مشاكل البنات النفسية

الغربة والوحدة والملل واختي سبب كل مشاكلي

السلام عليكم ورحمة الله وبركاته
انا مشكلتي طويلة شوية

انا بجد نفسي حد ياخد بإيدي وتعبت من نصايح الناس الي مش حاسة بحالي
اولا انا طالبة جامعيا في تعليم مفتوح
تعليم مفتوح يعني بدرس بالنت
ومش بروح الجامعة نهائي الا يوم الامتحان
ثانيا انا مش عايشة في مصر وعايشة في بلد نائية جدا
ياريت محدش يسألني عن اسمها
ثالثا انا معرفش حد نهائي مليش صحباتي
ملناش اهل نهائي :لا خوال ولا عمام ولا حتى جيران معانا في البلد دي
رابعا انا مش بخرج خالص من البيت حتى جوة البيت انا عايشة في حجرة مش بخرج منها
لان مفيش سبب يخرجني
ومش ممكن اتعرف على صحبات ومش ممكن اخرج
ياريت محدش يقترح عليا الحاجات دي لانها مستحيلة بالنسبالي مفيش حد في البلد دي ممكن اتعرف عليه ومفيش مكان اروحو لانها بلد نائية
خامسا ليا اخت اكبر مني بخمس سنين مش متجوزة ومتخرجة
انا بحاول اوصلكم المحيط الي انا عايشة فيه عشان تقدروا تحسوا بيا
انا اول سنة ليا في الجامعة كنت شاطرة جدا وكنت بتحمل الملل والوحدة وكل حاجة على اساس اني حتجوز بعد الامتحان وحرجع مصر
وحرتاح من السجن الي انا عايشة فيه
لكن للاسف محصلش نصيب ورجعت لنفس السجن الي كنت فيه بل اسوء
اختي منكدة علينا عشتنا ليل نهار نكد نكد نكد ومش بينفع معاها اي كلام
وهي بتقول بالصريح انا حقعد انكد عليكم لغايت لما تجوزوني بالاضافة اني انا وهي مش متفاهمين اوي
وعلاقتي معاها سطحية جدا عشان مدخلش في خلاف معاها

ودة تعب نفسيتي جدا واثر على دراستي
يعني بقيت انا وكتابي ولاب توب سجينة غرفتي
وبموت من الملل حاسة اني ميتة على سطح الارض
المشكلة دلوقتي اني احيانا بقع في الاغلاط وبرجع اتوب واقول مش حعمل كدة تاني
اول ما البيت يتملى نكد واتخنق ارجع تاني للغلط
ودلوقتي انا بكلم مع واحد على الفيس بوك ومش قادرة ابعد عنو لانو بيعاملني كصديقة
وبيكلمني بصدق هو يعرفني من زمان بس انا كنت بعدت عنو فترة وتوبت ودلوقتي رجعت اكلموا تاني وبكذب عليه كتيييييير اوي
انا عارفة ان دة غلط بس مش قادرة ابعد وبكذب عليه عشان ميتجاوزش معايا في الكلام ويفضل محترمني
انا بقولو اني متجوزة واني بعتبروا كأخ فقط وكل هدفي من الكلام معاه اني افضفض مش اكتر
طبعا دة غلط وحاولت كتير ابعد خصوصا انو متجوز
لكن مع كل نكد ارجع تاني
اكيد حتقولولي ليه مش بتتعرفي على بنات مدام الحكاية فضفضى مش اكتر
انا حاولت كتيييييييييييييييييييير اتعرف على بنات على الفيس بوك وفي المنتديات
لكن ملقتش اذن صاغية ونصيحة مؤثرة منهم بالإضافة انهم مش بيفتحوا لكن الشخص دة كل يوم فاتح وبيسمعني بإهتمام
مع العلم ان كلامنا كلو محترم وبعيد كل البعد عن الحب والغرام يعني كأن كلام راجل لراجل ومش بكلمو لا بصوت ولا بصورة مجرد شات الفيس العادي
المشكلة تانية بقى اني مش بزاكر نهااااااااااااااااااائي مع العلم اني امتحاني بعد 3 شهور
وكل ما احمس نفسي افشل وارجع تاني اهمل دراستي
المشكلة الثالثة ان كل الي معايا لما يجو ينصحوني ازاكر
بتبدا النصيحة بالزعيق وبيكلموني وكأني انا طالبة عادية وفي وضع عادي بس انا مهملة
عمري ما حد سألني مالك ايه الي مضايقك ليه زعلانة
ليه مش بتزاكري محدش بيحاول يطلع الي جويا
حتى لما بكلم اي معارف بنات او اقارب على النت
بكلمهم برسمية ومجاملة لاني مش قادرة اصارح حد على الي في قلبي
إلا لشخص دة الي بكلمو على الفيس
دة غلط ونفسي اتغلب عليه وفعلا بتغلب عليه لكن اول ما بتخنق بلقيني بشكل
لا ارادي ببعتلو رسالة اشتكيلو مع العلم اني مش بحبو

