مشاكل الازواج

مش قادره اعيش من غيره بس انا متجوزه

انا كنت بحب واحد و هو بيموت فيه و يتمنالى الرضا و كان بيحبنى جدا جدا و لما دخل كليه الشرطه اتغير و لان مستوايا اقل منه هربت منه و مبقتش اكلمه و بصراحه مش عارفه ان كان دور عليا ولا لا لانى غيرت سكنى و تليفونى و عدى السنين و اتجوزت انسان كويس و مناسب بس انا كنت فاكره انى بحبه و بعد الجواز اكتشفت انه انسان بارد معندوش طموح و شخصيته ضعيفه جدا جدا و كرهت عيشتى معاه و اتغير معايا بقي يشتمنى و يضربنى و اتخنقت منه و مره صدقه كنت جايه انا و اخويا من البلد و شفته و عرفت انه شغال في شرطه المترو ومن ساعتها و انا بفكر لفيه ليل نهار و كمان هو عايز يكلمنى و بس كان معايا اخويا و صورته دايما في بالى و بصراحه بحلم بيه و انا نايمه و انا مع جوزى بتمنى يكون هو الى معايا و بفكر ارجعله بس انا عندى عيال و معرفش عنه حاجه اتجوز ولا لأ ولا عنده عيال بس انا حاسه انه لسه متجوزش قولولى اعمل ايه عشان اعيش ياه سعيده و ساعات بفكر اروح له و نخرج مع بعض و اعيش معاه يوم كامل و انسي الدنيا و معرفهوش طريقي و بعد كده انساه وبس خايفه اتعلق بيه اكتر و اقع في الغلط و ساعات اقول و ايه يعنى انا مش اول واحده تعرف راجل غير جوزها و ارجع اقول حرام مش عارفه اعمل ايه بحبه و عندى رغبه فيه يمكن تنتهى بعلاقه مره واحده و ممكن ما يتنسيش اعمل ايه بحبه من كل قلبي

مشاكل وحلول ذات صلة

اضيف بتاريخ: Thursday, November 25th, 2010 في 13:08

كلمات مشاكل وحلول: , , , ,

25 رد to “مش قادره اعيش من غيره بس انا متجوزه”

  1. ابواميرة
    03/10/2013 at 23:17

    هل انت عاقلةومدركةلماتقولين اشك مليون في المية في هذا اتريدي ان تكوني زانية ملعونة من رب العالمين وتدخلي نارجهنم اتقي الله في نفسك وفي زوجك واولادك واقطع علاقتك مع الراجل ولعادتفكري فيه لانوالشيطان بصورةانسان مهماكانت معاملةزوجك لايحق لك الخيانةوالمشي في الحرام ربي يصلح حالك ويبعدك عن الحرام ويهديك لطريق الخيروالرشاد

    قَـيّـم هذا الحل: Thumb up 4 Thumb down 0

  2. اكره الظلم
    03/03/2013 at 14:55

    اطلقى من جوزك وشردى اولادك علشان الحب الحرام وهتعيشى كل حياتك ندم فى ندم
    كتير عملوا زيك وخربوا بيوتهم وفى الاخر طريق الفضيحة والندم هو اللى كسبوه

    حل مناسب حسب التصويت. وانت ما هو رأيك? Thumb up 9 Thumb down 0

  3. ابواميرة
    26/11/2012 at 12:00

    انتي انسانة ضعيفة جداامام شهواتك الشيطانية استحي على دمك شوي وخلي براسك عقل ازاي تحبي واحدوتفكري تخوني زوجك ابو عيالك استغفري ربك وتوبي ليه مهماكان زوجك ومعاملته لك لايسمحو لك بالخيانة والوقوع في الرذيلة ابعدي عن الافكارالسوداء اللي بتدمرحياتك وتضيع اولادك ربنا بيهديك

    قَـيّـم هذا الحل: Thumb up 3 Thumb down 1

  4. محمد محمود
    20/02/2012 at 13:48

    بسم الله الرحمن الرحيم
    اقولك حاجة مش مهم جوزك فكري في اولادك
    وشوفي احساسك ايه لو الي بتعمل كده دي والدتك
    فكري وردي على نفسك

