البنات المراهقات

بحب زميلي في المدرسة وخايف تحصلي فضيحة

انا بحب واحد زميلى فى المدرسة بس هوه فى تلته اعدادى وانا لسه فى اوله هوه بيحبنى من تلت سنين وانا من سنتين والصراحة انا حبيتو اكتر لما دخلت مدرسة الاعدادى وعمرنا ما كلمنا بغض غير مرة واحدة لانو حصل بينا مشكلة وهى انو بعتلى جواب بيقولى انه بيحبنى بس للاسف كان معرف شوية عيال صيع زمايله بس هوه محترم المهم ان العيال دول بينادونى باسمه فى الشارع وبيقولولى كلام وحش والمشكلة دى اتكررت تانى بس المرادى باعتلى جواب وسلسله وانا قبل ما يبعتهوملى اصلا كنت مقررة اسيبه لان فى واحد صاحبه قالى كلمة محرجة اوى اوى وبعديها علطول لقيته بعتلى الحاجات دى لانو شاف دراعى وهو مكسور مع اننا لما اتكلمنا قولتله ان انا مبحبش سكة الجوابات دى وان دى مش طريقتى وهوه كررها والمكشكلة بقا انه عرف اصحابه برده بحكاية الجواب والسلسله وانا خايفة منهم لانهم ممكن يعملولى فضيحة جامدة جدا وانا مبقتش مستحمله كلامهم ده الصراحه لان كلامهم صايع جدا وانا مبقدرش استحمله انا فكرت انى حدى الجواب لصديقتى وهى تديه لجارهم اخر يوم فى الامتحان وهوه يوصلهوملو لانه صديقه الانتيم بس رجعت وقولت كده حبا فى نظره خاينة وهو حيتجرح وانا كمان ممكن اموت فبها لو سبنا بعض لانى لما اوصلوا حاجاته حيعرف ان كل حاجة اتلغت وانا مش عارفة اعمل ايه اختار كرامتى ولا هوه لو اخترته حنزل من كرامة نفسى ولو اخترت كرامتى وسيبته ممكن اموت انا بسبب الموضوع ده مبنمش وبيجيلى شكه فى قلبى والنصيبة انى مينفعش اروح اكلمه واقولوا على الى اصحابه بيعملوه لان انا مبشوفهوش وبعدين انا بتكسف ومش عارفة اعمل ايه هل اختار كرامتى ونتجرح اوى احنا الاتنين(انا بحبه موت وهوه اكتر) ولا اختاره وانزل من نظر نفسى واحاول احل انا مشكلة اصحابه واحاول انى اروح اكلمه بس مفبش فرصة نهائى اعمل ايه ساعدونى عايزه ردودكم بسرعة قبل اخر يوم فى امتحاناته عشان اشوف حعمل ايه ساعدووووووووونى بليز

مشاكل وحلول ذات صلة

اضيف بتاريخ: Monday, May 23rd, 2011 في 04:25

32 رد to “بحب زميلي في المدرسة وخايف تحصلي فضيحة”

  1. طارق
    12/06/2013 at 12:47

    بص انا ولد اسمي طارق مش كل اولاد زي بعضيها ممكن يكون بيحبك بجد انا في 3 اعددادي بصي خليه يجيب اخره هوه لو بيحبك هيعمل المستحيل علي شانك

  2. موكا
    29/01/2013 at 11:56

    بصى هو مش بيحبك صدقينى ده لو بيحبك مكنش سبهم يقلوا كرمتك كده حافظى على كرامتك و سمعتك مسيركم هتكبروا ولو بيحبك بجد هيبقى يحافظ على سمعتك مش يتمنظر بانه بيحبك صدقينى بيلعب بيكى ليا وحدة صحبتى فى المدرسه حبت واحد زيك كده هى فى 2 اعدادى و هو فى تالتة ضحك عليها لغاية ماخلاها تتكلم معاه و تحب فيه وفى الاخر اتفضحت فى المدرسه وبيزلوها والله العظيم ديه الحقيقة اوعى تكررى نفس الغلطة ديه و نصيحة فضفضى لامك مفيش احن منها متخفيش هى هتقدر سن المراهقة اللى انت فيه يا حبيبتى