لكن بعتبرو زي طبيب نفساني افضفض ليه عن الي في قلبي
ياريت ياجماعة تحسوا بيا بجد وتساعدوني
انا كتبت مشكلتي كتير هنا بس دائما الردود كانت مش بتساعدني غير بشكل مؤقت
نفسي الي ينصحني يكون حاسس بيا عشان يقدر يساعدني

مشاكل وحلول ذات صلة

اضيف بتاريخ: Wednesday, March 16th, 2011 في 09:22

كلمات مشاكل وحلول: , , , , , , , , ,

16 رد to “الغربة والوحدة والملل واختي سبب كل مشاكلي”

  1. vaknon
    03/08/2012 at 11:01

    بسم الله الرحمان الرحيم
    اولا مافيشحد بيختار اللى هوا فيه
    ثانياماتعتبريش نفسك فى مشكله لان ده امتحان ليكى من ربنا سبحانه وتعالى
    ثالثن وده الاهم انتى محبطه ومش راضيه على العيشه اللى انتى عايشها
    رابعا انتى متعبرى ابوكى هواللى بيحبك وامك هىيه اللى ممكن تكون بتكهرك بس مع العلم مافيش اب يسيبولاد52 سنه ويتقال عليه كويس مهما كان بيعمل لاكن امك انتى مفكرا ان هيا مشغوله عنك بس العكس هيا مكن بسبب اللى البيت فيه اصبح عندها كبت من البيت وارفو او انتى ممكن تكونى سايفه غير ده بس نصيحه حبى اهلك على عيوبهم احنا مش مليكا
    خامسا حولى تخلقى حلم لنفسك وتعشيه وحولى تتحقبه احلمى ان انتى تدرسى فى اطليا تروحى باريس تعملى اى حاجه اكيد عندك موهبه ححاولى تنميها ياعنى من الاخر داورى على نفسك
    سادسا انتى مفكرا الحل فى الجواز اكبر غلط ممكن تكوزى الراجل اللى انتى بتكلميه ده وف اللخر يطلع مش كويس او العكس ماتحتيش نفسك فى موضع اختبار الناس لحل مشكلتك لان لما رايجل يجيب وقت عشان يسمعك وعارف ان انتى متجوزه ياعنى عارف انانتى بتخونى جوزك يببقا ده نيتى مش كويسه وداسلوب شيطانى ياعنى انتى متكلمى معشيطان
    الحلللللللللل 1-اربى من ربنا وتوكلى عليه وادعيه وزللى ليه وانتى بتدعيه ابكيلو كلميه سدقينى ربك مش هايغزلك
    2-خلصى امتحنات وانجحى
    3 – حاولى تشتغلى فى اى حاجه لو مانفعش عادى خالص
    4- حاولى نخدى قرسات فى مجال انتى حباه اواتعلمى لغه انتى اعده على اللاب بتاعك
    5 – حاولى تقربى من ممتك لو على حساب كرمتك وحبيه على عبيه
    6- اهم حاجه اختك اعدى معها واسمعيه خديه واخرجو اسمعو اغنىشاغلى موسيقا انتى وهيا ورقصو افرحى وفرحى اللى حواليكى ياعنى
    7ناضفى البيت مش شرط من الوساخه لا من المشاكل اللى انتو خلقنها لبعض
    8- اختك عايزا تهرب مش عايزه تجوز حاولى تفهمى ده واللى ناتى فيده مش حاجه ماللى هيا فيه
    9 – حاولى ترضى عن عشتك
    10-احلمى وجرى ورا حلمك
    11- بالتاكيد نسيتى الشخص ده بعد ما سمعتى كلامى اخوكى محمد فنان تشكيلى