    قَـيّـم هذا الحل: Thumb up 3 Thumb down 0

  5. missnona
    17/02/2012 at 17:00

    والى حاولت كتيررر قوى تغير من جوزها وهو يتغير ايام ويرجع تانى
    يا ناس قبل ما تظلمونا فكرو شوية مش ممكن نكون احنا الى مظلزمين من اهمال وبرود وعدم الاحساس بلمشاعر
    انا حاول تكتيرر قووى مع جوزى اغيرة بس هو الجواز عندوة انسانة قالها بحبك من 10 سنين وخلاص الحكاية انتهت بقيت حتة كرسى ف البيت وحاولت كتير قوى اعمل انا جو الرومانسية ف البيت لقيت الاهمال وعدم الاهتمام حتى بمشاعرى يدوب يتغير يومين وبعد كدة يرجع تانى زى الاول ولما اتكلم يوقلى الظروف بس الست مهما كان صبرها على الاهما بيجى عليها وقت بتزهق
    زانا زى الاخت دى ف مشكلتها وحالو تكتير ابعد عن انسان بيحاول بكل الطرق يقرب منى بس وصلت لمرحلة انى مش قادرة لا اكمل مع جوزى ولا ابعد عن الانسان الاخر ومشكلتى مع جوزى من فترة طويلة يعنى مش هو السبب ولا برر لنفسى الى بعملوة بلعكس انا عارفة كويس ان دة غلط وخايفة من ربنا قوووى وخوفى دة هو الى تاعبنى وطلبت من جوزى الطلاق اكتر من مرة لانى مش هقدر اخونوة بجسمى ابدا وانا على زمتوة بس حلوها انتو وانا بحاول اقرب من ربنا قووى بس ياا ناس الى بتنصحو احنا عارفين ان دة غلط بس ياريت الرجالة الى بتهاجم تدور الاول على نفسها اية الى بيوصل ست متجوزة تبص على غيرة الا الاهمال وعدم احساسكو بينا ولا بمشاعرنا كان مكنتوب علينا اننا نموت علشان هو يبقى مبسوط ولما الراجل يلاقى اهمال من مراتوة اول حاجة بعملها بيبص لغيرها وومكن يتجوز عليها حتى مش بيحاول يصلح منها واحنا لما نحاول نصلح من الى شايفينوة غلط بيكون الرد الظروف هى الى بتعمل فينا كدة ولو قلوبنا فكرت فى غيروة يبقى الدنيا كلها تهاجمنا كان الغلط مش واحد والغلط مننا احنا
    بجد ربنا هو الى فى ايدوة الحل ويااارب اهدينا واهدى ازوجنا

    قيم هذا الحل سلباً او ايجاباً: Thumb up 8 Thumb down 0

  6. ويزو
    06/12/2010 at 11:19

    اتقى الله يا مدام كيف ترضى على نفسك ان تكونى خائنة لزوجك بمجرد التفكير فيه والابغض من ذلك تريدى ان تزنى معه وتكونى امراة زانية ما بكى يا اختاه هى شهوة شيطانية لهذا الرجل اتقى الله ولا تكونى عاصية لربك وزانية وخائنة لزوجك

    قيم هذا الحل سلباً او ايجاباً: Thumb up 5 Thumb down 4

  7. عبد من عباد الله
    06/12/2010 at 04:14

    ولله يا اختى النيا م تستاهل ولا فى اى حاجه فى الدنيا دى تستاهل نفكر فيها الا العمل الصالح الا راح نخدو معانه واحنا ما شين من الدنيا رايحين اخرتنا لا الحضن ولا الحنان راح ينفعونا –شوفى الا عاكل فيكى انك بعيده عن ربك مليون فى الميا لو قريبه من ربك لكان حصنك من الشيطان وا خلاكى تفكرى كده فى الزمن الا احنا فيه فى ناس كثير كذابين وبياعين كلام علشان يوصلوا للهما عايزينه ومش مهم اى حد –اوعى تفتكرى ان فى ملايكه مشين على الارض –اقفلى عينك وتخيلى نفسك بتعملى الا انتى عايزاه مش مره يا ستى الاف مره وبعدين –ريحتى جسمك ورضيتى شعورك واحساسك –طب وبعدين ازاى راح طردى ربك اذا متى وانتى فى حضنه ولا انتى ضامنه انك متموتيش وانتى معاه ولا تموتى وانتى رجعه من عندة –ولا ولادك الا مزنبهمش ان امهم رجعت تحب حبيبها الاولانى يتشردو فى الدنيا —- يا اختى كل من عليها فان مادايم الا وجه الله –والله يا اختى ما فى حاجه فى الدنيا تستاهل الواحديغضب ربه ويبقى عاصى لدينه –خليكى فى طريق الحق طريق الجنه –صلى وادعى ربك يغفرك واستغفريه وصدقينى راح تلاقى كل حياتك اتغبرت

