مشاكل الزواج

شاكك في خطيبتي بعد ما وافقت على البوسة و الحضن

انا شاب عندى 28 سنة خاطب والمفروض ان فرحي قريب بس المشكلة انى حاسس انى مخنوق ومضايق و نفسيتى فى الارض مع العلم ان خطيبتي كويسة جدا .اللى بيخوفنى انى كنت بطلب من خطيبتى حاجات (بوسة-حضن÷)و كانت بتوافق فبدأت اشك فيها مع العلم انى خطبت مرتين قبل كده و بردوا فشكلت الموضوع لاسباب مشابهة

عاوز حل

مشاكل وحلول ذات صلة

اضيف بتاريخ: Saturday, January 15th, 2011 في 06:40

كلمات مشاكل وحلول: , , , , ,

66 رد to “شاكك في خطيبتي بعد ما وافقت على البوسة و الحضن”

  1. عبده
    24/03/2023 at 23:40

    عايز أقولك دا حرام سواء منك أو منها
    ودا أكيد بسبب الشيطان
    أنا خاطب زيك ووصلت أن خطيبتي بتقعد على رجلي وبمسك صدرها مع العلم إنها على خلق وأنا كمان بس والله الشيطان اللي بيضحك علينا
    ربنا يهدينا ويصلح حالنا ويهدي شباب المسلمين
    ويجوزنا كلنا 😃

  2. عايش فالحياة بتهان
    08/01/2023 at 13:16

    مش عارف اقول اي بس انا اقسم بالله مكنت اعرف ولا حثل مني اني بوست بنت قبل كدا ولا خطبت اصلا الا ال انا خطيبها دي وبوستها وحضنتها كمان وزعلت وكنت هسيبها وقولت يمكن عالشان بتحبني بس انا مش مرتاح معاها مش فهمامي وتعبان وجيبالي المرض اعمل اي انا تعبت

  3. Angola
    04/07/2022 at 23:35

    طب هو مش ممكن أن إلى تسيبك تبوسها مش ممكن تكون اتباست من حد قبل كده انا داخل على جواز والنفسيه تعبانه من الحوار ده

  4. ابوالبتول
    03/08/2017 at 14:45

    النت المحترمة والمتربية ماتسمحش بكدا مع خطيبها مهما كانت الظروف لكن البنت الساقطة والعير متربية عاد عندها تعمل كدااواكثر من كده مع خطيبها وقد مريت بتجربة حقيقية حصلت معي كنت خاطب فتاة ولاحظت انها لاتمانع من القبلات والاحضان وذات مرة كنا معا في السيارة رجعنا من احد الاسواق وشاهدتها تفتح ازارير قميصها وترينى صدرها دون حياءاو خجل ولم ارتح معها وقررت فسخ تلك الخطوبة وكل منا راح في حاله تزوجت بفتاة اخرى كانت اخت زميلي في العمل عمري ماشفت منها شي ملتزمة في دينها ومحتشمة في لباسها وحجابها والكل يشهد لها بالاخلاق والتربية والاحترام والتقدير والحمدلله على هذة النعمة التي رزقني الله اياها

  5. احمد
    14/03/2017 at 21:56

    ياجماعه انا بحب وحده بس مش ةمخطوبين بس انا حضنتها وبوستها وضميري وجعني بس هيا الي بتطلب

  6. تااااا
    12/09/2016 at 10:01

    طب انا حضرتك خطبت واحده واعترفتلي بان خطيبها باسها اوحضنها كحب وهي بنت محترمه جدا جدا جدا بس قالتلي انا كان لازم اقولك ياتري يا جماعه اكمل معاه ولا لا

  7. احمد علي
    17/10/2015 at 13:08

    البنت ممكن تكون بتحبك بزياده و وافقت على حاجه غلط ،، بس السؤال الصغير للشباب ، هو انتو ليه دماغكوا مبتفكرش غير في البنت غير على انها جسم ؟؟ احب اقولك حاجه زي ما انت مدي الحق نفسك تبوس اي بنت ،، يبقى هي كمان ليها الحق تبوس اللي يعجبها و تجرب مع اكتر من واحد زي ما حضرتك عايز تجرب ،، مش يمكن حضرتك مش اللي على مزاجها ؟؟ مش هقولك اصل الدين قال و مقالش ،، بس هقولك زي ما بتحقك عليك حاجه هي كمان ليها نفس الحق ،، شوف اللي يعجبك و اختار عشان المفروض انك في حياتها عشان تحافظ عليها عشان هي اللي هتشيل اسمك و تحافظ على شرفك ،، مش تروح تقولها هاتي معرفش بوسه و حضن ،، ياريت كلامي ميزعلكش

  8. ياسمين
    02/07/2015 at 04:06

    انتو ليه محسسنى ان الولد عادى يبوس ويحضن البنت ومش حرام يعمل كده وكده هو محترم مع ان هو اللى طلب منها وهى عشان بتحبه مقدرتش تقوله لأ
    والبنت لو عملت كدهمع واد يبقا مش عادى وحرام وانها بنت مش محترمه
    ليه الواد حاسس ان عادى يعمل كده مع وحده
    ليه ميحسش ان حرام ليه وحرام ليها
    ليه هو ميعقلهاش
    ليه هو دايما شايفها شهوه
    ليه مش بيشوفها اخته