    قَـيّـم هذا الحل: Thumb up 0 Thumb down 0

  2. غلا
    18/02/2012 at 12:43

    هاي حبيبتي اناحاسه فيكي كتيير وانتي بنت كويسه ولا ماكان سالتي الناس بس حاوي تتاكدي من الشخص ممكن يكون مش مجوززاوازا كان هيك واجهيه بالواقع ازا بدو ياكي ولا لاوازا بو ياكي يعرف بيت اهلك ويخطبك عشان تنتهي المشكله وازا كان بيتسلى اتركيه وبقوووووه

    قَـيّـم هذا الحل: Thumb up 0 Thumb down 1

  3. السالمي
    05/08/2011 at 01:13

    اختي الغالية انت في غضون مشكلتك بتعتبري هذا الشخص هو المنفذ الوحيد للفضفضة عن همومك التي بداخلك ولكن انصحك بالتقرب الي الله اولا والتقرب الي امك واجعليها مكان صديقك هذا بالتدريج ولا بد سياتي يوما ما وتنسي هذا الشخص واسال ان يرزقك بان الحلال الذي يريحك من همومك تلك

    قَـيّـم هذا الحل: Thumb up 0 Thumb down 0

  4. المهاجر
    20/03/2011 at 15:21

    اولا يا أختى اظن ان الاخوة الى ردو قالوا كل مايمكن ان يقال بس ان هقترح عليك حل بالنسبة لمشكلة كلامك مع هذا الشاب على النت(1)اطلبى منة بكل وضوح انة ميكلمكيش تانى هو أكيد هيسألك عن السبب قليلة انك شايفة ان كلامك معاة حرام وعيب وشوفى اية ردة__(2)أسألية هل مراتة تعرف انة بيكلم بنات ولو تعرف اية موقفها__(3)انتى بتقولى انك مفهماة انك متزوجة وهو متزوج أسألية هل يرضى ان مراتة تكلم شباب على النت ..؟؟؟$$$$وصدقينى لو عملتى كدة ان شاء الله هتحصل حاجة من اتنين اما انة يطلع شخص محترم ويقطع علاقتة بيكى حتى لو انتى رافضة واما انة يبان على حقيقتة وتكتشفى بنفسك انة مايستحقش انك تثقى بية___

    قيم هذا الحل سلباً او ايجاباً: Thumb up 5 Thumb down 3

  5. صاحبة المشكلة
    20/03/2011 at 01:55

    اشكر كل الي قدملي نصيحة
    والي بيطلب مني التوضيح اناوضحت في الردود

    قَـيّـم هذا الحل: Thumb up 0 Thumb down 3

  6. صاحبة المشكلة
    20/03/2011 at 00:20

    حبيبة انا يشرفني صداقتك وانا وضحت ظروفي اكتر و
    اشكر كل الي قدملي نصيحة بجد نصائحكم اثرت فيا
    بس ياجماعة انا الانسان الي بكلمو انا عايزة ابعد عنو اكتر من اي حد
    بس مش عارفة ازاي انا متعلقى بالكلام معاه بشكل كبير جدا
    ياريت حد يساعدني بخطوات عملية في الابتعاد عنو تماما

    قيم هذا الحل سلباً او ايجاباً: Thumb up 2 Thumb down 3

  7. الأسد
    19/03/2011 at 15:32

    اختى السائلة انصحك بأن تتقربى الى الله بالصلاة والذكر وكما قال الله (الا بذكر الله تطمئن القلوب) وصدقينى لو عملتى كدة قلبك هيرتاح اوووووى وهتقدرى تتغلبى على نفسك الأمارة بالسوء

    قيم هذا الحل سلباً او ايجاباً: Thumb up 3 Thumb down 2

  8. قلبى بيحس بيكى
    19/03/2011 at 00:59

    اقولك على حاجة يا بنت الناس من الاخر تقربى من ربنا وهو هيكرمك واللة انشاء اللة بس حافظى على الصلاةواتقى اللة فى الانتى بتعملية مفيش حاجة اسمها صداقة شكرا والسلام عليكم ورحمة اللة وبركاتة ربنا يوفق الجميع

