مشاكل الحب والزواج

اهلي غير موافقين علي حبيبي لانه اقل بالمستوي الاجتماعي

انا بحب حبيبي اوي و هو كمان واحنا بقالناا سنتين مع بعض في الاول خالص خلي مامته تكلم مامته عشان يطمني انه مش بيلعب و مكناش لسه كمانا شهرين .. بس مامتي ساعتهاا اعترضت شوي لما عرفت انه من بلد (وانا من مدينه) بس هما ناس كويسين اوي و مستواهم المادي كويس و يماد يكون اكتر منينا كماان. ساعتهاا مكناش عارفين ان هيبقي في مشاكل لان كل مشكله و ليها حل بس للاسف اتعلقنا ببعض و عرفنا بعض اكتر و اكتر لحد ما بقينا شخص واحد تقريبا منتخليش حياتنا منغير بعض.. بس لما اتكلمنا عن الموضوع تانب قالي انه باباه شغله في البلد دي طبعاا و حياته كلها ده غير ان عندهم بيت كبير في منه شقه الي هو هيتحوز فيها و دي هتكون بتاعته يعني هنتجوز في البلد و هو قالي انها اه علي اد حالها و فيها ناس دون المستوي بس انا و اهلي منفصلين عنهم و حياتنا في القاهره كا خروج و تعليم و كداا غير انه قالي انه مينفعش يبعد عن اهله لانهم كل شئ و لو ملوش خير ف اهله مش هيبقي خير ليا و مش هيحافظ علي .. هو قالي انتي تؤمري انتي و اهلي ب اي حاجه غير اني ابعد عن اهلي وانا مصدقاه و بحبه و عارفه ان الشخص ده لو طلبت منه اي حاجه فعلا هيعملها صحيح هو عنده 22سنه و انا 19 هو هندسه و انا تجاره.

المهم حصلت مابينا مشامل كتير لما حاولت اقنع والدتي و بردو موافقتش و هي ذكيه جدا و بتفكر تفكيير في المستوي و شكلنا و كدا لحد ما تعبنا انا و هو و ظهرت بينا المشاكل و سيبنا بعض فتره و قولتلها سيبنا بعض بس مقدرناش و رجعنا تاني بس منغير ما اقولها و فضلنا نتقابل و نتكلم و قالي انه اكيد لما يكلم بابايا هيفهم و هيقدر و هيوافق عليه بعد فتره عرفوا بالصدفه و حصلت مشكله اني كنت متخبيه بس مكنتش لاقيه حل تاني
و دلوقتي حبيبي قالي انه هيكلم بابايا كمان اسبوع و لما قولتله انه عايز يقابلك قالي ماشي بس حاسه انهم بردو مش هيوافقوا و بيقولولي كدا عشان بيخدوني علي قد عقلي
(مع العلم اني بابايا عرف قبل ما نسيب بعض بس لما لاقانا هنسيب بعض قفل الموضوع)
دلوقتي انا قدامي اسبوع اقنعهم وانا واقفه قدامهم و بحارب عشانه و هو كمان لما هيشوفه هيقنعه ان شاء الله هو قالي انا اعرف اقنعه لو هو فاتح عقله مش قافل من الاول لانه لو بيحبك هيحب الخير ليكي وانا شاريكي و اكيد هيفهمني فلو موافقش يبقي في حاجه تانيه ف دماغه
فا انا دلوقتي محتاجه اخليهم يقتنعوا شوي ) مع العلم هو قالي انه ناوي كدا كدا يجيب شقه تانيه غير دي لما يشتغل شوي لان الحياه هتحكم علي كدا لان شغله اكيد هيبقي في القاهره ده غير ان ليه واسطه انه يسافر يشتغل بره و ده اكيد و اهلي معندهمش مانع اني اسافر بس بردو لازم يكون عنده شقه هناا
يارت تساعدوني و تدعولي

مشاكل وحلول ذات صلة

اضيف بتاريخ: Sunday, April 16th, 2017 في 18:35

كلمات مشاكل وحلول: , , , ,

7 رد to “اهلي غير موافقين علي حبيبي لانه اقل بالمستوي الاجتماعي”