    قَـيّـم هذا الحل: Thumb up 4 Thumb down 0

  8. طبيب القلوب الحائرة
    01/12/2010 at 03:42

    ازاى تسمحى لنفسك وانت ست متزوجة وعندك اولاد ان تفكرى هذا التفكير انة يابنتى من فعل الشيطان مش ينفع خالص ح لو طلقتى من زوجك لاى سبب مش ينفع الضابط تانى هوة سابك لما دخل الشرطة انسى هذا الشخص وفكر ى فى اولادك وكيف تحافظى على حياتك اوكى يابنتى ربنا يهديكى ويوفقك

    قيم هذا الحل سلباً او ايجاباً: Thumb up 4 Thumb down 1

  9. adm
    29/11/2010 at 04:22

    بصى يا انسة التفكير فى غير ما احل لكى يعتبر نوع من انواع الخيانة واللى انتى شفتية دة الشيطان فى صورة حد كنتى تعرفية لانك اكيد بعيدة عن اللة فاما ان تنسى ما حدث فى المترو او للاسف هتبقى حاجة غير مرغوب فيها واولادك يتعيروا بيها

    قَـيّـم هذا الحل: Thumb up 1 Thumb down 1

  10. السندباد
    28/11/2010 at 20:55

    ياسيدتي اتقي الله في نفسك وفي زوجك واولادك فكري ازاي تكوني سعيده مع زوجك وفكري ازاي تربي اولادك تربيه صالحه راجعي نفسك وفكري كويس

    قَـيّـم هذا الحل: Thumb up 1 Thumb down 1

  11. واحد وخلاص
    28/11/2010 at 19:44

    يا بنت الحلال خافى ربك زوجك فى نظرك وحش عشان انتى عينك من الظابط ويمكن زوجك موظف بسيط والظابط اكيد اتجوز او مش هيتجوز واحدة متزوجة وعندها اولاد وانتى ايمانك ضعيف وبعيدة عن ربنا ويمكن لا بتصلى ولا بتعملى الفروض بتاع ربنا عشان لو انتى عارفة ربنا كويس هتعرفى ان كدة حرام وكنتى هتعيشى لبيتك ولا سرتك واولادك ومتفكريش فى حد تانى انا مش عارف النصح بينفع ولا اللى عاوز يخون هيخون دون ان يسمع لحد تانى او انتى عاوزة اللى يريحك ويقولك سيبى زوجك وارمى عيالك ولا انتى عاوزة ايه بالظبطاتقى الله وعودى اصوابك

    قَـيّـم هذا الحل: Thumb up 2 Thumb down 0

  12. هشام كمال
    28/11/2010 at 07:39

    السلام عليكم حاولي تغيري من زوجك وتغيريه بكل ما لديك من قوة اعتبري انك تزوجتي من اللي بتحبيه اللي هو ضابط الشرطة واتغير بعد الزواج ماذا ستفعلين اكيد هتحاولي تغيريه وتكسبيه مرة أخرى اعملي المحاولة دي مع جوزك ابو عيالك ووالله والله هيكون احسن مليون مرة من هذا الشخص والمفروض انك تحبي اولادك اكتر من اي شئ في الدنيا والمفروض ان اولادك حته من زوجك فحاولي تتقبليه وتحبيه من اجل اولادك.