  9. medo
    07/02/2015 at 01:23

    انا نفسى اعرف حاجة انت بتفكر ازاى ماهو ممكن البنت ترفض انها تدى الخطىبها البوسة والحضن واتكن مش محترمة لان الحدة الى مش محترمة لازم هتبىن لخطىبها انها محترمة ومش هتخلىه هتة ىمسك ادىها فلى عملتة خطىبتك معاك دة دلىل انها بتحبك بجد وبتموت فىك وحرام تكن خاطب وحدة زى كدة وتطفرض فىها فى زمن الحب فيه عاد شيء نادر وربنا ىتمم ليكم على خير واتمنى ليكم حياة زوجية سعيدة

  10. احمد
    06/12/2014 at 04:16

    عجبى على كل اللى بيقول عادى لا طبعا الموضوع مش عادى خالص اولا هو حرام … المهم هو فعلا شكاك زياطه بس برضو هو حقو يشك لانه عمل نفس التصرفات مع 2 غيرها وياعينى عللا اللى اتزوجهم اتظلم واكيد هى مش هتقولو اللى حصل بينها وبين خطيبها الاولانى وهو حاطت نفسه مكان اللى اتزوجوهم ممكن تكون عملت كده مع حد تانى قبله علشان كانت بتحبه برضو شوفو احسن شئ مفروض هى عارفه ان ده عيب وحرام لا تقبل منه ان يتحدث معها فى الموضوع ده مش كمان توصل للبوس

  11. هوبة
    02/10/2014 at 21:08

    انا وقعت فى نفس الغلط دة مع خطيبتى ..بس كانت بوس واحضان مش اكتر من كدة وعارف انى غلطان والشيطان كان تالت مابينننا …..وبعدى عن الدين هو السبب بس برده انا انسان على خلق بس النزوة كانت اقوى مابيننا ..انصح كل اتنين مخطوبين تكون فترة الخطوبة قليلة
    الشمكلة عندى ….ان انا سبت البنت دى بس لمشاكل تانية ومش دى كانت مشكلتى معاها من الاساس
    بس كنا حاسين بالغلط اللى احنا بنعمله …وانا واثق ان لاهيا ولا انا هنكرره تانى فى حياتنا …وزى ماقلت الخطوبة ااتحلت …وانا اريد ان اخطب مرة اخرى …ولكن لازلت احس بالذنب تجاه خطيبتى الاولى ..فساعدونى …وشكرا

  12. جمال
    06/07/2014 at 05:07

    لما أنت عارف ان ضميرك صاحى كده طلبت منها بوسه ليه على فكرة ده مش معناه انها محل شك .

  13. yoya
    17/05/2014 at 15:28

    تشك فيها !!! طيب ليه مفكرتش ان هى كمان ممكن تشك فيك انك طلبت كدا من غيرها ؟؟ بص يااستاذ هى معملتش كدا غير لما درجه الحب عندها وصلت لاعلى حاجه ممكن تتوقعها وكمان لانها خلاص بقت ع يقين ان هى ليك مش لحد تانى يعنى من الخر وثقت فيك انت عارف يعنى ايه #وثقت فيك ؟؟

  14. منة
    02/11/2013 at 02:59

    انصحك انك متبعدش عنها لانها بتحبك بجد وعملت كده لارضاءك وانت كمان بتحبها فبلاش وساوس الشيطان دى واستعيذ بالله من الشيطان وربنا يوفقكم ونفرح بيكم عن قريب ان شاء الله

  15. خلاخيلو
    24/09/2013 at 17:01

    انا انهارده عملت كدا..ع اساس انها بتحبني وطلبت مني ان ابوسها…استحقرت نفسي لمن وافقت ع حاجه زي كدا لان استغليت الموقف..ف بعد العمله المنيله دي رجعت ع جوجول واول حاجه والله عملتها كفاره الذنب ..ومع ذلك والله دعوت الله ان احببها حب صادقا …واذا كان لي نصيب اتقدم لزوجها والله لافعل…فكر واحسبها ي معلم دي احسن من انك تاخد وحده متعرفش عملت ايه ف دنيتها

  16. مروان
    28/07/2013 at 15:29

    بصى ياعم الحاج سيبك من التخاريف اللى فدماغك دى البنت دى بتحبك وانابردو خاطب زيك وبيحصل نفس الكلام بس مش معنى كده ان الكلام ده صح او مبرر اناواللهى عارف ان ده غلط بس دى بتكون لحظة ضعف من الاتنين بس مش معنى كده انك العياذبالله تشك فيهاياخى مدام انت استخرت ربناواخترتهاوناوى خير ان شاء الله ربنا يكرمكم ودى عمايل شيطان واحسن الظن فيهابلاش شك والكلام الفاضى ده واعرف كويس ان البنت لمابتحب بجد واللهى بتعمل اى حاجه عشان ترضى حببهاحتى لو بالغلط استعذ بالله واوعى تسيب البنت دى بتحبك وربنايتمم على خير ان شاء الله

