مشاكل البنات في المدارس

صديقات المدرسة

مرحبا للكل انا رح اشرحلكم مشكلتي يمكن تشوفوها تافهة و ما تستحق تنطرح هون بس عنجد مدايقتني و يمكن تسببلي مرض نفسي و اكتئاب
المشكلة كالتالي انا عمري 15 سنة في المدرسة مو محبوبة كتير و ما عندي علاقات صداقة قوية مع البنات بس في بنتين في البداية كانو صديقاتي المفضلات لكن بعدين تغيروا معي كتير لدرجة انو وحدة منهم صارت تكرهني كتير و تغار مني لاني ناجحة كتير في مجال الكتابة و هي نفسها تكون مكاني و المشكلة اني ما بقدر اتركهم لانو رح اصير وحيدة و بدون صديقات وفي مجموعة بنات في صفنا كتير صحبة و كتير بحبو بعض دايما بحسدهم على صحبتهم القوية و نفسي يكون عندي شلة كبيرة زيهم
شو اعمل عشان اصير محبوبة و يصير الي صديقات مناح مع العلم انو البنتين يلي ذكرتهم معدلهم اقل مني بكتيير في المدرسة عشان هيك بحس البنات الشاطرات بكرهوني اكتر عشان صاحباتي ضعاف في المدرسة

مشاكل وحلول ذات صلة

اضيف بتاريخ: Wednesday, August 9th, 2017 في 09:31

كلمات مشاكل وحلول: , , ,

2 رد to “صديقات المدرسة”

  1. RizzoRaz
    11/08/2017 at 23:24

    شوفي أختي حبيبتي , هاي البنت الي كرهتك و الي غارت مِنك ما عرفت قيمتك أبداً و أكيد الله بينلك انها وحدة منافقة مش خرج عشرة أبداً ! فنصيحتي الك انو لما تشوفي شلة قاعدة و هيك اقعدي معاهم و لا تترددي مثلاً احكيلهم مرحبا فيني اقعد معاكم ؟؟ و اكيد هما مش حيكونوا نفسيات أو اشي تاني لإنو في اكيد بنات مناح و في بنات مش مناح .. و انتي اذا شايفة الشلة منيحة و فيها بنات منيحة روحيلهم و احكيلهم انو بدي اقعد معاكم و هيك وشاركيهم قصصك و اندمجي معاهم يعني لا تضلي ساكتة أو تحسي انو وجودك حيط مثلاً !! لا بالعكس احكي قصصك و هيك و احكيلهم شو رأيكم نلعب جرأة او صراحة و أكيد هما رح يتقبلوكي و تلاقيهم حيصيرو يحبوكي و تلاقي صديقات مقربات أكيد احسن من الي شفتيهم .. و الله يوفقك دايماً 🙂 .. ترآ أنتي بس اصغر مني بسنة فلهيك انا بتفهمك و بساعدك

    قَـيّـم هذا الحل: Thumb up 1 Thumb down 0

  2. ابوالبتول
    09/08/2017 at 12:51

    اولا الخلل منك انت ماخليت البنات يحبوك وخصوصا 2 رفيقاتك اللي تغيروا عليك التوفيق والنجاح بيد الله عزوجل ولكل مجتهدنصيب ماحد يحسد احد ولا بياخد مكان احد بتفوقك واجتهادك تحصلي على النجاح اخر السنة وكذلك حسن تعاملك واخلاقك وطيبتك تخلى لك اصحاب وصديقات في المدرسة تذكري ان الصداقة مهمة جدا في حياة الانسان واحسن الظن بصديقاتك في الصف اوفي المدرسة وتقرب منهن واسالي عنهم وتواصل معهم وان شاء الله تظلوا اصدقاء طوال العمر وفقك الله واصلح حالك

    قَـيّـم هذا الحل: Thumb up 2 Thumb down 0

اترك رداً أو حلاً لهذه المشكلة