    قَـيّـم هذا الحل: Thumb up 1 Thumb down 0

  13. صلوا على نبيكم محمد(مسلمه
    28/11/2010 at 06:55

    متتعبيش نفسك حتى لو سيبتى جوزك مش هيجوزك هو يمكن كان بيحبك وانتى بنت لسه ماتجوزتيش ويمكن كان حب مراهقه وعدى بالنسبه له ولما شافك عرفك وتذكر فترة مراهته ذى ما بتتفرجى على صوره ليكى قديمه مثلا بتفكرك بذكريا ت ده انتى بتقولى انه اتغير لما دخل الشرطه وكنتى لسه بنت كان ممكن يتقدم ليكى عغاوزاه دلوقتى يبصلك وانتى ساحبه وراكى عيال خليه يفتكرك بذكرى حلوة لو كلكتيه هيفرح انه لم يتزوجك لانه هيشعر انك مش كويسه وعايزة تخونى زوجك وهيحمد ربنا انه ربنا نجاه منك لانك ذى ما عاوزة تخونى زوجك ممكن كتنتى خنتيه هو ده هيبقى تفكيرة حتى لو قلتى لا هو عارف انى بحبه لان اى رجل مهما كان حتى حقير وسافل لا يحترم من تخون زوجها حتى ولو معه

    قيم هذا الحل سلباً او ايجاباً: Thumb up 3 Thumb down 2

  14. فين اهلك
    28/11/2010 at 01:46

    حرام عليك انت بتتمنى الزنا عقابك كبير قوى عند ربنا خافى على ولادك وتخيلى لو ان جوزك هو اللى خانك وزنا هيكون شعورك اية توبى الى الله وحاولى تقربى من جوزك وتحبية اكتر هو اللى باقيلك هو والاولاد ربنا يهديك ويبعد عنك الشيطان بوساوسة

    قَـيّـم هذا الحل: Thumb up 1 Thumb down 0

  15. ابو عبير
    28/11/2010 at 00:06

    ربنا سبحانه وتعالا خلق الانسان وخلق له نقس وقال انها اماره بالسؤ ء وخلق العقل والعقل ذينه فاختى العزيزه فكرى بعقلك قبل احساسك ونفسك اتركك من الاحساس الوهمى ال1ى بدا خلك لانو احساس فتاك ويامرك بالسؤء وتاكدى ان الخطاء بالنسبه لكى هيكون بدمار لبيتك ولا سترتك

    قَـيّـم هذا الحل: Thumb up 3 Thumb down 1

  16. محمد أمين
    27/11/2010 at 15:54

    والله عجبت لأمرك أيتها المرأة .. أى حب هذا وأى رجل هذا التى لا تستطعين العيش بدونه بل والادهى أنك متزوجة !!!!!!! تعالى نحسبها ونحللها ونوصل لحل مع بعض .. حبتيه فى الصغر وبعدتى عنه لإنه دخل الشرطة ومستواه اعلى من مستواكى فقررتى الرحيل عنه والسكن بعيد حتى تزوجتى .. طب ده كلام جميل بس اللى مش جميل انك اكتشفيتى ان زوجك مش طموح وشخصيته ضعيفة جدا الا بعد لما قابلتيه صدفه .. ضحكتينى انتى بتغالطينا والا بتغالطى نفسك .. انتى كدبت كدبة وصدقيتها والا ايه يعنى هربتى الاول عشان فرق المستوى طب دلوقتى مستواكى اتغير ؟؟ جوزك اللى خلفتى منه عيال وكان بيصرف عليكم ومعيشكم حسب امكانياتة ورزقه دلوقتى بقى مش طموح وضعيف الشخصية .. طب ضعيف ازاى وهو هاريكى ضرب وشتيمة .. وبعدين ما تحلمى بزيد او عبيد وانتى نايمة بجوار جوزك عادى جدا لان زوجك برضه بيحلم بفلانة وترتانة وهو جنبك .. إنما هل خانك او جلب امراة اخرى عليكى ؟؟ فوقى يا بنتى وراعى بيتك وعيالك لانه سهل قوى انك تلاقى واحد يعملك غسيل مخ صح ويقلبك وينام معاكى وتلاقى نفسك زانية من كلمة فانية .. بصى لعيالك وملى عينك منها جبتيهم من حلال والا من حرام ؟؟؟ طبعا من حلال طب ليه عايزة تكدرى عليهم صفو حياتهم دلوقتى بوقوعك فى المعصية والخطيئة ؟؟؟ سامحينى لجفاء ردى ولكن الدواء المر يشفى سريعا عن الدواء الحلو عليك بالصلاة والقرآن وصدقينى عيشى حياتك اللى كتبها الله لكى وارضى بيها فكلنا الى زوال

