هموم الشباب

كل ما اسلك طريق يتقفل في وجهي

انا شاب عمري 30 ولحد الان ما تزوجت بسبب الماديه الضعيفه قبل كم سنه توفى الوالد الله يرحمه واضطريت اخذ قرض عشان أسدد دينه جعله في الفردوس الأعلى ان شاء الله ، المهم مافي احد يعطيني فلوس غير البنك خذيت قرض وسددت الدين طبعاً القرض مدته خمس سنوات يعني لازم انتظر خمس سنوات عشان اخلص القرض وأخذ قرض ثاني وأتزوج ، بعد وفات الوالد الله يرحمه بسنه اصيبت اختي الصغير بالمويه البيضاء في العين ومعد تقدر تشوف شي رحنا للمستشفى وقال لازم عمليه سريعه والتأخير بيسبب الضرر للعين، رحنا لمستشفى الملك خالد الجامعي بالرياض واتفاجئ بقول موظف الاستقبال بقول (لا يوجد دكتور عيون) انصدمت مستشفى وش كبرها مافيها دكتور عيون المهم عطاني تحويل لمستشفى الملك عبدالعزيز ورحنا المستشفى وقالي موظف الاستقبال خذ هذي الورقه وعب بينات فتح الملف وانتظر أسبوعين حتى تجينا الموافقه على قبول المريضه ،، قلت وانا متفاجئ من كلامه المريضه تحتاج عمليه والآن كيف انتظر أسبوعين وعلى قبول الملف ، رد الموظف وبكل بروود هذا النظام الي عندنا ،، قلت مالي الا المستوصف الخاص رحت لمستوصف مغربي وقال لازم عمليه والآن قلت كم المبلغ قالوا 17000 للعين الوحدة طبعاً مافي غير البنك هو الي يتلطف علي ويعطيني فلوس المهم رحت أخذت قرض إضافي وسوينا العمليه والحمد لله
الحين نجي للمشاكل الي واجهتني وابي لها حل
1 من شروط أهل الزوجه ان يكون عند بنتهم بيت مستقل وهذا شي لازم لان عندي اخوان اصغر مني وكبار ولا يتسع بيت الوالده والي سويته اني بنيت بيت وللحين ماخلص لأَنِّي جالس انقط عليه من الراتب الي نصه راح قروض
2 بنك التنميه رافض يعطيني فلوس الا بعد الزواج كيف اتزوج وانا ماعندي ما اخلص به البيت ؟؟
3 طلبت قرض من البنك ورفض قال انت عليك قرضين وما نقدر نعطيك
4 سيارتي مهربده وطلبت قرض سيارة ورفضوا
5 مافي طريقة سلفه وبدون فوايد ؟
اذا جيت بفتح مؤسسه رفضوا قالوا انت عسكري ولا اقدر احطها باسم الوالده ولا اخواني خوفاً من انقطاع الضمان
جيت بطلع رخصه عمومي عشان أكد في الليموزين قالوا انت عسكري
المشاكل واجد وحبيت اطرح بعضها بس
وفي الأخير اسأل الله سبحانه وتعالى ان يزيل مشاكلي ويعينني عليها

مشاكل وحلول ذات صلة

اضيف بتاريخ: Sunday, April 23rd, 2017 في 19:21

كلمات مشاكل وحلول: , , , ,

ردود to “كل ما اسلك طريق يتقفل في وجهي”

  1. Dr
    08/05/2017 at 23:36

    اخي صاحب المشكلة، أعانك الله على ماتعانيه، وليس لك باب غير باب الله، أكثر من دعاء (اللهم اكفني بحلالك عن حرامك واغنني بفضلك عمن سواك )، (ربي اني لما أنزلت إلي من خير فقير)، وأكثر من الاستغفار ولاحول ولاقوة إلا بالله، ونحن في أشهر مباركة فلاتيأس فلعل الفرج قريب، ومن رأى مصائب غيره هانت عليه مصيبته

    قَـيّـم هذا الحل: Thumb up 1 Thumb down 0

اترك رداً أو حلاً لهذه المشكلة