الحب قبل الزواج

اتعذبت وضحيت كتير

يا جماعه انا حبيت وحده اوى وخطبتها وكنا عايشين الى حد ما فترة خطوبة كويسه

هى لقت فيا كل المواصفات اللى بتتمناها يعنى الحب بحبها اوى بقالى سنين وهى اول حب فى حياتى

والاخلاص مخلص ليها جدا ومعرفتش بنات غيرها خالص

هادى ومتفاهم لا بتعصب ولا بعاند وبراعى مشاعرها جدآ وبخاف عليها اوى ومهتم بيها جدآ

دا غير الادب والاخلاق ووعدتها بتحقيق كل احلامها بمشيئة ربنا واتعذبت بسببها كتير

وضحيت عشانها كتير

لكن المشكله انها عندها مشاكل مش عايزه تتخلص منها والمشاكل دى بتضايقنى وبتعذبنى بيها احيانآ

اول مشكله انها ليها ماضى كانت بتحب واحد قبل كده وما حصلش نصيب وكل ما تفتكره تتغير من ناحيتى وتقفل معايا لو بنتكلم فى التليفون وتقعد شويه لحد ما ترجع كويسه تانى

تانى حاجه ودى الاهم انها عندها طباع كتيره مش كويسه بتظهر عليها وقت ما تكون متضايقه من اى موضوع

فهى عصبيه وعنديه وتعلى صوتها وما ترداش تكلمنى ولا ترد عليا وان ردت عليا تكلمنى بقرف وبعلو صوت وعصبيه وعدم تفاهم وتسمعنى كلام تجرحنى بيه دا غير انها بتخبى عليا هى متضايقه من ايه

حاولت كتير اصلح طباعها مفيش مش عارف الاقيها من طباعها ولا من ماضيها ولا ايه

دا من خلال المواصفات اللى لقتها فيا وصفتنى ان انا فتى احلامها وان انا حلم ربنا حققهولها وان انا ضحيت عشانها وغير ذلك طب طالما كده ما تبقى كويسه معايا دايمآ

انا اتعذبت كتير بسبب ماضيها كنت بحبها فى الاول وهى كانت بتحب واحد تانى واتقدمتلها اول مره ورفضتنى عشانه وشوهت صورتى قدام اهلها لما كدبت وقالت ان سبب رفضها لى انى بتاع بنات دا غير انها بعد ما وافقت بعد كده قعدت فتره فى اول الخطوبه ما تكلمنيش بسبب انها كانت لسه متأثره بفراق حبيبها وفى اول الخطوبه جرحتنى بانها قالت انا كنت رافضه الجواز وعايزه انتحر بس وافقت عليك عشان خاطر ابويا وامى وانا استحملت وقلت لازم اخرجها من الحاله اللى هى فيها دى وبالفعل نجحت فى كده وحبتنى وحبت الجواز وبقت متمسكه بيا لكن بردوا كل ما تفتكر ماضيها تسود عيشتى

دا غير طباعها اللى ظهرت فى الفتره الاخيره بشكل فظيع بسبب مضايقتها من احد المواضيع وسودت عيشتى اكتر ودلوقت زعلانه وما بتكلمنيش عشان ما استحملتش طباعها

والمشكله انها بعد ده كله عملت مشاكل مع اهلها فى البيت وسابت البلد وسافرت عند اخواتها بره مصر وبقالها اكتر من شهرين من يوم ما سافرت ما كلمتنيش وانا مش عارف اوصلها يادوب بسأل اهلها عليها اخر مره قالوا انها طلعت اقامه وهتقعد تشتغل هناك ومش هتيجى الا بعد سنتين مثلا

قولولى اعمل ايه

مش عايز اسيبها عشان بحبها وهتعذب العمر كله لو سبتها وعمرى ما هنساها خصوصآ انها قريبتى وعايز اسعدها واحافظ عليها واخاف عليها من اى حد تانى بس مش قادر اكمل معاها وهى كده لازم تتغير طب ايمتى وازاى وهى بعيده عنى وعامله نفسها زعلانه مع انا اللى المفروض ازعل