  3. مريم يسطس
    03/09/2012 at 01:22

    على فكرة يا حبيبتى انا زيك كدة مراهقة وكنت سمعت ابلكدة ان الحب فى السن الصغير دة مبيستمرش فياريت تحاولى تنسيه معلش هتتعبى شوية لكن تعالى على نفسك لأنك لو فضلتى تحبيه وانتى لسة مدخلتيش مرحلة البلوغ هتكبرى وهتكتشفى ان فيه حاجات فيه مكنتيش هتفكرى فيها عشان كان عقلك لسة ماوصلش لمرحلة البلوغ . شكرا

  4. Nana
    21/06/2012 at 17:42

    انا عندى 15 سنه وحصل معايا برضو نفس الكلام دا بس هو بعت لى رسايل على النت بس انا مارضيتش اكلمه لان الحب دا مش هيفضل معايا طول العمر اما سمعتى هتفضل معايا طول عمرى لغايه مااموت وعمر ماحد هينسى وبعدين هو لما هيكبر هيعرف انى محترمه ولو لينا نصيب مع بعض اكيد هنتقابل لمانكبر وربنا هيكون كاتب لنا كدا فاسمعى كلامى وسيبك منو وانتى اصلن المفروض لو بعت لك جوابات تانى ماتاخديهاش عشان تبانى انك محترمه وممكن يكون فى واحد تانى محترم بيحبك اكتر منه

  5. ......................
    17/06/2012 at 01:33

    كلام الحب ده في السن ماهو الا اعجاب مش اكتر وبعدين كلام الحب اصلا مراهقة للناس الفاضيين
    والي عقولهم فاضية وعلى ما أظن انتي مش كده فكري في مستقبلك في حياتك في اخرتك
    وقربي من ربك وبعدين لو بيحبك صحيح ماكان حكى لاي حد
    انتي خايفة تجرحي واحد وهو جرحك اصلا
    ده واحد بيتسلى بيكي وبيحكي لاصحابه عشان يبينلهم انه بقى كبير
    نصيحة ابعدي عن سكة الحب لانها فعلا سكة حدخلك في ظلام دامس
    قربي من ربك الي خلقك خلقك لعبادته مش عشان تعلقي قلبك بانسان
    لو متي بعد الشر وانتي على الحال ده حتقابليه تقوليلوا اييه؟؟؟!!
    دي نصحتي ليكي
    واتمنى اكون افدتك ^_^

  6. ,mnb
    29/03/2012 at 20:58

    بصى انا فى نفس سنك بس اتى المفروض تقولى لحد من اقرب الناس ليكى بس طبعا مش من اصحابك يعنى يبقى حد كبير اكيد هيبقى عارف حل للمشكلة دى فانسى الموضوع ده خالص وركزى فى دراستك ومذاكرتك وان شاء الله لما تكبري ربنا هيديك لابن الحلااااااااااال اللى هيحافظ عليكى فانتبهى لمزاكرتك وخليكى محافظة على كرامتك علشان البنت ملهاش غير سمعتها الصراحة يعنى فلو كرامتك ضاعت منك محدش هينفعك م الاخر

  7. نصيحه من بنت
    08/03/2012 at 19:56

    بصي يا بنتى انا زيك بالظبط بس فى اوله اعدادى فى واحد بيبصلى ويدقك فى نظراته على عينى انا فرحت اول ما عرفت بس لما قريت هذاء الموضع فت من الاوهام فكك منه انتى لسه قدام العمر افرض انك اختى الماجستير للدكتراه وهو دخل دبلوم تجار ايه هيبقي موقفك فكرى بعقل انا مش عارفه اعمل ايه مع الواد ده اصاحبي بدائو يلا حظوا ردوا عليا بليييييييييييز

