مشاكل العمل

ادخرت من الغربة واريد الاستثمار في مصر

السلام عليكم جميعا

ادخرت من الغربة  مائة الف جنيه   والحمد لله طوال خمس اعوام وانا متزوج ولدى بنتين   ولا ادرى كيف استثمرها كى تعود على بالرزق الحلال وكى استقر بمصر فانا تعبت فعلا من الغربه واريد الاستقرار ولكنى كل ما افكر فى مشروع  قبل ما ابتدى فيه يكون الف واحد عمل نفس المشروع وبصراحه خايف اغامر واخسر كل ما ادخرته لانى ويعلم الله تعبت جداااااااا فى ادخار هذا المبلغ بجهد وعرق بالحلال

فما رايكم اريد منكم النصيحه لان فعلا مصر اتغيرت كتير عنما كنت سايبها وكمان الناس بقو ا استغلاليين بشكل غير طبيعى وانا بنتى هتدخل المدرسة ولا بد من الاستقرار بمصر

اريد المشورة وشكراا للهتمام  واسف على الاطاله

مشاكل وحلول ذات صلة

اضيف بتاريخ: Monday, December 27th, 2010 في 01:13

كلمات مشاكل وحلول: , , , ,

26 رد to “ادخرت من الغربة واريد الاستثمار في مصر”

  1. Hany5757
    21/07/2015 at 02:56

    السلام عليكم..برغم الموضوع قديم…هل اختلف الوضع حاليا فى مصر 2015 عن الاستثمار فى مصر 2010؟؟؟ لأن الكل بيقول ان الوضع مأساوى والناس بتخسر والوضع أصبح اسوا بكثير..

  2. ابو صدام
    07/06/2015 at 02:39

    ممكن من الاخت ام ادهم الافادة اكثر علي موضوع الاراضي علي الاميل وشكرا

  3. مخلص امين
    05/10/2014 at 21:08

    والله شوف علمت ان رزقى لن ياخذه غيرى فارحت قلبى وبدنى
    اولا الاخ الفاضل =الغربه طالت قصرت ان راجع راجع بس اسالك واسال الاخوه الاى علقو كلهم على مشكلتك دى سوال == الواحد لما ينزل مصر عمره مثلا 30 32 سنه ولا لما يبقى عنده 45 50
    طبعا الجواب معرووف فرايى انك دلوقت هيبقى عندك بور وقدره تتحرك وتكافح فى مشروعك غير لما تنزل غجوز خايف من كل حاجه شعرك ابيض واى كمان ==منتا كدا كدا اكيد ممصوص دمك فى الغربه ومطلعين عينك فهم بهم

  4. ابو يوسف
    23/09/2012 at 23:52

    السلام عليكم ورحمه الهه وبركاته
    اما بعد فانا زميل لك فى الغربة وتكاد تكون مشكلتك هذة مشكلت ناس كتير وانا واحد منهم واقترح عدة حلول 1-التروى الان وعدم اخراج الفلوس من مكانها الى ان تستقر احوال البلد
    2-فكر فى عدة مشاريع وقم بمتابعتها عن قرب حتى تستقر على واحد منها وللعلم لا ينجح مشروع الا بصاحبةوعلى سبيل المثال انا عملت مشروع التاكسي قبل السفر وظللت متابع له لمدة ست اشهر كاملة وعملت بة وحققت منه شقه وبعت التاكسي لغرض السفر لتحقيق مبدا الحج لى ولاهلى الخلاصة مكانك مكان الفلوس 3-ممكن العثور على افراد فى نفس ظروفك وفى نفس طريقه تفكيرك وتجمعو الفلوس وتضععوها فى قطع اراضى مضمونة الاوراق وتستمرو فى اعمالكم الى ان تستقر الاوضاع واكيد الجنية قيمته هتزيد موش هتقل واذا عجبتكم العمليه استمرو فيها على بركه الله وليه الاراضى لانها لاتكلفكم شى وممكن تنموها بالبناء للغير او البناء والبيع انا شخصيا هعمل كدة وربنا المعين الستار وشكرا

  5. ابن مصر
    24/07/2012 at 16:43

    انا اعرف ان ردى هذا متأخر جدا ولكن احب اقول لك ان افضل مشروع ممكن تكسب منه فى مصر هو تجارة العقارات والأراضى ولكن المائة الف جنية قليلة جدا يجب مشاركة عدة افراد لإتمام هذا المشروع وهذة فكرة على سبيل المثال ممكن شراء العقارات المبنية جاهزة والتى يريد اصحايها بيعا لظروف معينة وادخال بعض التعديلات عليها وممكن رفع بعض الأدوار وبيعها تمليك او تأجيرها لمدة معينة وهذا على سبيل المثال لا الحصر وعندى افكار تانية كتير جدا والله الموفق