طب اعمل ايه انا عايش فى قمة العذاب وكل ما اصلى صلاة استخاره الاقى ربنا محببنى فيها طب انا مش قادر استحمل اللى بيحصل ده كتير اتعذبت وضحيت وما لقيتش مقابل

ارجع ولا ابعد مش عارف قدامى الطريق ومش شايف

انا كده كانى متعلق بين السماء والارض لاطايل السماء وارتاح ولا طايل الارض حتى لو هموت

مشاكل وحلول ذات صلة

اضيف بتاريخ: Sunday, October 10th, 2010 في 22:02

كلمات مشاكل وحلول: , , , , , , , , , ,

29 رد to “اتعذبت وضحيت كتير”

  1. مجنون نسوان
    12/12/2015 at 22:52

    اخي البنت دي اكيد انها مدللة في بيت اهلهاوماخدةحريتهاعلى الاخر وماحدش قادر يتكلم معهااويرشدهاللطريق الصحيح كل تصرفاتها توحي بذلك وانت لك حريةالاختياروالقراربيدك اماترضى بهازوجةلك لعل الله يهديهاعلى يديك وينصلح حالهابعدالزواج واما تفسخ خطوبتك منها وكل منكمايذهب لحال سبيله وربي يكتب لك اللي فيه الخير ويسعدك

  2. ابوبتول
    30/07/2014 at 02:19

    قصتك ديةزي قصةابن خالي بالضبط وهوانه كان يحب بنت عمه ويموت فيها وظل يحبهاطوال 8سنوات وهي كانت تحب واحدغيره واهلهارفضواالشاب اللي تقدم لها وصارت البنت عصبيةجداونكدية تتخانق معه باستمرار لكنه كان يسامحهاومايزعل منها حتى تزوج منها ولكن بعدسنةمن الزواج اكتشف انهالاتزال تحب ذلك الشاب وتتصل به ومحتفظة بصورته ورسائله الغراميةلها وكاد ان يجن جنونه عندمافضح سرهاولكنه تدراك كرامته وعزةنفسه وعرف انهالاتستحق ان تكون زوجةوفيةومخلصةله طلقها فورا وربي عوضه بالزواج من بنت صالحةمحترمةوذات دين واخلاق واهلهاناس طيبين ومحترمين وعايش معهافي قمةالسعادةوالهناء

  3. ابوبتول
    30/07/2014 at 02:10

    حتى لوتزوجت منها عمرهاماتتغير ابدا ولاحتنسى الشاب اللي كانت تحبه في الماضي دي هي الحقيقةالغافل عنهاانت والكثيرمن الشباب المخدوعين في البنات اللواتي لهن تجارب وماضي مع الشبان حتتذكر كلامي ده عندحدوث اي مشكلة بينكم في الحياة وصدقني ان المراة التي تعرف غيره ولهاسوابق في العلافات مع الشباب ولاتحترم نفسها وخطيبهاوترفع صوتهاعليه وتعصب اخلاقهافاسدةوتربيتهامنحطة ولاخيرفيها على الاطلاق

  4. moonran
    07/11/2013 at 15:31

    يا اخي اشلك بالمتاعب وعوار الراس وراح تتعدب طول عمرك معاها اهيه مو خايفه على مشاعرك اهيه خايفه من العنوسه.لو كانت تحبك صج جان ماضلت طول عمرها ت>كرك بالماضي وشنو دنبك انه خطيبها تركها بالماضي هل دنبك انك حبيتها حتى بعد ما قالتلك بعين وقحه انهاللحين متعلقه بخطيبها القديم وانها مو قادره تنساه.انته للحين شاب والطريج للحين جدامك طول عشان تختار بنت الي تناسبك وتسعدك في حياتك والله يوفقك يارب.