    قيم هذا الحل سلباً او ايجاباً: Thumb up 9 Thumb down 1

  9. صاحبة المشكلة
    18/03/2011 at 22:08

    انا بحاول كتييييييييييير اني اهتم بدراستي واهتم بديني ولكن للاسف مش بلاقي حد يشجعني
    ولما الظروف بتتأزم وبتخنق ببدأ اهمل دراستي وارجع اتكلم مع الشخص دة وانا والله
    مش ببقى راضية وبتمنى اني ابعد عنو واهتم بدراستي
    واكتر حاجة مزعلاني ان الشخص دة متجوز صحيح احنا مفيش بينا غير كلام عادي
    وانا بعتبرو اخ والله وهو نفس الشئ
    لكن ضميري دائما يأنبني لاني خايفة بكلامو معايا يكون بيظلم مراتو
    او مراتو تعرف وتحصل بينهم مشاكل بسببي
    واكون انا السبب
    والمشكلة الاكبر انا مش عارفة ليه بكلمو ومش قادرة ابعد عنو
    حتى اني حاولت احذفو كتير لكن برجع تاني اعيدو في صفحتي بشكل لا ارادي

    قيم هذا الحل سلباً او ايجاباً: Thumb up 2 Thumb down 3

  10. الامام
    17/03/2011 at 16:12

    اضم صوتى لصوت الاخ زائر واقول لكى اكتبى موضوعك بشئ من الدقة – اعزرينى فانا لم اتمكن من لم خيوط مشكلتك – المعلومات التى قدمتيها غير كافية والاخطاء الكتابية كثيرا جدا
    ركزى وانتى تكتبى المشكلة حتى نتواصل معك ونقدم لكى الحلول

    قيم هذا الحل سلباً او ايجاباً: Thumb up 0 Thumb down 5

  11. زوووووما
    17/03/2011 at 12:36

    الحاجه الوحيده اللي اقدر اقولهالك ان ربنا معاكي ومتخافيش ربنا مش بينسي حد والشاب المتجوز اللي بتكلميه ده طبيعي انك تعملي كده بس غلط ,انا ماقدرش اقولك قربي من ربنا اوي لانك مش هتعملي كده الا لما مشكلتك تنحل .وصدقيني هتنحل بس تعالي علي نفسك واستحملي وخلي املك في ربنا كبير

    قيم هذا الحل سلباً او ايجاباً: Thumb up 1 Thumb down 4

  12. صاحبة المشكلة
    17/03/2011 at 01:10

    والدي ووالدتي منفصلين ووالدتي مشغولة بحياتها وناسيانا تماما
    اما والدي فهو في الغربة منذ اكتر من 25 سنة ولا يستطيع الرجوع الى مصر
    لاسباب كثيرة لا اريد الدخول في تفاصيلها
    لكن والدي يعتبر احسن اب لانو مش مقصر في حاجة نهائي وبيعمل كل الي في جهدو عشانا
    لكن ظروف البلد اقوى منو ومنا

    قَـيّـم هذا الحل: Thumb up 2 Thumb down 2

  13. حياتى كلها لله
    16/03/2011 at 19:11

    اختى في الله انا حاسة بيكى جدا ومتعاطفة معاكى في كل كلمة قولتيها شوفي يا اختى اولا حاولي تقربي لاختك وتكسبيها لان انتى مالكيش غيرها دلوقتى وكمان دى هتكون امينة علي اسرارك باعتبارها اختك ثانيا لازم تهتمى بمزاكرتك ودراستك لان دة مستقبلك الجاي ثالثا حاولي يكون ليكى صديقات في نفس مجال دراستك تتعاونى معاهم وتتناقشي في امور كثيرة ابسطها الدراسة مثلا ورابعا ودة الاهم انتى بتتكلمى مع واحد متجوز مينفعش يا اختى حطى نفسك مكان زوجتة تقبلي انه يكلم بنت حتى لو كان الكلام بينهم محترم وفضفضة وبس اكيد لا مش هتقبلي انتى ادامك اختك تقدري تكلميها وعندك اقارب حاولي متكلمهمش رسمى اوى لان دة هيخلي في دايما حاجز بينكم قربي ليهم اكتر وحاولي تكونى اصدقاء ومتقوليليش مش هعرف لاهتعرفي ودة امر بسيط مش صعب ولازم تخرجى من الحالة دى لان الملل دة ممكن يؤدى الي اكتئاب بعد كدا لكن اهم شيئ اقطعي علاقتك بالشاب المتزوج دة لان هذا لا يرضي الله اتقي الله يا اختى ومن ترك شيئا لله عوضة الله باحسن منه يعنى ان شاء الله ربنا هيكرمك بالزوج الصالح انتى واختك وكل شيئ باوان عليكى بالتوبة والاستغفار ومراجعة نفسك في كافة الامور