  6. اشرف عويان
    17/03/2011 at 05:02

    ردا على مشكلتك انا هقول لك مشروع هتاكل منه لقمة عيش كويسه افتح محل اجهزه كهربائيه فى مكان يكون على شارع واعمل سجل تجارى وبطاقه ضريبيه وتعامل مع شركات اللى هتاكل منها عيش كويس مثل توشيباالعربى احياناالاسعار بتزيد عن سعر لستة الشركه يعنى ممكن الثلاجه تلاقيها فى شارع عبدالعزيز تزيد عن الشركه حوالى 250 جنيه علشان ساعات بتبقى مش موجوده وان انت بتتعامل مع الشركه بتبقى موجوده عندك ومعظم بضاعة العربى تباع فوق اللسته اسال فى هذا الموضوع انا تاجر اجهزه كهربائيه وعارف انا بقولك ايه وتتعامل مثلا مع شركة جاك شركة فى شركات كويسه كتير تكسب منها كويس وبعدين بتديك مزايا كتير ان انت تدفع مبلغ والباقى يسدد على شهر انت ربنا يكرمك وتسييل الفلوس دي وتاجر بيهامثلا فى انابيب غاز فى الفتره دي بس برده لازم تعمل علاقات مع تجار علشان تبدل معاهم بضاعه وصدقنى مع الوقت هتفهم الشغل وتدعيلي وان شاء الله هتكسب كويس ومش هتحتاج ل سفر وبعدين فلوسك مضمونه لو عايز تسيلها فى اى وقت البضاعه اللى موجوده عندك زى ورق الدولاروالمبلغ اللي معاك هيشغلك و بعدين ممكن تجيلك حتة بضاعه من زبون من بره يكون عايز يبعها ربنا يرزقك فيها ان شاء الله وعلى العموم لو عايزاى استفسار مني ***

  7. حازم
    09/03/2011 at 13:21

    سلام عليكم
    1- الاخلاق فى مصر صعبة جدا
    2- الاسغلال رقم واحد فى العمل
    3-اذا ارد الاستثمار فعليك الحذر مع الاشخاص
    4- افضل الاستثمار فى مصر العقار الارباحه مض

  8. بحبكم فى الله
    17/01/2011 at 08:17

    اخى فى الله اقسم بالله والله على ماأقول شهيد هذه هى قصتى انا كنت بالكويت وحبيت استقر بمصر ودفعت كل ماادخرته بالغربه بمحل بالمدينه وفى وسط البلد كمان وبعد تفكير استقريت ان افتح محل ملابس جاهزة وبعد مرور عامين تقريبا المحل خسر خسائر كبيرة جدا- وهقولك الاسباب زى مأحد الاخوه شرحلك فى السابق كل يومين والتالى هتلاقى الضرائب والتموين والكهرباء ووووووو ……..الخ
    يعنى مش هيسيبوك فى حالك وفعلا ماسبونيش فحالى الا بعد ماقفلت المحل وبعدها قمت بتأجيره ثم فكرت فى العودة للغربة مره اخرى وبفضل من الله عدت واكرمنى الله ثم عدت بالمشاركة مع اخوتى اشترينا قطعة ارض بالمدن الجديده (فيه ناس بيبقى مخصصلها ارض ولاى سبب بيبيعوا الارض دى)اللى عاوز يجوز بنته واللى واللى ومش معاه فبيضطر يبيع وطبعا الاراضى دى ثمنها هين ورخيصه نوعا ما ثم قمنا بعد ذلك بمشاركة قريب لنا نثق فيه ونحسبه على خير انشاءالله وقمنا ببناء هذه الارض وبفضل الله بقت عماره بس حابب اقولك حاجه كمان انا ايضا متزوج وبانتظار اول مولود انشاء الله وبرغم كده ماسبتش الغربه لان مصر العيشه فيها نااااااااار والله وانصحك الاتترك الغربه
    واوجد لنفسك حلول بديله اعمل زيي انا بنزل على فترات قريبه مش مهم هتنزل قد ايه اجازه المهم تنزل فى فترات متقاربه لوظروف شغلك تسمح بحيث يكون فيه تواصل بينك وبين اهلك وكمان هقولك على حاجه خليك قريب من ربنا صلى وادى العبادات وحض زوجتك وبناتك على طاعة الله واداء الفرائض والعبادات لان الزمن ده صعب والمغريات اصعب وكما قال سيد الخلق(صلى الله عليه وسلم)فيما معناه انه سياتى زمن على امتى القابض على دينه كالقابض على جمرة من النار) ربنا يوفقك يااااااااااارب

