الحب قبل الزواج

هل يحبني كيف اعرف

انا عندى 16 سنه من المنصوره بدرس فى الازهر ومقيمه فى الاسكندريه من حوالى عام وانا فى المنصوره كان ليه صديقه اتعرفت على ولد جارنا والولد ده كان ليه صديق انا اعرفه لكن مليش كلام معاه خالص المهم فى يوم وانا راحا المدرسه قبلت صديقتى دى فكانت هى ماشيا مع الولد ده وزميله الى انا اعرفه انا مكنتش اعرف حاجه هو كان بيحبها وهى ايضا المهم ان زميله ده كان بيبصلى بصه غريبه انا كان عادى بس اليوم الى بعده لقيته جالس امام المنزل بيبصلى برده انا استغربت اول مره يجلس هنا ومش معنى فى اليوم ده بذات المهم فى اليوم ده جت زملتى فى االمدرسه والتلى ان الولد ده عايز يكلمنى انا فى الوقت ده حسيت انى مش قدره اقف على رجلى حسيت انى ديخه وفرحانه وخيفه المهم انى كلمته بس عمره ماقلى انه بيحبنى وكان خجول جدا وف نفس السنه حصل مشاكل تركت المنصوره وذهبت الاسكندريه وحولت انسى وخلاص نسيت الحمد لله رحت اسكندريه قطيت سنه السنه التانيه فى اول الدراسه يوم وقفه العيد الصغير نزلت اشترى من المحل اللى ادام العماره بتعتنا لقيت شاب ورجل انا لما بصيت للشاب ده حسيت بحاجه معرفش هى ايه المهم بعدها بفتره بدات اروح الدروس وبدات اشوفه اكتر وكنت بروح اشترى من عنده مش علشان حاجه بس هو اقرب محل للعماره بعد كده لقيته بيكلمنى مره فى مره فعرفت منه انه فى كليه درسات قسم اصول كليه ازهريه يعنى ففيوم طلب منى كتاب عروض او ادب ونصوص فانا فكرت ايه اللى جاب العروض للادب والنصوص المهم عطيته كتاب عروض الكتاب ده فى نصوص غزل وحب وكتير من الاشعار الجمليه لقيس وليلى وعنتر وعبله فليقته كابت نمره التلفون على الكتاب من جوه وكاتب حجات تنيه لكن لقيته شاطب عليها جامد علشان انا مش اعرف اقرئها ومعلم على بيت بيقول (عرف الحبيب مكانه فتدللا وقنعت منه بموعد فتعللا ) ففيوم انا كنت جايه من الدرس مع صحبتى شوفته سايق تك تك فانا كان حصلى حدثه من فتره طويله فى تكتك حادثه سرقه فبعدين انا مش بحب اركب تكاتك فالمهم لقيته جه وقف قدامى وسالنى قالى هتركبى فركبت بصراحه انا فرحت لما سالنى فكلمنى وقالى انا اسف على الشخبطه اللى فى الكتاب فكلمنى شويه فسالته على درس لغه عربيه فقال ليه هسالك على درس فعطانى نمره تلفونه فبعدها بفتره اتصلت بيه ضبعا بعده تفكير كبير فسالته المهم قالى ولدرجه انه كان بيسال الناس الغريبه صحبتى جت قالت لى ان فى واحد سالها على درس ولما عرف ان هى صحبتى قلها عليه وقالها انه جارى فبعدها اتصلت عليه وشكرته فانا وانا بكلمه قالى لما يكون عندك درس قوليلى اجى اوصلك فرحت جدا وعملتها حجه بس هومحترم جداا  عمره ما قال حاجه خارجه وبيصلى على طول الفرد بفرده بيكلمنى وهو فى منتهى الاحترام وعلفكره كل اما اروح كان القيه هناك صدفه بيبقى راكب التك تك والقيه ماشى فى المكان ده بس على فكره صدفه مش هقول انه ماشى ورايه ولا حاجه انا دلوقتى حسه احساس غريب خيفه وفرحانه خايفه ليكون مش فى دماغه حاجه وخيفه ليكون حبى ليه حب مراهقه هبل …….

مشاكل وحلول ذات صلة

اضيف بتاريخ: Saturday, October 22nd, 2011 في 18:48

كلمات مشاكل وحلول: , , , , ,

8 رد to “هل يحبني كيف اعرف”

  1. قاضى الغرام
    25/10/2011 at 23:02

    مشكلتك الوحيده انك عايزه تتعلقى بحبيب وخلاص فى نفس الوقت انتى مش فاهمه انتى عايزه ايه وكمان عرفتى انو فى كليه اصول وفى نفس الوقت هو سواق تكتك شوفى يا حبيبتى ده بيعرف بنات كتير بحكم عملو ثم هو بيروح الكليه امتى ويركب التكتك امتى ثم انتى بتقولى هو محترم ومبيعملش حاجه بيكره يتكلم ويعمل لما يحس انك بقيتى خلاص عجينه فى ايدو شويه هيقولك ايه رايك بلاش الدرس انهارده ونتمشى شويه شويه هيقولك انتى هتخرجى امتى من المعهد وينتظرك شويه هيقولك انا خلاص بحبك وعايز اتقدملك وبعدها لا انتى هتكملى دراستك ولا هو هيتجوزك وكل الحكايه لعب فى لعب طيب متنتبهى لدراستك وبلاش لعب عيال غلطه البنت بتكلفها كتير اوى الولد لما يغلط اسمو ولد وشرفو مش هيتدنس اما البنت غلطتها بفوره شويه شويه صحابو هيعرفو شويه شويه صحابو هينادوكى باسمو شويه شويه مش هكمل لانك عارفه الباقى لو انتى حريصه على سمعه اهلك ومش عايزالهم الفضيحه انتبهى لدراستك ولما تخلصى دراستك هتلاقى الف واحد يدقو الباب بس وقتها هيبقى بشرف وكرامه وشكرا

