مشاكل حب المراهقة

بحب واحد وهو بيحبنى بس مش عايز يعلقنى

انا سنى 16 سنه بحب واحد بس وهو كمان بيحبنى بس عايز يبعد عنى عشان ميعلقنيش بيه وهو قدى وقدامه لسه كتير عبقال ما يخطب وانا بحبه قوى ومش قادره ابعد عنه وكل منكلمش بعض ارجع انا واكلمه وكل مانسيب بعض بنرجع تانى ازاى مش عارفه بس هو غير كل الشباب مختلف فى كل حاجه وهو مش فى بلدى ومش بعرف اشوفه وبيوحشننى قوى قوى مش عارفه اعمل ايه بحبه ومش قادره اسيبه وهو عنيد جداا جداا وبينسى بسرعه وعرف بنات كتير وكل البنات عايزه تكلمه عشان هو قمر ومش عارفه انساه ولا افضل احبه وانا اللى برجع اكلمه ممكن حل

مشاكل وحلول ذات صلة

اضيف بتاريخ: Friday, July 22nd, 2011 في 12:58

كلمات مشاكل وحلول: , ,

32 رد to “بحب واحد وهو بيحبنى بس مش عايز يعلقنى”

  1. bosy
    25/06/2013 at 08:29

    كل اللى اقدر اقولهولك ان اللي عايز حاجه هيوصلها مهما كان المانع او السبب ابعدى و هو لو بيحبك بجد هايوصلك

    حل مناسب حسب التصويت. وانت ما هو رأيك? Thumb up 14 Thumb down 0

  2. jehad
    21/02/2013 at 06:08

    عفكرة هاد الولد سوري رح يكون وانا متاكد بحب قلك نصيحه مع احترامي لكل بنات مصر بس ما في سوري رح يقبل بمصريه وانا سوري مع انو

    قيم هذا الحل سلباً او ايجاباً: Thumb up 2 Thumb down 7

  3. amany
    04/02/2013 at 03:56

    بصى انا اصغر منك وحاسة بمشكلتك وعآيزة اقولك ان جيلنا دة بيعانى من نفس المشكلة دى لاننا فمرحلة مراهقة وان كل دة بيتغير ، وبالعكس ساعات بيكون فى علاقات بتنتهى بخطوبة او زواج . اى حد فسننا دة بيحب وبيقول كلام ميتقلش ،فأنا بنصحك انك تعرفى والدك او والدتك بالموضوع دة وهما هيساعدوكى ، صحيح هيحاولوا انك تبعدى عنة ومعنتيش تحبية لان دة لازم يكون رد فعل ام او اب فى هذا الموقف . بس انتى بتقولى انك بتحبية وان هوا زى القمر والبنات كلها بتموت علية هو بيقولك كدة عشان عايز يعرفك انو مقطع السمكة وديلها وان اى بنت تتمنى تكلمة والله اعلم ممكن وجهة نظرى متكنش صح ، وانا مش مع الاخت ريرى فكلامها انها تقول انك معجبة بية فقط ، انتى بتقولى كدة عشان عايزة تفهمينا موضوعك وهو فعلا لو بيحبك هيستناكى وهو ال هيتصل بيكى ، بس نصيحة متحبيش حد من نفس سنك عشان تقدروا تتفاهموا مع بعض

    حل مناسب حسب التصويت. وانت ما هو رأيك? Thumb up 11 Thumb down 0

  4. كلام الناس
    05/10/2012 at 20:00

    نصيحتي لئلك هيه : اذا كان بيحب قبلك بنات معناتا بيضحك عليكي اما اذا ماحب غير وحده قبلك و انت طلعتي التانيه معناتا بيحبك بس بدو ياكي تبعدي عنو لانو ئدك و بدو يدرس و بعدين يأسس حالو وبعدين يجي لوقت الخطوبه و هادالحكي يعني لساتو الطريق بعييد و بالنسبه لانو بعيد عنك انت ببلد و هوه ببلد مو مشكله لو بيكون بحبك لو وين ما تكوني تكوني بيوصللك