  17. الحب تضحية
    07/07/2013 at 02:53

    انا من راى انها بتحبك وواثقة فيك مش لازم تكون عملت كدة مع حد قبلك اكيد عملت كدة علشان بتحبك يا اخى العزيز اللى بيحب لا يمكن انة يشوف اللى بيحبة وحش فا انت طالما شكيت فيها يبقى عيد حسابتك تانى بس هيبقى حرام عليك لانة ممكن تكون فعلا بتحبك ومحتاجة ليك واللهى انا عارفة انة غلط جدددددا بس اكيد هى بتحبك ولعلمك مش سهل على اى بنت انة تعمل كدة واللى انا متاكدة منة انه معملتش كدة الا علشان بتحبك واللهى بلاش نحكم على الناس كدة والشك دة هيضيع حياتك كلها

  18. برهان
    13/06/2013 at 17:03

    أنا عارف إن الموضوع قديم بس كان لازم أرد، بص يا ننوس الرجل يتزوج البنت اللى بيشوف فيها اخلاق امه أو أخته، انت ترضى امك أو أختك يعملو زى خطيبتك؟ عموما انتو الاتنين زي بعض و لايقين على بعض، انتا غويتها و هى استجابت و كله بإسم الحب و الناس الهبلة عمالين يقولولك دا عادى ايه يعنى حضن و بوس و اتقى الله، يا سلام!!! ، خلاص مبقاش فيه نخوة و لا اخلاق هو الامراض بتجيلنا من شوية! و هقتبس كلمة فريد شوقى : و بعد ذلك تريدون دخول الجنة؟! ياخى أ……..

  19. فاعل خير
    16/05/2013 at 03:14

    بص يا أستاذ انا بحب بنت وهى قريبتى وهخطبها قريب وطلبت منها كدا وهى وافقت بدأت اشك زيك بس لما فكرت بينى وبين نفسى بحكمه لقيت انه عادى ماهى ممكن مكنتش ترضى وكنت انت هتبقى متعصب ومضايق هى عملت كدا عشان زيها زيك بتحبك زى ما بتحبها طب ماهى من حقها تشك فيك انك عملت كدا قبل كدا معى حد غيرها

  20. تايهة فى الدنيا
    22/03/2013 at 00:21

    شوف ياعم انت على فكرة ما تعرفش البنات البنت بتتعرف من عيونها ومن كلامها معاك مش من بوسة ولا حضن ممكن يكون لما عملت كدة كانت وقت بالنسبة لها رومانسى ولا شهوة بس مش دة المهم المهم انك تعرفs هى بتحبك ولا لا لوبتحبك يبقى خلاص يا معلم شغال على ماتخلص معاها

  21. islam
    26/01/2013 at 11:54

    على فكره البنت دي بتحبك جدا وبعدين زي ما أنت شاكك فيها بعد ما عملت كده ما هيه كمان من حقها تشك فيك شوف يا مان انا نفس اللي حصل معاك حصل معايا بس أنا ثقتي في خطيبتي أبعد من كده بكتير وصدقني أصعب حاجه ممكن تحصل عليها دلوقتي أن بنت تحبك حب حقيقي وتثق فيك وطبعا مش اللي بنتكلم فيه هوه ده معيار الثقة
    نصيحة : أوعي تسيب خطيبتك اللي بتحبك هتظلمها وتظلم نفسك ويا عم أصبر شويه كل ده هيكون براحتك بعدين وأحسن من كده كمان .

  22. ابو منه
    23/08/2012 at 16:33

    راى ان خطيبتك دى بتموت فيك وبتحبك اوى اوى اوى وعمرها ماكانت هتسمحلك بكدة الا عشان بتحبك ويمكن دة غصب عنها بس عشان ترديك بتعمل كدة

  23. nada
    26/07/2012 at 01:58

    هى وثق فيك مش اكتر عشن هى بتحبك لو هى مش بتحبك عمرها ما هتعمل كدة

  24. ابوفارس
    11/07/2012 at 09:57

    افضل اجابه هى سؤال واحد هوجهه لك :

    ما هو دليلك على ان الانسانه اللى هتخطبها وانت ملمستهاش يكون حد قبلك عمل نفس عملك فى البنت الاولى ما هو دليلك الذى لا يقبل الشك ؟؟؟؟؟ اتق الله واعلم وتيقن ا الله يمهل ولا يهمل يمهل ولايهمل يمهل ولا يهمل

  25. بحب الحب
    09/05/2012 at 23:18

    ياجماعه انا بنصح قول واحد عنده اخت ميسبهاش لوحديها مع خطيبه لو الاخ ده كان بيخوش البيت بحساب مكنش ده حصل انت لزم تجوزها عشان انت شطان وقعتها في الغلط وبعدين تقول اني اخاف الله

