مشكلتي اني في اول السنه ما بدأش مذاكره جاده * مذاكره ثانويه عامه * الدروس تراكمت عليه بطريقه غريبه و مبقتش عاف انتظم مع الدروس من حيث الفهم و امتحناتي الشهريه مش كويسه .. الصراحه انا كنت عايز اذكر من شهرين بس مش عارف اوفق بين الدروس والمذاكره لاكن دلوقت عرفت ان مش مهم اني اتوفق مع الدروس لازم اذاكر من الاول مع نفسي بس مش عارف انظم موعيد مذاكرتي ومش عارف المواد بتتذاكر ازاي يعني مثال ماده زي الفيزياء اقعد عليها اذاكر فيها 10 ايام متوصله وبعدين اسيبها وابدا في الكيميا و و بعدين عربي و … وكده..ولا ازاي يعني ابدأ منين ولا ازاي بقيت تايهه جدا والايام بتعدي بسرعه و باقي 90 يوم ع الامتحان و مش عرف انهي افضل طريقه للمذاكره و افضل طريقه ا تنظيمها ! .
مشاكل الثانوية العامة
اختبارات الثانوية قربت والمذاكرة تراكمت
اضيف بتاريخ: Sunday, March 8th, 2015 في 14:36
كلمات مشاكل وحلول: الثانوية, الثانوية العامة
انت السبب لانك ماذكرتي دروسك من بداية السنة وخليت كل الدروس تتراكم عليك وصعب مذاكرتها عليك لاتوجل عمل اليوم الى الغد خليها قاعدة ثابتة في ذهنك طوال حياتك كلها وابتدي من الان في استرجاع مافاتك من المذاكرة الجدية لكل المواد والتي تصعب عليك تشوفي مدرس خصوصي عشان يساعدك غل مذكراتها وفهمها الامتحانات قربت ودعي عنك اللعب والكسل والانترنت والتلفزيون والتفت لدروسك ومستقبلك وربنا يوفقك ويكرمك نشاء الله بالنجاح اجتهدي ومن جد وجد ومن زرع حصد
والله انا طالب زى زيك ومفتتحتش كتاب على ما أظن من اول السنة لسى جى افتح كتب دلوقتى واعرف المنهج بيتكلم عن اية وعلمى رياضة والرياضة مادة متعبة زيها زى الفزياء زى الكمياء زى اى مادة بس صدقنى كتر الكلام وتضيع الوقت الى احنا بنعملة ده ملوش لزمة ممكن تزاكر مثلا من كل مادة درس فى الاول ودرس فى الاخر وتحل امتحان من غير حتى متزاكر الى فية غش من الكتاب كتر الحل هيخلك تحفظ الاجابة والله لا يضيع اجر من احسن عملة شد حيلك وان شاء الله بالتوفيق والنجاح