واحد متزوج حبني بس انا مبينتلوش اني حبيتو عشان ماكنتش عاوزة اخسر صداقة عايلته..كان دايماً قريب لي يعني بيحب يكلم معايا ع طول وكنت بحس انه حنون اوي كنت بشوف فيه روح الأبوة، بس هو لأ كان بيقولي انه بيحس إني، أعوذ بالله ( Girl Friend بس مش حابة المصطلح ده.
انا حبيته اوي دون ما ابينله حاجة .. المشكلة انو مش عارفة انساه بالرغم عيوبه اللي مش تخلي اي حد ينجذبله..بس هو طيب اوي ، أنا شفت فيه بابايا ، انا بابا عايش بس مش قريبين من بعض والراجل ده اكبرمني ب 20 سنة أنا دايما بدعيله ، وبادعي أني انساه وربنا يوفقوه في حياته ياريت لو في هواية امارسها عشان انساه للأبد
Regards ……..
ده مش حب انمامجرد ارتياح اواعجاب منك بالرجل وتشوفي فيه صورةابوك اللي محرومةمنه وتاكدي انك غلطانة في حق نفسك واهلك وفي حق زوجةهذالرجل واولاده اتقي الله وابتعدي عنه فورا وللابد واحذري من النظر له ولغيره من الرجال فان النظر من سهام الشيطان الرجيم يريد اغواكي في المحرمات والرذيلة حصني نفسك بالاخلاق الفضيلةواحترامك لاهلك وللاخرين واجعلي مخافةالله نصب عينيك واتركي عنك مواضع الفتن والمصايب وربي بيكرمك بكل الخير من يتقي الله يجعل له مخرجاويرزقه من حيث لايحتسب وربي يسترعليك ويصلح احوالك
والله انا في نفس المشكله بحب واحد توي وهو متزوج واللي مخليني مش قادره انساه انه طيب ومحترم ومش عايزه تقوله علشان مش عايزه اخسره بس هو حاسس اني بحبه من كلامي معاه وهو اكبر مني ب6 سنسن بس بس بموت فيه وحولت انساه بس فشلت وصدقيني مش هتعرفي تنسيه اللي يحب بجد ميقدرش ينسي وربنا يوفقك تحياتي همسهm+s
ليه دايما أول كلمة بتقولوها سيبيه وابعدى عنه وهى لو تعرف تبعد عنه كانت قالت لكم مشكلتها أنا كمان بحب ونفسى قوى انى انساه واسيبه لبيته وعياله وبردة انا اعرف مراته كويس واهله كلهم وكمان بحب مراته قوى وهى بتحبنى بس مش عارفة اعمل حاجة مش عارفة قولولى اى حل بس ماتقولوليش سيبيه عشان انا لوعرفت اسيبه كنت سبته ارجوكم تحسوا بالى بيكتب عشان الى ايده فى الميه مش زى الى ايده فى النار
انا رايي انك تنسية خالص لكبر السن ولانة متزوج من واحدة تانية واكيد مراتة هتاخذ بالها في يوم من كلامك وافعالك ونظراتك لية ودة هيبقي اكبر مشكلة لكي
احمدي الله انه ربك مو معيشك بفراغ عاطفي مثلي انا لو بدالك بحبه ويلي بدو يصير يصير ربك حلله الحب مو عيب مو المهم وين بدا تنتهي العلاقة المهم الحب
انصحك تنسية لانه عمره مهيتزوجكك أنا كنت زيك واحد موجود جانبنا متزوج أكبر مني ب ١٥ سنة كان قبل مايخطب كنت عادي معاه بعد ما تزوج حبته جدا ازاي معرفش وعندة ولد وبنت لسة مدخلوش كجي 1ولزم اشوفه كل يوم حتي بتبقي بالصدفة واللهي لما مابصلة بحس انو بيحبني حب لا يوجد مثلة في الدينا وبحاول انساه
المفرود الى انتى تبعدى عنة ولو انتى خيفة انك تخسرى بنتة هى كمان مراتة اكيد مش عيزة تخسرة ومش عيزة تخرب بيتها وبعدان دة لية بنت فكدة انتى هتخربى البيت كلة