  26. nona
    14/04/2012 at 19:35

    صبــــــــــــاح الفـــل
    ايه العجب ده !! o.O
    هجبلك من الاخر .. البنت لما بتحب ممكن تعمل اى حاجة مهما كانت الحاجة دى ركز على مهما كانت الحاجة دى هاااا .. سيبك بفى دلوفتى من حرام و مش حرام احنا بنكلم فى مشاعر و كمان مشاعر بنت .. انت عارف لما الواحد يطلب من حبيبته حضن او بوسة عارف احساسها بيكون ايه والا سعادتها ؟؟ مش قصدها اللى فى دماااغك .. هى نيتها صافية .. نيتها انها مش عاوزة تزعلك .. الحب بيعمل المعجزااااات يا عم !! وكمان خطيبها O.o و بتشك فيها و كمان هتجوزها قريب ؟ الواحدة منا بتثق اوووووووووووووووى فى الىى بتحبه انه عمره ما هيعمل زى الافلام العربى هياخد اللى عاوزه و هيسبها و بتقول لا طبعا ده بيحبنى و بيثق فيا بس للاسف بتبقى غبية فى تفكيرها و ثقتها العامية فى اللى بتحبه . على فكرة دى بتحبك اوى اوى و بتثق فيك والنبى مش بخليها تندم انها حضنتك او باستك لمجرد ان كنت فى وقت شهوة مش اكتر .

  27. تلميذ الشيخ محمد حسان
    23/03/2012 at 23:29

    اخي الكريم قال الله تعالي “ومن يعمل سوء اويظلم نفسه ثم يستغفر الله يجد الله غفوراً رحيما” “وليعفواوليصفحوا الا تحبون ان يغفر الله لكم والله غفور رحيم” اسمع يا اخي جيدا التسامح صفة رائعة و ملكة عظيمة قلما يتمتع بها أحد مهما بلغ من الطيبة و الإحسان ….
    فالتسامح أمر آخر …
    أمر يتطلب قوة غريبة لا تتوفر إلا في إنسان خاص و قد خص الإسلام التسامح بأهمية كبيرة و عظم الله ثواب المسامح و الكاظم الغيظ
    قال تعالى :
    بسم الله الرحمن الرحيم :
    الذين ينفقون فى السراء و الضراء و الكاظمين الغيظ و العافين عن الناس و الله يحب المحسنين
    يا اخي اياك ان تتنصح علي الله حاشي لله فانت تركت بنتين لهذا السبب وما ادراك لعلهم كانو شرفاء ولكنهم اخطاو اعلم جيد اقسم بالله انك لن تفلت من عقاب الله لانك اضريت ليس بهذين البنتين ولكن بأزواجهم واعلم ايضا إن ربك لبالمرصاد ولا تنسي ان الله عادل ارجع الي الله بالتوبه ولا تترك هذه البنت اتق الله علمها ولا تفعل ذلك مره اخري لكن اعلم اقسم بالله ان تركت هذه البنت وانت تعلم انها علي خلق وعلي دين ولكنها اخطأت فلن يمهلك الله وستندم لكن لو انت تشك في اخلاقها وانها ليست علي دين ولا علي خلق فنصيحه ابغي بها وجه الله تعالي لا تتزوج ابداً عارف ليه لان الله تعالي قال ولا تحسبن الله غافلا عما يعمل الظالمون واخيراً ارجع الي ربك فالله بابه مفتوح لا يغلق بابه ابدا واخيرا اسئل الله العلي العظيم ان يحفظ بنات المسلمين من كل سوء

  28. kenzy
    06/01/2012 at 18:58

    حسبى الله ونعم الوكيل لمن ااتمن فخان اعلم انها بالطريقه دى فهى مستامناك فلنفرض انه غلط من حقق تشك بس زى ما بتفكر حكم عقلك لو انت خطبتها عشان محترمه هبقى هي محترمه وبنت ناس لانك اكيد سالت عليها وعرفتها وعشان هى محترمه وافقت بقصد شريف مش الي في دماغك ناتى لو مش محترمه اختها ليه من الاول ووافقت عليها وانت عارف انها ممكن تعمل كده بس بعد ما انت تطلب منها نرجع الي شخصيت اللتى امامك وتحكم عليه الهم صن عبيدك وبنى عبيدك

  29. محمد
    01/11/2011 at 15:03

    انت انسان غريب يااخى والله

  30. مودى
    19/10/2011 at 02:27

    اولا انتا تروح تتعالج ثانيا
    حرام عليك انك تتجوز لان عيام حياتك كلها هتكون جحيم لانك شكاك ثالثا ليه متكنش انتا اللى مش كويس لانك بتدخل بيوت الناس عشان قله الادب دى رابعا وده الاهم البنات دول من ارق واحن وارقى المخلوقات وحساسين جداوالوحده لما بتتخطب نفسها ترضى خطبها ده باى طريقه حتى لو على حساب نفسها وكل اللى اقدر اقوله ليك(حسبى الله ونعم الوكيل)

  31. shams
    14/08/2011 at 22:17

    ياعنى اللى مش بترضى بتبقو عايزين تسيبوها عشان مش مريحاكو اللى بترضى عشان متزعلكمش بشكوفيها والله العظيم دا الظلم بعينه عشان انتم مافيش حاجه بترضيكم نهائى

