سلام عليكم
انا شاب عندي 16 سنه شخصيتي معقده مش فاهم نفسي ولا فاهم الناس التانيه خالص بميل للعزله بشكل كبير جدا متفوق دراسيا و الحمد لله ذكي جدا (علي حسب كلام الناس بس انا شايف اني انسان عادي يعني ) متدين و الحمد لله خجول جدا مش عارف ليه مع اني حاولت بكل الطرق اكون طبيعي حساس جدا ( لدرجة اني بعيط جامد اوي وانا بسمع الكرتون لو مات او اتظلم اي شخص فيه زي مثلا لما مات موفاسا في كرتون الاسد الملك او لما اتسجن ايروه في كرتون افاتار ) بحاول اتجنب الناس قدر الامكان بس مش قادر في كل مكان اطلع فيه بيكلموني او يبصولي يخلوني اضطر اتكلم معاهم.وانا مش عارف اقول ايه في الحالتين عمري ما قدرت في حياتي كامله اني اعبر عن الي بفكر فيه ( بفكر في حاجات كتيره اوي بس معرفش اتكلم عن اي حاجه منهم ) يمكن برضو عندي حالة حزن شديد من غير سبب و اوقات وانا جاي انام بلاقي نفسي بعيط عياط واحد زعلان اوي و بكتم عياطي ده جوه نفسي فبتهز و بترعش بشكل مؤلم
عندي شوية مشاكل بسيطه عاوز استشيركم فيها
اولا عاوز اندمج مع المجتمع بس مش قادر محبوب من زمايلي البنين والحمد لله و محبوب من الناس العامه الي بقابلهم يوميا بس مبعرقش اتعامل معاهم مثلا واحد يقولي ازيك مببقاش عارف اقوله ايه بقول كلام مش مسموع و ملوش معني و بحرك شفايفي وخلاص علشان ميبقاش شكله و شكلي وحش لكن انا من جوايا ببقي عايز امشي و اسيبه من غير رد ابصله بس ولما ببصلهم بحس ان كلامهم مصطنع مش طالع من قلبهم انهم عاوزين يسألو عليا
ثانيا انا مش قادر استوعب الناس و رافض جدا لطريقتهم في الحياه زي مثلا ان الناس تنادي يعض بالالقاب مش بالاسماء و ان برضو الناس بقت الشتيمه حاجه عاديه بالنسبالهم وان صحابي كلهم بيتكلمو عن بنات قدنا بالقاب مش باساميهم حتي قدامهم مع انهم بنات محترمه اوي و بيبقي شكلهم ( البنات دي ) و هما بيسمعو الالقاب دي هيعيطو وحاولت اقول لاصحابي كده عيب او حرام طلعوني انا الي غلطان لاني مبعرفش اتناقش مع اني الي علي حق فنفسي حد يفهمني الناس دي بتفكر ازاي
ثالثا و ده الاهم انا بحب بنت قدي جدااا لدرجة اني مجنون بيها بحبها واحنا في الابتدائي و لحد دلوقتي و احنا في الثانوي بموت فيها لدرجة اني بحلم حلمين عنها في النومه الواحده والله العظيم و احيانا بصحي بعيط من الفرحه بسبب الاحلام دي بس مشكلتي اني خجول مش قادر اكلمها مع اني متاكد انها بتحبني برضو و في حاجه كمان منعاني اكلمها هي اني خايف لو كلمتها اكون كده بعصي ربنا و برضو خايف اني اكلمها تتعلق بيا و بعدين تحصل اي ظروف تكسر قلبها والله بحبها بجد علشان كده خايف عليها لو كلمتها يحصل حاجه تؤدي انها تزعل في الاخر زي مثلا ابوها يجبرها تتخطب لحد او اني مثلا اكون بكون نفسي و ده ممكن يتأخر لاني شاب و هي تحس اني مش ناوي اتجوزها و اني بتسلي بيها وده مش حقيقي