  8. ندي
    27/12/2011 at 00:28

    انا برضو كان في واحد بيحبني وبعتلي جواب وفية خاتم وكان كاتب في الجواب انو بيحبني وكان كاتب شعر وراح حطوا قدام باب الشقة لكن في نفس اللحظة اللي كنت بفتح فيها الباب علشان اروح الدرس وبعدين قالي الجواب دة علشانك وطلع يجري وبعدين وريت الجواب لماما وكان كمان مكتوب في الجواب لوعايزة تعرفي الشخص اللي بعت الجواب هيكون مستنيكي في النادي بعد العصر اصل انا كنت بدرب كاراتية في النادي وهو كان معايا وبعدين ماما نزلت معايا وراحت للولد وادتلوا الجواب المهم يعني عرفت تتصرف وبعدين في يوم كنت رايحة الدرس لقيتو راكب عجلة وبيعاكس البنات في الشارع وانت كنت واحدة منهم اصل انا سعتها كنت لابسة طرحة ونظارة فمش عرفني المهم يعني من القصة دي ان الولد طلع مش كويس وبتاع بنات وطلع كان عاوز يتسلى وماما هي اللي ساعدتني فا انتي لازم تقولي لمامتك قبل ما المشكلة تكبر وعلى فكرة الكلام دة حصل وانا في تانية اعداي يعني من سنة علشان انا في تالتة اعدادي دلوقتي

  9. HanyMoh
    25/10/2011 at 04:23

    مش عارف أضحك ولا أبكي على الكلام ده..

    الأفلام والمسلسلات الهابطة خلت الأطفال يقلدوها والكبار يقعوا في ورطات بسببها..

    متزعليش مني

    أنت معندكيش أي خبرة في الحياة

    ومفيش واحد طيب هيصاحب عيال صيع زي الأخ ده

    المرء على دين خليله فلينظر أحدكم من يخالل، ده حديث عن الرسول

    هل أنتي هتعرفي أكتر من الرسول

    سيبك منه خالص ومن أي حاجة من الكلام ده وحافظي على نفسك

    ولما تكبري ربنا هيرزقك بابن الحلال، مش عارف قولتها ازاي دي

  10. sasa
    24/10/2011 at 01:39

    انا شاب وعمري 24 سنه
    لما كنت ف سنك كده ف اللإعدادي يعني كان كل واحد ف الفصل كان بيحب واحده من زمايلنا وده طبعا كان ف كل الفصول التانيه
    كبرنا ودخلنا ثانوي عام ومعظم زمايلنا اللي كانوا بيحبوا بعض منهم كمل ثانوي ومنهم دخل مدارس تانيه
    المهم ف ثانوي فيه ناس كملت مع اللي بيحبوهم وناس نفضولهم وحبوا بنات تانيه
    وكبرنا ودخلنا جامعه ومعظم زمايلنا دخلوا كليات مختلفه وتقريبا اتنين بس هما تاللي دخلوا نفس الكليه من الدفعه بتاعتنا
    ومعظمنا ف جامعه كل واحد حب واحده جديده ف الكليه
    النتيجه ان مع مرور الوقت وتقدم السن بتختلف المراهقه تبع السن ف فالاعدادي بيبقا لعب عيال والثانوي بتبقا مراهقه والجامعه بيبقا اخطر سن لان السن ده ممكن يحصل فيه بلاوي حفظنا الله
    والخلاصه ان مافيش ولا واحد من دفعتنا من ابتدائي اعدادي ثواني جامعه اتجوز اي واحده من اللي كانوا فاكرين انهم بيحبوهم
    النصيحه ,, انتي كده بتضيعي وقتك ولو استمريتي هتضيعي نفسك وهتخسري مستقبلك ف الدراسه طالما بتفكري ف الحاجات دي من دلوقت
    الختام ,,,, يا ريت تبعدوا شويا عن الافلام التافهه اللي بتدمر العقول لان انا شايف من الاساس ان انتي صغيره اوي علشان تتكلمي عن الحب بطريقه ولا اكنك بنت عندك 20 سنه ,,, عرفتي الكلام ده كله منين؟