  9. بروفسير2
    12/01/2011 at 22:08

    الاخ المحترم افتح محال ادوات كهربائية سلوك ولمباة الخ بس فى مدينة قريبة لك او مركز وانشا الله تمام وخوض التجربة مصر كلها خير بس جرب لانك مسيرك راجع والمشروع عينفع اولادك عياخذو خبرة ويسعدوك مستقبلا انا لم اسافرللخارج وشغال مدرس وبكرة حكاية الشحاتة <<الدروس< واشتغلت فى تجارة الخضار وكسبت منها كويس ثم غويت صيانة المحمول واتعامتها بالدراسة والبحث فى النت وفتحت محل والحمد لله افتح اى حاجة بس اقبل ماتدخل عليها مش عيب تلروح لواحد واثنين فتحين نفس المشروع بس مش من بلدك واوعى تشارك احد نهائى ممكن تخسر فى الاول بس الخسارة دى هى الا بتعرفك الصح والخطا فى مشروعك لانك لو فضلت طول عمرك برة عتيجى فى الاخر تجلس عاطل ونفسيتك عتتعب اسمع نصيحتى لكن اوعى تدخل بكل فلوسك اركن نصة بعيد والا يقولك دا مبلغ بسيط متصدقوش انا عمات مشروعى ب3000 والحمد لله بكسب كويس بس حب الشى وكون امين مع الناس

  10. صاحب المشكله
    11/01/2011 at 17:12

    اشكركم جميعا على ردودكم واهتمامكم بمشكلتى
    وبتمنى من((( ام ادهم)))))

    توضحلى اكثر عن تجربتها فى مدينة السادات وكمان تقولى يعنى ايش الثالثة عشر ..
    وكمان ثمن نصف القطعه من 70 الى 80 الف حسب موقعها دة كل ثمنها ام باقى عليها اقساط عاوز اعرف ثمنها الكلى

    ام انك تقصدين انى ممكن اقسط المبلغ دة

    وشاكر لاهتمامكم جميعا

  11. رضا
    10/01/2011 at 16:42

    وصلك يا اخي عشرات الاقتراحات -وما خاب من استشار- وراي انا:1-انك تشتري ارض وتبنيها زي ما قالولك في مدينة السادات 2-وبجانب ذلك تشتغل في مجالك وهو الكهرباء. ابدأ بحاجه وبعدين التانيه وما تحطشي بيضك في سله واحده وربنا معك

  12. فؤاد
    07/01/2011 at 09:58

    انصحك يااحى بانك ترجع البلد الى عملت فيها المبلغ ده فى 5سنوات لانك مش هاتعمل نصفه هنا
    لوحتى مشيت على دماغك

  13. haram
    03/01/2011 at 12:20

    السلام عليكم ورحمة الله وبركاته
    المشروعات المستقبلية تجدها في نماذج الطاقة البديلة بسبب تغيير المناخ يعني تعمل أجهزة لا تعتمد على الوقود الأحفورى (البترول) مثل خلايا الهيدروجين والطاقة الشمسية .
    والكيمية الحيوية للزراعة بسبب سرطنة المحاصيل يعني تزرع محاصيل طبيعية بدون كيماويات في ارض لم يمسها الكيماوي بعد.
    وتحلية مياه البحار بسبب نقص المياه القادم – ومشروع ذي ده يصلح في السعودية
    وفقك الله الى ما يحب ويرضى – وما ينفع الناس يمكث في الأرض أخيك محمد

  14. هانى
    03/01/2011 at 10:58

    الى الاستاذ اللى عاوز يعمل مشروع بمصر
    انا من بركة السبع نفس البلد اللى انتة منهاانا رايى الشخصى اشترى ارض زراعية واستثمر فيها فلوسك
    هية مش هتنقل بسرعة بس هتكسب
    لان الفلوس اللى معاك مش هتعرف تاخد قيراط اللى ربع تبنية حتة
    او ممكن تشترى تكتك وطبعا كام تكتك وتشغل حد علية او ممكن تشترى لودر وتاجرة فى جباسة
    هيجيب دخل كويس
    او اشترى شقة بالمساكن وتاجر فيها انا بعمل كدة انا من بلدك ومقيم بالكويت وشغال مدير فرع بكنتاكى بس حاول لان الغربة مش جيبة همها وحاول تعمل حاجة الحاجة كل يوم بتغلة عن اليوم اللى قبلة

  15. أحمد
    31/12/2010 at 18:34

    هون عليك شويه وعايزك تتأكد إن لا حيلة فى الرزق ولا شفاعة فى الموت أنا كنت زايك فى الغربه وكمان فى الرياض كل اللى عملته إنى إتجوزت فى شقه إيجار قديم مش هخبى عليك كنت خايف موت من موضوع الرزق ده وبصراحه مرت عليه أيام صعبه بس بفضل الله ربنا من عليه وأشتغلت وربنا رزقنى أحسن ما كنت فى السعوديه. المقصود يا أخى العزيز لو عشت فى مصر رزقك هتأخده هتأخده لا محاله خلى عندك إيمان بربنا وبموضوع الرزق ده وتوكل على الله. وبالنسبه لموضوع إنك تعمل مشروع ده شىء كويس بس الصح إنك تعمل حاجه تكون بتفهم فيها وتديرها بنفسك وأعرف إن الرزق كاالموت يدركك أينما كنت خليك فى بلدك ومع عيالك أحسن. أتمنى لك التوفيق إنت وكل إخوانا المصرييين فى الخارج.

