مشاكل الشباب مع البنات

بحب اخت صاحبي ومش عارف شعورها

انا بحب اخت صحبي اوي اوي
وهيا معرفش ايه شعورها نحيتي وانا لمحت لاخوها قلتله في واحد صحبي بيحب واحدة اخت صاحبه وصاحبه قريب منه اوي
وقلتله بسألك عشان انت ليك اخوات بنات وتحس بالشعور ده قلتله هو صاحبي علي الفيس من اكتر من 4 سنين
ومن الصعيد تمام قلي انا لو حد قلي بحب اختك وصاحبي هقله يبقا انت مش مصاحبني عشاني انت مصاحبني عشان اختي مش عشاني انا يعني مصاحبني مصلحة وأنا ان شاء الله ناوي ااقله واعرفه لما اكبر واكون نفسي وأبقا اروح اتقدملها هقله اني بحبها من واحنا صغيرين حتي لو صاحبتها ومشيت معاها برضو هقله اني مشيت معاها وبكدا مش هقول لاخوها غير لما اكبر واروح اتقدملها
هححكيلكوا علي موقفين ياريت تقولولي هيا معجبة بيا ولا لا
كنت رايح زيارة لصحبي كان تعبان رحتله وانا كنت رايح من غير ما اخدله حاجة رحت ومقعدتش دقيقة واتكسفت ومشيت
وبعدها الصبح كلمته ونسيت ااقلكوا انه يقربلي تمام كلمته بعدها بيوم علي الفيس قلتله معلش يا محمود مشيت اصلي اتكسفت ومشيت قلي يابني عادي انت اخويا يعني اساساً متجيش بحاجة ومعرفش ايه الي كسفك ومشيت قلتله معلش بقا وكدا المهم رحتله يومها بليل وقعدت معاه يجي نص ساعة واخته كانت قاعدة معانا قعدت شوية وبعدها قالتلي هيا هو انت الي كلمت محمود قلتلها ايوه انا وضحكتلي كدا 🙂 الكلام ده كان وانا عندي 12 سنة وهيا 11 سنة تمام
وطول القعدة كنا نتكلم في اي حاجة وبعدها مشيت وبعدها بفترة كان معايا جهاز زي البلايستيشن صغير كدا
تمام وكان معايا اسطوانتين اسطوانة كورة واسطوانة لعبة بنات كدا هيا كانت واقفة وانا بدي لزميلي الاسطواناات هوا خد الكورة وهيا كانت عايزة لعبة البنات قالتلي سيبها والنبي دي حلوة اوي وقالت لاخوها دي حلوة انا هلعبها
قلتلها خلاص خديها ليكي خالص مش عاوزها 🙂 ضحكت
وانا مش عارف ده انها معجبة بيا ولا ايه
ودلوقتي انا 14 سنة وهيا 13 سنة
انا سافرت برا مصر وقعدت هناك اكتر من 5 شهور وهيا معرفش بقا كانت بتفكر فيا ولا لاه
وكمان انا لما رجعت وديت لاخوها شوكلاته قلت عشان انا اشوفها او هيا الي تتطلع وتاخد مني الحاجة خصوصاً لما عرفت ان اخوها في درس اخته الكبيرة طلعت قلتلها ادي دول لمحمود وهيا ادتها لاختها الي بحبها قالتله صاحبك جابلك الحاجات دي بس ومن ساعتها لما بشوفها بيبقا في المدرسة الي احنا فيها او في الشارع بس انا لما بشوفها مبتكنش هيا شيفاني او بتتكلم مع زمايلها

مشاكل وحلول ذات صلة

اضيف بتاريخ: Monday, June 12th, 2017 في 20:22

كلمات مشاكل وحلول: , , , ,

7 رد to “بحب اخت صاحبي ومش عارف شعورها”

  1. عمر أحمد
    29/07/2017 at 10:13

    إبعد عنهم دوول صعايده يطخوك يابوى

    قَـيّـم هذا الحل: Thumb up 0 Thumb down 0

  2. ظلام الحب
    15/07/2017 at 01:47

    انا حالتي الاجتماعية متيسرة وأبويا شغال في إنجلترا بس انا هخطبها انا انت 18 سنة واكلم ابويا وااقله عايز اخطب هيا هتكون 17 وهبقا انا 18 ولما اتقدملها خطوبة سنة او اتنين اشتغل وترجع اتجوزها يارب ده يحصل يارب ❤ وانا مش محتاج مساعدة كبيرة من والدي عشان انا بحب الشغل عموما