    حل مناسب حسب التصويت. وانت ما هو رأيك? Thumb up 25 Thumb down 0

  2. 01
    24/10/2011 at 10:42

    انتى المفروض تفكرى فى الدراسه دلوقتى وتسيبك من الحب والهبل دا دلوقتى

    قيم هذا الحل سلباً او ايجاباً: Thumb up 10 Thumb down 5

  3. dalo3a
    23/10/2011 at 21:15

    habibti inti lisa srira 3ala lhob isbiri chway whsibiha ktir lahsan onasihti matitsara3i

    قَـيّـم هذا الحل: Thumb up 2 Thumb down 1

  4. Osama
    23/10/2011 at 17:23

    اختي : مش عارف انتي مستعجله علي الكلام ده ليه دلوقتي .. الحياه لسه ادامك كبيره اوي ولسه كتير هتقابلي ناس كويسين وولاد ناس ويقدروا يقدموا ليكي حياه كريمه وانتي لسه صغيره ولسه المستقبل ادامك كبير … ارجوا ان تتركي كل هذا الكلام جانيا ولاتهتمي الا بالدراسه وصدقيني كل ذلك هي مجرد احساس مراهقه .. لانك الحب يااختي هو مسئوليه والتزام في حدود العرف والعادات والتقاليد والشرع والدين واعتقد بان كل ماذكرتيه لايمت لاي شئ من هذا بصله .. اهتمي بمذاكرتك كثيرا … ومستقبلك سوف يقدم لكي كثير من النماذج الناجحه التي تتمني ان ترتبطي بها .. مع اطيب امنياتي بكل توفيق ونجاح في حياتك المستقبليه .

    قيم هذا الحل سلباً او ايجاباً: Thumb up 9 Thumb down 1

  5. HanyMoh
    23/10/2011 at 02:04

    بصي مفيش دليل صريح على حاجة..

    في بعض التلميح، ولكن أنصحك متشغليش نفسك بشيء دلوقتي واهتمي بدراستك ولو طلب منك حاجة قولي له يتقدم وبابا يقرر..

    وربنا يقدم الخير وأهم حاجة حافظي على نفسك كويس لأن الزمن ده مفيش فرق بين الذئب والحمل الوديع..

    حل مناسب حسب التصويت. وانت ما هو رأيك? Thumb up 10 Thumb down 0

  6. اسلام
    22/10/2011 at 23:23

    حذااااااااااااااااار من الوقوع ف اي افخاخ…ليس كل مايلمع ذهبا…سنك سن مراهقة وعواطف متقلبة وانتي انهاردة شوفتي واحد هيحاول يوقعك ف حبه والتاني والتالت وهكذا وانتي فرحانة انك مرغوبة وهما اساسا مجرد بيتسلو الحب مش وقوف ع ناصية شارع ولا ركوبة تك تك الحب احساس وحماية وامان انه يحافظ ع حبيبيه مش ياخدها ف تك تك البيت له باب واحد انه يدخل العريس المحترم والجاهز والمقتدر بشغله وكفاحه مش سواقة تك تك وجري ف شوارع اي حد بتاع بلدية ياخده هما شايفين بنت حلوة وعايزين غرضهم سواء اي شئ ف نيتهم وبالعقل كده اخرته ايه؟يتزوج؟طب هو قادر؟هيتزوج بنت عندها 16سنة؟ولا نقضيها حب وغرام ف تك تك؟الحقي نفسك قبل مالكلام يطلع وتاخدي سمعة مش كويسة…اتق الله ونصيحة انسي اي علاقات ف السن ده..ربنا ثم درررررررراستك ونجاحك هيجري وراكي كل محترم مكافح عايز الحلال ..يا بنت الناس ثقة اهلك فيكي وسمعتهم مش سهلة متخليهمش يمشو من البلد مكسوفين من عمايل بنتهم لا خليهم رافعين راسهم ببنتهم وادبها وتفوقها..فوقي لنفسك واهتمي بدراستك وبس

    قيم هذا الحل سلباً او ايجاباً: Thumb up 4 Thumb down 1

  7. ايه ايهاب
    22/10/2011 at 22:15

    هههههههههههه ياقمر فكري في مذكرتك ولاد ايه ونيلة ايه شدي حيلك وزكري اللي في سنكم الشباب بيعمله البنات تسليه ليهم واحذري وخافي علي نفسك اقرب من كده وبلاش تعلقي نفسك بوهم لسه بدري ممكن يكون تعامله معاكي اخت في الله خالي بالك من نفسك

    قيم هذا الحل سلباً او ايجاباً: Thumb up 5 Thumb down 0

  8. المظلوم
    22/10/2011 at 20:07

    متفكريش في الحب دلوقتي عشان هيشغلك وهتعلقي نفسك وفي السن دا مشاكل الحب هتكبر عليكي وهيحصلك مشاكل كتير مش هتعلرفي تحلي اية ولا اية

    حل مناسب حسب التصويت. وانت ما هو رأيك? Thumb up 9 Thumb down 0

اترك رداً أو حلاً لهذه المشكلة