مشاكل الزواج

هل اتقدم لمن اعجبت بها ولكنها مخطوبة

يا جماعة أنا عايز رأيكم أنا شاب عندى 35سنة ومشكلتي باختصار انى قبلت بنت فى مكان عملها اعجبتنى وحسيت أنها الانسانة إللى بحلم بيها مش مجرد جمال بس لا أخلاقها وأسلوبها وتفسيرها المهم مبقاش فى يدها دبلة سالتها اذا كانت مرتبطة اتفجئت وابتسمت وقالتلى ان حصل مع واحدة صاحبتها نفس الموضوع وهل انا نفس الشخص قولتلها لا طبعا انا كنت عايز اعرف في حد ولا لا علشان اتقدملك وطلبت رقمها قلتلى ابعتلى على رقم شغلها وانا هعرف رقمك وبعد يوم روحتلها وكانت رقيقة معى وكاننا نعرف بعض من زمان قولتلها عايز رقمك علشان اعرفك بنفسى قلتلى بس انا مرتبطة او شبة مرتبطة وفية ظروف عندى قولتلها مقولتيش لية طب من الاول قالت انها اتفجئت المهم كلمتها بعد ما مشيت علشان معها ناس فى الشغل وقولتلها انت فى علاقة حب قلتلى دة موضوع رسمى من البيت وعادى ومش عارفة الوضع فية اية وكلمها ان الموضوع ليكمل لا ميكملش وانها مش هتقدر تدى رقمها وهى فى موضوع افضة وبعد كدة اقرر وانها دلوقتى مرتبطة عن طريق البيت والله واعلم هيحصل اية .هى كانت ذوق جدا وشكرت ذوقى معها وعبرتلها عن انها احلى حاجة ممكن تحصل فى حياتى وسالتها اذا كان فية حاجة بخصوصى قالتلى لا لانى معرفش حاجة عنك ولا شغلك ولاوضعك فما كونتش راى علشان اغيرة ..بصراحة انا حبتها اكتر واحترمتها بس معرفش لية مقلتش من الاول بكلمة قاطعة انها مرتبطة احساسي ومن نظراتى ليها يوم ماشوفتها انها على الاقل ارتحت لى ونظرتها لى حسيت منها دة..المهم انا مش عارف اتصرف ازاى خصوصا انا معرفش حاجة عنها وحتى لو فشكلت مش هعرف فكرت انها ممكن تكون خايفة اكون بلعب وتقول عصفور فى اليد انا الان بفكر اتقدم لاهلها كاثبات جدية وازيح عن اهلها فكرة ان العريس دة لو طار مش هيجى غيرة واخلى اهلها يقراروا براحتهم فما رايكم وخصوصا انها مقلتش تصريحا او تلميحا انها ميالة للشخص الاخر بجد انا مش عايز اخسرها وسمعت عن حكايات زى كدة اتحول فيها الموقف لصالح من فى مثل حالتى هل هى مستنية اتقدم فعل ومكسوفة علشان تقول وعلشان هى فى موضوع ولااية بس انا ممكن اعمل اى حاجة علشان مضعش منى وجزاكم الله خير

مشاكل وحلول ذات صلة

اضيف بتاريخ: Monday, April 3rd, 2017 في 19:49

كلمات مشاكل وحلول: , , , ,

4 رد to “هل اتقدم لمن اعجبت بها ولكنها مخطوبة”

  1. ابوالبتول
    13/04/2017 at 20:39

    عايزك نقرا تلك القصة وتاخد منها العبر والعظة فقد حصلت لواحد زميلنا في العمل شخص محترم وعلى دين وخلق تعرف على فتاة تعمل معنا وكانت الفتاة تتظاهر بالطيبة والاخلاق الحسنة وهي عكس كلهذا خلت الشاب يتعلق بها ولم تخبره بالحقيقة بانها مخطوبة لشخص اخر من اقاربها حتى لايطيبر الشاب من يدها لانه ميسور الحال وتظاهرت بانه تحبه وتبادله المشاعر والاحسايس وكانت تخرج معه ونركب السيارة وافسدت اخلاق الشاب وجعلته شخص لايعرف الحلال من الحرام واهمل في عمله حتى تم فصله من العمل وعندما ذهب كي يخطبها من اهلها انصدم هو واهله بان الفناة مخطوبة لحد اقاربها ويستعدان للزواج فانهار الشاب وتحطم واسودة الحياة في وجهه واصبح معقد وكاره للارتباط من اي فتاة فهل تريد ان يكون مصيرك وحالك مثله واللبيب بالاشارة يفهم

    قَـيّـم هذا الحل: Thumb up 0 Thumb down 1

  2. ابوالبتول
    13/04/2017 at 20:29

    اخي الفتاة مخطوبة لغيرك ازاي عايز تتكلم معها وتتعرف عليها لايجوز شرعا مثل هالتصرف اتقي الله في نفسك وفي الفتاة واتركها لحال سبيلها وصدقني انها فتاة بلااخلاق ولاتربية من الاساس ازاي تكون مخطوبة لشخص وتسمح لنفسها ان تتكلم معك من اصله ابتعد عنها حتى لاتوقع في كثيرا من المشاكل انت في غنى عنها وربنا بيرزقك بخير منها الف مرة

    قَـيّـم هذا الحل: Thumb up 1 Thumb down 1

  3. مروة
    04/04/2017 at 18:51

    صلى استخارة ولو حسيت براحة توكل على الله واتقدملها والبنت بتحبك بدليل انها مقالتش من الاول انها مرتبطة واكيد هتتكسف تقولك تعالى اتقدملى

    قَـيّـم هذا الحل: Thumb up 2 Thumb down 2

  4. Dr
    04/04/2017 at 18:19

    اخي صاحب المشكلة في الحديث قال رسول الله(لايخطب أحدكم على خطبة أخيه…) فلايجوزان تخطبها وهي مخطوبة.ابتعد عن البنت فلم يعجبني موقفها مخطوبة وتعاملك كاحتياطي..وصل استخارة حتى يرشدك الله الخير

    قَـيّـم هذا الحل: Thumb up 3 Thumb down 1

اترك رداً أو حلاً لهذه المشكلة