انا انسان عنده 24 سنه اتقدمت لبنت اصغر منى ب3 سنوات اول مشفتها حبتها واهلها قبلوا فرحت قوى من اول يوم قلتلها انا عاوز انسانه تحبنى واحبها وتصونى واقضى عمرى كله تحت رجليه . حسيت بعد فتره انها مش بتحبنى سالتها عن ماضيها قالت الماضى ملكش انك تعرفو بس انا اصريت انى اعرفه قالت انها كانت تعرف واحد وكانت بتحبه واتقدملها واهلها رفضوا عاشان فرق السن وعلشان المستوى التعليمى بتاعه . قولت لو لسه عايزاه انا ممكن ابعد واسيبك واحاول اكلم باباكى واحاول ارجعكوا لبعض قالتلى انها مش عاوزاه وانها بتحبنى انا قولت ربنا يقدرنى واسعدك ودى فتره اى واحده بتمر بيها المهم نبدا صفحه جديده وافقت . بعد فتره تليفونها رن وهيا جنبى رقم بدون اسم رن مرتين رديت محدش رد .سالتها رقم مين قالت دا رقم صحبتى روحت اتصلت على الرقم دا كذا مره. عرفت بعدين ان الرقم دا رقم الشخص اللى كانت تعرفه عاتبتها قالت انها مش حتعمل كدا تانى وانها بتحبنى قولتلها انى حسيبها بكت وقالت انها بتحبنى زعلت فتره منها وبعدين كلمتنى وعاتبتها ورجعت تانى ليها علشان بحبها اكتشفت برضوا انها كانت بتكدب عليا فى حاجات كتييير وحسيت انها كانت مخبيه عنى حاجات كتير بخصوص الموضوع دا علما بانها قالت انها مشفتش الشخص دا الا مره واحده لما جه البيت يخطبها وهوا مشفهاش انا سبتها فعلا تانى علشا حسيت ان سعادتها مش معايا . وعلشا الشك كان حيموتنى وكنت خايف من المستقبل بعد كدا لما نتجوز . وبعد حوالى 25 ىوم اتصلت وقالت انها محتاجالى واقسمت انها اتعلمت وانها كانت بتقلد ناس شافتهم بيعملوا كدا قولتلها لو عايزه تقلدى شوفى حد كويس وقلدييه حسيت انها فعلا اتغيرت وحسيت ان اهلها كانو بعاد عنها ومش بينصحوها ومش مهتميين بيها بحكم شغلهم قولتلها انا حرجعلك بس تتغيرى وتكونى انسانه كويسه الانسان دا لو بيحبك كان بعد عنك لما اتخطبتى دا عاوز يلعب بيكى وانتى اللى شجعتييه . حسيت انها اتغيرت رجعتلها بس الشك بعد فتره رجعلى تانى كل لما افتكر اللى هيا عملتوا مش عارف اعمل اييييه انا بحبها بس انا مش عارف اشتغل ولا انام بسسبب شكى دا افيدونى يرحمكم الله
مشاكل الشباب قبل الزواج
خطيبتى على اتصال بحبها الاول
اضيف بتاريخ: Friday, December 17th, 2010 في 17:37
كلمات مشاكل وحلول: الزواج, الشباب, الشك, بنت, فرق السن, مشاكل الشباب, مشاكل الشباب قبل الزواج
يااخي قالوا في الامثال وماالحب الاللحبيب الاولي وخطيبتك دي ماتنفع تكون زوجةلك دام انهاتفكرفي حبهاالاول استحالة تنساه ابدا الافضل لك ولعزةنفسك وكرامتك تركهابعدماكتشفت انهامتعلقةبه وهل ترضى بالعيش مع امراةجسدبلاروح قلبهاوعقلهامع غيرك ربي يعوضك بخيرمنها
السلام عليكم بدل ما بتقول انها اتغيرت ارجعلها وبالنسبة للشك هو حالة بتيجى للانسان لما يكون فى حالة فرح بدل ما انت شايف انها اتغيرت بجد ارجعلها بس قبل متجوزها اتجد انها بقى ملهاش علاقة بالانسان ده وربنا يوفقك فى حياتك