وبرضو خايف من ربنا لانه بيحبني جدا ( مواقف كتيره اوي بتثبت كده ) وانا كمان خايف اكون كده بعصيه و في نفس الوقت خايف انها تضيع مني لو مكلمتهاش
جربت اقول لبنت تقربلي وجهة نظري تفهمهالها بس لساني اتربط مقدرتش انطق
نسيت اقول ان البنت دي مقولتش لحد اني بحبها غير قريبتي و هي اقسمتلي انها مقالتش و مش هتقول لحد علشان خايف حد يتكلم عليها بسوء
رابعا انا شكلي مسرتن ( دايخ دايما و مش مركز ) مع اني بعيد تماما عن العاده السريه بل دا انا الوحيد في اصحابي الي مبطلها بس برضو شكلي وسط اصحابي اني الوحيد الي بيعملها منظرا مع اني دماغي مركز ميه في الميه بس شكلي عبيط و منظري وحش اوي وانا ماشي بالشكل ده في حل غير كيميائي ؟
يا ريت حل للمشاكل دي بعيدا عن استشارة حد في العالم الواقعي
انت تعرف ان انا فكرتك بتتكلم عني
هههههههههههههههههههه
أه والله وبص طالما احنا زي بعض وفي نفس السن(لو عاوز تقبل نصيحتي)
انا كنت شبهك كده وكان عدم قدرتي علي الكلام دي أسوأ عيب
بس انا كبرت دماغي من كل الحاجات دي
فضلت يوم كامل أجمع تركيزي وقعدت أشجع نفسي ولما رحت المدرسه تاني يوم(هيا معايا في نفس الفصل دلوقتي) وبين الحصتين كنا بره الفصل واتكلمت معاها وقلتلها كل حاجه انا عارف ان كلامي كان سريع ونصه مش مفهوم بس هيا فهمتني وفرحت جدا اني كلمتهاومن ساعتها والحياه قشطه
نصيحتي حاول تجمع ثقتك وقول لها مش لازم من أول مره بس لو ضغط علي نفسك حتي لو كنت خايف تكلمها هتلاقي نفسك قومت مره واحده وروحتلها وبتقول(الي يحصل يحصل بقي)
وبدل ما تتعب نفسك في الكلام روح قولها
وبالنسبه للشكل أو انك سبه المسرتن علي فكره انا برضه كده
بس البنات بتطبق نظريه
(الحلاوه حلاوه الروح)
ههههههههههههههههههههه
لا بجد لو اتجرأت لحظه واحده هتريح نفسك من كل ده
[[[ دايخ دايما و مش مركز ) مع اني بعيد تماما عن العاده السريه ]]]
يعني هذا أنك مصاب بالعين؟؟؟
الشيخة المجربة تنصحك يا ولديإن كنتَ تقبل النصيحة:
عَنْ أَبِي إِيَاسٍ ، قَالَ : كُنْتُ رَدِيفَ النَّبِيِّ صَلَّى اللَّهُ عَلَيْهِ وَسَلَّمَ فَقَالَ لِي : ” قُلْ ” ، فَقُلْتُ : مَا أَقُولُ ؟ قَالَ :
” قُلْ هُوَ اللَّهُ أَحَدٌ سورة الإخلاص ، فَقَرَأْتُهَا , ثُمَّ قَالَ :
” قُلْ ” , فَقُلْتُ : مَا أَقُولُ ؟ قَالَ :
” قُلْ أَعُوذُ بِرَبِّ النَّاسِ ، سورة الناس ” فَقَرَأْتُهَا , ثُمَّ قَالَ لِي :
” قُلْ ” , قُلْتُ : مَا أَقُولُ ؟ قَالَ :
” قُلْ أَعُوذُ بِرَبِّ الْفَلَقِ سورة الفلق ” فَقَرَأْتُهَا ثُمَّ قَالَ :
” مَا تَعَوَّذَ الْمُتَعَوِّذُونَ بِشَيْءٍ أَفْضَلَ مِنْهَا”*
وبعد الإنتهاء من العدد الذي أخترته قل ثلاث مرات:
[[[اللَّهُمَّ ذَا السُّلْطَانِ الْعَظِيمِ*ذَا الْمَنِّ الْقَدِيمِ *ذَا الْوَجْهِ الْكَرِيمِ* وَلِيِّ الْكَلِمَاتِ التَّامَّاتِ*وَالدَّعَوَاتِ الْمُسْتَجَابَاتِ*صَلِّ عَلى مُحَمِّدٍ وآلِ مُحَمَّدٍ
