مشاكل الخيانة الزوجية

بخون زوجتى بعقلى

انا كنت بحب واحده قبل ما اتزوج و هى كانت بتحبنى ولكن ظروفى مكنتش تسمح لينا بالزواج صمموا اهلها انها تتجوز واحد تانى ابن عمها فى فتره خطوبتها انا كنت بروح اشوفها ولكن مكنتش بتشوفنى وبعدين اتجوزت وكان فى واحده زميلتى فى العمل وصديقتى من ايام الدراسه وكانت عارفه حكايتنا وقفت جننبى وساعدنى وبعدين حسيت انها بتحبنى بصراحه انا كنت لسه مجروح وعايز انساها وبعدين اتخطبنا واتجوزنا المشكله انى لحد دلوقتى لسه بحب البنت الاولانيه ومراتى حست بكده خصوصا ان الصدفه خلتنى اشتغل معاها وعرفت بعدكده انها متخنقا مع زوجها بسسببى وممكن توصل للطلاق وكتير اوى بتخيلها نايمه معايا وكذا مره اغلط فى اسمها مع اصحابى وانا مينفعش اطلقها علشان بقى بينا طفل وخايف عليه من اللى ممكن يحصل بينا—-ارجوكم ساعدونى عشان انا خلاص

مشاكل وحلول ذات صلة

اضيف بتاريخ: Friday, March 4th, 2011 في 13:33

كلمات مشاكل وحلول: , , , , , , ,

17 رد to “بخون زوجتى بعقلى”

  1. بتول
    06/04/2014 at 10:48

    تخون زوجتك بعقلك وهل انت عندك ذرةمن العقل اصلا دي خيانة يااستاد وخراب بيت ودماراسرةوتفككهااتقي الله في مراتك واولادك وبطل جنان واحمدالله انك متزوج غيرك يتمنى الزواج ومش قادر ربنايهديك ويصلح حالك

    قَـيّـم هذا الحل: Thumb up 0 Thumb down 0

  2. ابواميرة
    28/11/2012 at 10:51

    ياراجل حرام عليك في اللي تعمله مع زوجتك ام ابنك استغفرربك وتوب اليه وارجع لامراتك وابنك ربنا يخليهم لك

    قيم هذا الحل سلباً او ايجاباً: Thumb up 6 Thumb down 0

  3. hasin1
    19/06/2011 at 14:11

    اخي ما يشدك الى الاخرى هو فقط حب المستحيل لا غير صدق بمجرد ان تحصل عليها سينتهي كل ما تعتقده حب وتدرك بعد فوات الاوان ان حبك الحقيقي هو زوجتك.استغفر ربك واستعذ بالله كلما جاءتك هذه الوساوس فهي قط وساوس من الشيطان يحاول يخرب بيتك لانه بيحب خراب البيوت. الله يهديك

    حل مناسب حسب التصويت. وانت ما هو رأيك? Thumb up 20 Thumb down 0

  4. ربنا يهدى
    11/04/2011 at 17:02

    احب ان اقول لك اخى الفاضل ** دقة بدقة ولو زدنا لزاد السقا ** قمة الحزن ان تجرح من ضمد جراحك فزوجتك وقفت بجانبك فلا تؤذيه وصدقنى ان الحب الذى انت فيه ليس حبا انما هو رغبة يطفئها الللقاء ما يوجد فى هذه المراة جسديا يوجد فى امراتك فاكف نفسك بالحلال عن الحرام وما يوجد بداخل امراتك من قلب اطهر من هذه المراة بدليل وقوفها بجانبك وقت ان تخلت عنك حبيبتك وقبولها ان تكون من تضمد جراحك هل تقبل ان تاخذ بقايا امراة تزوجت من اخر واحبته فان المراة لاتقبل ان يمسها رجل دون ان تحبه اتق الله والجا اليه وتخلص من تلك الافكار الشيطانية وحب زوجتك وانظر الى كل جميل فيها وتغاض عن عيوبها كما تفعل هى الاخرى فان الشيطان يزين الحرام ويخفى الحلال وفقك الله