  32. بيكو
    14/08/2011 at 15:55

    على فكرة يا جماعة انتو رايكو تمام اوى واريد ان اوصلكو انى بحب واحدة اوى وهية بتحبنى اوى ولسة مخطبتهاش بس قريب ان شاء الله وعاوز اقولكو يمكن حصل بينى وبينها كذا مرة اكتر من الى الاستاذ بيقول عليه وبلعكس حبيتها اكتر لانها سلمتلى نفسها ووثقت فيا وعاوز اقول لاخى الفاضل اسال نفسك سؤال واحد فقط وجاوب عليه مع نفسك هية ليه عملت كده وهل الى عملته كان بضغط منى ولا لئة سعتها هتعرف الاجابة ويا اخى توكل على الله طالما بتحبك وبتحبها ولا تجعل الشك يدمرلك حياتك وشكرا

  33. nosa
    30/07/2011 at 04:46

    حرام عليك هو بنات الناس لعبة

  34. nosa
    30/07/2011 at 04:44

    يابنى اوعى تسيبها لانها بتحبك

  35. سوسو
    24/07/2011 at 18:56

    مو على شان رضت تعطيك البوسه انها انسانه مو كويسه وغير محترمه لا فكر فيها بعقل وحكمه لو كانت هالانسانه مو واثقه فيك مارضت تعطيك اياها لانها سلمت نفسها ليك لانها حاسه معك بكل الحنان والامان الي ما حسته مع اي احد ثاني لا تشك وتضن ضن السوء ازا حست في هالشي ماعاد تحبك مثل الاول او تثق فيك وهي عملت هيك ةاعطتك الي بدك ايا عشان ما تروح لاي وحده ثانيه وتلاقيه فيها وتحس ان ناقصك شي

  36. mira
    15/05/2011 at 04:30

    انا موش فاهمه انتا بتحطها فى اختبار اسمحلى لو انتا عايز تصون نفسك من الاول وتعرف اذا كانت بنت كويسه ولا لا هتعرف لانها ببساطه موش هتيجى هيه تقولك انا عايزه ابوسك او عايزه احضنك ساعتها يبقى معاك حق تشك لكن موش تبقى انتا اللى بتطلب الطلب ده وهيه نفسها ترضيك عشان بتحبك وواثقه فيك فبتنفذلك اللى انتا عايزه وبعدين ليه ديما الانسان يشوف الوحش ليه موش تقول انها بتحبك وبتسمع كلامك وموش عايزه ترفضلك طلب … اعذرنى كلامك موش منطقى من يتقى الله يجعل له مخرجا وانتا فسخت مرتين عشان كده استخير ربنا وهو اكيد هيرزقك بالانسانه اللى تصونك وتانى بقول متطلبيش منا رأيينا لاننا منعرفيش اخلاق خطيبتك وهيه عشان بتحبك بتعمل كده لانها فى الاول والاخر بشر… لا اله الا نت سبحانك انى كنت من الظالمين

  37. حب عمرى
    20/04/2011 at 06:26

    عشان بحب خطيبتى حبى ليها ساقنى ولقيت نفسى ببوسها وعشان بتحبنى ماردتش تزعلنى واكتفت بانها تقطم فيا ومش اوى كمان والهواجس دى ابتدت تيجى فى بالى بس لما فكرت بعقل لقيت انى عشان بحبها بوستها اكيد هى كمان عشان بتحبنى سلمتلى واكتشفت كمان انى متمسك بيها اكتر من الاول يا اخى ماتنساش اننا بشر واننا لحم ودم والبنت لما بتحب بتدى اعز ماعندنها لحبيبها وحرام يبقى زنبها انك تشك فيها ربنا يعينا على الحلال يارب ويبعدنا عن الغلط

  38. نسيم الزهور
    12/04/2011 at 15:25

    ما انتو كدا يا شباب نشحت منكم الحب ولما تعطفوا علينا وتعطهولنا ترجعوا تزلونا بيه وفى الاول والاخر احنا ايلى نبقى غلطانين انا من رايى انها بجد حبتك ومش كل واحده تعمل كدا تبقى مش كويسه على فكره ودا اكيد بيبان من تصرفاتها فى كل حاجه مش دى يعنى ايلى هتبين ان كانت كويسه ولا لا اتكل على الله وربنا يتمم بخير يارب

  39. احمد شعبان
    11/04/2011 at 23:00

    متظلمش البنت هي اكيد بتحبكومش عاوزة تحرمك منها وانتوا خلاص هتتجوزوا قريب يعني هي حاسة بالامان معاك وبتعاملك علي انك جوزها ومتحكمش بالظاهر وبالعكس طالما انت بوستها وحضنتها اعذرني هي بقت تلزمك ولازم تكمل للأخر عشان عقاب ربنا وعذاب الضمير وربنا يوفقك وتتجوزا بس شيلها في عنيك لانها بتحبك

  40. العطاء والحب
    23/02/2011 at 22:16

    السلام عليكم .بجد حرام يكون حكم الخاطب على خطيبته بانها سيئة او ما شابه بمجرد ما لمسها لانها لو حبته بجد جدا هايكون هو لها سند وحافظ وهى تعتبره الانسان الوحيد على الارض اللى يحافظ عليها كانت ممكن تمثل عليه وتمكر وده كتيييير الايام دى بجد اتق الله وابعد عن التخاريف اللى فى دماغك ومش هاننكر انكم اخطاتم لانكم لم تعقدو القران بعد وربنا يقدر للشاب والبنات الخير
    دائما حيث كانوا