    قَـيّـم هذا الحل: Thumb up 2 Thumb down 2

  14. رهف
    16/03/2011 at 18:36

    حسبيا الله و نعم الوكيل.. يا اختي انا نفسي ريحك لان نحنا اخوات عربيات مسلمات .. اولا توكلي على الله بالدعاء ان يفرج همك.. تانيا انا اول مرة اسمع ان اخت لا تتفاهم مع اختها لحد كده يعني يا اختي حاولي تتقربي من اختك على قدر المستطاع حاولي تقربي من عائلتك قدر المستطاع.. ثالثا بالنسبة للجواز فالله يهدي اختك فالجواز مثل الموت و متل الصدف لا يخبرنا امتى بيجي و امتى بروح و نصيحتي لك ادا لم تستطيعي ان تخرجي و تتعرفي على اصدقاء من الخارج فحاولي ان تتعرفي على اصدقاء بالنت لكن خدي بالك منهم لان مرات النت تخدع و مرات لا بتمنى ان تاخدي بالك لما تتعرفي على الناس و اتمنى لك حياة سعيدة انتي و عائلتك …. سلام….

    قَـيّـم هذا الحل: Thumb up 0 Thumb down 4

  15. حبيبة
    16/03/2011 at 16:18

    ليه كل الكئابة دي يا حبيبتي…..اولا انا باعرض عليكي الصداقةاحنا تقريبا في سن واحدعلشان كدة ممكن نفهم بعض اكتر بس انا في حاجات كتير في حياتك انا مش فاهماهاليه انتي عايشة جوالكئابة دة فين مامتك ازاي اختك منكدة عليكي وليه لما تخلصي سنة اولي هاتتجوزي وتسافري مصر انتي عايزة تيجي مصر طب ومامتك هاتسيبيها في البلد دى ولاايه وايه اللي مقعدكم في البلد دي انا مش فضولية والله بس عايزة افهم يمكن اقدر احللك مشكلتك سواء قبلتي اننا نكون اصدقاء او رفضتي فانا بانصحك انك ما تتكلميش مع الشاب دة لان ممكن هو كمان يكون بيكدب عليكي في حاجات كتيروصدقيني علاقتكم مش هاتفضل كدة لازم هاتتطورعلشان كدة لازم تبعدي عنه وحاولي تقربي من مامتك واختك واول واحدلازم تقربي منه هو ربناانا هانتظر ردك بالقبول او الرفض اختك في الله حبيبة

    قيم هذا الحل سلباً او ايجاباً: Thumb up 4 Thumb down 3

  16. زائر
    16/03/2011 at 16:05

    ابنتى السائله حتى أستطيع أن أساعدكى لابد أن تكون خيوط المشكله كامله. يعنى بدون الدخول فى تفاصيل البلد الللى انتى فيها أو الديره . لكن لم تذكرى شىء عن والدك وما هى طبيعة عمله وكم سنه وهو فى الغربه وأنتم معه وهل يستطيع أن يستغنى عن الغربه ومرارتها ويرجع لمصر(أنا أيضا مغترب فى السعوديه ولى اسره كانت تعيش معى ولكنم لما وصل ابنى لسن دخول المدرسه نزلوا مصر وبعد الامتحانات يجيوا عندى فى الصيف)فعلت ذلك لأنى أرى أن الأفضل أن يتربى الأولاد فى بلدهم ويعرفوا طباع الناس هناك أفضل ولم افكر فى المصاريف الزياده) وأما عن والدتك أيضا لم تتكلمى وما رأيها. كل هذه الامور لازم تكون واضحه حتى أستطيع أن اقدم لكى أفضل الحلول المتاحه من وجهة نظرى وكلى أمل أن يساعدك الله حتى تخرجى من مشكلتك. فأنتى مثل بنتى فلى أيضا بنتان خمس سنوات وثلاث سنوات أيضا مع أمهم فى مصر وفى الأجازه يجيوا ثلاث شهور ويرجعوا تانى. اكتبى تفاصيل أكثر دون الدخول فى تفاصيل خاصه. تمنياتى لكى بالتوفيق.

    قيم هذا الحل سلباً او ايجاباً: Thumb up 7 Thumb down 6

اترك رداً أو حلاً لهذه المشكلة