  1. اية
    24/06/2021 at 08:06

    انا بحب واحد وهوا كمان بحبني من نفس العيلة احنا بس بش قرايب كتير النا تلات سنين بنحب بعض تقدملي قبل فترة واحد واهلي وافقو عليه وضغطو عليا راح هوا (حبيبي) بدا فيا بعت ناس لاهلي والدي رفض بشكل قطعي لانو قبل فترة عرف اني بحبو وبحكي معاه وصارت مشكلة وقتها فرفض والدي ووالدتي بعتو ناس تاني برضو رفضو والعريس الي اجاني رفضتو اهلي وافقو اني ارفضو لانو م بدو يعلمني انا لسا بحبو (لحبيبي) وهوا بحبني كتير ومتعلق فيا صارت كتير مشاكل ووقف جمبي دايما بصلي وبدعي وبقرا سورة البقرة كل يوم على نية يسير نصيب هيو بدو يتقدملي تاني بس حكالي انو اهلو انحرجو بما فيه الكفاية بش هيرضولي اضل ابعت ناس بعد المرة الجاية، انا بعرف كويس لا سمح الله لو مصارش نصيب المرة الجاية بش هيتخلى عني بس شو اعمل محتارة وضايعة انا يعني انا بحبو كتير هوا كويس ومحترم واهلو ناس كويسين ووضعهم المادي ممتاز ودايما بيتقدملي عرسان واهلي بدهم يجوزوني بسير اتحجج الهم وبسير معي مشاكل محدا من عيلتي بصفي
    و والدتي رافضة رفض قطعي ودايما بتدايقني ووالدي رافض شو اعمل انا بحبو وبدي ياه شو اعمل

  2. الانسان الطيب
    04/05/2017 at 02:36

    خلينا نكلموا بالعقل والمنطق وارجعي لكلامي مرة تانية : لازم تعرفي ان بابا لما بيعمل حاجة زى كدة كونه انه حريص عليكي ، خوفه عليكي ، مقدرك وعارف تمنك ، ومش عايزك تغيبي عن عينه وتروحي لمكان تاني غير اللي اتربيتي فيه واتعلمتي فيه وعشتي مع أسرتك فيه .
    عالعموم :-
    خلينا نكلموا بكل صراحة ومنظقية
    هو الراجل اتقدم وبابا موافقش على انك تطلعي برة وده من حقه والولد موافقش انه يسكن عندك في البلد وده من حقه بردوه وموصلناش لحل يرضي جميع الأطراف !!! ، وبتقولي انك قطعتي الاتصالات بيه !!!
    ولما خيرك بين أهله وبينك ، اخترتي أهله !!
    انا عايز بس أعرف نقطة : وانتي ؟ ! ، رأيك ايه هنا ؟؟؟ !!! ، ونفسك في ايه ؟؟؟ !!! ، ومع أهلك في رأيهم ، ولا معاه ، ولا مش فارقة معاكي ؟؟؟ !!! ، الكلام ده بيفرق جدا في موضوعنا !!! ، عالعموم رأيك بردوه بيحسم حاجات كتيرة جدا !! ، ورغبتك !! ، حتى اذا لو لم يكن في ذلك القرار النهائي ، أو على الأقل هترتاحي نفسيا لما تحسمي لنفسك انتي عايزة ايه وتواجهي نفسك بكدة !!

  3. صاحبه المشكله
    25/04/2017 at 16:59

    هو بالفعل تكلم مع ابي و لكن رفض بسبب مكاان البلد الي فيها الشقه مع العلم انه اقتنع بيه شخصيا حسيت كدا من كلامه بالزات ان حبيبي بيعرف يتكلم و يرد علي اي حاجه.
    بس بردو بابايا معترض جدا علي مكاان الشقه و حبيبي معترض ايضا انه يسيب اهله و يخرج بره بلده و مقتنع انه مستحيل يسيب اهله حتي اهله مش عايزين يسيبوه يخرج بره لانهم مرتبطين ببعض جدا و هو الابن الوحيد ف موضوعه منتهي… كذالك والدي قاله ياتجيب شقه بره ياما مش موافق… فا هو بالنسباله كدا يختاوني ام يختار اهله و لما سالني قولتله اختار اهلك… و انقتعت الاتصالات بعدها.. مش عارفه اعمل ايه حتي لو وقفت قدام اهلي هما خلاص مش مقتنعييبن خالص يعني مش عارفه فعلا المفروض اعمل ايه!!! حاسه اني هتجنن