  41. رحمة
    07/02/2011 at 03:49

    عجبت لك يا زمن!
    المشكلة ان البنت خاصة اللي ملهاش تجارب لما بتتخطب بتثق في خطيبها ثقه عمياء وتتخيل انه سيضعها في ورق سلوفان ويحافظ عليها من كل شئ حتي من نفسه لكن الخوف يكن منه اكثر من الغريب
    وممكن تكون خطيبتك وافقت علي كده لثقتها بك او لمفومها الخطأ عن فترة الخطوبة تقوم انت تسيبها طب ايه اللي خلاك تعرض عليها اصلا البوسه والحضن؟ هل لانك مش اهل لثقتها وثقت اهلها؟
    انا مخطوبه وكنت اعتقد ان خطيبي هيحافظ علي بالشكل ده لكن صدمت عندما تخيل هو اني ممكن اوافقه علي هذه المهذله حتي ولو بمجرد الكلام وفي الحقيقه صورته اتهزت بالنسبة لي.
    كلمة اخيرة:
    لسانك لا تذكر به عورة أمري … فكلك عورات وللناس ألسن
    وعينك إن أبدت إليك معايبا … فصنها وقل ياعين للناس أعين

  42. نورسين
    22/01/2011 at 14:40

    بسم الله الرحمن الرحيم
    ايوة والله يا اخى فارس انا فعلا كنت متضايقه منه جدا لانه قال دى تالت مره يخطب ويسبها لنفس الاسباب يعنى كررها اكثر من مره بس اللى هدانى ان ماشاء الله وجدت كثير من الرجال المعارضين لفكره والحمد لله الدنيا والله مازالت فيها خير طالما هناك رجال بمعنى كلمه رجال وليس اشباه رجال والحمد لله

  43. صعيدى
    18/01/2011 at 13:37

    يا سيدى هى علشان اديتك حاجه زى دى خلاص بقت وحشه الحاجات دى بقت عادى يا استاذ طالما الواحده مع خطيبها وبعدين انت سن 28 سنه يعنى كبير مش صغير اتجوز وخلصنا من حوراتك دى واسال كل الى حوليك نفس الموضوع حتى اقرب الناس ليك ؟ افهم انت بقى

  44. همسه
    18/01/2011 at 05:51

    شكلك مريت قبل كده بتجربه عقدتك وحسستك ان البنات مش كويسين والطبع ده بعد الجواز حيدمر مراتك عشان لو اتكلمت فى التليفون ممكن تشك فيها لو اتاخرت فى السوق حتشك فيها بص عاوز تتاكد من اخلاق البنت يبقى قبل الخطوبه وقبل ما تلمسها ممكن 100 اختبار لكن واضح ان ده حصل لانك بتقول انها كويسه جدا وجوازكم قرب يعنى درستها كويس بدليل انها الوحيده اللى استمرت معاك بلاش شك فى بنات الناس والا بلاش تتجوز خالص عشان حرام تدمر نفسيه بنات الناس معاك

  45. nolife
    18/01/2011 at 00:42

    لاحول ولا قوة الا بالله اية المرض دا هيا علشان حاولت ترضيك خلاص تشك فيها والله انتا انسان بجد مريض وشكلك كدا مش متعلم علشان هيا بتديك بوسة او حضن عشان بتحبك وشرياك وبعدين انتا بتقول انك انتا ال طلبت يعني اتقي الله فيها وبطل لعب ببنات الناس انتا المفروض انك انسان عاقل ومحترم يعني عيب تدخل بيوت الناس وف الاخر تخرج وانتا شاكك فيهم وتخلي منظرهم وحش انتا بتقول انك خطبت كزا مرة وفشكلت انتا فشكلت عشان انتا انسان مش طبيعي ومريض نفسي انتا لو بجد بتتقي الله ف اى واحدة من ال خطبتهم دي كان ربنا كرمك وجوزتك مشيت بالسلامة
    معلش لو كلامي غلس او جارح بس بجد مش عارفة اقولك اية غير حسبي الله ونعم الوكيل ف كل ظالم وع اى واحد يجي ع واحدة ست

  46. ♣♥♣ فارس ♣♥♣
    17/01/2011 at 21:45

    ههههههههه الاخت نورسين كانت عايزه تنط من الموقع على صاحب المشكله وتضربو اهدى شويه اخت نورسين اما بالنسبه لصاحب المشكله والله عجبا لامر الناس الولد لو خطب بنت ومعرفش ياخد منها بوسه بيقول عنها بارده ومبتحبوش ولو اخد منها بوسه يقول انى بشك فيها انا معدتش عارف اقول ايه والله طيب انت ليه طلبت البوسه لما انت شكاك كده بصراحه دى مش غلطتك دى غلطت اهلها الى جعلوك واحد من البيت وائتمنوك على بنتهم انت متصلحش تكون زوج وعلى فكره انا حاسس ان انت ابن امك وملكش راي ومبتعتمدش على رايك واكيد مامتك بتتدخل فى حياتك والى زيك بيعيش حياتو كلها بدون راي خساره فيك النصيحه الى انت شايفو اعملو وشكرا