  16. أم أدهم
    30/12/2010 at 08:20

    أخى الكريم عندى حل مضمون لفلوسك
    وعن تجربة
    فىعلى فكرة أنا من المنوفية ومقيمة بدول الخليج و100 ألف جنية شوية فى وقتنا هذا لكن لا بأس بها تقدر تنميها وربنا هيرزقك برزق بناتك
    عندنا فى مدينة السادات بالمنوفية اسأل عنها لو تعرفها مناطق بتتباع بسرعة رهيبة ما شاء الله تقدر تاخد نصف قطعة بالتحديد علشان ما أغلبك الثالثة عشر مساحة القطعة كلها 540 والنص 270 تقريباً ممكن 75000 أو 80 ألف على حسب مميزاتها وطبعاً فى عليها أقساط
    لكن اللى بتعملة بتشتريها وترمي فيها شويه أساسات ممكن نقول 40 ألف مثلاً وتحسب اللى صرفته + قيمة الأرض وتعرضها للبيع يعنى زي ما تقول مقاول صغير اصرف عليها واعرض للبيع هتلائي مكسب على الأقل 5 آلاف والقطعة مش هتقعد معاك أكثر من 30 الى 50 يوم يعنى أحسن من الغربة
    وعلى فكرة هناك البيع بيتم عن طريق الشهر العقاري بالتعامل مع جهاز المدينة وهى مدينة نشطة جداً لا يغرك انها عندنا بالمنوفية وبالنسبة لبعدها عن بركة السبع معلش هتتعب شوية لكن واللهى هتلاقي مقابل والمباني هناك مش لازم تكون متواجد زي عندنا بالقري لأن البناء بيتم تحت اشراف مهندسين اشراف ورقابة شديدة جداً
    وأنا كنت هناك الصيف دة وعملت كدة وربنا معاك أحسن شيئ تاجر فى المضمون الى من توصل لمبلغ أكبر ابدء اعمل نشاط ثاني مثل محل ملابس زي ما تفضلو الاخوان بالنصيحة أو تاكسى يجيب لك عائد يومي أو شهري بجانب شي مضمون
    وربنا معاك والله على ما أقول شهيد .

  17. إسلام
    30/12/2010 at 02:31

    أخى فى الله
    أنصحك إنك لو بتعرف تسوق إعمل رخصه مهنيه واشترى تاكسى واشتغل به والله مربح جدا أنا عن نفسى محامى واشتريت تاكسى وشغلته فى القاهرة باعتبار إنى من القاهرة والله ما شاء الله على رحه
    وكمان لو مش عايز تشتغل سواق مممكن تأجره ورديتين ب 120 جنيه فى اليوم
    وممكن تضرب عصفورين بحجر
    إنك تشترى 2 تاكسى موديل 1995 مثلا وتأجرهم الإتنين ب 180 أو 200 فى اليوم والتاكسيين دول هيعملوا حوالى 90 ألف جنيه وهتكون حالتهم كويسه خالص شوف وقرر وانا تحت أمرك لو محتاج منى مشورة
    وربنا يباركلك فى مالك

  18. rasha
    29/12/2010 at 19:09

    بما انك تعرف فى الكهرباء ليه متفتحش مكتب او محل للتشطيبات الكهربائيه للشقق فى اى مدينه من المدن الجديده زى ابنى بيتك المناطق الى تحت الانشاء والتشطيب ولما يخلص فيها الشغل شوف مدينه او كمبود من الى بيتعملو جداد وتشغل ناس تحت اديك من عمال وسباكه يعنى تاخدها مقاوله

  19. حبيبة الرحمن
    29/12/2010 at 16:35

    ابو البنات انا حبيت اشكر حضرتك علي زوق حضرتك في حل مشكلتي يابو البنات ربي يستر غربتك ويردك سالم غانم لبلدك ويستر عليك ويبارك في بناتك ويرزقك ب10 اولاد عليهم امين يارب

  20. حبيبة الرحمن
    28/12/2010 at 18:55

    استثمر فلوسك في مكان داخل المحافظه مش في قريه وبالليل ابقه روح البيت بس والله الملابس مشروع مضمون بتشتري القطعه من مصر من مصانع ب 100 وعلي مابتبعها بتوصل 150

  21. انا صاحب المشكله
    28/12/2010 at 07:41

    اشكركم جميعا على ردودكم واهتمامكم لكن
    مخدتش عقاد نافع الاخ سامى عبد الله رايه لالالا بيقول ان عليه العوض فى مصر

    والاخ ميمد متفاءل وربنا يكرمه بس فيه فرق ان العقارات محتاجه مبلغ اكبر من اللى معايه وبصراحه ممكن كمان اتصرف فى خمسين الف ببيع ذهب وهكذا ولكن

    الاخت حبيبة الرحمن واثق جدا فى رئيها عاوزة تقول لا تضع كل البيض فى سلة واحدة واتفق معها

