مشاكل الحب والزواج

حبيبي سافر ومعاملته اتغيرت بعدها

انا عندى 28 سنة اتعرفت على شخص عن طريق واحد زميلي عنده 32 سنة حبينا بعض اوى وكان مهتم بيا اوى فوق ما تتخيلو هو شغال في دبي لكن حصلت ظروف وباباه تعب في مصر ونزل عشان يتابع علاجه هو متعلق بباباه جدا وففترة علاج بباباه اتقابلنا كتير وقابلت اهله وحبيتهم وحبونى اوى وحسينا اننا مرتاحين جدا مع بعض وهو كان عايز يتقدم بس بعد باباه مايخف لكن للاسف باباه اتوفى ومن ساعتها وهو حالته وحشة بحاول ابقى جمبه مش مديني فرصة ساعات بعرف اتكلم معاه وساعات مش بعرف وحتى لما بتكلم بيقولى انه مش مصدق ان باباه مات وان الحمل بقى تقيل عليه هو عنده اخ اصغر منه واختين اصغر منه بردو بس فى واحدة متجوزة المهم انه دلوقت هو فدبي سافر وقبل مايسافر جه قابل بابا واتقدملي وبابايا حبه والدنيا تمام لكن بعد ما سافر وانا حاسة ان معاملته اتغيرت مبقتش عارفة اتكلم معاه خالص الا كل فين وفين ولول اتكلمنا مش بنتكلم اكتر من 10 دقايق تقريبا مبقاش زى الاول يكلمنى دايما وبقيت حاسة انى لوحدى وانا اللى دايما اتصل بيه مليون مرة ولما بعاتبه بيقولى الشغل وقرفه ومخنوق ومضايق انا بجد تعبانة اووووى ومخنوقة وحاسة انى مبقتش مبسوطة ولا مرتاحة وفنفس الوقت انا عارفة ان نفسيته وحشة بسبب باباه مش عارفة اعمل ايه ارجوكم قولولى .

مشاكل وحلول ذات صلة

اضيف بتاريخ: Friday, August 11th, 2017 في 07:31

كلمات مشاكل وحلول: , , ,

2 رد to “حبيبي سافر ومعاملته اتغيرت بعدها”

  1. كريم نور
    12/08/2017 at 09:59

    الزن الكتير مش حلو ف حجات وف امور الزواج خصوصا قللي من اتصالاتك خليها مرة ف الاسبوع لحد ماهو يرجع يهتم بيكي وتوحشيه ويعرف انه مقصر هو فعلا قرف الشغل وغربة ووالده متوفي ومسئولية اخواته الله يكون ف العون ومفيش حد بيقدر دا انا نفس حلاته بس مش هخطب دلوقتي واظلم واحدة معايا تابعيه كل فترة وبلاش تزني عليه واهتمي باخواته وتابعيهم وربنا يسعدك

    قَـيّـم هذا الحل: Thumb up 1 Thumb down 0

  2. ابوالبتول
    11/08/2017 at 14:28

    هناك فرق بين كونه حبيبك اوخطيبك هل تقدم لااهلك لاجل يخطبك ام لا وهل اهلك وافقوا على خطوبته لك ارجومنك التوضيح عموما اذا كان خطبك فعلا فمبروك وربنا يتمم لكم بالخير وعايزك تعذري خطيبك كون الحمل تثقيل عليه بعد وفاة والده وصار مسؤؤل عن امه واخواته الصغار والتمس له العذر ان انشغل عنك في العمل ولم يرد على اتصالاتك او رسائلك عبر الموبايل او النت كان الله فى عونه وعون الجميع ومايجراش حاجة لو انك اتصلت عليه او بعثت له مسجات على هاتفه او عبر النت لاجل تطمني عليه وعلى احواله ويزيد هذا في التقارب بينكما في العواطف والمشاعر وربنا يوفقكم ويسعدكم وتكتمل فرحتكم معا عماقريب ان شاءالله

    قَـيّـم هذا الحل: Thumb up 1 Thumb down 0

اترك رداً أو حلاً لهذه المشكلة