انتى تعرفى ربنا كويس مش كده طيب ليه عايزا تاخدى حاجه مش بتاعتك عشان بس الحب تعرفى انك ممكن تدمراى اسره عشان حبك ده او المصيبه السوده انه يكون فى سن مراهقه وعايز اللى يعيشه سنه وحياته او ما عنده اى ضمير انه يحب بنت اصغر منه ولسه زى الورده وهو مجوز وعنده اولد ووش شوفى والله ما عايزا اتهمك بس انا ارمله وعندى بنتين واجوزت سنتين بس وانا ارمله من 3 سنوات حابيت واحد اكبر منى 25 دكتور ومشهور ومبسوط جدا وبيموت فيه رغم عمره ما قالى انه بيحبنى بس تصرفاته وخوفوا وحنيته وكتير من الحاجات اللى اى واحده محتاجها لقيتها فى بحكم انه الدكتور بتاعى لكن انه متزوج عارفه والله والله باكلمه مره فى السنه فى العيد الكبير عشان اعيد عليه مره واحده مكالمه واحده فى السنه ومش بشوفه بتخالينى اسعد واحده وعارفه بابعد ليه عشان مجوز وعنده اولد رغم هو عايز يجوزنى رفض عارفه ليه لانى كنت زوجه فى يوم من الايام واى مشكله بتحصل فى البيت بيكون بيت ما فى غير الهم والحزن ودى حاجه مش سهله الخراب سهل بس حتيت نفسى مكان مراته ورغم انى بحبه واتمنى من ربنا انى اشوفه فى منامى اللى عايزا اقوله لو حاتموتى اوعى تخربى بيت حد او تجوزى واحد مجوز ابدا لانه فشل مع ام اولده حاينجح مع مين تانى وفرق السن مش عيب ولا حرام الرسول عليه اكرم السلام كان اكبر من السيده عائشه بى 40 سنه المهم تجوزى واحد يعرف ربنا احنا فى زمن صعب اللى عنده دين اتجوزيه وتاكدى انك حاتكونى اسعد الخلق وربنا يسعدك يارب
اتركى كل دة وراء ظهرك ولا تتسالى فى اى حد لان هو بس لو حس بحبك الية هيفكر فيكى اكثر من الاول اتركى لزوجتة
اختى الفاضلة الحب لايطرق ابواب قلوبنا حتى نختار من نحب ومن لا نحب انا مريت بظروف تشبة ظروفك فى شىء واحد انا احببت رجل متزوج ويكبرنى ب15عام لكنة ليس فية صفة سيئة واحدة هو ليس كامل لكنة رغم كبر سنة رايت فية ما لم ارة مع اى احد الحنان والكرم والاخلاق العالية فهذا الشىء خلانى احبة دون ان ادرى وهو ايضا بادلنى الحب بشدة لكن انا كان عندى عقبة ومانع شديد هو ما منعنى من الزواج بة انا ابدا لا انساة ولم انساة رغم انى متزوجة ولازال هو زكرياتى الجميلة وايامى السعيدة اما انت فبالنسبة لكى انت تحبين فية الابوة التى احتجتى لها احتجت من يشعرك بالحنان وتاكدى انك حتى لو تزوجك فسيزول كل شىء من ناحيتة وتقضى باقى حياتك تعيسة جدا تدفنى شبابك مع نصف رجل لانة عندة بيتة واولادة والاكثر من زالك كبر سنة لا تغامرى بحياتك من اجل مشاعر تمر علينا مر الكرام وتذهب ارجعى الى ربك وستقابلين شاب فى سنك ان شاء الله يحبك ويقدرك ووقتها ستحسين بكل المشاعر الجميلة معة فابتعدى عن هزا الشخص لانة لو كان يحبك ما وافق انة يظلمك معة فى بيتة وزوجتة والاكثر انك ستخسرين صديقتك ابتعدى ابتعدى انا قلت لكى احنا ما بننسى من نحب لكن قدرنا جمعنا بمن ليسو لنا الله يصلح الحال
حبيبتي انتى شوفتى فيه صورة للاب مش صورة الحبيب وهو متزوج واكبر منك ب20 سنه يعنى من كل الاحوال مينفعش تعلق بيه نفسك خالص المهم عشان تنسيه حاولي دايما تشغلي نفسك بقراءة القران الكريم او سماعة لكن القراءه افضل حاولي تجيبي كتب دينيه تقريها واكثري من الصوم والصلاة وربنا يقدرك علي نسيانه
بصى انتى اكيد بنوته حلوة و صغيرة من حقك انك تعيشى حياه طبيعية مع شاب من سنك تحبيه و يحبك وتعيشوا اجمل قصه حب و بقولك ايه الراجل اللى اكبر منك ده تنسيه نهائيا لسببين اولا ان اللى انتى فيه ده مش حب ده مجرد احتياج او انتى فاقدة حنان الاب فبتحاولى تلاقيه فيه و ده غلط بكل المقاييس .
