انا عمري بنت 22 سنه من صغري و انا حاسه اني ولد بحب لعب الولاد و لبسهم و طريقه عيشتهم حتى لما كنت بتخيل اني كبرت كنت بتخيل اني ولد مش بنت انا مش عارفه ليه طول الوقت حاسه بكده خفيت شويه من الافكار دي و انا ف خمسه ابتدائي و اولى اعدادي لكن الافكار رجعت اسوء مما كان لما سفرنا بلد عربي مكنتش عارفه انا عندي ايه بس كل اللي بحسه اني بكره جسمي و لما الدوره الشهريه جاتلي ادمرت نفسيا لان كل ده ضد رغبتي و ضد احساسي بالرجوله الدائم على الرغم اني البنت الاولى و بعدي بنت و بعديها ولد و اصدقائي كلهم بنات يعني ايه اللي مخليني كده مفيش حد بتأثر بيه و اذدادت المشكله سوءا في سن المراهقه بقيت بتعلق باي بنت اشوفها تعلق عاطفي و ليس جنسي لان جسمي سليم و نفسي هيه اللي تعبانه بس الحمد لله عمري ما حاولت امارس اي افعال مخجله مع اللي كنت بتعلق بيهم كنت بدفن الحب فقلبي لاني لا اقبل الا بالعلاقه الصحيحه حتى مكنتش بقولهم على حاجه و بتعامل معاهم عادي جدا و لكن يبدو ان الدنيا لسه مخبيالي اكتر الحمد لله على كل شئ لان المشكله بتاعتي اتعقدت لما دخلت الجامعه و المره دي اتعلقت بصديقتي اوي و فتحتلها قلبي لدرجه اني قولتلها كل اللي كنت بحس بيه و انا صغيره زي ما حكيتلوكوا و عيطت كتير من كتر حزني و صعبت عليا نفسي و هي وقفت جمبي و عطفت عليا اوي و فتحتلي قلبها قالتلي انها عندها تبول لا ارادي و ده مسببلها اكتئاب فبقا التعاطف متبادل و حبي ليها كل يوم يذيد من غير ما الاحظ لحد لما ما بقتش اتخيل حياتي من غيرها قربنا من بعض اوي بس انا لسه برفض اي تصرف شاذ كان اقصى حاجه احضنها و اقولها اني بحبها و حتى دي تبت عنها و هي كمان قالتلي انها تابت و اتخطبت بس انا زعلت اوي انها اتخطبت كانها خانتني و سبتها خالص و قلتلها تسامحني و انا نسمحاها من كل قلبي و انا كمان اتخطبت و اتعالجت عند دكتور نفسي بس المصيبه الكبرى انى افتكرت اني خفيت و زي ما امي قالتلي الخطوبه و الحب الجديد هينسيني و هيخففني مشكلتي دلوقتي اني لسه بحب صاحبتي و مش قادره احب خطيبي الحب العاطفي و هو ملوش ذنب انا حاسه اني بظلمه لان هو حبني اوي و مش ذنبه اللي حاصلي و اللي بيحصلي انا كده ياما هظلم نفسي ياما هظلمه و هو ملوش ذنب اعمل ايه ساعات بتمنى اموت و ارتاح من العذاب لكن بفتكر ربنا اللي مبنسهوش و هو اللي حاميني من الشذوذ انا عارفه ان ربنا بيحبني عشان كده مش هقبل اني اموت كافره و العياذ بالله ان كمان بحبك اوي يا رب و مش عايزه اغضبك و خايفه اظلم يارب ساعدني و يا ريت انتوا كمان تساعدوني ارجوكوا
هموم البنات
اميل للذكورة واحب بنت مثلي
اضيف بتاريخ: Wednesday, May 30th, 2012 في 21:27
كلمات مشاكل وحلول: الحب, الدورة الشهرية, بنات, بنت, سن المراهقة
شوفي اذاكنت زي البنات الاخريات عندك نهدين وتاتيك الدورة كل شهر وتحسي انك بنوتة مش ولد فاعتقد ان عندك اختلاف في الهرمونات الذكورية اعلى من الانوثية ولازم تشوف دكتورمختص للاعضاءالتناسلية ومع الجلسات والادوية سوف تشعرين بانوثتك رجعت تماما لطبيعتها ولازم انت تتركي التشبه بالاولاد في ملابسهم وحركاتهم وطريقةتصرفاتهم اقلع عن العادةدي وكوني بنت زي كل البنات في لبسك ومكياجك وتسريحةشعرك ورقةصوتك ونعومةجسمك واختلطي مع البنات باللالعاب والتسلية واحذري من الاختلاط بالشباب اوالنظر لهم كي تصوني نفسك وشرفك وسمعةاهلك وربي يهديك ويصلح حالك
ربنا يصبرك 🙁
السلام عليكم يمكنك ان تتخيلي انك شاب مثلي وتحبي خطيبكي إذا فقد ينفعك هاذا الحل الغريب