هو فعلا الحب الاول صعب يتنسى بس انت ممكن تخليها تنساه بحبك ليها وبمعملتك ليها وكده يعنى وانا رأى انك بعد مقوتلها انو بيلعب بيكى دى انها اكيد مبفتش تفكر فيه وسفط من نظرها وهيه على فكره بتحبك ومؤدبه عشان لو مكنتش بتحبك مكنتش طلبت منك انك ترجعلها تانى وكانت مشيت مع اللى كانت بتحبو زمان
ادام بتحبها حبك ليها هيغيرها وهتحبك لكن شكك فيها عشان كذبت عليك فى الاول دى وساوس شيطان
يا عم ربنا غفور رحيم دا بس الشيطان اللى بيهيالك كده وسامحه مدم اتغيرت (نهله طلعت)
علي فكره ابعد عنها والحب اللي انتا بتحبه ليها هاينسي انما شكك ليها العمر كله مش هايقدر يتنسي ولما بتعمل اكده وهي مخطوبه امال بعد الزواج هايبقه في بيتك خالي بالك بزوجه صالحه بنات الناس كتير ومتربين
على فكره ليه بيسو بيقول ان البنت لما بتحب بجد مش بتنسى حبيبها لا انا بقولك انها تنساه وتنسى ابوه كمان مدام مفيش منه رجا ولا امل ومش معقول هتعلق نفسها بحبال دايبه بالذات كمان لما يكون فيه شخص تانى بيحبها بجد وبيعاملها كويس اللى هو انت واهم حاجه تحبب البنت فى اللى قدامها الحنيه الطيبه والرقه فى المعامله وعشان البنات عاطفيين شويه فهى هتحبك على طول اعمل بس زى ما قولتلك اناونانا واتكل على الله
انا من راى الاخت نانا جدا جدا لو انت متاكد انها اتغيرت فعلا يبقى عفى الله عما سلف وابدا معاها صفحه جديده زى ما قولتلها فى الاول واحنا كلنا بنغلط وخير الخطائين التوابون وانا برده اشجع فعلا فكره انك تطول فتره الخطوبه واختبر حبها واخلاصها ليك ..فكر ازاى تختبرها من غير فعلا ما تعرف انه انت ومن غير ما تعمل مشاكل وساعه ما تتاكد وقلبك يطمن دع الشك جانبا لانه ممكن اوى يكون الشك ده شيطان وعايز ينكد عليك ..وكمل معاها وربنا يسعدكو
واحدة زى دى مش امينة معاك فى فترة الخطوبة
وحدث منها ذلك اكثر من مرة
كيف ستضمن ولائها لك بعد الزواج
خصوصا ان ده صنف يوعد ويخلف ومفيش فايدة
اذا ارتبطت بها هل ستكون مرتاح نفسيا وصافى الذهن
ارجوك ..لو كان الشك يقتلك تجاهها فى كل لحظة فاتركها حتى لو روحك فيها
اخي انت حينما وافقت على الرجوع لها كان من المفترض ان تكون سامحتها ولانك سامحتها كان من المفترض ان تكون سامحتها اخي اعطها فرصه فلا تدري ربما حقا تابت البنت وستكون وفيه معك لا مانع من اعطائهت فرصه اخرى
اخوي لو كانت تحبك بجد كان اول ماخطبتها حست بالمسئوليه ورضت فيك وحاولت تنسى حبيبهاوتفتح صفحه جديده معك .. وانت عطيتها اكثر من فرصه لما كانت تغلط واخر مره قعدت 25 يوم وهذا كثير يعني لو مااحتاجت لك ماكان اتصلت فيك .. يمكن كانت بذي الفتره حاولت ترجع حبيبها وتقنعه انه يرجع لها ويمكن هو رفض .. عشان كذا اتصلت فيك لان مافي غيرك وخافت تخسرك انت بعد .. انا انصحك تبعد عنها لان الي يحب عمره مايكره واكيد هو اخذ كل تفكيرها الحين..وصدقني الشك الي بقلبك وعقلك عمره ماراح ينمحي حتى لو تابت .. بالنهايه انت حر بالراي ولك الاختيار ..~~تشاوو