ثانيا مفكرتيش بعد 10 سنين وبفرض انو كويس و اتقدملك و اتجوزتى انتى هيكون عندك كام و هو كام وفى عز ما انتى تكونى محتاجة لكل حاجه هو مش هيكون عنده اى حاجة علشان يدهالك زائد انها هتكون اتحسبت عليكى جوازة و ياعالم هتخرجى منها بعيل و اللاه لا .
نصيحة منى انسيه نهائيا قربى من ربنا ادعيه انو يرزقك بالزوج الصالح انزلى اشتغلى اخرجى و البسى و اتفسحى و اتعرفى ع ناس جديدة و اكيد اكيد هتقابلى الشخص اللى يحبك و تحبيه و نصيحة منى حاولى تتحكمى فمشاعرك و اعرفى ان التفاهم اهم من الحب ………….و متنسيش قتيل ايديه ميتبكيش عليه ………وربنا يوفقك يا بسبوسة
لو تقدملك رسميا متسيبهوش خالص رسولنا محمد(ص)تزوج امنا عائشة وهي صغيرة مبارك زواجكم
قال تعالى واستعينوا بالصبر والصلاة وانصحك بدراسة اى شئ نافع او تعلم الخياطة او شئ تميل اليه نفسك مع كثرة صيام التطوع والدعاء ومصاحبة البنات الصالحات وان شاء الله سوف يرزقك الله النسيان ويعوض عليك بالشخص المناسب الذى يتقى الله فيك ويكون سبب سعادتك فى الدنيا والاخرة
اختي الحب هو عاطفه جميله وهبها لنا الله سبحانه وتعالي لنجعل حياتنا بها جميله وسعيده … لانه يوجد انواع كثيره من الحب … وانتي حسب كلامك انه اكبر منك بحوالي 20 عام يعني متزوج وله اولاد او انه في سن والدك … وفي هذه الحاله فهو يضيع وقته ويجد فيكي شئ جديد بالنسبه له او يستعيد بيكي مراحل شبابه … لذلك فكري جيدا ولا تندفعي وراء عواطفك … لانه يضحك عليكي ويريد تقضية وقت جميل معكي … فلابد ان تعرفي ذلك وتكوني اكثر واقعيه من ذلك …. وان تبحثي عن ماهو مناسب لكي … وسوف يجئ النصيب اليكي اينما تكوني … فلا تتعجلي الامور … وتقعي في مشكله كبيره قد يصعب حلها مستقبلا … وفي نفس الوقت تذكري بأن هذا الرجل له بيت وزوجه واولاد وقد يكون احدهم في سنك … فهل تسمحي لوالدك ان يحب واحده في سنك .. هل سوف تتقبلين ذلك … فالذي لانرضاه علي انفسنا لا نرضنا لغيرنا ايضا … تحياتي وربنا يوفقك