  5. ابواميرة
    17/10/2013 at 14:34

    ولدي العزيز السلام عليكم ورحمةالله وبركاته انت انسان محترم وابن ناس طيبين ليه تجني على حالك وترتبط في دي البنت الفلتانة الغير مودبةولامحترمة المثل يقول اللي مافيه خير لاهله مافيه خيرللناس ودي سابت اهلهاوسافرت وتركت اهلها وتقول انهاعصبيةونكدية وتصرخ عليك ولاتحترمك ايش تنتظراوتامله من البنت وسلوكهاالمشين خليهاتغورفي داهية وصدقني النوع دامن الستات مايستاهل ان تكن زوجةوام لاولادك وست بيت محترمة اقطع علاقتك بهانهايا وربي بيكرمك بالزوجةالصالحةاللي تغليك وتستاهلك وتسعدك في حياتك

  6. نفس المشكله
    24/08/2013 at 15:21

    نفس المشكله وقدرت اتخطي كل دا بسبب خطيبي وانا دلوقتي بحبه اوووي وخلاني انسي , معلش استحملها كمان وفهمها اللي انت بتعملوه عشانها وحسسها بان هي بتيجي عليك كتير وان الانسان طاقه وانك عشان بتحبها مش عايز تزعلها وهي تستجيب واحده واحده وهتتغير وهتندم كمان علي اللي فات
    ربنا يوفقكم

  7. رونا
    03/02/2013 at 16:30

    فشكل الخطوبه ولما تبعد حتحس بقمتك وتحاول ترجعلك بس عهى مبتحبكش بكره تلاقي احسن منها وحتحبها خليك مع ربنا والالم بيكون شويه صغيره وبعدين حتنسى

  8. صاحب المشكله
    04/01/2013 at 20:29

    يا جماعه الموضوع تم بالخطوبه السميه والجواز قريب إن شاء الله واحنا حاليا عايشين اسعد اتنين مخطوبين والحمدلله كل واحد اتعلم من اخطائه واعتذرلنا لبعض وبقالنا سته شهور مخطوبين وكله تمام اوى عقبال الجميع ادعولنا انتوا بس

  9. ابواميرة
    01/12/2012 at 23:21

    ياابني البنت اللي تعرف شباب في حياتها ماينفعش تكن زوجة وام لعيالك انصحك بتركهاوشوف حياتك مع وحدةغيرها وربنايكرمك في بنت الحلال اللي تقدرك

  10. wa3d
    10/06/2011 at 00:20

    السلام عليكم اخى العزيز
    اتمنا ان تفكر جيد وتكون على علم انك اذا ارتبط بيها هتعيش حياه تعيسه وليس بيها اى سعادة البنت مش بتحبك لان اللى بيحب حد بيشوفو احسن الناس واكتر حد يحب يكون معه دايما اعلم اخى الحياة مستمرة ولم تقف على حراج والم اى انسان بل العكس انها تسير وبتكون احسن من الاول لان الانسان بيكون شايف واتعلم كتير سيبك منها وشوف بنت تكون تحبك لنفسك وتكون عندها انتا كل الدنيا الله الموفق

  11. لؤة
    06/05/2011 at 19:11

    الانا من راى انك تسبها لانها كدا مش بتحبك وكمان انتا اماتقابل واحدة غيرها هتنساها وربنا يوفكك

  12. ماهى
    16/04/2011 at 21:17

    انت مش حاسس انها سبتك ولا ايه فووووووووووق ياخى انت اصلا كده مش مرتبطين كده انتم كده سايبن بعض اصلا شوف حياتك ربنا يوفقك

  13. احمد شعبان
    11/04/2011 at 21:23

    واضح من تصرفاتها انها متأثرة بحبها الاولاني وده خلاها تكره الولاد عموما وتعامل كل الولاد بقرف عشان تداوي جرحها وصدقني من مصلحتك انك تسبها عشان رجولتك لان كده انت ضعيف وهي بتنتقم منه فيك وهي محتاجة فترة تنساها وبعد كده ربنا يكرمها تلاقي حد يأخذ بإيدها لدنيا جديدة بس دلوقتي هي محتاج فرصة ووقت مع نفسها عشان اعصابها تهدي وبعد كده تختار

  14. مدمنة السهر
    25/03/2011 at 01:11

    من حقولك اكثر من الي قالو حازم حمام كلامو صح 100/100 …أنا كنت بحب واحد شخصيته مثل شخصيتك بس بصراحة كنت بشوفو ح طول ضعيف وأنا بحب الرجل الي عندو شخصية قوية يلللا اتركها وصحح من نفسك