    اما الاخ حبيب الرحمن ما شاء الله اتى بفكرة 173 مشروع وهو عنده حق لانى لم اذكر انا بشتغل فى ايه او بفهم فى ايه

    واحب اوضح عشان بجد محتاج المساعدة
    فى الاول انا مازلت فى الغربه بالتحديد فى الرياض
    ولا انكر انى اعيش ببزخ هنا واعلم انى غلطان انا خريج تجارة وكان عندى بمصر محل بيع ادوات كهربائيه استمر لمدة خمس سنوات واشتغلت كهربائى فى مصر واجيد الصنعه تماما وهنا اتعلمت شغل انذار الحريق واشتغلت محاسب ومندوب مشتروات وعملت مؤسسه مقاولات صغيرة انا وصديق مهندس لى هناهو المستثمر مش انا كنت فيها العامل والسواق والمحاسب والمشتروات والفنى والمهندس كنت كل شى امتاز باللباقه والحمد لله فى الاول كان الحال تمام و استمرينا سنتين لكن الكل يعلم الضربه الاقتصاديه وبصراحه بقالنا سنتين نصرف نحن على المؤسسه من ايجار وزكاة ووووو والشغل المطروح بسعر التكلفه مش فيه اى ربح لا يوجد اى خلاف بيننا والحمد لله ولما بدءنا نسحب من رصيدنا للصرف على المؤسسه قرر حين ذاك ان يشتغل بالراتب فى شركه اخرى كى يعيش وماشاء الله هو زو خبرة بالتالى راتب كويس ربنا يزيدة اما انا فرواتب المحاسب لا تتخطى الفين او ثلاثه بالكثير اى انهم مصاريفى هنا ومصاريف البيت فى مصر

    اذن هى غربه بلا داعى غربه للاكل والشرب تبقى قلتها احسن ولا ايش رايكم

    احب ان اضيف انى من مدينة بركة السبع منوفيه وهى ليست بالمدينه الصناعيه او التجاريه بالقدر الكافى

    اسف جدااااا على الاطاله واشكركم جميعا

  22. ربنا معاك
    27/12/2010 at 21:42

    انت لازم تستثمر فى شى مضمون هو الشى المضمون انك تفتح مطعم بس لازم تهتم بيه

  23. حبيبة الرحمن
    27/12/2010 at 12:55

    ممكن تفتح سوبر ماركت في مكان كويس وتشغله علي فترتين وممكن تفتح محل ملابس في سنتر او مول ويبقه معاك شريك بالنصف ونصيحه عمو ماتستثمر فلوسك كلها وقبل اي شي استخير ربك في اي شي تعمله

  24. memd
    27/12/2010 at 12:47

    اخى العزيز
    انى كنت فى الغربه مثلك والحمد لله وفقنى ربنا بعد عودتى فى مصر ودخلت فى مجال العقارات والاحذية والمد لله بتوفيق ربنا تمام ولكن كل شى يحتاج الى مغامرة منك لنك انت تفكر فى الخسارة قبل المكسب وهذا من الخطاء السائد بين الناس وضعف ثقه ولكن اقوال لك الحل اولا اذا كنت تريد عمل مشروع ابدا صغير واقصد لا تغمر بكل ما معك يعنى ممكن النصف وتدع فى حساباتك عدة اشياء منها المكان والنشاط وتعاملك مع الاخرين يعنى المكان يتوقف على اختيارمكن عمل المشروع فى اى منطقه وهل يوجد نفس النشاط ام لا وهل هل نشاطق الذى سوف تمارسه يلقى اقبال فى المنطقه ام لا من حيث افسر لك يعنى عند عمل مل ملابس فى منطقة شعبيه لازم اجيب ملابس شعبيه تتماشى مع المنطقة فى الالونواالسعر وهاكذ استمر والله يوقق

  25. الحبيب للرحمن
    27/12/2010 at 09:12

    عزيزى من الواضح ان هذا المبلغ هو ثروتك فى الحياه

    بس ياريت ترد علينا وتقولنا اى الاشياء التى انت تجيد الاستثمار بها
    هل لك خبرة فى التجارة الزراعه مواد البناء

    المكان الذى انت فيه طبيعته مدينة ام قرية
    غير كده انا جبت ليك افكار عن مشروعات كتيرة جدا شوف اللى يناسبك واعمله

