مشاكل البنات مع الشباب

قالي انا مش بتاع جواز لما حبيته وسابني

السلام عليكم ورحمة الله وبركاته اولا انا بنت عندى 20 سنه ومشكلتي وانا عند 17 سنه اتعرفت علي شب جار اختي هو فالاول كان معجب بيا ولمه جت الفرصه واتكلمنا مسبنيش غير امه كلمتو وقولتلو انا مابحبش اكلم حد ولا بحب اصاحب قالي انا غير اى حد وبكره تشوفي وبعدين احنا ممكن نتكلم اصحاب وبعد كدا نقرر المهم انا وافقة ومكنتش بتصل بيه خلاص هو اللي كان بيتصل ويسال وساعات كنت برد عليه وساعات لاء ومره كنت مسافرة اعد يتصل بيا كتير مكنتش برد لحد مزهق ولمه جيت من السفر اتصلت بيه اعد يلومني ويقولي انا مبحبش اتعلق بحد ويعمل معايا كدا قولتلو وانت اتعلقت بيا قالي اة وفي وسط الكلام بهزر معاه وبقولو ايوه اسمع الكلام عشان احبك قالي ياريت دانا يوم المني عندى ومن ساعتها بقي يتصل ارد عليه وبقيت انا كمان اتصل واسال عليه اعدنا كدا لمدة سنه وفي الفتره دى كان بيغير عليا وكانت اى حاجا تحصل صحابو يروحو يقولوله دى نزلت دى راحت دى جت وكدا ويبقي عايز يكلني بعدها وانا كمان كنت بعمل معاه كدا واحده بواحده مش اكتر لحد مافي مره زهقت واعدت اعيط وقولتلو انت عايز مني اى انا بضيع سنين من عمرى وفي الاخر تسيبني وتقولي شكرا كفايه عليكي كدا زى اى شاب قالي لاء انا متعلق بيكي وانا بدور علي عروسة قولتلو يبقي تحدد موقفك وتقولي عايز اى المهم اعد يقول نفس الكلام ولا بيعمل فعل مع انه عنده بدل الشقة اتنين وسنه مناسب اوى لجواز المهم بس جه عليه وقت بقي يقولي تعالي عندى البيت ماتخفيش انتي مش واثقه في نفسك قولتلو متكلمش معايا كدا انت مشوفتش مني حاجا وحشه عشان تكلم معايا كدا واعد يتحايل علي كتير وانا ولا كنت برد عليه و في مره اخدني من الجامعة وكان معايا اختي الكبيره واعد واتكلم معاها وقالها انا بحبها وقدامي حاجات بسيطه فالشقه وان شاء الله خير وانا اتعلقت بيه اوى واتعشمت عشم ملوش حل وبقيت بتصل بيه وجه في مره واحد من اصحابو اخد اميلي من ورا وكلمني وانا شتمتو ورحت حكيت للبحبو وراح اتخانق معاه راح صاحبو طلعني كدابه وقالو اني شتمت عليه ومن ساعتها بدات المشاكل وبقيت اتصل بيه مابقاش يرد عليا زى الاول وساعات يبقي بيتكلم ولا يبرد عليا بعدها لحد ماجه فمره قالي بصي انا مش بتاع جواز وروحي شوفي حياتك انا مكنتش بحبك اصلا وانا سمعت الكلام دا وانهرت من العياط واقولو حرام عليك ليه انا قالي انا حولت احبك معرفتش اعمل اى حطي نفسك مكاني انا كنت بحب واحده وافترقنا ومن ساعتها معرفتش احب بعدها المهم افلت معاه التليفون ومن ساعتها مبكلموش بقالي سنه وكام شهر بس مكدبش عليكو منستهوش وبفتكرو كتير وكل امه افتكر اعيط ومن ساعتها خايفه احب لنجرح وبقول انا مش هتجوز كمان وحياتي كلها بالنسبالي بقت زى بعضها ارجو منكو حل وجزاكم الله كل خير

مشاكل وحلول ذات صلة

اضيف بتاريخ: Tuesday, January 4th, 2011 في 09:11

كلمات مشاكل وحلول: , , , , , , , , , , , , ,

9 رد to “قالي انا مش بتاع جواز لما حبيته وسابني”

  1. ابواميرة
    11/12/2012 at 16:07

    انت كويسة والف شاب يتمناك واحمدي ربك انهاجات منو انسيه خالص وفكري في نفسك وربنا يكرمك بابن الحلال اللي يقدرك

    قَـيّـم هذا الحل: Thumb up 0 Thumb down 0

  2. محمد
    03/10/2011 at 18:14

    انا هقولك على حاجه بس متزعليش مش يمكن انتى اللى خلتيه يعمل كده لانك بكل بساطه وصلك بسرعه وطبعاااااااااااا مفيش راجل شرقى يحب انه يتعمق فى علاقه مع بنت هتبقى زوجته وبرده ممكن يكون عنده ظروفه الخاصه