وَعَافِني مِنْ أَنْفُسِ الْجِنِّ وَأَعْيُنِ الإِنْسِ]]]*
عَنْ عَلِيٍّ ، أَنَّ جِبْرِيلَ أَتَى النَّبِيَّ صَلَّى اللَّهُ عَلَيْهِ وَسَلَّمَ فَوَافَقَهُ مُغْتَمًّا ، فَقَالَ : يَا مُحَمَّدُ مَا هَذَا الْغَمُّ الَّذِي أَرَاهُ فِي وَجْهِكَ ؟ قَالَ : ” الْحَسَنُ وَالْحُسَيْنُ أَصَابَتْهُمَا عَيْنٌ ” . فَقَالَ : يَا مُحَمَّدُ صَدِّقِ الْعَيْنَ ، فَإِنَّ الْعَيْنَ حَقٌّ . ثُمَّ قَالَ : أَفَلا عَوَّذْتَهُمَا بِهَؤُلاءِ الْكَلِمَاتِ ؟ قَالَ : ” وَمَا هُنَّ يَا جِبْرِيلُ ؟ ” . قَالَ : قُلِ : اللَّهُمَّ ذَا السُّلْطَانِ الْعَظِيمِ ، ذَا الْمَنِّ الْقَدِيمِ ، ذَا الْوَجْهِ الْكَرِيمِ ، وَالْكَلِمَاتِ التَّامَّاتِ ، وَالدَّعَوَاتِ الْمُسْتَجَابَاتِ عَافِ الْحَسَنَ وَالْحُسَيْنَ مِنْ أَنْفُسِ الْجِنِّ وَأَعْيُنِ الإِنْسِ . فَقَالَهَا النَّبِيُّ صَلَّى اللَّهُ عَلَيْهِ وَسَلَّمَ ، فَقَامَا يَلْعَبَانِ بَيْنَ يَدَيْهِ . فَقَالَ النَّبِيُّ صَلَّى اللَّهُ عَلَيْهِ وَسَلَّمَ : ” عَوِّذُوا نِسَاءَكُمْ بِهَذَا التَّعَوُّذِ فَإِنَّهُ لَمْ يَتَعَوَّذِ الْمُتَعَوِّذُونَ بِمِثْلِهِ ”
فاعمل… فاعمل … فاعمل؟؟
على فكرة انت فى حد حسدك
تعرف اعتقد ان مشكلتك الاصلية انك معندكش عزيمة قوية اللى عايز اقوله انك لو عايز تخرج من حالتك دى لازم تجرب جرب انك تتكلم ومتخفش الضربة اللى متموتش تقوى انت بتخاف من الاختلاط بالناس لانك خايف ليبصولة بصة وحشة ويقللو من قدرك وبتقول فى الاخر ان منظرك وحش اولا مفيش حد وحش لكن فى ناس متعرفش تبقى حلوة اقرى عن الموضة اكتر واهتم بنفسك وبلبسك ثانيا لو عايز تعرف الناس ازاى بتفكر انا اقولك .. هما بيفكرو بنفس طريقتك بالضبط لكن بختلاف نسب الحجات المهمه عندهم بما انك ما شاء الله ربنا انعم عليك بنعمة الضمير فلازم متخليش حد ياخدها منك اللى يعصى ربنا انصحه لو مسمعش سيبه ربنا يولع فيه بعدين من الاخر لازم تعيش وانت كلك قناعة انك مش محتاج حد يسندك خليك جامد ولما تتكلم على صوتك ومتخفش لان صوتك لما يبقى عالى ومسموع بتفرض شخصيتك على الكل وحتى على نفسك ولو مش عارف تبدا منين انا اقولك اعمل فورمات لكل الافكار القديمة دى من النهردة كانك لسا مولود من جديد وحط لنفسك منهج مبنى على اساس الشجاعة والمغامرة والتجربة والطموح ولو عايز تكسب الناس امدح فيهم وناديهم بالاسماء اللى بيحبوها هما لانك لو انت اللى بدات تهتم بيهم هما هيهتمو بيك وهتكبر فى نظرهم بس مع كل النصائح دى لازم تفتكر حاجة واحدة اوعى تتخلى عن اخلاقك وملامحك الحلوة والجميلة اللى جواك لانك فى الاخر هتموت وهتخسر كل حاجة ما عدا ضميرك ودينك هما اللى هينجوك وتبقى كسبت دنيا واخرة