  11. زهرة الثلج
    31/08/2011 at 19:43

    انا اكبر منك بشويه بس صدقينى ده عمره ما هيكون الحب الحقيقى انا مريت بنفس المشكله وانا فى سنك بس صدقينى هو مش فارق معاه حاجه واكيد بيتسله اضغطى على نفسك وانسى

  12. انا كمان
    27/08/2011 at 13:21

    انا بحب واحد معانا فى الفصل انا طالعة اولى اعدادى و صحبتى مبحبهاش عرفت بالصدفة وقالت لصاحبتنا تانية مش عارفة اعمل ايه خايفة تقول لماما عشان مامامعايا فى نفس المدرسة مدرسة

  13. احمد
    26/08/2011 at 05:47

    هههههههههههههههههههه ضحكتيني يعني هو بيحبك من 3 سنين يعني لما كنتي في سنه 4 ابتدائي انتي مش شايفه انك صغيره اوي على الحب نصيحه مني سبيه و مددلوش اي فرصه يتكلم معاكي لان كده هو هيعرف انك محترمه و كمان حبه ليكي هيزداد بس بلاش انتي تتعلقي بيهعلشان كده هتحصل فضيحة بجد

  14. هدوء القمر
    16/08/2011 at 18:44

    سيبك منه يا بنتي بصراحة ده مش حب ده بيتسلى

  15. ميرو
    29/07/2011 at 17:06

    انا من نفس سنك والمفروض انو انتى تقولى لماماتك يمكن يكون عندها حل احسن بكتير ورائ ان تبعتى له الجواب بس بعد موافقه ماماتك

  16. هبه
    23/07/2011 at 21:06

    مشكلتلك زى مشكلتى تمام بس انا خدت موقف منه عرفتوا انى انا اهم و ياانا يا هما وصدقينى انا مكلمتوش ولا مره
    بعنايا بس فهمنى وقدر يختار
    وقبل ما افكر انى احاول افهمه كنت عمله حسابى انو لو مفهمش ونفذ الى انا عايزه انا كرامتى اغلى من كل شئ وصدقينى اول ماعرفتوه كان انسان مش كويس كان بيجى الحصة 3 ويهرب من الحصة 6 يعنى مبيحضرش 6 حصص
    دلوقتى بقى يجى من قبل الطبور ما يبدا
    المهم انا قصدى انو لوبيحبك بجد هيضحى علشانك بى اى حاجة فى الدنيا ولو حتى مقدرسش يضحى لازم يعلمهم
    احترااااااااااااااااااااااااااامك

  17. نشوى
    20/07/2011 at 07:07

    حبيبتي لو بيحبك مكنش عرف اصحابه كل حاجه كدا.. ولو اصحابه عارفين انه بيحبك بجد عمرهم ماكانوا هيقولولك حاجه من الكلام دا ف الشارع او يضايقوكي اصلا ……… اختاري كرامتك طبعا وابعتيله حاجته وممكن تكتبيله مع الحاجات جواب تقوليله فيه بطريقتك يعني انت اصحابك بيعملوا كذا وكذا وانا مستحملش كدا على سمعتي ولو سمحت متحطنيش ف مواقف زي دي ………… وانتي برضو لسه صغيره جدا ودي كلها مرحله وهتعدي ان شاء الله ، ف انتي حاولي تخليها تعدي بهدوووء كدا ومنغير مشاكل من دي خالص وبلاش تدخلي نفسك ف حوارات تتحسب عليكي

  18. FiGo شبح السلام
    09/07/2011 at 11:05

    الولد دا لو بيحبك مكانش عرف اصحابه كلهم بالموضوع وخصوصا الصيعين دول كان ممكن يقول لصاحبه القريب منه بس .بس على العموم حتى لو اخترتى كرمتيك العيال دول مش هيسكوتوا لان انا اتعملة مع النوعيه دى كتير .بس لازم تحكيلوا على عمايل اصحابه اول ما تشوفيه فى ااقرب فرصه لو معرفش يلمهم يبقى بلاش منه