    أفكار واقتراحات لمشروعات

    1) سمسرة تسويق أراضي عقارية
    2) صناعة الصابون السائل ”
    3) صناعة الشامبو ”
    4) صناعة مساحيق غسيل ومنظفات
    5) مكتب كمبيوتر (كتابة رسائل )
    6) شركة تصميم برامج للكمبيوتر
    7) شركة تصميم مواقع على الانترنت
    8) توزيع خطوط DSL للانترنت ( لصالح شركات الانترنت)
    9) بيع إكسسوارات كمبيوتر
    10) بيع ها رد وير ( أجهزة كمبيوتر)
    11) مكتب توريدات ( أجهزة كمبيوتر “شاشات كمبيوتر “شاشات LCD “أجهزة laptop “”printer”)
    12) مكتب توريدات عامة “أدوات مكتبية وكتابية ”
    13) مكتبة كتب
    14) مكتبة أدوات كتابية
    15) صيانة سوفت وير للكمبيوتر
    16) صيانة ها رد وير للكمبيوتر
    17) بيع إكسسوارات موبايل
    18) بيع أجهزة موبايل
    19) صيانة سوفت وير للموبايل
    20) صيانة ها رد وير للموبايل
    21) مطبخ عربي( إعداد وجبات )
    22) مطبخ ( إعداد حلوبات )
    23) مكتب ديكور ( منزلي ,مسرحي ,سينمائي )
    24) صناعة انتيكات “علب هدايا ” علب مجوهرات ” براويز حائطية او مكتبيه
    25) محل زهور وهدايا
    26) حضانة أطفال
    27) ارض أو محل لبيع وتأجير السيارات المستعملة
    28) شركة سياحة بسيطة ( رحلات داخلية للمدارس والجامعات والسائحين )
    29) شركة رحلات ( استقبال السائحين وإعداد رحلات )
    30) استغلال شقة لتأجيرها مفروشة للسائحين أو غيرهم
    31) توكيل مواد غذائية
    32) توكيل أدوية
    33) مكتب تليفون دولي وفاكس
    34) سنترال تليفون
    35) مصنع روائح “عطور ” ومستحضرات تجميل
    36) صالة جمينازيوم ( ألعاب رياضية ) سونا وبخار
    37) حمام بلدي (رجالي وحريمي )
    38) توكيل مصنع جلود ( توزيع وتسويق )
    39) توكيل مصنع ملابس ( توزيع وتسويق )
    40) شراء ملابس مستوردة وبيعها بالجملة
    41) مصنع جلود ( دباغة )
    42) مشغل خياطة
    43) مصنع ملابس
    44) مصنع أحذية
    45) مصنع شنط حريمي
    46) مصنع شنط مدرسية
    47) مصنع شنط رجالي (أطباء ” محامين ” مهندسين )
    48) مكتب تصدير واستيراد
    49) صناعة مفروشات
    50) صناعة تريكو ( ملابس صوف )
    51) محل فول وطعمية
    52) محل مواد غذائية
    53) محل ألبان وصناعة الاجبان
    54) فرن عيش بلدي وملحقاته
    55) ارض أو مكان لتربية الحيوانات والطيور( لحساب الغير )
    56) مشروع عش الغراب ( شقة أو غرفة )
    57) تأليف وكتابة مؤلفات وكتب
    58) طباعة كتب “أجندات ” إعلانات ” نتائج” كروت ” دعاوى أفراح
    59) تمويل أفكار أو أبحاث أو ابتكارات علمية حتى يتم إنتاجها وبيعها
    60) ورشة لصناعة وتطوير ماكينة السيارة تعمل بدون وقود
    61) ورشة لصناعة وتطوير سمكرة السيارات عن طريق ماكينة آلية متطورة
    62) قطع غيار مستعملة للسيارات
    63) تصليح السيارات المستعملة وبيعها
    64) قطع غيار جديد للسيارات
    65) إكسسوارات للسيارات
    66) صناعة الكشاكيل الورق والأجندات
    67) صناعة الكشاكيل وتركيب السلك الذي يركب به ( ماكينة للسلك مختصة بذلك )
    68) مشروع إعادة وتصنيع الخامات من الزبالة وإعادة بيعها للمصانع المختصة (كرتون ” زجاجات المياه الفارغة ” البطرمانات “الجلود ” المسامير ” المعادن )
    69) مستودع أنابيب بوتاجاز
    70) مصنع بلاستيك( أكياس , شنط )
    71) مكتب تصميم دعاية وإعلان
    72) مكتب تنظيم مؤتمرات
    73) مكتب تنظيم معارض
    74) تركيب وتصميم اليافطات الإعلانية
    75) صناعة وزخرفة بالنحاس
    76) مصنع زجاج صناعة أكواب ” وأدوات منزلية
    77) مصنع زجاج ( زجاج سيارات )
    78) استخدام كسر الزجاج ( لعمل وجهة منزل , عمارة , أرضيات , حوائط , إشكال فنية ,)
    79) مصنع سيراميك
    80) مصنع فخار
    81) ورشة نجارة مبسطة ( لعمل انتريهات , كراسي , موبيليات )
    82) العلاج بالحجامة النبوية
    83) العلاج بالأعشاب
    84) تعبئة ( سكر , أرز , دقيق )
    85) تعبئة زيت
    86) تعبئة كريمات وبدرة ,ومراهم
    87) عصر وتعبئة زيت الزيتون