  15. الجبل
    23/03/2011 at 20:27

    لو استسلمت للوضع هتنهار مع هذا الحجر اللى حبيته حاول تشوف واحده تانى وهتضحك على نفسك ساعتها بعد الحب الجديد اتحرك بسرعه قبل الهم ميأكلك لا تنتظر لالالالالالالالالالا وربنا يخلصك من هذه القاسيه التى حطمت قلبك سامحنى عارفك فى لحظه لا تحسد عليها

  16. عصفور الجنه
    19/03/2011 at 14:38

    الاول احب ابدى اعجابى باخلاصك لحبها بس للاسف هى مقدرتش الحب ده ومتستهلوش اساسا لان هى لو بتحبك مكنتش تستحمل تشوفك ثانيه واحده متعذب الانسانه دى متنفعش تكون زوجه ليك ولا لاى حد سيبها واستعين بالله انه ينسيك حبها

  17. nona
    26/12/2010 at 13:42

    اى واحد فى مكانك ماكنش لها تجارب قبل كده هيحس نفس اللى انت حسه لان دى اول واحده فى حياتك انا بنت زيها وانصحك انك تأخد قرار فى حياتك انك تبعد لانها ما بتحبكش ماحدش بيحب حد يقدر يبعد عنه ثانيه ما بالك اكثر من شهرين نصيحه منى سبها لانك لو اتجوزتها هتتعب كتير اللى بيضحى فى الاول بيضحى فى الاخر انت راجل بكره تحب وتتحب انساهههههههههها عشان حياتك تتظبط هتتعب شويه بس هترتاح بعد كدة

  18. مساعد
    27/10/2010 at 04:08

    بجد حرام كل اللى هى بتعمله فيك
    بيعها زى ما هى بتبيعك
    لانها ما بتحبكش

  19. مرمر
    13/10/2010 at 04:25

    انا بنت متزعلش منى مقبلش حد بشخصيتك حاول تغير من نفسك انت وخليك قوى وخد بالقول الى بيقول اذا احببت شئ بقوه اطلق صراحه انا عاد لك فو اليك لى الابد فان لم يعد فهو ليس ليك من البدايه

  20. نغم
    12/10/2010 at 14:11

    انا عندى نفس صفات خطيبتك بس هيا ظلمتك كتير انا بعمل كده عشان انا معقده لان بابايا متجوز ع مامتى لانه افترى بالفلوس وانا خايفه ان خطيبى يعمل كده بس بصراحه مره اشد ومره ارخى بقوله بحبك وكلام من ده بس بتيجى حاجات ممشابهه لحاله بابا وماما بخاف منه فيهافا غصب عنى بتغير وبرد بطريقه تضايقه وعشان بيحبنى بيستحمل بس بصراحه مش ها اقدر اعيش ثانيه واحده لو سابنى

  21. حازم حمام
    12/10/2010 at 02:51

    تحية لك سيدى…..
    سوف ارد على رسالتك الطويلة, فى تعليق قصير.
    “انت رجل ضعيف الشخصية وتسيطر عليك عواطفك وتحكمك اهواءك ورغباتك
    والمراة لا تحب الرجل الضعيف”
    وانت السبب فى سوء معاملتها لك,لانك تذكرها دائماً بماضيها.
    وانا انصحك بعدم الاستمرار معها,لانها لا تحبك على الرغم انها وافقت عليك.
    وموافقتها عليك لا تعنى انها تحبك . ربما كان ذلك خوفاً من العنوسة.
    ولو تزوجت منها سوف تعيش حياتك معها فى ضنك وكدر.