    حل مناسب حسب التصويت. وانت ما هو رأيك? Thumb up 10 Thumb down 0

  5. tika
    12/07/2012 at 18:56

    انا راي انك سيبك منه عشان اصلا ده مش حب ده الدحك علي الدهون وانتي مش بتحبيه ده عشان البرستيج بتاعه وعشان شكله وعشان البنات اللي بتجري وراه بس عايز اقولك ان مش كل حاجه الشكل ولا المظهر انتي عارفه لو بتحبو بعض فعلا كنتو اتقبلتو لو بنكو بلاد وبلاد بس علي فكره الشكل بيروح وكل حاجه حلوه بتروح مش بيفضل غير الروح الحلوه بس بس وانا عايزك ماتخديش بالمظهر الكداب دي كلها حجات فاضيه ولو ربنا ريدلك انك تكوني ليه هاتكوني ليه لو حصل لو حتي سابك للابد بس مدام انه كل شويه بتزعلو مع بعض ومش بيصلحك يبق ده اصلا مش بيفكر فيكي خالص واللي بيحب بيسامح بس هو كل الموضوع انك بتخدي بشكل وده ضرر ليكي انتي كده عيزاه مش عشان يكون زوج مخلص ليكي لا انتي عيزاه عشان مظهره ونصيحه من اخ لاخته غيري من نفسك عشان بجد هاتخصري كتير وهتندمي اكتر فكري قبل ما تخطي خطوه اخوك مصطفي من مصر

    قيم هذا الحل سلباً او ايجاباً: Thumb up 6 Thumb down 0

  6. اميرة الحب
    04/06/2012 at 01:56

    بصي انا عايزة اقوللك حاجية لو انت بتحبية اعمل اي حاجية عشان يتعلم انا انت مش زاي اي بنات حبة قبل كدة وخليك تقيلة علية بديم هو تقيل كدة وخلية يبطل رخمة

    قيم هذا الحل سلباً او ايجاباً: Thumb up 9 Thumb down 1

  7. amira hassen
    04/06/2012 at 01:43

    بصي لو هو بيحبك هيجي ومش هتيهوين علية يا قمر

    حل مناسب حسب التصويت. وانت ما هو رأيك? Thumb up 11 Thumb down 0

  8. ياسمينا
    31/03/2012 at 08:07

    انتى المفروض تحافظى على كرامتك هو صعب عليكى فعلا انك تسيبى بس لازم تعملى كده عشان اكيد مش بيحبك عشان لو كان بيحبك كان ماكلمش بنات غيرك وانتى كده رختى نفسك عندو وكده افتكر انك ولا حاجه تتحت امرو بس نصيحه دوسى على نفسك وسيبى وان شاء الله ربنا يكرمك بأحسن منو

    قيم هذا الحل سلباً او ايجاباً: Thumb up 5 Thumb down 6

  9. مع نفسى
    29/02/2012 at 17:17

    بصى انا هكلمك بصراحه و زى مبتكلم مع صحباتى و بنصحهم ,, معظم اللى انا قرأته فى الكومنتات بتاعت الاصدقاء كل شويه حد يقول ده لعب عيال يا جدعان ده كلام انتوا اقنعتوا نفسكوا بيه المشاعر مافيهاش هزار و اه انا معاكوا ان ده سن مراهقه و المشاعر بتتغير بعد كده بس ده مش مع كل الناس ,, انتى بصى فى الاول و فى الاخر غلطانه فى اختيارك طبعا ليه و تانى حاجه عشان سمحتى لقلبك ان حد يدخله و مفكرتيش بعقلك ,, وغالبا الموضوع ده مش هيستمر كتير و انتى هتخدى وقت كتير عشان تجمدى قلب من نحيته ,, بس انا بقولك متكلمهوش و شوفيه هيكلمك ولا لأ لو كلمك يبقى خير و بركه و متعرفهوش انك واقعه فى غرامه اووى كده يا بنت انشفى شويه D: لو مكلمكيش يبقى انتى اللى تسبيه و تكلميه و تقوليله عشان تعرف بس انك كنت بتتسلى و بلاش الكلام الفاضى ده بقى اللى بتقعد تقوله ريح نفسك و خليك صريح عامتا شكرا ليك و متتعمليش معاه تانى و لو بيحبك بجد هيجيلك زى الجوارى ,, وبجد اعرفى ان ربنا سيبلك حاجه كبيره ,, وخلى بالك ان ربنا شايفك فى كل افعالك واقوالك و اللى بيعمل الصح مبيخبهوش و العكس صحيح 🙂

