بسم الله الرحمن الرحيم انا بنت ف الصف الثالث الثانوى علمى رياضه (الثانوية العامة النظام الجديد) انا يا جماعه كل سنه من الاوائل والحمد لله وكنت بحب المذاكرة وعندى طموح وهدف عاوزة اوصله وطول عمرى بحلم ادخل كليه الهندسه المشكلة بقى ان السنه دى انا ماليش نفس ابص ف كتاب خااالص ومش عاوزة اذاكر نهائى ومش بتفرج ع التلفزيون او بلعب او بعمل حاجه يعنى لا انا بسيب المذاكرة واقعد اتخيل نفسى انى دخلت الامتحان ومش عارفه احل وانى جبت مجموع وحش وحلمى ضاع منى واقعد اعيط طول الوقت انا اقعد لوحدى ومش بحب اكون قاعده مع حد وكمان مستوايا نزل فى المواد عشان مش بذاكر وكل ماحد من صحابى يعرف انى مابذاكرش نهائى يقولولى انى بضحك عليهم وخايفه من الحسد مع انى مش كدا والله . انا مش عارفه اعمل ايه . مش عاوزة اذاكر خالص ومش عارفه السبب . انا كدا مش هدخل هندسه . انا ممكن اموت نفسى لو مادخلتش هندسه . بالمناسبه انا باخد 10 دروس عشان احسن مستوايا ف المواد وبردو مش بتحسن انا زهقانه اوى نفسى اكون بحلم واصحى من الحلم دا انا حاسه انى مش قدالثانويه العامه وان الناس التانيه هما اذكى منى وهما اللى هيجيبوا مجموعوانا لا
مشاكل الثانوية العامة
علمى رياضه وزهقانه من المذاكرة
اضيف بتاريخ: Sunday, January 11th, 2015 في 02:20
كلمات مشاكل وحلول: الثانوية, الثانوية العامة, المذاكرة, بنت
بصى هقولك الخلاصة اولا معظم الطلاب أغبياء أو مبيحبوش يفكروا ودا معناه انك بتنافسى 20 فى المئة هما بيذاكروا علشان أهليهم مطلعة عينهم بس لازم تلاقى دافع قوى للمذاكرة بنص المجهود هتتفوقى عليهم
السلام عليكم…
انا تلميذ فى ٢ ثانوى وهخش رياضة ان شاء الله وربنا يكرمنى واجيب هندسة
انت ما شاء الله كويسة بدليل انك طلعتى من الاوائل
ثانى حاجة .. انت بتقولى انك نسيتى تذاكرى ومستواكى قل
الموضوع ده ممكن يكون حسد
فقبل متبدٱى تذاكرى اقرى ربع جزء قراءن وصلى
وياريت تبدٱى مذاكرة من قبل الفجر بشوية عشان تكونى مركزة كويس
ربنا معاااكى واعرفى انك فاضلك خطوة على حلمك فاعملى اى حاجة عشان حلمك وانت مش اقل من حد
الشيطان بيوسوس ليكى بكده بس