  4. أختك في الله
    22/04/2017 at 00:27

    أختي حبيبتي. واضح كم هي كبيرة درجة تعلق كل واحد منكما بالآخر و واضح أيضا حسن نوايا هذا الشاب. أين المشكل في أن يكون الشاب من البلد و ليس من المدينة؟ ماهذه الطبقية!! أهلك مخطئون إن كانت مشكلتهم مجرد مظاهر.. كلاكما في سن صغير لكن هذا لا يمنع من الإرتباط فهذا أفضل من الإستمرار في علاقة محرمة.. نصيحتي أن تحاولي مع والدك أكثر في إقناعه بأن المشكل ليس بالمكان الذي أتى منه هذا الشاب بل في صدق نيته و أنه ناوي الحلال و يريد إكمال العلاقة على سنة الله و رسوله. وحاولي أيضا أن تتحدثي مع عمك أو أحد قريب يستطيع إقناع والدك و لا تستمري في هذه العلاقة إذا لم يوافق أهلك..إستخيري الله و أدعيه لكي يسهل لك إن كان فيه خير لك .. و سأدعو لك بأن يكون من نصيبك فأنا أعلم مدى رغبتك في هذا.. يارب.. ومهما كانت النتيجة أعلميني بها وأسأل الله لك التوفيق.

  5. الانسان الطيب
    21/04/2017 at 08:35

    أختي العزيزة ……..
    من حقهم الصراحة انهم يخافوا عليكي وتبقي جنبهم مش شرط في نفس البيت أو المكان المهم في نفس المدينة ،،،،
    ثانيا :-
    الموضوع بسيط جدا ولازم الاتفاق فيه ما بينكم يعني لا هو يبعد عن أهله ولا انتي تبعدي عن أهلك ولازم تعرفي ان أهلك عمرهم ما هيعملوا الحاجة الوحشة لبنتهم لأنهم بيحبوكي وباقيين عليكي ومربينك وانتي أمانة في ايديهم ،،،،
    الناس ديه بتفكر صح ،،، والاقتناع لازم يكون من جانبه ان هم خايفين عليكي في النقطة ديه !!! ، وزى ما هو حريص ان هو ميسيبش أهله ، انتي كمان أهلك حريصين عليكي انتي متسيبيهومش ، وأوعي انتي كمان يكون ميهمكيش تسيبيهم ولا لأ ، ولازم تقدري خوف أهلك عليكي !!!
    عالعموم محلولة في حل يرضي جميع الأطراف لا انتي زعلانة منه ولا أهلك ولا الانسان اللي اتقدملك وكله بيبقا بالتفاهم والهدوء والاقناع .
    وشكراً

  6. XYZ000
    20/04/2017 at 19:18

    المشرف مريض او حصل معه شيء عدة ايام مرت لم يعرض اي مشكلة او اجابة , سلامات لك يا مشرف انت انسان سهل ومتعاون وبالحديث يقول رحم الله امرأً كان سهلا اذا باع واذا اشترى واذا اقتضى وانت سهل بادارة هذا الموقع , هذا حسب رأيي لاني ائتي هنا احيانا من موقع معقد يرفع الضغط لذلك احببت اسلوبك , ان شاء الله تكون بخير , لكن وداعاً للجميع ,

  7. ابوالبتول
    17/04/2017 at 08:50

    شوفي يابنتي انتي والشاب لاتزالون طلبة في الجامعة هوفي كلية الهندسة وانت في كلية التجارة وقدامكم المشوار طويل هل تظني انه قادر على فتح بيت وتحمل اعباء زوجة واولاد في المستقبل في الوقت الحالي تكوني غلطانة اوي بغض النظر عن الفوارق الاجتماعية بينكما ده زواج مش لعب عيال اهلك معهم كل الحق في الاعتراض على ارتباطك بهذا الشاب وهم ادرى منك بمصلحتك مش كل حاجة الحب والمشاعر حكمي عقلك قبل عواطفك واعرفي الحياة كيف ماشية الزواج مسوولية كبيرة واعباءها جسام وانتما في السن دي وفي الوضع ده غير موهلان للارتباط احذري من التواصل معه اوالخروج معه بغير رابط رسمي كالخطوبة وبدون رضا وعلم اهلك البنت المودبة والمتربية ابدا ماتعملش كدا ولاتسي للاهلها بتصرفاتها الغير حميدة وتحافظ على نفسها وسمعتها وشرف اهلها وثقتهم فيها والله يصلحك ويهديك ويوفقك في حياتك

اترك رداً أو حلاً لهذه المشكلة