    حل مناسب حسب التصويت. وانت ما هو رأيك? Thumb up 17 Thumb down 0

  10. الديلر
    09/10/2011 at 17:47

    بصى يا مشمشه نصيحه ركزى فى مزكرتك ومتربطيش نفسك بأى علاقه دلوقتى لان الحب عواب وحيره ويا بخت من حب وطال

    قيم هذا الحل سلباً او ايجاباً: Thumb up 13 Thumb down 6

  11. nono no love
    21/09/2011 at 22:08

    بصى انتى متكليمهوش تانى وهو بجد لو بيحبك هيرجع ليكى تانى حتى لو عرف مليون بنت وبنت بس انتى خليكى واثقة فى نفسك اوى اوى وبجد انا حاسة بيكى اوى لان ديه اكتر حاجة تموت بجد بس حاولى القوى هو الى بيقدر يكمل وكملى وعلى فكرة انا قدك فى السن

    حل مناسب حسب التصويت. وانت ما هو رأيك? Thumb up 13 Thumb down 0

  12. كاجول
    15/09/2011 at 22:08

    عارفه سيبك منه صدقينى لانه مش مساله حب اوكده
    انتى عجبك شكله تصرفاته البنات اللى ملمومه حوليه
    باختصار انتى عايزاه علشان مظهره لكن صديقنى مش حب
    التفتى لدروسك
    واوعى تخليه نقطه سوداء فى حياتك تبكى عليها طول عمرك

    حل مناسب حسب التصويت. وانت ما هو رأيك? Thumb up 17 Thumb down 5

  13. عمرو
    09/09/2011 at 01:54

    بسم الله الرحمن الرحيم …
    بصي ياآنسة .. ان هأتكلم وأقول رأيي والله العظيم بمنتهى الصراحة بعد اذنك طبعاً وان كان رأيي هيكون مخالف تقريبا لكل الآراء اللي اتقالت .. بس أنا فعلا بجدحاسس بيكي .. ده لأني بمر فعلا بنفس الظروف اللي انتي بتوصفيها بالضبط (علي فكرة انا عندي 16 سنة ونص )باستثناء ان أنا معرفتش حد غير الانسانة اللي حبيتها من كل قلبي عشان أنا مش عايز أعرف حد غيرها .. بس في حالتي أنا التصرف متبادل… مش عارف ممكن تسميه توافق حتي في الاختلاف , أو محاولة تضحية من الطرفين … أنا مش هاحكي القصة كاملة , لكن صدقيني لو انتي بتحبيه .. نصيحة مني ( انتي كنتي بتكلميه قبل كده .. صح ؟؟ ) كلميه مرة واحدة بس كمان حاولي تقربي المسافات وتعرفي وجهة نظره بالضبط (( انا شايف ان هو ممكن يكون بيحبك أوي وخايف عليكي تتعلقي بيه وبعدين مش هتبقوا لبعض ,, أو هو كان بيتسلى وبيحاول يهرب بشياكه زي معظم الآراء ما بتقول )) المهم .. صدقيني هيبان في طريقة رده واحساسه هو صادق ولا لأ .. ولو حسيتي انه بيحبك بجد … وانتي متأكده من حقيقه مشاعرك ناحيته.. انا متكد انك تقدري تستنيه لما يقدر يتقدم لك (لو بتحبيه بجد) مفيش بنت بتتجوز غصب عنها دلوقتي

    بس المهم الكلام ده بدري اوووي عليه .. أهم حاجه بعد الكلام ده ( لو هتنفذيه .. او لا) انك تركزي في دراستك وتقربي من ربنا .. وصدقيني كل حاجه هتهون بعد كده وهتكون أسهل ان شاء الله .. حتي لو النتيجه جت سلبية ……… وربنا يوفقك ويسعدك