  47. mostafa
    17/01/2011 at 13:14

    الموضوع ده اساسا ولا عيب ولا حرام طبيعى ان اتنين مخطوبين وبينهم حب يحصل بينهم مشاعر ساخنه لكن بتفرق من نفسية الى اخرى يعنى لما انتى كده يعنى وسواس اوى كده ماكنتش طلبت اصلا عشان ماتتعبش نفسك لكن هيا فى بيتها وفى النور ومعتبراك مستقبلها وزوجها لولا بتحبك ماكنتش خلتك تقرب منها اصلا انا انصح كل واحد خاطب لو انت حاسس نفسك هتقلق لو اخدت بوسه منها ماتعملهاش اصلا وريح دماغك ولا انت بتختبرها تبقى معقد معقد

  48. صوت الرعد
    17/01/2011 at 09:32

    كلنا لما خطبنا بسنا وحضنا .. وتزوجنا وأنجبنا وعشنا حياتنا مبسوطين ..
    بالعكس ، هذه الحركات تلهب فيما بعد فراش الزوجية ..

    بلاش عقد وقلة عقل .. اسأل نفسك سؤال : انت لو ما كنت خطيبها وأغريتها واختليت فيها كنت حصلت منها على لمسة ؟

  49. رومانسي
    17/01/2011 at 02:45

    الحب والبوس والجنس عند البنت دة مرتبط بالاحساس مش زى الرجل يعنى كل ما البنت بيزيد حبها بتحس ان نفسها فى حببها . فاهم. هى بتحبك وشيفااك جوزها مش خطبها.توكل على اللةوربنا يهديك للصال وشيل وساوس الشيطان دى

  50. قلب حر
    16/01/2011 at 16:11

    بص يا استاذ انت مش نضحك على بعض يعنى انت ملاك من السما وهى الشيطان الى غواك على البوسة والحضن انت برضو كان نفسك فى الاتنين وانا عارف كلنا كنا شباب وعارفين الكلام دة والا انت بتبرر علشان عايز تسبها على فكرة البنت دى بتحبك اوى وعن كلامك انها كويسة جدا
    هى كانت بين نارين اما تديلك الى انت عايزو اما انت هتزعل منها وبعدين هى الى قالتلك هات بوسة مانت برضو عملتلك حوار علشان البوسة والحضن
    فكك من الكلام الى انت بتقولو
    الانسانة دى بتحبك ونفسها ترضيك متبقاش جبروت

  51. مجروحه
    16/01/2011 at 00:04

    يا اخى البنت وثقت فيك وانت بتقول ان فرحكم قريب يعنى هى هتثق فيك اكتر
    وهى لم تفعل شئ الا الثقه فيك هل يكون هو ده ردك عليها؟؟؟؟
    انا بنت زى خطيبتك واقسم لك ان هذا الفعل هى لن ولم تفعله الا معك لانك فى حكم زوجها وعلاقتكم فى النور
    اتقى الله فيها وفى نفسك
    وربنا يتمم لكم على خير تقبل نصيحتى جزاك الله خيرا
    ووفقك انت ومن (وضعت شرفها بين ايديك) للخير والصواب امييييييين

  52. محمود
    15/01/2011 at 22:56

    بص يابنى انت شى غريب لو رفضت تديك بوسة كنت هتزعل ويمكن تسبها فهية اديتك اللى طلبطة منها
    علشان هية بتحبك كفاية شك وروح اتجوزها انا قبل الزواج عملت زيك باضبط بوست خطيبتى وكنت بعمل حجات زيك وبعدين اتجوزت ومحصلش شى من التفكير دة

  53. محمد شهريار
    15/01/2011 at 22:09

    توكل على الله واتجوز
    بنات الناس مش لعبه
    مش عاوز تبوس وتخلع
    ايه ده يا شيخ

  54. هوان الحب
    15/01/2011 at 21:54

    يعنى لو حضرتك خطبت واحدة عملت بلاوى كتير وعملت مؤدبة معاك يبقى تدبس وتتجوزهاودى اكيد الطريقة الوحيدة اللى ممكن تتجوز بها لان اللى يدخل بيوت الناس ولايتقى الله فى بناتهم اكيد ربناينقذ بنات الناس الطيبين منه ويوقعه فى واحدة انصح منه مش بيقولو لا يفل الحديد سوى الحديد يا اخى اتقى الله وصفى نيتك يكرمك ربنا بواحدة زى الفل وانت نفسك بتشكر فى خطيبتك بالرغم من دخولك اكتر من بيت يعنى ارتحت معها اكتر من غيرها ولو انت اتقيت الله من الاول ما كانش ربنا زرع الشك فى قلبك اعزم وتوكل على الله وربنا يتمم لكم على خير دى بتحبك وعايزة ترضيك وعجل بالجواز

  55. رامي
    15/01/2011 at 21:37

    اكيدانت مريض احلى ايام عمرك هي الخطوبة ويلي بحليها هو يلي بيحصل معك فلا تكن متعصب الى هداالحد وتوكل على الله فهو حسبك