  19. حماده
    03/07/2011 at 15:30

    على فكرة كل ده كلام جميل ، انا معاك في كل اللي بتقوليه بس سدقيني الولد ده لو معجب بيكي وبيحبك بجد مش كان هيقول لاصحابه وكان ممكن يوصل لك بطريقة الطف من كده انما اللي بيعمله ده اسمه ( مراهقة مبكرة ) ، ومش تقولي على الردرد ديه ( الناس دول مش حاسين بيا ) عارف انك هتقولي كده بس سدقيني حتى لو الولد ده وصل لك بعد كده هيزهق منك وبكل بساطة هيسيبك لأنه بمجمل الاختصار زي ما تقولي كده بيتسلى ، عايزه نصيحيتي سيبك منه خالص اما الحب الحقيقي لسة قدام شويه وربنا يوفقك

  20. الحب
    01/07/2011 at 02:58

    انا راى ان التفكير بالعقل هو المفتاح ولو كملتى معاه اخرة هذا ايه عمره مايكون الجواز بسبب صغر السن وانا راى الى الحب ده شى يجب التفكير فيه بالعقل لو اخترتيه هتسقطى من نظر نفسك وانا انصحك انك تسبيه لان الحديث قال المرء على دين خاليله فلينظر احدكم من يخالل وانت بتقولى انا اصدقائه صايعين بعدى عن واتقربى الى ربنا على فكره انا فى 2اعدادى قريبه من سنك

  21. زملكاوى
    26/06/2011 at 03:34

    خلى بالك من دراستك
    وبلاش الحاجات دى لأن بكره هتعرفى وتحسى ان دا هبل ومكنش ليه لزمه
    لما تكبرى وتبقى فى الجامعه هتحبى وتتحبى بعدد شعر راسك
    متستعجليش
    وبعدين الحب دا اخرته ايه ؟
    مش المفروض يبقى جواز ؟ طيب بزمتك فى حد هيفضل يحب حد من اعدادى لبعد الجامعه ؟؟
    دا هو هيحب كل سنه 10 او 13 من بعدك

  22. المش مفتى
    17/06/2011 at 01:10

    متخافيش مش هتموتى ولا حاجة ودا كلام فاضى والشيطان بيلعب بيكى علشان انتى بعيد عن ربنا ارجعى لربنا واللى فى نصيبك هيصيبك

  23. كندا
    10/06/2011 at 00:19

    انتى ممكن تبعتيله جواب وتحكيله على الى صاحبه بيعمله وتقوليله انه يقولهم انكم سبته بعض

  24. DoDy
    07/06/2011 at 20:18

    انا شايفة ان الحب ده حب مراهقة وكلام فاضي وكله بيضحك علي كله وكلنا مجربين الحب ده ويمكن بتكون مشاعر صادقة بتخرج من الواحد بس للاسف الحب ده عمره ما بيستمر استحالة تلاقي حد سنه 15 سنه بيحب ويفضل مع الي بيحبها مفيش كدا اصلا بس عارفه كل الولاد بيقولوا كدا في الاول بس ده بيكون كذب بلاش تفكري في الحب ده دلوقتي لانك دلوقتي استحالة تلاقي حب صادق دلوقتي وياريت محافظة ع سمعتك يعني اما تحبي حد متعرفيهوش

  25. ranoha
    06/06/2011 at 20:30

    وايضا انتبهى لدراستك جيدا لا احد هينفعك لو لا قدلر الله انك صقطى فى الامتحانات انسى الموضوع ده وخلى مشاعرك فى قليك واعتمدى على الله وادعى انك تنجحى وربنا يقدملك الى فيه الخير وارجوكى خالى بالك من نفسك وحكمى عقلك قبل قلبك وان شاء الله ربنا هيسعدك والى عوزو ربنا هيحصل مهما كان ويارب يحفظنا ويحمينا ويساعدنا امين يا رب العالمين