    قيم هذا الحل سلباً او ايجاباً: Thumb up 7 Thumb down 0

  17. ** البحر الهادئ **
    26/11/2010 at 22:27

    السلام على من اتبع الهدى * لماذا المراة لما تحس بشوية كئابة على طول تقول ادور على راجل اخر ؟؟ وكأنها ليست انسانة مسلمة ولا تعرف حد الزنى ولا تعرف ان لها ابناء واسرة ووووو** المهم اذا شايفة نفسكى غير سعيدة معاه اطلبى الطلاق اولا ثم روحى دورى على من تريدين ** اما انتى على ذمة راجل وتقولى تروحى وتلفى على الرجال ** غريب امر الناس هاذى الأيام وماذا لو ابنائكى يكبروا ويعرفوا ؟؟؟ فى نظرى انا كرجل اقول لكى لو شايفة نفسكى حياتك معاه مستحيلة اطلبى الطلاق اولا وبعد الطلاق روحى ابحثى على من يناسبكى طيب **

    قَـيّـم هذا الحل: Thumb up 0 Thumb down 0

  18. نونس
    26/11/2010 at 06:07

    صباح الخير/انتى انسانة مظلومة مثلى انا فى نفس وضعك تقريبا مع الاختلاف فى بعض الاشياء ولكنى اقول لكى اذا اصبحت حياتك مستحيلة مع زوجك بعد العديد من المحاولات فلكى الحق ان تتركيه بدلا من الوقوع فى الخطا بصرف النظر عن وجود شخص اخر واولادك هايتربوا بالاتفاق معه بالانفاق عليهم ولكن اوووووووعى الحرام فانك هاتخسرى دنيتك واخرتك

    قَـيّـم هذا الحل: Thumb up 1 Thumb down 0

  19. الدجوي
    26/11/2010 at 01:07

    ايتها المرأة خافي ربك وسمعة أهلك وزوجك وكلنا حبينا ونسينا-قابلي إساءة زوجكك بالاحسان وهو هيتغغير وارجوا ان تفكري في مالو وقعت بالحام ستتركين لاولادك فضيحة لولد الولد-انسي وعيشي نظيفة احسن من تدنيس نفسك بيوم او ساعة تغضب الرب -وتدنسك طول العمر- وفكري لو قبضت روحك وانت في المعصية فما هو مصيرك——–جهنم

    قَـيّـم هذا الحل: Thumb up 0 Thumb down 0

  20. اميرة
    25/11/2010 at 19:26

    hاحتى الفاضلة ارجو منك ان تفكرى فى اولادك قبل نفسك وصدقينى انتى لوحدك حترجعى عن الى فى مخك وواضح انك بنت ناس وخايفة من الغلط ودى فكرة شيطانية
    عارفة مشكلتك اية مشكلتك علاقتك بزوجك انتى بايدك حلها حاولى تقربى من زوجك لا تبصى لة انة زوج فقط بل بصى لة ابو عيالك وانتى لو قربتى منة وصلحتى من نفسك اولا وحاولى تجبية عشان تسعدى واكيد هو كمان حيتغير صدقينى شوفى هو عايز اية منك وانتى مقصرة فى ايةسعتها حتنسى حبك القديم وانتى واهمة بهذا الحب عارفة لية لو كان هو لحياتك وهو كل شئ عندك ما كنتى قدرتى تتزوجى من اصلة ارجعى بعين الام ما فى راجل غير زوجك عشان تضحى عشان اكيد الدنيا غيرتة ومش حتلاقية هو الشخص الى حبتية ذمان راعى ربك ودينك واولادك وزوجك وحاولى تكسبى زوجك وتسعدى بحياتك وفى حضنكم اولادكم حاسبى من شيطانك الرجيم

    قَـيّـم هذا الحل: Thumb up 0 Thumb down 0

  21. علاء أمين
    25/11/2010 at 19:18

    خلى عندك ايمان وخافى من جريمة الزنا فعلاقتك به تقع فى مرنبة الزنا عيشى لأولادك واعبدنى ربنا حق عبادته والله انت لو بتصلى صح وبتعبدى ربنا صح عمرك ما هاتفكرى فى راجل تانى غير جوزك.
    تسلحى بالأيمان والصلاه والصوم وربنا هايخليكى تنسى الراجل ده فبحبك لله ستنسين حبك لهذا الرجل .

