مشاكل الخطوبة

خطيبى مش حاسس بيا

ياريت حد يشوفولى حل ارجوكم انا اتخطبت من سنة لانسان مكنتش اعرفة تماما بس هو انسان محترم ومؤدب جدا بس هو للاسف مش موجود معايا لانة مسافر في دول الخليج  المشكلة عندى ان اتخطبتله وسافر عالطول فملحقناش نعرف بعض كويس وغير كدة نفسى نقرب من بعض يعنى يكلم معايا ويقولو مشاكله وانا اقولو مشاكلى نفسى احس انة موجود معايا يعنى مش مجرد دبلة وخلاص لبساها فايدى نفسى احس انه بيغير عليا زى اى واحد بيحب خطيبتة مش لاقية دا خالص وبالرغم من كدا انة بيقولى انة بيحبنى وميقدرش يستغنى عنى بس لما اقولو انا هعمل حاجة يقولى براحتك وانا مالى مش عارفة هل هو متعلق بيا بس يعنى مش حب وانا مرعوبة من بعد كدا يعنى لما هتجوزه هقعد معاه ازاى هحس انه انسان تانى خالص عن الى كنت بكلمة فى التليفون ان حاسة ان احنا بعاد عن بعض جدا ولما اكلمة فى التليفون يقولى مش لاقى كلام اقولو ليكى يمكن عشان مكنش لية تجارب قبل كدا فمش عارف يتعامل معايا طب لو كدة انا هتعامل معاة ازاى احسن انا حاولت معاة كل حاجة يعنى اكلمة واصاحة مش نافع ازعل منة برضة مش نافع بس هو طيب وانا بصراحة حبيتة ونفسى يتغير معايا ويحس بية زى اى اتنين مخطوبين بيحبوة بعض والمشكلة الكبيرة ان انا بكسف اتكلم معاة عشان انا خجولة بطبعى وهو كمان ومش عرفين نتعامل مع بعض كل واحد مكسوف من التانى ومش عارفة بعد كدة هنعمل اى ياريت حد يرد علية

مشاكل وحلول ذات صلة

اضيف بتاريخ: Monday, October 11th, 2010 في 08:26

كلمات مشاكل وحلول: , , , , , , , , , ,

10 رد to “خطيبى مش حاسس بيا”

  1. المحال
    20/10/2010 at 22:13

    اتمنى ليكى السعادة مع الشخص هذا وبنصحك قفى معه وبجانبه مفيش حد اليومين دول بيلاقى شخص محترم خجول وانتى اجعلى معظم وقته يفكر فيكى باتصالاتك بالرنات ابعتى جوابات ده بيزيد محبة الرجل لحبيبته لما يكون بعيد ةبالاخص لما بيكون نفسه لكى يقوم بالزواج واكيد هو بيعمل ده علشان يتزوج منك واكيد هيكون سعيد ولازم يكون فى اختلاف فى الطباع لكن اول متكونوا فى بيت الزوجية ربنا يكرمكم بالسعاده

  2. dodoo
    15/10/2010 at 00:34

    شكرا على ردكم لية بس المشكلة الحقيقية انة مش مدينى فرصة انى اعرفة تماما بس وساعات احس انى بالنسبالة كل حاجة وساعات تانية عادى يعنى

  3. توفيق عمر
    12/10/2010 at 02:08

    مشكلتك مهمة ويجب عدم حلها بنوايا بكرة كله ينصلح , فترة الخطوبة أساس بناء الزواج , وهناك كلمات يجب التوقف عندها بصرامه ( تقولين انكى عندما تقولى له أنك هتعملى حاجه أو هتخرجى يجيب بلا مبالاه ولا يسأل وأحيانا يقول وأنا مالى ) هذا دليل أنه لا يشعر بمشاعر قوية نحوك ولا يغار ولا يهتم

    وبصراحة التفسي الواقعى لكلامك كالتالى
    ( هو خطبككـنه حجز عروسه وسافر ) ( وعندما يعود يفكر هل يتمم الزواج أو يجرب خطوبة أخرى ) و( لآنه مسافر فهو يحسبها لن يخسر حتى الشبكه )
    \ أنصحك بأن تسأليه سؤال محدد ولازم يجاوب
    ( أيه معنى لما تقول براحتك وأنا مالى ) عاوزه أعرف معناها عندك أيه
    وحتى لو عملت أى حاجه برضه هتقول وأنا مالى
    لو تهرب من الجواب أو جاوب بنفس الكلمه , فتوقغى وفكرى فالغالب سيكون حجز عروسه لحين العودة
    قلقك فى محله وموضوع السلبية مريب
    وربنا يسعدكم ويكون مجرد قلق عابر لكن الواقع هو لى مهم مش النوايا وتطييب الخاطر

