انا بنت فى الثانوى العام عندى 16 سنة ومتدينة بعض الشئ واصلى واعرف كويس الحرام من الحلال ومش بعمل اى اختلاط مع الشباب حتى فى العائلة ممكن يكون تعود او خجل بس المدرسين اللى باخد عندهم دروس بحس انى معجبه بيهم وبيكونوا متزوجين واكبر منى بكتير وممكن افكر فى اكتر من واحد من مدرسينى بس انا بكدب نفسى واقول ده سن المراهقة وده طبيعى بس انا مش بحب احس بكده مع المدرسين انى احب اشوفهم وافكر فيهم وبحس ان ده غلط
من فضلطم دلونى ازاى اتخلص من احساسى ده ومفكرش فيهم
البنات المراهقات
احب اساتذتى الرجال المتزوجين
اضيف بتاريخ: Wednesday, June 27th, 2012 في 21:37
كلمات مشاكل وحلول: الثانوية العامة, بنت, سن المراهقة
اولا لايجوز للفتاة الخلوة مع رجل غريب عنها حتى لوكان استاذهااومدرسها لنص الحديث =ماخلارجل باامراةالاكان الشيطان ثالثهما= ثانيا- عن اي دين واي اخلاق تتكلمي عنها وانت تجلسي مع اساتذتك المحترمين وتنظري اليهم وينظرون اليك والله العالم ايش كان بيحصل بينك وبينهم هل دي في نظرك حلال ام حرام وهل دي من اخلاق البنت المسلمة ثالثا- اهلك فين عن كلدا وايه المسخرةوقلةالحياء والادب اللي انت فيها خلاص مافيش معلمات اومدرسات يعطوك الدروس غير الرجال ولاانت عاوزه الشئ ده انت واهلك وراضين بالوضع السافل والغيراخلاقي وتتسترون باسم الدين والاخلاق والصلاح وهو بعيدعنكم بعد السماءعن الارض رابعا- اللي في سنك 16سنة قدهم متزوجات ياانسة ولافاكره روحك لسه بترضع البزاززة كل تصرفاتك محسوبة عليك لانك تعديت سن البلوغ يامن تدعي معرفة الدين والاخلاق والصلاة والحلال والحرام اسال الله لك ولااهلك الهداية ولصلاح ومعرفة الدين حقا المعرفة واتباع اوامره واجتناب نواهيه والابتعادعن مواطن الفتن والشبهات والوقوع فيها والستروالعفاف في الدنياوالخيروالسعادة في حياتك
كويس استمري
حبيبتي ماتخافي انا عمري 19 وبدرس بالجامعة وبحب الأساتذة كتير وبعجب بشخصيتهم وبفكر مش فيهم بفكر بزوج زي شخصيتة استاذ مثلا بس هادا عادي بتنسيه بس يجيكي الزوج الصالح يعني كل البنات بعجبن باشخاص بس بحياته ما بتحول لحب وما تخافي
بصى يا حبيبتى انا عندى 17 سنة احب اطمنك واقولك ان دة شىء طبيعى مع حد لسة فى حياتة مكلمش شباب فبتبقى مبهورة بالناس اللى تشوفيهم وتحسى ان فلان بيحبك وانك بتحبية ولكن لو بحثتى فى الموضوع هتلاقى ان فلان بيحبك لانك طالبة شاطرة وانك بتحبية لانة شخصيتة حلوة كمدرس شرحة كويس مثلا او كدة مش موضوع بقة انك بتحبية الحب الحقيقى وعشان اطمنك اكتر انا والله لية ناس صحابى حصل معاهم كدة لدرجة ان كان فى مدرس عندة 70 سنة حبوة بردو وفى نفس الوقت حبوا مدرسين تانين من سن 30 وكدة وبعدها نسيوا وبقول كل مايخشوا مرحلة جديدة يحبوا مدرسين تانين وهكذا بس اللى عليكى كل ما تلاقيكى الاحساس دة جالك قولى (اعوذ بالله من الشيطان الرجيم) وحاولى تغيرى المواضيع كدة وربنا هيسادك باءذن الله
ده إحساس عادي، لكن متخليهوش يسيطر عليكي
دايما لما تحسي بحاجة زي كدة سم الله واستعيدي به وفكري في اي حاجة تانية فكري في مامتك باباكي او فكري انك تعميلي مفجاة لممتك وبباكي وخواتك في حاجات زي كده
بسم الله الرحمن الرحيم :
* أختي الصغيرة : اللي انتي فيه ده عملية تعويض نفسي عن حنان الأب أو الأخ الأكبر ، مش حب ، بدليل إنك متعلقة بأكتر من واحد .
* لأني مدرس ثانوي ، بأقولك على خبرتي اللي عشتها في حل مشكلات من النوع ده ( معايا شخصيا ) ، و بأكد مرة تانية : تعويض عن حنان الرجل الكبير واحتوائه ، و ممكن فقدان الأب في مرحلة مبكرة من العمر . و ممكن ضعف شخصية الرجال المحيطين بيكي ، فبتلاقي قوة الشخصية دي في بعض مدرسينك الرجال ، و لشدة بحثك عن الرجولة حواليكي ، أول ما بتحسيها فيهم بتنجذبي ليهم بشدة و بتنجرفي في عواطفك نحيتهم ، و تتخيلي و تتوهمي إنك بتحبيهم .
* ده مش حب يا صغيرة ، ده بحث نفسي عن المثالية الغائبة .
*** و الله أعلم ***
إذا عرف السبب بطل العجب … أين والدك من هذه القصه ؟ .. هنا أول الخيط
بصى يا اختى انتى على حق دا سن المراهقه ببساطه انتى معجبه بمدرسينيك دول لسبب بسيط اوى هو انيك شايفهم طول الوقت اوداميك وعارفهم كويس وبرضو علشان انتى معندكيش اى خبره فى الاختلاط مع الشباب وبعدين انا عاوزيك ان انتى تخلاطتى بقريبيك الشباب ليه علشان قوربيك ليهم هيعرفيك ازاى تتعملى مع اى شاب وايه المسافه اللى المفروض تكون بينيك وبينهم وكمان انا عاوزيك تبقى تقراى المشكله اللى بتكون على الموقع دا زاى مشاكل الشباب مع البنات لما انتى تشوفى المشاكل دى هتكسبى خبره وتعرفى الحياه ماشيه ازاى وحاولى تتقربى لربنا اكتر من كده وتصلى وتقراى القران وربنا يحفظيك ويحميكى ويهديكى