الي عندك حاجه اسمها اضطراب الهويه الجنسيه مش جنس تالت دا مرض الجنين بيتولد بيه بسبب تعرضه ان كان ولد لنسبه كبيره من هرمونات الانوثه قبل الولاده والعكس في البنت…فالطبعه المخيه المسؤوله عن النوع بتبقي بتقول حاجه…و الجنس او شكل الجسم بيقول حاجه..اتعالجي عند دكتور نفساني مشهور يكون عارف المرض ده….شوفي نفسك لو قادره تعيشي كبنت ماشي…لو مش قادره يبقي اقطعي علاقتك بخطيبك عشان هتظلمي نفسك و هتظلميه…و مهما كان دا زي ما قلتلك مرض الواحد بيتولد بيه و انتي ملكيش زنب و لو عليكي عتعيشي كأي بنت طبيعيه… وانا عارف انك متضايقه عشان الناس كلها بتعاملك كبنت و حتي انا كاتبلك الرد كده بس عشان الناس متستغربش مني…و علي فكره الموضوع ملهوش اي علاقه بالتدين عشان دا ابتلاء….و ان احب الله عبدا ابتلاه……كل الي انا كاتبه ده من دراسات في العلم النفسي انا بقالي سنين بدرس في الموضوع ده….اخر حاجه عايز اقولها انتي شايفه نفسك ولد ولا بنت…وافتكري انك حره طول ما انتي ما عملتيش حاجه حرام….
المشكله سهلة الحل طالما انها ليس مشكله جسديه فطالما ان جسمك يميل الي جسم الانثي فانت كذلك لذا حاولي تغيير ملابسك وتسريحة شعرك مثلا ووضع بعض المكياج في البيت او في حجرتك وسيزول هذا الاحساس باذن الله
الحل عندي انا ….
اولا. عليك بصلاة التهجد بالثلث الاخير من الليل
ثانيا. عليك بالاستغفار
ثالثا. عليك بقرأة سورة التحريم
رابعا. اكتبي على ورقة كيف هو شعورك بعد هذه الوصفة الرحمانية
والله ولي التوفيق
ربي يصبررك حببتي لأن الاحسااس ده اصعـــــــــــــب شيئ في الدنيا لاني مجربا بجد واسأل الله ان يثبتنا ويهدينا علي طعتوو ويزول هذه الاحاسيس والمشااعر دي من نبعنااا ربنا يهدينا يااارب “”بس مشكلتك دي لمستني اوووي
انت عندك حالةتسمى الجنس الثالث اللي لاذكرولاانثى تتصرفي كانك ذكروتحبي الاولاد والعب معاهم وتحاولي التعايش مع حالتك دي وانصحك بالابتعادعن التشبه بالاولاد الذكورفي اللبس والكلام وطريقة المشي وعودي نفسك التقرب من بنات وتعايش معهم في اللبس والكلام والمشي ومع الايام ستجدي نفسك شابة كاملة الانوثة
بصي يا حبيبتي قربي لخطيبك وحبيه حاولي تحبيه ولو هو انسان كويس هيقرب منك وهيشبعك عاطفيا وهتبقي مبسوطه ولو مش عارفه تقربيه ليكي او كده شوفي ع النت ازاي تجذبي خطيبك وكده وهو بمجرد مايحبك اوي ويتعلق بيكي هتحسي انك بنت وطبيبعيه جدا والاحسن لو تتجوزيه في اقرب فرصه يعني ومش تطولي في الخطوبه يعني عشان تمنعي نفسك من الغلط لان ممكن الشيطان يضحك عليكي اتجوزيه في الحلال وهتبقي مبسوطه ان شاء الله……..ربنا يريحك ويسعدك يااااارب
“والَّذِينَ جَاهَدُوا فِينَا لَنَهْدِيَنَّهُمْ سُبُلَنَا وإنَّ اللَّهَ لَمَعَ المُحْسِنِينَ” [العنكبوت: 69]
انا ارى اني اجاهد ميول نفسي قدر الامكان لحد ما ربنا يفرجها و اتعالج نفسيا اسألكم الدعاء لي ان ابرأ من هذا الداء الذي علمت مؤخرا انه اضطراب في الهويه الجنسيه و الله المستعان
ايه رأيكم في الرأي ده؟
خطيبي لو عرف انا اللي مش هقدر ابص في وشه تاني و هبقى جرحته و صدمته في البنت اللي حبها لاننا مجتمع شرقي و مبنعترفش للاسف بالامراض النفسيه اللي من النوع و هيعتبر اني كذبت عليه لمجرد اني خبيت مع اني لما خبيت خبيت عشان افتكرت اني خفيت و ممكن اعيش بشكل طبيعي و ان الماضي لازم انساه بكل ما فيه و عشان انساه لازم مفكرش و معرفش حد بيه