  26. ranoha
    06/06/2011 at 20:24

    انا حصلتلى نفس الحكايه ديه بس العكس ومع كل الى حصل بينى وبينو انا لسه بحيو وانا مشفتهوش خلاص غير السنه الى حبيتو فيها الى هى 6 ابتدائى وهو كان مودب جدا مكنش بيكلمنى ولا انا اسضا وكمان انا ماما كانت عرفه وقالت لى انتى لسه صغيره لما تكبرى هتحبى تانى مع انها مش مقتنعه بحكايه حب الصغار ده مع انو هو بيبقى حب صافى وحقيقى لكن مشكلتك ديه انا راى فيها انك تسبيه من غير ما تعملى اى حاجه ولو ربنا عز وجل اراد تتجمعوا فى المستقبل صدقينى محدش هقدر يمنع كده لو ربنا عايز وانا ايضا سيبها لله لانه هو القادر على كل شئ وانا بدعى كل صلاه ان ربنا يصبرنى ويقدم الى فى الخير وحقيقى محدش هقدر يحل الموضوع ده غير ربنا وانا اتمنى ليكى حياه كريمه ويارب يجمعك بمن تحبيه وانا ايضا يارب امين

  27. البرنسيسه
    29/05/2011 at 22:28

    قوليلوا طلما كلمتيه مره يبقى عادى لو كلمتيه تانى وحفظى على حبكم طلما هو بيحبك محدش بيلاقى حد يحبه بجد فى الزمن ده

  28. دانا
    25/05/2011 at 18:45

    تمام بس المفروض انة مكنش يعرف اصحابة بس كدة كويس انا بردوة بحب واحد زيملى

  29. رجل من زمن الحب
    24/05/2011 at 23:19

    يا بنتى ارجعي الي ربنا وسيبك من لعب الاطفال ده وبعدين انتى لسة صغيرة وقدامك عمر طويبل ان شاءالله وجامعة وعما وحاجات كتير متضيعيش نفسك وتخللي الولد ده يحتوى تفكيرك فكري في مستقبلك فقط عشان متفضحيش منه ومن اصحابه خللي بالك من نفسك يا بنتى وانتبهخي الي مستقبلك وحياتك العملية اولا وربنا يهدينا ويهديكى والله المستعان ويوفقك باذن الله

  30. زائر
    24/05/2011 at 00:00

    ابنتى العزيزه بدون الدخول فى تفاصيل اللى بيحصل ده عيب ومش حب لأن اللى بيحب بجد يحب ربنا واللى بيحب ربنا يسمع كلامه . الحب مطلوب أكيد لكل انسان لكن كل شىء يأتى فى وقته وبالاصول مش من وراء الأهل اللى واثقين فيكى .حرام تضيعى سمعتك بين الناس انتى لسه صغيره. أحسن لكى تقربى من ربنا وتشوفى مجموعة بنات محترمات يكونوا بيحفظوا قرأن فى مسجد وتنضمى لهم وسيبك من وهم الحب المزيف يا بنتى . ويا ترى ايه أخر المشوار بعد كده ؟ جواز طبعا مش ممكن لأن اللى عنده 15 سنه قدامه كمان 20 سنه علشان يقدر يفتح بيت . يبقى اللى انتى فيه وقت ضايع واحساس مزيف للأسف الأفلام والمسلسلات هى السبب . ركزى فى مذاكرتك.

  31. زهرة الأمل
    23/05/2011 at 12:00

    أنا وأنت في نفس العمر و حنا لس صغار أظن أنك لازم تنسي هل الموضوع و تتظاهري أنك ما عرفة أي شئ عنو

  32. gftrdv
    23/05/2011 at 11:19

    ابنتى العزيزة ربنا يحفظك ويحميك طبعا الاحسن كرامتك وان شاء الله هتكبرى وتتجوزى بس لسة بدرى قوى حافظى على نفسك وسمعتك زسمعة اهلك ولا نفعلى شىء تخجلى منة كما قلت (خايفة من الفضيحة) يعنى عارفة ان دة مش كويس ربنا يحفظك من كل سوء ويوفقك فى دراستك وحياتك

اترك رداً أو حلاً لهذه المشكلة