    أرجو اني ماكنش طولت في الكلام بصورة ممله .. بس أنا حبيت أوصل الصورة كامله .. وأرجو ان مروري يكون خفيف ومفيد بإذن الله

    حل مناسب حسب التصويت. وانت ما هو رأيك? Thumb up 35 Thumb down 0

  14. TaMeR
    03/09/2011 at 05:33

    انا سوري من سوووووووووووريا نصيحتي ممني الك بلا حب بلا دراب السخن روحي شوفي نصيبك وين احسن من هالحكي الفاضي عم انصحك لانوو هالايامممم مافي شي اسمو حب في شي اسمو خطبة وجواز وبسس
    سلام

    قيم هذا الحل سلباً او ايجاباً: Thumb up 4 Thumb down 8

  15. زائر
    12/08/2011 at 19:23

    لا تجعل مشاعرك ارضاً يداس عليها .. بل اجلعها سماء يطمح الجميع للوصول اليها …

    بيحبك وعاوز يبعد عنك … بتفكير شاب متواضع ” عاوز يخلع منك ” ولو بتحبيه علشان جميل

    هوا مش هيعيش العمر كله ..الناس مش بوشوها وأللوانها .. الناس بقلوبها وأفعالها

    الناس متساويين مثل اسنان المشط ..

    تحياتى

    قيم هذا الحل سلباً او ايجاباً: Thumb up 13 Thumb down 5

  16. HanyMoh
    10/08/2011 at 07:40

    أنا بحب أتكلم من ناحية شرعية دايما

    لكن للأسف الناس مش بتتقبل الشرع دايما

    عشان كده هكلمك من منظور المنطق والعقل وفي النهاية هنوصل للشرع بردو

    أنا لو شاب وواحدة أنا معجب بيها أو بحبها ولمحتلي بالكلام وبشكل مهذب حتى لو صريح مش تلميح،، ومش حرام على فكرة،، إنها بتبادلني الشعور،، هقولها آجر أقابل بابا أمتى؟؟

    مش انسيني ومتتعلقيش بيا واحنا مش لبعض..

    متزعليش مني،، هو لو بيحبك وعارف إنك بتحبيه عمره ما هيسيبك حتى لو كنتي من بلاد راكبي الوز والحمام..

    توكلي على الله واسمعي بنصيحته وابعدي عنه وريحي نفسك وارضي ربك..

    وطالما هو قمر والبنات عليه كتير وهو معاهم على طول خليهم يشبعوا بيه واطلعي بكرامتك وكفاية مهانة وذل على شخص ما يستاهلش..

    ممكن تذلي نفسك لأمك لأبوك لزوجك علشان ترضيه إنما لواحد غريب،، ممنوع..

    حل مناسب حسب التصويت. وانت ما هو رأيك? Thumb up 27 Thumb down 0

  17. muslim
    08/08/2011 at 02:26

    نهال_انا لو واحد عاوز يلعب بواحده وجت سالتنى بتحبنى بجد اكيد هقولها ايوة الموضوع مش سوال بصو يا جماعه مهما كان الشخص ده صاده ف حبه او لا فهو مش هيرضى لاخته انها تتكلم مع ولد ده لو هو راجل لان كل شاب عارف ان ده غلط مينفعش اسيب اختى تكلم ولد عشان بيحبها وبتحبو وهيتجوزو وكده كل الشباب عارفين الصح والغلط انتى نصيبك مكتوبلك وهيجيلك لحد عندك وربنا مغليكى مترخصيش انتى نفسك وتعرضى مشاعرك لحد ممكن يلعب بيها الكلام ده حرام انتى متقدريش تكلميه وتقوليله بحبك بقا وكده قدام اهلك يعنى بتستخبى من كله ومش بتتجراى غير على ربنا (من ترك شيئا لله عوضه اللى خيرا منه ) والله نصيبكو هيجيلكو لحد عندكو بس انتو متغضبوش ربنا وحسو انكو غاليين اوى انتى زى الجوهره مش معروضه بالمجان كده لاى حد ممكن يلعب بيها اللى بيحبك هيتقدملك ف الوقت المناسب ولحد ماييجى الوقت ده هيبعد عنك لان ده حرام هو ده اللى بيحبك بجد يخاف عليكى من غضب ربنا قبل ما يخاف عليكى من الناس