    قَـيّـم هذا الحل: Thumb up 0 Thumb down 0

  3. كريم نور
    11/07/2017 at 08:41

    لو ظروفك المادية متيسرة ووالدك هيساعدك مش لسه هتكون نفسك زي حالتنا ونتفحت ….اول ماتدخل ثانوي خلي والدك يخطبهالك علشان تضمن انها مش هتتجوز وندخل ف مرحلة مقدرش اعيش من غيرها وانتحر وةالجو دا وصلت

    قَـيّـم هذا الحل: Thumb up 1 Thumb down 0

  4. Dr
    25/06/2017 at 18:50

    ابني العزيز اعرف انك تطلب حل وليس نصيحة،،اذن فاستمع لاراء من له خبرة بالحياة،،صدقني ياابني كلنا مررنا بمامررت به،،هذه مشاعر سن مراهقة وحينماتمرالسنوات وتتذكر هذه القصة ستعلم معنى كلامي،، الحل في النسيان وان كان صعبا في البداية لكن متأكدة أنك صاحب عزيمة ،،حاول ان تشغل نفسك عن التفكير بها،داوم على حضور الصلاة في المسجد وقراءة القرآن يوميا،، حاول ألا تزور صاحبك وابتعد عنه حتى تنساها، كون صداقات جديدة واخرج معهم وانشغل معهم في الدراسة،وأخيرا أطلب من الله وأنت ساجد أن يقربك ويقرب منك كل خير ويصرفك ويصرف عنك كل شر ،ربنا يوفقك

    قَـيّـم هذا الحل: Thumb up 0 Thumb down 0

  5. مستشار مسجون
    25/06/2017 at 14:21

    خليك زي منت لتتعدى سن الـ16 او الـ 17 حتى تتأكد من شكلها لان العمر يغير خاصة بين سن 10 وبعد سن المراهقة 17 وتتأكد كمان من شعورك وشعورها ناحيتك,انا مرت بي نفس القصة وحبيت بنفس سنك لكن بعد سن الـ 17 تغير كل شيء وكل واحد منا راح لطريق اخر عن قناعة ربما لنصيبه او هواه , لكن سيبك من حكاية الاخ لا تكلمه في شيء عن اخته هذه الامور لا ينفع ان تقال الا للكبار وفي وقتها ,فقط ابق صداقتكم للصداقة وما يتكلم فيه الشباب بعيد عن اي شيء عن اخته والا سوف يزعجها او ربما يطلع احمق ويتصرف بما لا تحبه,اترك الكلام لوالدها عند الوقت المناسب الخطبة او الزواج ,

    قَـيّـم هذا الحل: Thumb up 1 Thumb down 0

  6. ظلام الحب
    16/06/2017 at 02:36

    حضرتك انا كنت طالب حل مش نصيحة وشكراً لنصيحتك وانت متعرفش يعني ايه تحب واحدة
    انت لو 10 سنين وبتحب والله لتفكر في الي بتحبه طول الوقت

    قيم هذا الحل سلباً او ايجاباً: Thumb up 5 Thumb down 1

  7. ابوالبتول
    13/06/2017 at 23:14

    شوف ياابني ده مش حب مثلما انت متصور اوتظن مجرد طيش مراهقين وانت والفتاة في مثل هالعمر مرحلة المراهقة تشعر بالاندفاع نحو الفتاة لمجرد الاستلطاف والاعجاب وليس هو الحب الحقيقي كما تظن انصحك بالاهتمام بمذاكرة دروسك والتفوق فيها وتترك عنك الحاجات دي التي تتعب اعصابك وتشغل تفكيرك وتضيع مستقبلك على الفاضي وممكن توقعك في مشاكل مع اعز اصحابك اللي هو اخو الفتاة وتخليه يخسر صداقتك وصحبتك له ربنا يهديك ويصلح حالك ويسترعليك

    قيم هذا الحل سلباً او ايجاباً: Thumb up 4 Thumb down 5

اترك رداً أو حلاً لهذه المشكلة