  4. kitty
    11/10/2010 at 21:46

    اتعاملى معاه انة هيبقى زوجك المستقبلى حاولى تقربى منة شوفى هو بيحب ايه واعمله ومتعمليش اللى مبيحبوش وصدقينى الطيبة والكسوف بقوا حاجة نادرة فى الدنيا حافظى عالية وربنا يوفقك

  5. اروى وردة الصحراء
    11/10/2010 at 21:39

    حبيبتي انتي زي اي بنت متسرعة وعاوزة التفاهم اكون سيد الموقف بينك وبين خطيبك اديلو الاهتمام والرعاية وحسسيه انك قريبة منواكتر من اي حد واكيد حيحصل خير وحبيه بشكل ما يكسفكيش ولا يكسفو بشكل رومانسي خفيف تقوليلو كلام يخليه يغير طبعو وهو اكيد حيطلع من مود الكسوف شوية مع انو نادر جدا ان الراجل يتكسف بس دا مع الوقت بيتغير

  6. عزوز
    11/10/2010 at 16:44

    حاولي اسعاده بالكلمة الطيبة لكي يحس بك فأكثر ما يحتاج في الغربة الاحساس به

  7. نها
    11/10/2010 at 15:37

    حبيتى انا كنت زيك اتخطبت وخطيبى كان مسافر وتزوجنا بعد سنة وكان خطيبى لمايكلمنى ميبقاش عارف يقول اية بس انا كنت بحبة وهو كمان بس لما تزوجنا اصبح انسان حنون جدا وبحبنى وفعلان بيسبنى اعمل كل الاانا عيزة فى حدود احترامى لية ولااسمة فاصبرى واعطى نفسك وقت لحد مهو يعبرلك عن حبة خاصة انة انسان خجول فلا تقلقى ووفقك الله

  8. milano
    11/10/2010 at 13:16

    هو لا الطيب نافع ولا الشقي نافع عجبي ع بنات اليومين دول اتجوزي وقولي يارب

  9. القلب المجروح
    11/10/2010 at 13:13

    اختى العزيزه
    الخجل والكسوف مش عيب فى البدايه
    انما اهم حاجه الاخلاق والاحترام والمعامله الكويسه والخوف على بعض والاهتمام ببعض
    وما تستعجليش اكيد لما هييجى من السفر هتقعدوا شويه قبل الفرح وتتكلموا وتشبعوا كلام وجلوس مع بعض خصوصآ بعد كتب الكتاب
    وعلى فكره اغلب الناس اللى بيكونوا دى اول علاقه ليهم مع الجنس الاخر بيكنوا زييكم كده لكن بعدكده مع مرور الايام بيتغيروا وبيعرفوا يتكلموا وبيبقوا تمام
    فالخجل والكسوف بيتغيروا عادى اهم حاجه الاخلاق والتفاهم والمعامله الكويسه ما تتغيرش
    وهقولك على حاجه حصلت معى انا شخصيآ عشان تتطمنى اكتر
    انا كنت بحب وحده حوالى عشر سنين وما قدرتش اصارحها بحبى بسبب الخجل والكسوف ومع مرور السنين خطبتها ومع مرور الايام بعد الخطوبه بقينا كل واحد مع التانى جرىْ بدرجه كبيره وكلام حب ورومانسيه اقصد اقولك ان كل حاجه بتتغير مع مرور الايام وما تقلقيش
    بس انتى حاولى تدردحيه يعنى مثلا مره تقوليله وحشتنى وانا ما وحشتكش؟ ومره تقوليله انت غالى عليا انا بخاف عليك خلى بالك من نفسك وهكذا حتى يتكيف معك فى العلاقه وربنا يوفقك

  10. pharma
    11/10/2010 at 09:53

    السلام عليكم
    اختى فى الله , هذا شعور طبيعى فى فترة الخطوبة .لانكم مازلتم اجنبين عن بعض .انا كنت كدة فى فترة الخطوبة برضة مش لاقى كلام اتكلمة مع خطيبتى غير عن اخبار الشغل والاسرة وطباع كل واحد وبيحب اية وبيكرة اية انما مش كلام حب علشان كنا حاسيين انة مش لازم يكون فى فترة الخطوبة وانا دلوقتى كتبت كتابى من شهر تقريبا والحمد الله الموضوع احسن بكتير ,بقينا نتكلم بالساعات والله انا كنت فاكر انى مش هاعرف اتكلم خالص لانى بطبعى قليل الكلام.قصدى اقولك كل شئ بيجى مع الوقت اهم حاجة ان يكون هناك توافق فى الافكار والاهداف فى الحياة ولا مانع ان يكون هناك اختلاف فى الطباع طالما انها فى النطاق الذى يمكن احتمالة.
    وفقكما الله واتم زواجكما على خير .

اترك رداً أو حلاً لهذه المشكلة