    حل مناسب حسب التصويت. وانت ما هو رأيك? Thumb up 16 Thumb down 1

  18. memo
    06/08/2011 at 05:29

    انا ولد عل فكره
    بصى بقى ده لعب عيال
    وده سن مراهقه
    حبيه وموتى فيه
    ولما تشوفى واحد احلى واحسن منه هتقولى يا ريتنى
    والكلمه دى صعبه جدا

    ربنا يوفقك يا فسفوسه

    قيم هذا الحل سلباً او ايجاباً: Thumb up 9 Thumb down 9

  19. radwa asem
    05/08/2011 at 05:09

    الاحسن انك تنسيه لانه بتاع بنات او انك تصلى صلاه استخاره وربنا هيبين حبه ليكى

    حل مناسب حسب التصويت. وانت ما هو رأيك? Thumb up 12 Thumb down 3

  20. نهال
    04/08/2011 at 08:45

    بصى من غير غى و حوارات كتير انا من سنك و حاسة بيكى انتى تروحى و تساليه انت بتحبنى من الاخر ولا لا بتخاف عليا ولا زيى زى اى واحدة من التانيين و من غير كدب و لعب عيال و تشوفى ح يقول ايه لو اه خلاص و لو لا ولا يهمك ادامك الحياة طويلة و فى الجامعة الف من يتمناكى باى يا عسل

    قيم هذا الحل سلباً او ايجاباً: Thumb up 7 Thumb down 13

  21. sico
    03/08/2011 at 04:08

    بصي هو كدمش عايزك بس ده نوع من الشباب بيحب يتطلع من الموضوع بصوره كويسه وكمان هو لسه قدك يعني لسه بابا بيصرف عليه كبري دماغك علشان ماتتعبيش اكتر من كده

    قيم هذا الحل سلباً او ايجاباً: Thumb up 7 Thumb down 3

  22. ana morahek
    30/07/2011 at 13:24

    ana 7s2lek so2al wa7ed bs :how by7bek zay m2nte bt7beh w ente a5te el shhad ?

    حل غير مناسب حسب التصويت. ما رأيك انت: Thumb up 2 Thumb down 11

  23. دامت لمين
    28/07/2011 at 11:03

    مفيش حد بياخد كل حاجه فى الدنيا ناس بتاخد كل حاجه وناس مش بتاخد حاجه المهم تخلى بالك من نفسك وانا مقدره مشاعرك بس الدنيا كدا اهتمى بدراستك علشان مفيش حد يتحكم فيكى وسبيه والله هيلف ويرجعلك تانى بس متخليش حد يقصر عينك

    حل مناسب حسب التصويت. وانت ما هو رأيك? Thumb up 17 Thumb down 1

  24. ayosha
    25/07/2011 at 15:42

    يا بنتى كبرى دماغك مش ده الى معاه مستقبلك انتى كده مراهقه اوى وصدقينى خليكى حكمى عقلك قبل قلبك فى السن ده بذات

    قيم هذا الحل سلباً او ايجاباً: Thumb up 15 Thumb down 7

  25. صلوا على نبينا محمد((مسلمه
    25/07/2011 at 00:30

    انت مش بتحبيه ولا حاجه انتى بس فى سن مراهقه ومشاعرك متلغبطه انتى بس معجبه بيه صدقينى مهما حتقولى انك بتومتى فيه كل ده وهم مش حب وبعدين ده لسه عيل مش بتاع جواز وهو قالك انك متتعلقيش بيه يعنى هو نفسه عارف ان علاقته معاكى لعب عيال وملهاش اساس وبعدين الاهم من كل ده متغضبيش ربنا يعنى متكميش حد غريب عنك ده لا خطيبك ولبا يعرفك ومتحاوليش تتكلمى مع حد غريب عنك علشان ربنا يرضى عنك