يمكن أنا رأي مختلف شوي و هو أدا كان خطيبك يعرف و الموضوع عادي بالنسبة لو يعني بسة مصر عليك (ان شاالله) ليش ما يروح لدكتور نفسي عشان يقولو كيف ممكن يزيد انجدابك لي بعد مقابلتك انتي للطبيب
انا كنت بحبها حب الولد للبنت فعلا بس الحب العاطفي يعني معنديش شذوذ في تصرفاتي و عمري ما فكرت اني امد ايدي على جسمها و لا حبيت ده و لا اني اشوف جسمها انا اتعلقت بيها تعلق نفسي و ليس جسدي لان هرموناتي و جسمي و نظرتي للعلاقه الجنسيه سليمه يعني ما بتخيلش غير ولد و بنت في العلاقه دي و بقرف من مجرد التفكير فعلاقه بنت و بنت او ولد و ولد الحمد لله
انا لما كنت بتخيل اني اقرب منهاكزوج و زوجه كنت بشوف نفسي ولد لان دي نظرتي لنفسي لكن وانا بنت ده شء مقرف جدا لا اقبله و لا احبه اساسا
باختصار انا نفسيا بحب اشوف و اتخيل نفسي ولد مع البنت اللي بحبها لكن معملش علاقه مع بنت و انا بجسم بنت حتى لو بحبها حب الولد للبنت ارجو اني اكون وضحت الفكره و اللي عامل العازل بيني و بين خطيبي هي نفس المشكله اني عايزه احس ان انا ولد لكن ده غير منطقي و انا مخطوباله و هو الراجل يعني هو مش عارف يشبعني عاطفيا لكن هو قادر و انا اعلم ذلك جيدا انه سيشبعني جنسيا بعد الجواز لان جسمي طبيعي جدا
الحمد لله اني مش شاذه فدي كمان.
انا اتحدث اليك بكل امانه
انا شاب اعمل في عمل مرموق اجتماعيا تعرفت علي زميلة لي بالعمل احببتها كثيرا لدرجة العشق
وهي ايضا ولكنها ضعيفة امام احدي صديقاتها
اكتشفت بالصدفة ان لها صديقة لها نفس حالتك وبالصدفة رايت الرسائل المتبادلة وكان رجلا يتكلم مع عشيقته هو مجرد كلام ولكنه اثر سلبيا علي خطيبتي واصبحت تري انها بمجرد خطبتي او حتي حديثي هو بمثابة خيانة لصديقتها وينتابها البكاء كثيرا بعيدة عن باقي اصدقائها فالعمل الا هذه الصديقة من ايام الجامعة
طبعا الامور تطورت لدرجة انها رات صديقتها في احدي المرات بنفس الشارع الذي نمشي فيه فاخذت تجري فالشارع وكان ورائها بلطجيا ينوي اغتصابها و ساعات من الاحاديث بالتليفون وذهبوا الي دكتور نفساني قبل خطبتي لها ولم يكملوا العلاج .. كل هذا واهلها بالمنزل لا يعلمون شيئا وبعد خطبتي لها وتكرار المواقف المتكررة المخجلة استحملتها ولكن في يوم طلبت ان تبتعد لتقوم باستخارة وتركتها وكلي يقين بانها ايام وسترجع لي ولكنها تمسكت بصديقتها وبحبها لها وتم فسخ الخطبة
وانا احمل صديقتها كل المسئولية ادعي عليها ليل نهار لما فعلته بهذه المسكينة
اطالبك باستكمال العلاج النفسي والرجوع الي الله
واتقي الله يجعل لك مخرجا
ولا تنتبهي لوساوس الشيطان التي سوف تنتهي بمجرد التزامك ومواظبتك علي الصلاه وشغل وقتك بما هو مفيد والعلاج النفسيي اهم شي
بصراحه انا اول مرة اقابل مشكله زى دى انا قابله مشاكل كتير شبه دى بس كان المشكله الحقيقه فيها هو الجنس يعنى بنت بتحب بنت بس بتحبها حب الولد للبنت يعنى الجواز والجنس والكلام دا بصى انا شايف انيك تحاولى تقربى من خطيبيك يعنى قصدى تحبى الحب اللى انتى بتحبى لصحبتيك وكمان خطيبيك برضو المفروض انو يقرب منيك ويهتم بيكى ويحسسيك بانوثتيك وكمان حاولى انيك تخروجى من الماضى بكل زكرياتو المؤالم وعيشى فى الواقع اللى هو خطيبيك اللى بيحبيك واللى انتى المفروض كمان تحبى انا عارف ان كل الكلام دا صعب بس اهم حاجه انيك متياسيش وخلى عنديك ثقه فى ربنا وان شاء الله ربنا يكرميك ويصلح حاليك ويهديكى
اتعالجى نفسيا واتركى كل حاجةحرام والجأى لربنا وصلى واحضرى مجالس دين واقرأى القرآن هتلاقى ربنا شفاكى باذن الله