    حل مناسب حسب التصويت. وانت ما هو رأيك? Thumb up 15 Thumb down 0

  5. مرام
    27/03/2011 at 13:47

    بصراحه انالماقريت المشكله دي حسيت ان زوجي هو اللي كاتبها لانه كان يحب وحده قبل مايتزوجني وماصارحني بكده عرفت من امه انه كان يحب وحده قبلي ومش متأكده هل نساهاوالالساته فاكرها مع العلم اني لاحظت ع زوجي اخطاء كثيره ع النت او كلام معبنات ع الماسنجر اورسايل موبايلات مع العلم ان لي سنتين متزوجه منه ومعانا ولد اتمنى اني اكون غلطانه في تفكيري ده….
    حرام عليك ياللي كاتب ده الكلام تخون زوجتك هي كانت صريحه معاك خليك مع زوجتك وابنك والاوله تنساهاتمامالان زوجتك اتأكدت من اللي كانت شاكه فيه لايمكن تسامحك لان الخيانه توجع ودي اللي متزوجه وتتكلم معاك من ورازوجهابتعمل معاك نفس الاسلوب وتتكلم مع غيرك فوق لنفسك كماتدين تدان…

    حل مناسب حسب التصويت. وانت ما هو رأيك? Thumb up 9 Thumb down 0

  6. رندة
    14/03/2011 at 22:36

    على فكرة انت الغلطان من البداية لانك تركت حبيبتك الانسان مش بيعيش حياتة الا مرةواحدةلوعاشهافى تعب و مرارةيبقى فاضلة اية لو كنت تريد الرجوع لحبيبتك الاولى ارجع لها و حارب من اجلها فربما تكون قد تركتك فى البداية لانها لم تجد منك اى محاولة للحفاظ عليها فالمراة يمكن ان تدافع عن حبها بكل كيانها و لكن ان وجدت من يستحق فبامكانك ان تتزوجها مع الاحتفاظ بزوجتك و ابنك فزوجتك تزوجتك و هى تعلم انك تحب اخرى

    حل غير مناسب حسب التصويت. ما رأيك انت: Thumb up 3 Thumb down 30

  7. مصرية
    10/03/2011 at 10:34

    صدقنى لو اتجوزت الاولانية دى برضو هترجع تقول ياريتنى
    حبك ليها دلوقتى دا بسبب انك ماقدرتش توصل لها
    الممنوع مرغوب
    خاللى بالك من مراتك وابنك
    صدقنى ماتبررش لنفسك اى شىء حصل لان واضح انك حابب الفعل دا بس حرام مراتك ايه زنبها
    انسى خالص التانية دى

    حل مناسب حسب التصويت. وانت ما هو رأيك? Thumb up 20 Thumb down 1

  8. لله الامر من قبل ومن بعد
    05/03/2011 at 13:10

    يا اخى الكريم اولا زوجتك لها عليك افضال كثيره اولها انها وقفت بجانبك فى حين حبيبتك تركتك تنكوى بنار حبها واترمت فى احضان غير ومارست معاه حياه طبيعيه جدا وده اكبر دليل انها مش كانت بتحبك حب صادق من قلبها ثانيا زوجتك كانت على علم بحبك للاخرى ورغم ذلك قبلت وتزوجتك على اساس ان الاخرى خرجت من حياتك بزواجها فهل جذاء الاحسان الا الاحسان يا اخى ثالثا انت ربنا اكرمك بابن يستاهل الدنيا دى كلها ان الواحد يتنازل عن اى حب لاى امرأه من اجل النظر فى عيونه البريئه يا اخى انا اعرف انك احببت هذه السيده من قلبك ولكن للاسف هى لم تبادلك هذا الحب بدليل انها تزوجت غيرك ومارست معه حياتها وانت تفهم قصدى تماما صدقنى لو حبتك من قلبها لايمكن ان توافق على اى رجل يلمسها غيرك انت رابعا هى انسانه انانيه وغير سعيده فى حياتها وللمره الثانيه تثبت لك انها لا تحبك وانت مازلت عايش فى الاوهام والدليل على ذلك انها تريد ان تخرب بيتك وتفرق اسرتك البريئه وليس هناك انسان يحب انسان اخر من قلبه يفعل ذلك انا من وجهه نظرى انها تريد منك ان المتعه فى الحرام وزوجتك لا تستحق منك ذلك لانها هى التى اوضمت جراحك عندما تركتك هذه السيه ماذا اقول لك اكتر من ذلك اتقى الله فيه وفى ابنك واعلم انه كله سلف ودين قرب من زوجتك وتكلم معها وقول لها يا حبيبتى انتى كل شئ فى حياتى ومن قلبك ولكن انا اريد مساعدتك لى ان تحتوينى اكتر وهى تفهم معنى كلامك هذا جيدا واعلم يا اخى ان زوجتك على الاقل لم تخونك مثل ما فعلت الاخرى مع اقرب الناس اليها وهو زوجها وابن عمها مابالك ان انت تزوجتها وخربت بيتك وهى اعجبت بغيرك بالله عليك ما هو موقفك فى هذه اللحظه ليس امامك غير خيار واحد وهوعلى القضاء على حياتها وحياتك وتدمر حياه ناس اخرين ليس لهم زنب ارجوك ضع ابنك نصب عينيك وزوجتك التى رافقتك ايام المحن ايضا وانت سوف تفوق من غفلتك هذه وربنا يهدينا ويهديك