    حل مناسب حسب التصويت. وانت ما هو رأيك? Thumb up 16 Thumb down 7

  26. نونه
    24/07/2011 at 18:21

    بصى يا حبيبتى انا بنصحك انك تنسيه وحاولى وانتى بتقولى انه مش فى بلدك وده هيساعدك برضه تنسيه وبعدين انتى لسه كتكوته صغننه وكمان داخلة مرحلة هتتحكم فى مستقبلك كله انتى داخلة ثانوى كده تقريبا ولازم تاخدى بالك من مذاكرتك انا مش بخوفك انا بلفت نظرك وبالتوفيق يا قمر

    قيم هذا الحل سلباً او ايجاباً: Thumb up 8 Thumb down 3

  27. ريري
    24/07/2011 at 16:18

    حبيبتي والله بس فتره مراهقه ولما تكبري حتعرفين قد ايه كنتي غلطانه ولما ادخلي الجامعه 1000واحد يتمناكي سيبك من الوهم ده وهو لو كان بجد يحبك مكانش بعد عنكي فنصيحه انسي وشغلي وقتك بهوايه اتحبيهه او ثقفي نفسك بالكتب كوني الانسانه الي الكل يتمناهه وده طبعا بدينك وشهادتك طوري نفسك وانسي الحب الي ميجيش من ورا بس دوخه الراس وانا بعملك كده دلوقتي والله شاهد مرتاحه اووووي والله يوفقك ويهديك ويستر عليكي يارب اختك من العراق

    حل مناسب حسب التصويت. وانت ما هو رأيك? Thumb up 11 Thumb down 1

  28. الحب
    24/07/2011 at 14:46

    كل دا اعداب متعزبيش نفسك أكثر من كداعودىعودي لربك ودعي

    حل مناسب حسب التصويت. وانت ما هو رأيك? Thumb up 10 Thumb down 0

  29. صاحبه المشكلة
    23/07/2011 at 21:01

    ووالله يا اختى انا بحبه قوى قوى بس هو بعيد عنى جدا وبشوفه كل فين وفين وانا كل ماأساله بتحبنى يقولى بحبك بس مش عايزك تتعلقى بيا وتحبينى اكتر وبعدين انتى بعيده عنى وانا بعيد عنك يعنى منعرفش بنعمل ايه بس هو بجد عنيد واللى فى دماغه فى دماغه بس بيضيقنى ان فى بنات كتير بتحبه وعايزه تكلمه وهو ممكن يحب الى وحده من بلده تانيه عشان قريبه منه اعمل ايه بالله عليكم ساعدونى انا اسفه لو طولت عليكم

    قيم هذا الحل سلباً او ايجاباً: Thumb up 1 Thumb down 6

  30. اسيرة الحب
    23/07/2011 at 17:21

    انا من نفس سنك انتى شكلك بتحبية اوى انتى اسالية هل هو بيحبك ولا لا وممكن بضحى علشانك ولا لا

    قيم هذا الحل سلباً او ايجاباً: Thumb up 12 Thumb down 9

  31. ابن الوادى
    22/07/2011 at 23:40

    كل دا عذاب متعزبيش نفسك اكتر من كده عودى لربك فهو افرح بيكى من اي احدواشغلى نفسك بالذكر وقراءه القرآن

    حل مناسب حسب التصويت. وانت ما هو رأيك? Thumb up 32 Thumb down 2

  32. ريري
    22/07/2011 at 23:39

    اولا هذا ميحبك وبيضحك عليكي زي ماضحك على الي قبلك ولو بيحبك ميصادقش غيرك ثانيا انتي بسن المراهقه ومفيش اي حب والحب الحقيقي يجي بعد العشرين ثالثا الظاهر انتي بتحبي الولاد الحلوين لان قلتي زي القمر وهذا دليل انتي معجبه فقط مش حب رابعا انتي رخصتي نفسك ليه اوي لان انتي عاوزاه ومش عايز يستمر معاكي لان قلتي عنيد خامسا التفتي لدراستك والله احسن ليكي دي فتره واتعدي ياحبيبتي والله خايفه عليكي لا تفقدي ثقه اهلك فيكي وسيبي وخلي كرامتك فوق الكل وربنا يسعدك اختك من العراق

    حل مناسب حسب التصويت. وانت ما هو رأيك? Thumb up 18 Thumb down 0

اترك رداً أو حلاً لهذه المشكلة