مشاكل الخطوبة

اقول لبابا يتصرف مع خطيبي و لا اسكت

انا مخطوبه من 8 شهور و خطيبى معايا ف جامعتى و اكبر منى بسنه و شافنى و عشان هو ابن زميل بابا فاتعامل مره و اعجب بيا عشان ملتزمه و اتخطبنا ..هو كويس جدا و طيب و عارف ربنا و بيصلى ..بس بدات بنا خلفات ، و كل لما اقوله ع حاجه بيحاول يغير من نفسهو بيتقبل ..بس اخر مشكله كان عندنا و ماسكه موبيله و بلعب فبقوله هفتح الواتس اب فلقيته مكلم واحده هو عارفها من ابتدائى و انا كنت قايلله ميكلمهاش و فعلا ع الفيس بوك مش بيكلمها و انا ده الى فاكره و طلع بيكلمها ع الواتس اب و مش قايلى و هو الى بيفتح الكلام معاها و يقولها فرحى بعد 6 شهور و يسال عليها كل فتره ..هو كذا مره يخبى عليا حاجه بدافع عشان مزعلش و اتكلمت معاه و قولتله لو اى حاجه تقولى متخبيش و ديه مش اول مره .. و لما بقوله ازاى تكلم مع واحده و مفيش لا شغل و لا دراسه مبرر عشان تتكلم .سكت و ازاى تسمح لنفسك تكلمها مع انك بتزعق ليا لما بكلم حد مع ان كل حاجه بعملها بحكيها برضوا سكت ..و يقولى عندك حق بس انا زهقت كل شويه اقعد اصحح ف غلطات واتاسف بس انا المره ديه مش حاسه و مفيش قابليه اتكلم معاه ..المهم مش عارفه اقول لبابا يتصرف و لا اسكت بس لو سكت هيبقا كدا معايا علطول بس لو بابا اتدخل هيتفهم الموضوع و هيساعدنى بس مش عارفه رد فعله ايه و الموضوع هيكبر و لا ايه !!

مشاكل وحلول ذات صلة

اضيف بتاريخ: Tuesday, April 25th, 2017 في 18:52

كلمات مشاكل وحلول: , , , , ,

6 رد to “اقول لبابا يتصرف مع خطيبي و لا اسكت”

  1. انسان
    01/08/2017 at 12:10

    مادام متعود يكلم بنات
    يبقى قصة الاخلاص عنده مش تمام
    واتوقعي انه بعد الجواز هيكلم بنان برضه
    وكونك بيكذب عليك في فترة الخطوبة
    يبقى هيكذب عليكي كتير في فترة الجواز

    قَـيّـم هذا الحل: Thumb up 1 Thumb down 0

  2. آية سليم
    13/06/2017 at 10:35

    المشكله انه بيكلم واحده يعين ولا بيكلم واحده مفيش حاجة ببعض ربطاهم ولا انه بيكلم واحده وبيزعل لو انتي كلمتي حد ؟ في كل الاحولا انا مقدره غيرتك بس بلاش اوفر من واضح كلامك ان الكلام بينهم قليل وهو اللي بيسال .. فهميه بطريقه حلوة ان مينفعش كده واللي يمشي عليكي يمشي عليه لانك بتغيري زي ماهو بيتيغر .. متدخليش اهلك ف الموضوع زي ما استاذ كريم قلك.. وربنا يوفقك

    قَـيّـم هذا الحل: Thumb up 1 Thumb down 0

  3. ابوالبتول
    14/05/2017 at 10:34

    اختي اذا كان خطيبك بيعمل كدا اثناء الخطوبة امال بعد الزواج هيعمل ايه موضوع انو بيكلم بنات في الموبايل اوالنت مرفوض ولااحد يقبل بهذا الوضع الغير اخلاقي بالمرة انت من حقك الغيرة على خطيبك وتحافظي على كرامتك ومشاعرك ارى انك ماتستعجلي في الزواج منه ولاتخبري اباك بمثل هالتصرفات الا اذا تكررت منه عندها يبقى هذا الشخص غير جدير بالارتباط بك وعمره مايقدرك ولايستاهلك ابدا

    قَـيّـم هذا الحل: Thumb up 1 Thumb down 1

  4. مفروسة
    28/04/2017 at 22:00

    الموضوع تافه وبسيط ومش مستاهل كل ده وبعدين مفيش كلام بينهم مش مظبوط كلامهم عادى هو مش مستحب بس اغلب الشباب بقو كده بيكلمو البنات عادى وكل الرجاله بتحرم ع زوجاتهم يكلمو حد . حاولى تحلى مشاكلك وطالما هو بيسمع الكلام وعنده قابليه حاولى تغيريه وربنا يهديه ولو عايزه تحكى لباباكى تاخدى رايه بينك وبينه ويقولك تتصرفى ازاى يبقى تمام بس تنبهى على باباكى انه ميعرفهوش ولا انتى تعرفيه انك حكيتى لباباكى انتى بس استفيدى من خبرة باباكى وهو اكتر واحد هينصحك وعارفه وعارفك وهيقدر يفيدك اكتر منى ومن اى حد تانى

    قيم هذا الحل سلباً او ايجاباً: Thumb up 3 Thumb down 2

  5. دكتور جامعة الحياة
    27/04/2017 at 01:08

    ترددك أن تدخلى أباكى معناه عايزة تحافظى عليه وقولك أذاى تسمح لنفسك معناه أنك دايسة على رقبته بحذائك وموضوع أنك معه فى الجامعة كل كلماتك أخطاء أملائية أما الرجل دائمآ يحب أن يكون له أصدقاء من الجنس الآخر ولا يحب الا خطيبته ويقدس لحظات الأنفراد بها ولو فى حديقة حديقة يعنى جنينة

    قَـيّـم هذا الحل: Thumb up 0 Thumb down 1

  6. كريم نور
    26/04/2017 at 11:36

    شكل سنك صغير او بريئة شوية الحجات دا بين وبين خطيبك وبعدين هيبقي جوزك متدخليش والدك ف الخصوصيات الا لو اهانك بلفظ او غلط ف اهلك ف الحالة دي لازم دخول الواد لحفظ كرامتك

    قيم هذا الحل سلباً او ايجاباً: Thumb up 5 Thumb down 0

اترك رداً أو حلاً لهذه المشكلة