    قَـيّـم هذا الحل: Thumb up 0 Thumb down 1

  3. صاحبة المشكله
    05/01/2011 at 10:43

    متشكره اوى لكل الي اداني رائيه وجزاكم الله كل خير

    قَـيّـم هذا الحل: Thumb up 1 Thumb down 0

  4. سيد العاطفى
    04/01/2011 at 22:58

    بالنسبه لمشكلتك دى انا اريد ان اقول لكى اللى باعك بيعيه واللى انتى حبتيه ده انسان مش كويس لانه كان بيلعب بيكى وبيتسلى وخلاص وعمره ما حبك وما يستاهلش انك تعيطى عليه ولا انك تفكرى فيه
    فانا انصحك انك تنسيه خالص وكانك ما عرفتيهوش قبل كده وعيشى حياتك وقربى من ربنا لان من يتق الله يجعل له مخرجآ
    واشغلى نفسك بالمزاكره لو انتى لسه بتدرسى او بالشغل لو بتشتغلى او بقراءة القران والكتب المفيده
    وصاحبى بنات اصحابك كويسين تشغلى نفسك بيهم وسيبك من الحب والشباب اللى مش كويسين دول
    الى ان يأتى لكى الانسان الكويس اللى يستاهلك واللى ربنا يختارهولك وساعتها تحبيه ويحبك وتتجوزى وتعيشى حياه سعيده معاه
    وربنا يوفقك لما يحبه ويرضاه ويبعد عنك كل شر ويحفظك ويسعدك يارب–آميييييييين

    قَـيّـم هذا الحل: Thumb up 0 Thumb down 1

  5. شهريار
    04/01/2011 at 15:15

    بصى يا حبيبتى اى بنت تتعلق بشاب وتخرج معاه فهى مش محترمه
    اقعدى فى بيتك وادعى ربنا يرزقك الزوج الصالح
    حافظى على نفسك وسمعتك
    الولد مش بيخسر حاجه اما البنت بتخسر كل حاجه
    ربنا يحفظك

    قَـيّـم هذا الحل: Thumb up 1 Thumb down 0

  6. ahlam
    04/01/2011 at 15:12

    اسمعي يا حبيبتي الله عمل فيها خير والله والله لو بقي معكي راح تعملي اي شيئ بيقول لك لما قالك ياالله ماعيا للبيت كان لامك تعرفي انو بدو يشبع رغبتو منك ومن تم يسيبك والحمد لله الانكم سبتو بعض ولو بقيتو مع بعض انا متاكدا من انك راح توافقي في يوم على الدهاب معه عشان انتي بتحبيك راح تعطيه احسن حاجة وهي جسمك
    والله هو ما بيستاهل منك دموع وما يستاهل منك الم الناس مش زي بعضها راح تلقي حد يحبك بجد ويكون شريك حياتك وانت كمان تحبيه عشان انت نيتك طيبة وانت بنت محترمة هايك لا تخافي عمري والل يوفقك بما يحبو ويرضاه

    قَـيّـم هذا الحل: Thumb up 1 Thumb down 1

  7. صاحبة المشكلة
    04/01/2011 at 13:55

    ميرسي ليكي يانانا بجد كلمك كله امل وريحني اوى ميرسي

    قَـيّـم هذا الحل: Thumb up 1 Thumb down 1

  8. غدر الحب
    04/01/2011 at 10:41

    بصى يانسه انا حصل معايا نفس الكلام بس العكس انا الولد فى المره دى اللى اتقالى الكلام ده ممكن متصدقيش بس هو دا اللى حصل وانا اللى من ساعتها كل اما افتكر اعيط والوم نفسى لانى حبيت حد عمره محبنى بس كان واخدنى علشان ينسى بيا حب تانى
    بس معلش انتى كمان لازم تنسى لانه هو خلاص رتب حياته على انك مش موجوده فيها انا كمان قلت زيك انا مش هاحب تانى او ارتبط بسي جيت بعد كدا وقلت لا انا مش هاوقف حياتى علشان اى حد مع انى كنت بحبها اوووووووى بس صدقينى اللى يجرح انسان بيحبه يبقى مايستاهلش الحب دا ولا يستاهل انك تبكى عليه
    واحنا فى الزمن دا محدش بقى يفهم يعنى ايه حب اصلا علشان حد يعرف يحب ياريت يانسه تفكرى فى نفسك ومستقبلك ومسبيش نفسك للاوهام تاخدك من حياتك وتخليكى تياسى بس زى ماربنا جعلك تحبيه بكره يبعتلك اللى يحبك اكترررررررر منه وبعدها هاتلومى نفسك لانك سبتى نفسك لوهم وحد جرحك
    اللى يجرح ميعرفش يحب
    ربنا يوفقك

    قَـيّـم هذا الحل: Thumb up 1 Thumb down 1

  9. NANA
    04/01/2011 at 09:42

    الناس كلها مش زى بعضها كمان انتى المفروض من اول ما قالك موضوع البيت كنتى عرفتى انه مش بيحبك وانو مش بتاع جواز لو بيحبك كان خاف عليكى كمان خلاص للو انتى مش عايزة تحبي تانى استنى ابن الحلال ال يجي يتقدملك وهو هيكون بيحبك ويخاف عليكى ويصونك ووقتها هتقدرى تحبيه لانه هيبقي يحاول يخليكى تحبيه ونصيحة خدى ال بيحبك ومتخديش ال بتحبيه بس مش اى حد يحبك تحبيه يعنى اى حد يحبك ويخاف عليكى ويتقملك دة ال تحبيه وربنا يعينك

    قَـيّـم هذا الحل: Thumb up 3 Thumb down 0

اترك رداً أو حلاً لهذه المشكلة