    88) صناعة مواد تجميل وحماية البشرة
    89) صناعة المناديل
    90) صناعة الورق
    91) مصنع كارتون
    92) صناعة الأدوات المنزلية البلاستيك ( الأطباق ,الأكواب )
    93) صناعة الفوم
    94) صناعة الفيبر جلاس ( لصناعة العوازل الحائطية والأرضية )
    95) مكتب استشارات هندسية
    96) شركة مقاولات بناء
    97) شركة مقاولات طرق
    98) شركة مقاولات أدوات صحية ( سباكة )
    99) استخدام الجبس لعمل إشكال هندسية وزخرفة
    100) استخدام الطين الأسواني لعمل إشكال هندسية وزخرفة
    101) مصنع شرا بات رجالي
    102) مصنع شربات حريمي
    103) مصنع غياران داخلية
    104) صناعة ألعاب بالريموت كنترول
    105) مصنع أقلام رصاص
    106) مصنع أقلام جاف
    107) استخدام الريموت كنترول لفتح الأبواب
    108) تركيب وتوريد أجهزة إنذار للحريق والاختراق الاليكتروني للأبواب
    109) ارض فضاء لمحطة بنزين
    110) ورشة لتشكيل الذهب والفضة والإكسسوارات
    111) محل ذهب
    112) محل فضيات
    113) محل إكسسوارات حريمي
    114) ورشة صيانة(ثلاجات وغسالات وبوتاجازات ) وبيع( تجميع عناصر الخبرة اهؤلاء في مكان واحد
    115) ورشة صيانة تليفزيونات وتليفونات
    116) صناعة مطابخ خشب
    117) صناعة مطابخ الوميتال
    118) صناعة أثاث مكاتب وشركات
    119) صناعة مكتبة كتب
    120) صناعة مكتبة تليفزيون
    121) صناعة سجاد آلي
    122) صناعة سجاد يدوي
    123) صناعة مواسير مياة أو صرف صحي من البلاستيك المقوي
    124) صناعة إكسسوارات الغسالات والبوتاجازات
    125) صناعة أجزاء من مواتير
    126) مصنع صلب ومعادن ( مسامير …
    127) مصنع أوكر أبواب وشبابيك
    128) ورشة حديد ( لصناعة الأبواب الحديد ,والشانونات المكتبية ,والكراسي المعدن …..)
    129) صناعة نبات الزينة والزهور البلاستيك
    130) صناعة أحواض السمك
    131) صناعة واستخدام عوازل للرطوبة في الأرضيات والحوائط
    132) مصنع مراتب ومخدات
    133) مصنع ملايات ومفارش
    134) مصنع بلاستيك ( عبوات صغيرة , زجاج.جراكن……)
    135) مصنع أسقف صناعية ( من الفلين أو البلاستيك ….)
    136) استخدام الخوص وسعف النخيل في (الكراسي والترابيزات, وأحواض الزهور الطبيعية…..)
    137) صناعة أقفاص للفاكهة والخضروات
    138) استغلال ارض فضاء لتجمع البائعين في مختلف المنتجات فيها لقاء عمولة .
    139) شركة امن وحراسة
    140) شركة خدمات ( امن ,نظافة ,مربية )
    141) صناعة أحبار البرنتر والطابعات
    142) مكتب محاسبة
    143) الرسم على الزجاج
    144) صناعة الأظرف والجوابان
    145) صناعة تربيزات الطاولة والبلياردو
    146) صناعة الصواني الفضة والمعدن والنحاس
    147) صناعة شنابر النظارات
    148) صناعة عدسات النظارات
    149) صناعة أسنان صناعية ( للإنسان , والحيوان )
    150) طباعة أي فكر على الكمبيوتر ومن ثم بيعه
    151) مركز غطس
    152) مؤسسة قانونية ( لإقامة دعاوى التعويضات على الحكومة للضرر )
    153) صناعة أعلاف الحيوانات
    154) صناعة السماد البلدي( السباخ )
    155) شراء قناة فضائية للتسويق للمصانع والشركات مع التنسيق والتوفيق بين المصدر والمستورد مع ضمان الدفع والتسليم )
    156) صناعة شكائر الأرز والسكر والدقيق
    157) صناعة الاحبال
    158) صناعة الخزنة الحديدية الاليكترونية
    159) مشروع كسارة الثلج
    160) شركة توظيف عمالة بالخارج
    161)ماكينة تفتيت ورق وكبس
    162) ماكينة علاج قش الأرز
    163) مشتل نباتات زينة وفاكهة
    164) سيارة متنقلة لإعداد الوجبات السريعة والجاهزة
    165) شركة تخليص جمركي
    166) شركة شحن بري (داخلي وخارجي )
    167) مشروع حلاق متنقل او محل حلاقه
    168) توزيع كرسي على شكل دبدوب
    169) مشروع تدفئة النازل عن طريق الغاز الطبيعي
    170) مشروع تدفئة المنزل عن طريق بخار الماء
    171) مشروع تدفئة و إنارة للمنزل عن طريق السخانات الشمسية
    172) مشروع إنارة المنزل عن طريق غرفة الاحتراق المركزي
    173) مصنع كبريت

