مشاكل حب المراهقة

احببته بكذبه والان الله يعاقبني بذكراه

مساء الخير
صحيح المشكلة متصنفة في حب المراهقة بس إنسوا اني بنسبالكم طفلة وركزوا علي الموضوع لو سمحت
وبدون سباب وهمجية انا عايزة اسمع حلول مش نفور
انا عندي 16 سنة .. من ثلاث سنوات كنت اعرف بنت عن طريق الفيس بوك تكبرني ب سنتين كنا صحاب جدا وبحبها جدا وكان عندي ايميل تاني هي متعرفهوس بس مش عشان حاجة.. وقتها كان عندي كذا ايميل فيس بوك.
المهم هي بنسبالي كانت جميلة جدا وانا مكنتش بنزل صوري علي الفيس.. في ولد كان عايز يعرفني وعايز يشوفني فا اخدت صورها وحطيتها علي الايميل التاني وصارت هي انا وبقيت انا شخصية تانية .. والولد اللي كان عايز يشوفني مع الوقت قربنا لبعض جدا وبقينا صحاب لحد ماحبني .. وقسما بربي ماكنت عايزة ادخل ف علاقه ‏fake‏ من غير ما اظهر نفسي الحقيقة بس دخلتها وحبيته جدا لدرجه اني نسيت الكدبه.. كنت كل ليلة اقول بكرة تتعدل واخلق مبررات واحلام ملهاش فايدة الا انها بتديني جرعة امل واستمرار في كدبه بس.
قعدت معاه سنتين كانت اجمل سنتين في حياتنا والله .. كلمت مامته وهو عرف اهله بيا وكل حاجة كانت تمام بس لان اللي مبني علي كدبه مش بيستمر كل حاجة اتعرفت وهو اتضايق مني.. انا مش زعلانة من اللي عمله.. حقه! اي حد حتي لو انا كنا عملنا اللي هو عمله واكتر كمان
هو وقتها مكنش مفهوم.. كان فترة يقولي سامحتك وفترة يشتمني ويضايقني وفترة يتجاهلني وفضلنا علي كده فترة .. المفروض كان عدي وقت مفيش كلام بنا لحد ماجه فمرة قلي انا ارتبط ببنت اسمها (علي اسم البنت اللي اخدت صورها تقريبا ومن نفس بلدها)قولتله مبروك ويارب تعوضك خير عني.. والكلام انقطع من وقتها
انا عارفه اني غلطانة وعارفه اني لو كنت نزلت صورتي مكنش حصل كل ده وكان عرفني بشخصيتي انا.. والله كان جدع وراجل جدا معاية عمري انا وهو ماكنا تافهين وديما بنفكر بشكل افضل واحسن واكبر من سننا كتير
الموضوع يعتبر منهي لو مكنش اكيد منهي انا حتي مش عارفه بكتب ليه!
بس انا لسه فكراه هو مكنش يستاهل مني كده ابدا
اعمل ايه عشان يسامحني ! انا كلمته مرة وفهمته اللي مريت بيه ده كله بس حاله الاضطراب كانت مسيطرة عليه اكتر مني او من اي حاجة وقتها .. انا فعلا مش عارفه بكتب ليه دلوقتي بس هو يمكن يقرأ لي او يتصل.. هكون مبسوطة !
اعمل ايه عشان يسامحني وانسي اني اذيت حد.. عمري ما اذيت حد غيره

مشاكل وحلول ذات صلة

اضيف بتاريخ: Sunday, April 16th, 2017 في 18:20

كلمات مشاكل وحلول: , , , ,

4 رد to “احببته بكذبه والان الله يعاقبني بذكراه”

  1. الانسان الطيب
    04/05/2017 at 02:41

    ده واجب علينا أختي العزيزة وفقنا الله واياكي يارب

  2. آية سليم
    01/05/2017 at 16:44

    اهلا ابو بتول
    انا صاحبه المشكله
    انا لست مخادعه او كادبه انت تحاول ان تدعيني للهداية وانت تسبني!
    ماهذا التناقض ؟
    حتي وان كنت مخادعه فايعلم الله ان كل ماحدث لم اكن اتمني ان يصل الي هذا الحد..
    ويعلم الله اني حاولت مرار وتكرار إيقاف هذا الموضوع
    علي كل حال شكرا لك

    مرحبا اخي الانسان الطيب
    شكرا لك جدا علي كلامك الجميل هداني الله واياكم <3

  3. الانسان الطيب
    21/04/2017 at 08:54

    أختي الصغيرة ……..
    هو درس واتمنى تكوني اتعلمتي منه !!!
    أنا عايز بس أقولك حاجة
    انتي ترضي لو انتي مكان البنت ديه واحدة تاخد صورك وتوريها للشاب وتعد فترة كبيرة كدة ضاحكة على الشاب بالشكل ده !!!
    حاجة تانية : هقولك اتخيلي الشاب ده أخوكي وبنت عملت نفس القصة اللي انتي عملتيها معاها ،،، هترضي بالطريقة ديه !!!
    راجعي نفسك ومتحاوليش تغلطي الغلطة ديه تاني ،،، وعايز أقولك هتعدي عليكي الأيام وهتفتكري اللي انتي عملتيه ويمكن تضحكي كمان
    بصي :-
    الانسان اللي بيحب ، بيحب الواحدة بطبعها بشكلها بكل حاجة فيها ، صدقيني ما في انسان أبدا في الحياة يحب واحدة تصطنع عليه شخصية تانية !!!!
    عايز أقولك
    متخليش حياتك تضطرب كملي دراستك ذاكري كويس اهتمي بنفسك من جميع مجالات الحياة ، انتي لسة صغيرة وما زال أمامك العمر وعلى فكرة انا مش بقول كدة استقلال بيكي ، لكن ديه حقيقة ولازم تهتمي بنفسك وبدراستك قبل ما ييجي اليوم اللي هتندمي فيه وتقولي ملقتش الحد اللي ينصحني !!!
    بس كدة
    وفقك الله لما فيه كل خير يارب
    وشكراً

  4. ابوالبتول
    17/04/2017 at 09:19

    شوفي يابنت الناس تصرفك مع الشاب من البداية غلط مليون مرة وحرام شرعا لايجوز ان الفتاة تحاول التعرف اوالتكلم مع شاب غريب عنها سوا بالموبايل اوعبر وسائل التواصل الاخرى مهما كانت الظروف وكمان ضحتكي عليه ووضعت صورة صديقتك الاخرى على انها انتي وده غش وخداع منك للشاب واستغلال لصديقتك وخيانة للصداقة اللي بينك وبينها والان الشاب عرف الحقيقة وكرهك وده المفروض يعلمه اواي احد مكانه لانك طلعت فتاة كاذبة ومخادعة وغير جديرة بالاحترام خلاص كل شي انتهى اتركي الشاب في حاله وتعلم مماحصل لك واياك والرجوع للاتصال به اومحاولة تجميل صورتك امامه اوخلق الاعذار لمافعلت به لاجل ماتجلبي لنفسك المزيد من المتاعب وقد تصل الى الاساءة لك اوالقدح في شرفك وكرامتك وتربية الاهل لك والله يسترعليك ويصلح حالك وكل بنات المسلمين اجمعين

اترك رداً أو حلاً لهذه المشكلة