارفة نفسك تقتنع متقتنعش مش مشكلة عموما انا معتقدش ان ديه مشكلة عايزة حل

اترك رداً أو حلاً لهذه المشكلة