    قَـيّـم هذا الحل: Thumb up 0 Thumb down 0

  22. الحب المستحيل
    25/11/2010 at 13:57

    الافضل والافضل والافضل انسسى لو كلمتيه مره مش بس هتتعلقى بيه دانتى هتتجننى عليه ويزداد الامر سوء بصى لاولادك

    قَـيّـم هذا الحل: Thumb up 1 Thumb down 0

  23. مستر : محمد صفوت
    25/11/2010 at 13:52

    الاحت المحترمة يقول المثل ليس كل ما يتمناه المرء يدركه و إنتى هربتى من حبيبك الأول من البداية و من غير ما حد يجبرك و أنتى الأن فى عصمة رجل أخر و معاكى أطفال منه حرام حرام و قمة الخطأ إنك حتى مجرد تفكرى فى الشخص الأول دا حتى كلامك المكتوب ده غلط حرام عليكى ‘تقى الله و إرضى بال قسمه ربنا و خاقى على عيالك من التشرد و الضياع و خافى على نفسك من الوقوع فى الخطأ .. أما إذا كنتى مضحية بأطفالك و بجوزك المسكين إل إئتمنك على شرفه و حياته خلاص أطلبى الطلاق .. بس ساعتها الحبيب الاول مش هيرضى بيكى لانه هينظر لكى بنظرة الان نظرة المرأة التى باعت كل شىء علشان راجل تانى و يقول فى نفسه إنك أكيد بكرة تبيعيه علشان راجل تانى و هينسى أيام زمان و بكده هتكونى خسرتى كل شىء ..إتقى الله و إرضى بما قسمه الله لكى تكونى أسعد الناس

    قَـيّـم هذا الحل: Thumb up 0 Thumb down 0

  24. ناصح
    25/11/2010 at 13:24

    انصحك بعد التفكير فى الخيانة صدقني لو خونتي زوجك واولادك تبقي بتخوني نفسك وكرمتك واهلك وغير غضب ربنا وتانيب الضمير ، وبعدين انتى بتقولي انه لما دخل الشرطة اتغير ودلوقتي نسيتي التغير وهو لو كان شاريكي وانتى غاليه عنده كان جالك ودور عليكي واتجوزك فبلاش تديله نفسك بالرخيص ، خافي الله وانسي هذا الشخص ولو مش مرتاحة مع زوجك اطلبي الطلاق وده ارحم من الخيانة ، تاكدي انه اكيد لو عايزك دلوقتي تبقي مجرد تسلية ونزوة وهتكوني في نظره لو طال منك شي مومس اسف على اللفظ ، تذكري الله دائما واولادك وحاولي ان تبقي على كرمتك وكرامة اولادك واهلك

    قَـيّـم هذا الحل: Thumb up 1 Thumb down 0

  25. شهرزاد
    25/11/2010 at 13:16

    مينفعش خالص ترجعيله انتى عندك اولاد ولازم تحافظى على سمعتك طول عمرك قدام ولادك وجوزك وحاول تتفاهمى مع جوزك وتقربى منه وانت اكيد هتنسى التانى لانك كنتى بالفعل نسياه بس لماشوفتيه افتكرتى زكرياتكوا وحبكوا سوا بس مش معنى كده انك بتحبيه وبعدين انتى بتقولى انه لما اشتغل اتغير معاكى مينفعش ترتبطى بواحد اتعالى عليكى وفكرى ان جوزك هو اللى حبك واتقدملك ومفكرش انك اقل منه .قربى من ربنا وانتى هتنسيه بجد

    قَـيّـم هذا الحل: Thumb up 1 Thumb down 0

اترك رداً أو حلاً لهذه المشكلة