    حازم حمام/محاسب الكترونى فى الخليج

  22. sendrila
    12/10/2010 at 01:29

    والله انا حاسس بيك لاني حصلت معايا نفس الظروف تقريبا بس كنا متجوزين يعني عاندت نفسي وامي واتجوزتها ومش هقولك ياابني والله وريتني الويل غيره علي الفاضيه والملايناومشاكل بسبب ومن غير سبب واخيرها الي خلاني طلاقتها ومقدرتش اني اكتشفت انها بتاخد حبوب منع الحمل لانها مش عاوزه تخلف مني يمكن في يوم ترجع لحبها الاول وعرفت انا بالصدفه سمعتها بتكلم احدي صديقاتها بالتليفون فتركتها بالرغم من ان كل شى واضح من البدايه انها مش مناسبه بس العند بلاش تعمل زي ووجع ساعه ولاكل ساعه بدل ماتتجوزو وبعدين تتطلقو وتبقي المشكله اكبر نفض لها وسيبها وقول لاهلها انك خلاص صرفت نظر وربنا يعينك

  23. mody
    11/10/2010 at 23:23

    بامانه اجمل رد رد لينه يا بختها بيك بس المثل بيقول من باعك بيعه وكمل على تمنه واشترى جزمه

  24. abo omar
    11/10/2010 at 08:42

    واتصلت على والدها وعرفتة الوضع اني مش غلطان ونهيت الموضوع تماما ووالدها يتصل علي ومامتها وهي تتصل بي ويبعتوا لي مع اقاربي اني ارجع تاني لاكن خلاص للاسف كبرياء الراجل فوق اي حاجة وخصوصا امامام زوجتك واهلها والحمد لله ربني رزقني بافضل منها ملايين المرات في كل شئ والله واخير احب اذكرك الحب عمرة ما كان ذل واهانه والراجل اللي ما يكونش لية كرامه امام خطيبته واهلها يتحول احسن زيها

  25. abo omar
    11/10/2010 at 08:36

    السلام عليكم ورحمة الله وبركاته
    اخي العزيز انت بتذل وتعذب نفسك لية عمر الحب ما كان ذل بالعكس قمة الرقي والاخلاق في الحب بيالمحبوبين انا هكلمك عن تجربة حصلت معاي شخصيا انا كنت بحب اخت صاحبي لدرجةما تتخيلها لمدة اربع سنوات وخطبتها لمدة سنه وانا كنت بالنسبة ليها كل الدنيا وما فيها لدرجة اني لو طلبت اي شي منها تعملة وفيها كل المواصفات اللي كنت عايزها بس لاقيها عصبية معايا وبدات تتكلم باسلوب مش كويس وفي مرة طلعتني غلطان قدام اهلها انت عارف كان رد فعلي اية اني اتصلي على والدها وكلمته وماماتها وفهمتهم الوض

  26. متابع
    11/10/2010 at 03:50

    سؤال ؟؟؟ البنت يا ترى عم تتعذب متلك ؟؟؟؟ بعدين صلاة الاستخارة مو شو بتحس بعدها ….صلاة الاستخارة بتترك الخيار لرب العالمين وبما انها سافرت بهالطريقة ف كأنه ربنا رايد انها تخرج من حياتك .. الله يقسملك اللي فيه الخير

  27. لينه
    11/10/2010 at 02:01

    الله بجد ماشاء الله يا بختها بيك

  28. elfrash
    11/10/2010 at 01:32

    وووالله عند حق ياسمسم من باعك بيعه ولاتتعذب علشانه وشوف نفسك مش تظلمهامع واحده بتعمل كده وهي مخطوبه امال لما هتتجوزوا هتعمل معاك ايه سيبك سيبك داالبنات علي قفي من يشيل مال وجمال وادب وعلام واوحش عيب في الست ان تكون عصبيه هتتعصب عليك وتتعصب علي اولادكوا وممكن تتعصب علي والدتك وتتسبب ليك في مشاكل باستمرار لان العصبيه ديه من اوحش الصفات الزوجه لازم تكون صبوره وحكيمه في تصرفاتها مش بسبب ومن غير سبب تتنرفز عليك وانت عليك بايه مهما تكون بتحبها ان شاء الله لما تلاقي غيرها هتحبها اكثر لانك هتلاقيها فرق شاسع بينهما

  29. smsm
    10/10/2010 at 23:21

    يا عم فكك من اللى بيشكك …….صح؟
    هى ما قدرتكش وباعتك بيعها واكيد اللى خلقها خلق احسن منها بمليون مرة
    على فكرة انا حاسس بيك اوى دور على غيرها وربنا يوفقكك

اترك رداً أو حلاً لهذه المشكلة