مشاكل الثانوية العامة

في الثانوية العامة : افتوني في أمري

سلام عليكم
دلوقتي انا ف امتحانات الثانوية وما امتحنتش غير3 مواد ولقيت نفسي هنقص 8% دا على اقل تقديرولسه فاضلي الرياضة والكيميا والفرنساوي
وكدا انا الهندسة ضاعت مني وابويا حاطط عليا امل كبير زي اي اب ف الدنيا وكل شوية يقولي شد حيلك عشان تبقى ف هندسة مع اخوك وانا اعصابي بايظة جدا ونفسيتي زفت ع الآخر ومحبط بطريقة فظيعة
ولسه الامتحانات الجاية مش عارف هعمل فيها ايه
بس انا الحمد لله مابغشش ولو كان متاح ليا لدرجة ان واحد معايا ف اللجنة قالي مش هتجيب حاجة لو ماغشتش وانا مقتنع تماما اني لو غشيت انا كده ببني حياتي ع حرام واي حاجة هاتيجيلي من ورا الغش دا هتبقى حرام
مشكلتي اني خلاص مش قادر اعمل حاجة وتركيزي صفر و ع أخري
وبقول لو اتنطت مش هجيب حاجة
انا اسف طولت عليكم بس بجد محتاج مساعدة

مشاكل وحلول ذات صلة

اضيف بتاريخ: Tuesday, June 17th, 2014 في 05:53

كلمات مشاكل وحلول: , ,

7 رد to “في الثانوية العامة : افتوني في أمري”

  1. akainu
    02/10/2014 at 00:57

    ع فكرة يا جماعة انا صاحب المشكلة انا ما أجلتش ولا حاجة و كملت الامتحانات و جبت 88% و داخل كلية علوم إن شاء الله انا لسه قارى تعليقاتكم دلوقتي شكرا لحضراتكم بجد و دعواتكم بقى ^_^

  2. ابوبتول
    24/08/2014 at 21:12

    انت ماتذاكرش ليه من بدايةالعام تجدوتجتهد من الاول قبل الامتحانات ماتجي وتهتم بالموادكلها وخصوصاالمواد التي تصعب عليك وتاكدانك لوعملت كلده في حياتك تلاقي النجاح حليفك في النهاية وتحقق رغبتك في الوصول لكل ماتحلم به وتتمناه مش اللي عاوزه ابوك ويتمناه خليك طالب مجتهد وذكي وبطل الكسل واللعب والسهروالغياب ورفقاءالسوء وربي يوفقك ويحقق لك مقاصدك وامالك

  3. حنين
    24/06/2014 at 16:18

    والله انا نفس مشكلتك وابي حاطط عليا امل كبير في طب وانا دخلت اول اسبوع امتحانات ولقيت نفسي بجد عكيت كتيير في العربي والانجليزي فأجلت باقي المواد للسنه اللي جايه وانا روحت كنترول نبويه موسي في اسكنريه قالوا ينفع واتكلمت مع دكتور في الكنترووول قال يجوووز انك تأجل المواد اللي شايف انك فيها هتنقص كتيير اطمنك واقلك اجل انت كمان ان كان ا ميمنعش عند اهلك وسيبك من كلام الناس محدش عارف مصلحتك ادك انت وبالتوفيق ان شاء الله

  4. امل
    21/06/2014 at 15:56

    اولا حط في راسك حاجة الامتحان الي يفوت انتهى متفكرش فيه لو حصل ايه وكان كل امتحان هو اول واخر امتحان فكرك كله فيه وكمان في حاجة بردو لازم تاخدها في بالك انه ربنا عمره ماهيحطك الا في المكان اللي هيريحك اكتر من غيره حتى لو لا قدر الله مكنش هو الي انتا عاوزه واسال مجرب وربنا يوفقك وتدخل الي بتحلم بيه

  5. مازن
    20/06/2014 at 17:23

    بصوا عن تجربه ربنا مختار لكل واحد كل حاجه فى المستقبل فلو اجلت زى مااجلتش اسمع كلامى وكمل والكليه الى هتجيلك ادخلها وركز فيها كويس اوى هتعملك مستقبل افضل بكتير اوى من مستقبل هندسه الى هتدخلها على رغبه اهلك مش على رغبتك انت اساسا وهندسه على فكره مش امله اوى يعنى ومايعرفش حقيقتها غير الى فيها

  6. احمد
    19/06/2014 at 03:13

    الخير عمره ما كان فى اللى ابوك عاوزه او انتا عاوزه الخير فى اللى ربنا كاتبهولك
    كمل وتوكل على الله وان شاء الله خير
    انا اعرف واحدة كانت فى تانية جايبة 98 وجات فى تالتة فى امتحان الاحياء حست انها هتنقص درجتين شطبت على الورقة كلها … قام المصححة اداها 25 درجة ونجحها ملحقتش غير كلية زراعة
    وماشاء الله عليها دلوقتى خبيرة فى وزراة الزراعة ومكملتش 25 سنة !!

  7. ya raaaab
    17/06/2014 at 18:29

    وانا كدا والله انا كمان العربي ضيعني مش كتبت تعبير وغير الغلطات اللي ف المعاني وكمان كام غلطه ف انجليزي وعاوزه ااجل بس مش هينفع واهملت باقي المواد ومش عارفه اعمل ايه
    بس انا من رأيي لو ينفع تأجل اعمل كدا وربنا معاك 🙂

اترك رداً أو حلاً لهذه المشكلة