    حل مناسب حسب التصويت. وانت ما هو رأيك? Thumb up 22 Thumb down 0

  9. رشا
    05/03/2011 at 00:34

    طبعا موقفك صعب وخطير لانك بتخون مراتك وتحرض زوجة رجل اخر على الخيانة اللي هية حبيبتك الاولانية.انابشوف ماحدش يجبر حد على الزواج ولو حصل يبقى خلاص هنا يتوقف كل شيء وينتهي وما دام ماتوفئتوش في أول مرة مش حيكون حظوكم كبير بزوجتك وابنك ولا حتى بزوج حبيبتك اللي هوة ابن عمهايعني الوضع بقى اصعب بكثير ارجع لزوجتك وابنك الي مالهم ذنب والا تخسر كل شيء وتعوذ من الشيطان ودي فكرة في بالك شيلها ووقف التفكير فيها .الست المحترمة لما تتجوز خلاص ما فيش اكلم حبيبي الاول واشكيلو من زوجي مش طيقاه عشان لسه بتحبك انا بتكلم عن حبيبتك الاولانية طب ما يمكن مراتك كمان كان عندها حب قبلك ترضى يتعمل فيك زي ما يتعمل دلوقتي في زوج حبيبتك الاولانية الست ديه بتلعب بيك عشان ترضي غرورها ما تبقاش لعبتها

    حل مناسب حسب التصويت. وانت ما هو رأيك? Thumb up 19 Thumb down 0

  10. رومانسي
    05/03/2011 at 00:30

    اولا ادام ما فى طفل يبقى فى حياة .واوعى تقضى على حياة حد.. وبعدين دى مكنتش من نصيبك من الاول. انت هتعاند القدر.. عسى ان تكرهو شىء وهو خير لكم.. مراتك مقصرتش فى حقك انت كمان حاول تشيل الموضوع التانى من دماغك خالص واستعين باللة ومتظلمش حد.. علشا ربنا مايبعتلكش الى يظلمك بقيت عمرك.

    حل مناسب حسب التصويت. وانت ما هو رأيك? Thumb up 26 Thumb down 0

  11. خالد
    04/03/2011 at 23:54

    يا عم حرام عليك ركز فى زوجتك وتربيه ابنك ماهو نص الرجاله عايشه مشكلتك دى ,,,,

    حل مناسب حسب التصويت. وانت ما هو رأيك? Thumb up 16 Thumb down 1

  12. ام احمد
    04/03/2011 at 23:01

    السلام عليكم ورحمة الله وبركاته
    اخى العزيز ارجو من الله ان يثبتك ويخليلك ابنك ومراتك حاول الابتعاد عن هذه المرأة بأى شكل قدم على طلب نقل واستعين بالله من الشيطان الذى يصورها لك فى منامك وكن حنون مع زوجتك وخليها(زوجتك)تنسيك هذة المرأة واخرج مع زوجتك وابنك وغير جو وحاول تفكر بعقلانيه شويه وخاصة فى ابنك ومستقبله الله يخليه لك واحمد الله انه رزقك به فالسعادة مقسمه من عند الله مش يمكن لو طلقت وتزوجتها تظلم زوجتك وابنك اتقى الله فى زوجتك وابنك والله يبارك لك فيهما ولا تدخل فى المحظورات وتحاول تكلم هذه المرأه هى لها حياتها ايضا والله يوفق الجميع
    حاول تتقرب من ربنا وتصبر وسوف تتغير حياتك للاحسن وافتكر دايما كل شىء حلو لزوجتك