  26. سامي عبدالله
    27/12/2010 at 07:27

    السلام عليكم يا أخي نصيحتي لك متعملش أي مشروع بمصر وأنا حكلمك عن تجربة فقد تركت الغربة ونزلت لكي استقر وعملت مشروع كمبيوتر بمصر وكل اللي عملته جهازين كمبيوتر للتعليم والتدريب طبعاً رفضوا يدوني رخصة تعليم وتدريب عملت الترخيص صيانة كمبيوتر واشتريت ماكينة تصوير والكلام دا في قرية ومع ذلك كل يوم والتاني جاي واحد يرمي بلاه عليك ضرايب – مياه – نور – مباحث أموال العامة – تأمينات اجتماعية – مباحث التليفونات اقسم لك بالله هذا الكلام حدث معي بل حدث أكثر من ذلك وأنا مش عايز أسرد قصتي كلها لأنها محزنة للغاية وأنا خريج معهد تجاري وليس لدي وظيفة بمصر – مثلي مثل شباب كثير يعيش مأساة حقيقة – يعني ولا الدولة موفرة لك وظيفة ولا هم يخلوك تشتغل وتكسب لقمة عيشك طبعاً في الآخر أنا بعت مركز الكمبيوتر اللي عملته بعته بخسارة وكان فيه صديق لي في نفس البلد اللي كنت بشتغل فيه بلدي عربي أرسل لي زيارة ومن الزيارة عملت إقامة مرة ثانية ورجعت للغربة أرحم وأفضل وأنصحك لو عايز تعمل شي وأنت لسه في الغربة حاول تعمل أي مشروع في البلد اللي أنت بتشتغل فيه يعني بقالة أو محل طباعة وتصوير أو اي شيئ أنت تفهم فيه أقلها محدش حيسألك عن ضرايب ولا تأمينات ولا فلوس زبالة ولا عايز رشوة عشان يسيبك في حالك حقولك حاجة حلوة أوي أنا لما كنت فاتح مركز الكمبيوتر جاني واحد من مباحث التلفونات وسألني (التلفون دا تجاري ولا منزلي) قلت له يا أخي ازاي حعمل التلفون منزلي وانا في محل تجاري طبعاً مصدقش اتصل على السنترال الرئيسي والبنت الموظفة قال له تجاري وعشان البيه أنا مدتلوش عشرة جنيه راح عملي قضية أني ببيع مكالمات بدون ترخيص واقسم لك بالله هو نفسه من قبل أن اعرف انه مباحث تلفونات طلب يتصل من التلفون وأنا رفضت وقلت له التلفون دا للشغل ومفيش حد بيتصل من هنا ولو عايز تتصل روح في الشارع فيه محل اتصال وبرغم من كل دا عمل لي قضية وحكمت علي المحكمة بغرامة عشرة جنيهات لاني ببيع مكالمات من غير ترخيص. احنا مش حنتقدم ولا خطوة طول ما فيه ناس كدا الدول كلها اتقدمت واحنا حنفضل زي ما احنا – الدول اللي كانت ورانا بكتير سبقتنا بمراحل كبيرة – طول ما فيه حرامية مش حنتقدم – طول ما فيه فساد مش حنتقدم – طول ما فيه احتكار مش حنتقدم – طول ما فيه ناس مش بتخاف على البلد مش حنتقدم – طول ما فيه ان القانون يطبق على ناس وناس لا يطبق عليها القانون مش حنتقدم – طول .. طول … ، علماؤنا اللي في الخارج أمثال ( الدكتور زويل – مصطفى السيد – عصام حجي وغيرهم الكثير ) اللي بنفخر بهم ليه نجحوا وعملوا إنجازات كبيرة تتحدث الدنيا عنها لاني الداخل فاشل – الداخل مفقود والخارج مولود .. يا عيني عليك يا مصر – يا أم الدنيا يا اللي علمتي الدنيا الحضارة والتقدم – وبرغم كل دا انا بعشق مصر – بعشق تراب بلدي – لاني الرسول صلى الله عليه وسلم علمنا حب الأوطان وليس خيانة الأوطان وليس التجسس على الاوطان – بلادي وان جارت علي عزيزة – ومصر حتفضل غالية عليا … مصر حتفضل غالية عليا … أخيرا أحب أن أقول لك لو أنت لسه في الغربة أعمل أي مشروع عندك لو أنت نزلت مصر واستقريت حاول تشتغل في العقارات ولو اني المبلغ اللي معاك قليل بالنسبة للعقارات ولكن أنا باعتبر أني التجارة والعمل في العقارات كويس ومربح جداً ودا لأني دارس وبيقولوا علي عقليتي تجارية – بس دا يمكن أحسن وأفضل حاجة أنك تشتري حتة أرض وتنتظر عليها وبعدين تبيعها وهكذا وأنشا الله ربنا حيكرمك. وشكرا وسامحوني إذا طولت عليكم http://mashakel.masreat.com/مشاكل-العمل-6/

اترك رداً أو حلاً لهذه المشكلة