  56. سلمى
    15/01/2011 at 19:22

    الشك ده هيدمرك انت حتى لو سبتها ورحت خطبت تانى برضوا هيحصل كده ذى ما حصل فى الى قبلها وبعدين اذا كانت هى غلطت فانت الى جرتها لكده لانها وثقت فيك وللاسف انت قبلت الثقه دى بالشك انت فاكر لما تسبهاالدنيا هتقف اكيد فى يوم ربنا هيعوضها بواحد يتعامل معاها بما يرضى الله اتجوزها واتقى الله فى نفسك وفيها وبطل الشك دة الى مالوش اساس

  57. نونا
    15/01/2011 at 19:17

    يعنى هو دة الرد الى بتردهولها عشان هى وثقت فيك هى بتحبك وحبت ترديك مش اكتر دة مش حاجة تعيبها علفكرة فى \ولاد كتير بيسيبوا الى بيحبوهم عشان بيلاقوا حنية من واحدة تانية حاولت تحافظ عليك

  58. reda
    15/01/2011 at 19:15

    احيى ابنتي نورسين علي ردها القاسي والجميل واعتقد انها علي حق وانت اعترفت ايضا ان هذه ليست الخطوبه الاولي واتمني ان تكون الاخيره

  59. نداء
    15/01/2011 at 19:15

    اخى ارجو ان لاتترك هذه الفتاه فهى وثقت فيك وبتحبك وبلاش الشك ده وياريت تعجل فى الزواج لو فى مقدريتك والف مبروك

  60. توتا
    15/01/2011 at 18:37

    هى غلطت فى اية عشان حبيتك وحبيت ترضيك يبقى كدة هى وحشة راعى ربنا اى اتنين مخطوبين بيحصل بينهم كدة هى كانت عملت حاجة غلط لو حدها ولا انت بتحس وعندك مشاعر وهى طوبة اتقى اللة واتجوزها وبطل شك انت شكلبك كدة شكاك اوى ودة هيتعبك انت

  61. سؤال
    15/01/2011 at 16:15

    يعني انت الوحيد اللي عندك مشاعر وهي ماعندهاش.. الحاجة دي رغم انها حرام وغلط بس لازم تفرح لأن البنت واثقة فيك ومش عايزة ترفض لك طلب

  62. نورسين
    15/01/2011 at 14:37

    بسم الله الرحمن الرحيم
    انا بجد اسفه عليك واسفه على اهل خطيبتك اللى وثقوا فيك ولكن انت مثل الذئب خنتهم ولفت من وراهم على بنتهم وضحكت عليها باسم الخطوبه والحب.انت انسان مستهتر لا تدخل البيوت لاجل الزواج ولكن من اجل التجربه والامتحان .اترك خطيبتك هذه ولا تتزوجها عسى الله ان يبدلها انسان يخشى الله فيها لانك سوف تدمر حياتها وتشك فيها فى كل تصرف يصدر منها .انت مريض نفسى روح اتعالج الاول.فاكر نفسك ايه وقاعد تحاسب فى بنات الناس ليه علشان ربنا خلقك ذكر فمن حقك ان تخطئ .ليه هو انت يوم ما تموت ربنا حيقول والله ده راجل (لا يحاسب) .انت تفكيرك غريب والله غريب لا حول ولا قوة الا بالله .

  63. حبيبة الرحمن
    15/01/2011 at 11:07

    هو انتا تدخل بيوت الناس وتعمل اكده مع البنات ده عيب منك وحرام منك البنت واثقة فيك اي نعم هي عيب منها بس اتعملة معاك ووثقة فيك انتا تقبل انك تقبل اكده علي اختك اني خطيبها يعمل معاها حاجه وفي الاخر يسبها اكيد لالا
    راعي ربك معاها وبعدين البنت بيتسال عليها واكيد انتا عارف انها محترمه ربي يسعدك ويتمم ليك علي خير

  64. فيلسوف الصعيد
    15/01/2011 at 10:43

    انت تتصيد اخطاء للتعقيد توكل علي الله فهو حسبك هي وثقت فيك فلا تكن انت الخائن

  65. basha
    15/01/2011 at 10:19

    يعني اللي حصل ده غلط منها هي بس؟ حاسب نفسك قبل ان تحاسبها و كفايه خطوبات و فركشة و يمكن البنت حبتك اوي و ما كانتش عايزة تزعلك و كمان عايزة تستمتع بيك. الغلط من الطرفين و انصحك انك تستمر و تتزوجها و ربنا يكرمكو سوا و للاسف ده بيحصل بين نسبة كبيرة من المخطوبين قبل العقد و ربنا يهدينا لك امنياتي بالسعادة مع خطيبتك التي ستكون قريبا زوجتك ان شاء الله

  66. انسانة وحيد
    15/01/2011 at 09:13

    انا نفسى اعرف انتوا بتفكروا ازاى هى علشان حبيت ترضيك يبقى تشك فيها يااخى هو انت مش خاطبها ولا عرفتها فى الشارع دة امر طبيعى واكيد اى اتنين مخطوبين بيقربوا من بعض لان اكيد زى ماانت نفسك تقرب منها هى كمان عايزة تقرب منك صدقنى المشكلة عندك انت بدليل خطوباتك الى اتكررت وفشلت احسن الظن بيها وصدقنى هى حبيت ترضيك مش اكتر

اترك رداً أو حلاً لهذه المشكلة