والله ياخي استخير في بعادك عنها ياريت تسمع كلامي حاول تبعد عنها صدقني الكدب مرض صعب الشفاء منه ..ومعنى انها استهانت بيك مره واخرى وكان بيكلمها على التليفون وانت مرتبط بيها… دية عدم امانه وعدم احترام ليك وانت مادامت هي عرفت ديتك هتقدر عليك دايما.. لانك بتحبها وهي متأكده من ذلك …ولما انت تلاقيها حنينه معاك ومطيعه يزداد ولعك بها لانك بتتمنى هذة الشخصيه اللي هيا بتتقمصها ..بسبب مرض نفسي او سوء تربيه اوعدم خبره عندها والله اعلم ..وانا مع الاخ عايش الواقع في الجزء الاول من رده لكن مسئلة انك تقدر تنسى لا.. وده ظاهر عليك الان الراجل لو غار على زوجته او حبيبته ممكن يوصل لحالة شك لكن مابالك انك تاكد انها على اتصال بيه..هتتعب في الاول عندالانفصال ولكن هترتاح بعد فتره خصوصا عندما تعثر على بنت تحبك حب حقيقه فيه اخلاص ووفاءدية لو كانت بتحبك كانت حافظت عليك من اول وهله او من اول اختبار ليها…و بعدين انت بتقول انا سيبتهاعلشان سعادتها مش معاك.. سعادتها!!! ايه بس انت اهم حاجه سعادتك فين معاها انت اكيد هتحاول تسعدها علشان بتحبها لكن هي ؟؟؟؟؟؟؟طبعا القرار قرارك.. وشكراااا
بص يا سيدى هى كذبت عليك فى الاول ماشى ممكن نقول خوف وبعدين اعتذرت تانى مرة نقول كمان ماشى لاء مينفعش فيه حاجات ينفع انى اتنازل واتساهل فيها مرة وحاجات مينفعش ولا مرةوانت اساسا بتسامحها عشان بتحبها لكن لو مش بتحبها صدقنى مش حتترد انك تسيبها وخلى بالك ممكن تعمل فيك اكتر من كدة لانها عارفة انك خلاص ممكن تعيطلك شوية وانت بتجيب ورا متخليش قلبك هو اللى يحكم خلى عقلك هو اللى يحكم عشان متتعبش بعد كدة وغير كدة انت دلوقتى بتشك فيها حيفضل مخك رايح جاى رايح جاى راكب ميكروباص انت ريح نفسك شوف لو كملت معاها حتقدر تنسسى وتبطل تشك فيها ولا لاء لو مش حتقدر يبقى كبر دماغك عشان متتعبش نفسك بالشك ومتبهدلش بنت الناس معاك لان بعد الجواز انت خدتها معززة مكرمة من بيت اهلها مع الشك فيها حترجعها متبهدلة متقطعة فا اللى مترضهوش لاختك مترضاهوش لبنات الناس حتى لو هى بنأدمة مش كويسة
اقولك يا ابن الناس الواحد مش عاوز يزود ذنوب اكثر من زنوبة لكن من خبرتى المتاوضعة انت مش هترتاح معها لان طابع الراجل الشرقى مش بينسى وعلى طول التفكير بيموتة انت احسن حاجة تسيبك منها وحاول تبعد عنها لانك مش هتنسى وتانى حاجة وعن تجربة البنت الى بتحب بجد مش بتنسى حبيبها مهما كان وربنا يهديك الى ما فية الخير وينور ليكى طريق الصحيح
طالما بتقول اتغيرت بجد ومتاكد انها اتغيرت خلاص ليه تشك وتعذي نفسك بس رايي تطول فترة الخطوبه تتاكد خالص انها بجد اتغيرت وشيل الشك ال جواك لان اخرته وحشه وبيتعب وسعات بيبقي على الفاضي جربها حاول تختبرها فى اى حاجة من غير ما تعرف انه انت وشوف واطمن واتاكد وخلاص وبعد ما تتاكد اتجوزو وربنا يهنيكو ويسعدكو وشيل الشك من دماغك خالص وربنا يوفقكو