    قيم هذا الحل سلباً او ايجاباً: Thumb up 7 Thumb down 0

  13. salma
    04/03/2011 at 21:07

    حرااااام عليك بجد تظلم مراتك كده اتجوزتها ليه من الاول انت لو سبت مراتك عشان التانية دى ربنا هيردهالك خلى بالك وزى ماظلمتها هتتظلم

    حل مناسب حسب التصويت. وانت ما هو رأيك? Thumb up 11 Thumb down 0

  14. شــهــد
    04/03/2011 at 20:39

    نصيحتى ليك انك تنتبه لزوجتك وابنك وتحافظ عليهم

    وتنسى حبك الاول نهائى وتبعد عن اى شىء يفكرك بيها

    هى الان ست متزوجه ولها زوج وبيت ويمكن اطفال وانت نفس الشىء عندك طفل ظافره بالدنيا وما فيها

    وجه حبك وعاطفتك لزوجتك وابنك

    اتمنى لك السعاده

    قيم هذا الحل سلباً او ايجاباً: Thumb up 8 Thumb down 0

  15. مواطنة مصرية
    04/03/2011 at 20:37

    اتقي الله في امراتك مالها ذنب وفي طفلك البرئ وبعدين مين قال ان الانسان لايقدر التحكم في نفسه ومشاعره وهل انت تقبل على زوجتك انها تفكر في حب قديم أو حتى تغلط وساعاتها هترحمها وسؤال كمان لو اتجوزت حبيبتك على حساب المسكينة مراتك هل تعتقد انك هتكون سعيد وهل حبيبتك من حقها اصلا وهي على ذمة راجل انها تتكلم مع حبيبها السابق وتحكيله كمان واضح كدا انها عاوزه تخرب بيتك وبتحاول تجذبك لانك ضعيف قدامها لكن متنساش انها اتخلت عنك قبل كدا لان لعلمك مهما كانت الظروف الست لايمكن تتجبر على شئ والتانية هي اللي وقفت جانبك على فكرة اراهنك انك هتوصل للخيانه لان واضح كداانك عاوزها لكن خد بالك اللي يطمع في لحم غيره هيلاقي اللي يطمع في لحمه وربنا بيخلص فوق لنفسك وادعي ربنا انه يوفقك ويجعل بينك وبين مراتك حب ومودة وبلاش الخيانة لانها بجد صعبه وهدخل عليك فقر وبلاوي في بيتك وشغلك وابنك صدقني وخليك انسان قوي لانها بتعتبرك ضعيف

    حل مناسب حسب التصويت. وانت ما هو رأيك? Thumb up 20 Thumb down 0

  16. سلمى
    04/03/2011 at 18:29

    ابنك هيتربا معك او معاكوا او مع غيرك وهوا لسة صغير لو التانية الطلاقت اتجوزهالو كانت موافقة ولو رافضت خالص وسيب مراتك معاك ولو عاوزا تطلاق اوكى لان من الاول هى كانت عرفا احساسك الحب مش بايد حد دا بايد ربنا القلوب بين اصابع الرحمن يقلبها كيفما شاء وصلى صلاة استخارة

    حل غير مناسب حسب التصويت. ما رأيك انت: Thumb up 1 Thumb down 16

  17. صحيحة
    04/03/2011 at 15:19

    المشكـــــلة فيك انـــــت لازم تقبــــــــل بقسمـــــــــــتك وتسايــــــــر حياتـــــــك هي شافــــت حياتـــــــها وانت واقف ليـــــــــه
    ارجــــــــوك حافـــــــــظ علي بيتـــــــــك اكتر من كده وخــــــــد بالـــــــــك لو مراتــــــــــــك فضلـــــــــــــت حاســــــــــــة بكده سوري ممكــــــــن تحــــــــاول تدور علي الاخلاص والحــــــــب مع غيـــــــــرك انا اسفـــــــــة بس صدقنــــــــــي مراتــــــك وابك اولـــــــي بيك وانت كده بتلــــــــف في دايــــــــــرة مقفـــــولة بلاش تخرب بيتـــــــــــك وبيت التـــــــــانية حرام تكون سبب في الخــــــــــراب للناس دي

    حل مناسب حسب التصويت. وانت ما هو رأيك? Thumb up 11 Thumb down 0

اترك رداً أو حلاً لهذه المشكلة