مشاكل حب المراهقة

احب شخصين في نفس الوقت

أنا بنت عندي 18 أتعرفت علي ولد ادي وحبيته أوي و هو كمان فضلنا شهرين عادي جدا وبعدها حسيت ان انا اكبر منه في التفكير وكل حاجه قولته كدا قالي متبعديش عندي انا بحبك قولته مش عرفه اكمل لأن وقتها لاقيت شخص تاني في حياتي كنا أصحاب في أول بس كان معايا علي طول واقرب من حبيبي ليا وأعترفلي بحبه وانا حسه ان انا بحب ال تاني أكتر من أول عشان اكبر مني وفاهمني بس خايفه اكون هجرح الأول أعمل إ

مشاكل وحلول ذات صلة

اضيف بتاريخ: Thursday, January 26th, 2012 في 01:23

كلمات مشاكل وحلول: , , ,

23 رد to “احب شخصين في نفس الوقت”

  1. الاميره الصغيره
    14/06/2017 at 05:17

    حبيبتي كلام الاخت صح كما تدين تدان وانا كمان زيك كونت بحب واحد وسبنا بعض ولما جيت حبيت التاني ظهر لي الاول ولخبط لي رااسي

  2. Anonymous
    07/03/2015 at 14:18

    حبيبتي نصيحه لوجه الله سيبك من قصص الحب لانها هتوجعلك قلبك بعدين انتي بعدك بأول عمرك خيرهم بغيرهم التنين

  3. اميرة الاحزان
    27/01/2014 at 02:36

    فى الحقيقه لا وقتها اذا حسيت بكذا اعرف انك تحب فقط ان الناس تكون حولك مش اكثر صح انك ممكن تتضايق لو حد منهم بعد لكن الحقيقه القلب ميقدرش يحب غير واحد واذا حسيت انه ميال لاتنين اعرف انك مش بتحب ولا واحد منهم هو بيكون مجرد حب الونس واخذ الحيطه عشان لو فى لحظه حد اختفى فى حد تانى يوفى مكانه وتاني شي هاد شي لو استمريتي فيه راح تصيرى في حالة نفسية يعني ممكن تزوجي وتبحتي على شخص تاني اتناء وقت عمله

  4. ابواميرة
    10/01/2013 at 11:35

    كل اللي تعمليه غلط ولاواحد يستاهلك بصي لدراستك ولسه العمرقدامك وربي يسعدك ويسترعليك

  5. مى
    02/10/2012 at 12:42

    انتى المفروض تمشى ورا احساسك وطالما جربتى حاجة تبقى تجربيها للاخر وبعدين انتى لسة صغيرة والبنات كلهم اول مشاب يبتسم بس تقول دة بيحبنى الحب الحقيقى بعد سن المراهقة

  6. kan
    04/07/2012 at 01:14

    ياعم (المخنوق) انت بتتكلم ازاى يعنى لما يعجبها واحد تسيب التانى انا مش هتكلم فى الموضوع دة علشان الاستاذ مخنوق خنقنى بس ال عايز اقولة قبلى متفكرى حطى نفسك فى مكان الشخص دة وشوفى احساسك اية؟

  7. مخنوق
    23/06/2012 at 09:31

    شوفى ال بيحبك اكتر وسيبك من موضوع فرق السن لان الحب عمره ما كان با السن

  8. i love mohamed
    15/06/2012 at 03:13

    انا زيك كنت بحب واحد فى سنى لاكن عقلنا وتفكرنا مختلف مقدرتش اتواصل معاه فاانتى اكيد عملتى الصح انك سبتى الاولانى بس ياريت كل حد فينا يتاكد من شعوره اودام الناس البيحبوه عشان ميظلمش حد ولا يظلم نفسه

  9. misou
    04/06/2012 at 17:17

    حبيبتى انتى اكيد مبتحبيش الاولانى لانك لو كنتى بتحبيه كنتى عمرك ما تفكرى فى غيره وكنتى تشوفيه احسن حد فى الدنيا حتى لو كان في اللى احسن منه لافضل انك ان تعرفي اي تحبي اكتر

  10. مصطفى
    12/05/2012 at 14:21

    ممكن تمشى ورا رغباتك وتبعدى عن الاول وتروحى للتانى بس هيجى يوم هو كمان يشوف غيرك ويبعد عنك (كما تدين تدات وبالكيل الذى تكيل بة تكال ) الافضل انك تبعدى عن الاتنين لانة حب مراهقة ومش هيدوم وانتى جربتى مع الاول وشوفتى مستمرش غير شهرين .

  11. اميرة الاحزان
    17/04/2012 at 18:26

    انتى مش بتحبى ولا واحدفيهم

  12. rere
    14/03/2012 at 20:49

    الاحسن انك تبعدى عن الاثنين مفيش حد بيحب 2 فى وقت واحد انت كدة بتتضحكى على نفسك (ما جعل الله لامرئ قلبين فى جوفه)وصدقينى هيستمر احساسك بالجرح دا لفترة لا تزيد عن شهر لو شغلت نفسك بحاجة تانية

  13. houba
    06/03/2012 at 13:52

    حبيبتي انا حاسه بيك لاني جت عليا فتره كنت كده و كمان انا في سنك يعني عندي 17 فمش فرق كبير بس بجد تعبت من كتر وجع القلب فكررت ابعد عن الاثنين عشان مفضلش حد ع التاني و ربنا الي فيه الخير حيعملهولي ! توكلي علي ربنا و ادعيله يقومك من الي انت حساه بيه و متنسيش ان قلبك ملك ربك !

  14. فارس
    05/03/2012 at 20:42

    انت لسه صغيره مالك بالحب والخرابيط انتبهي لدروسك وبلاش لعب < فيس معصب

  15. fofa
    20/02/2012 at 18:39

    مش عارفه اقولك ايه أنآ أكيرِ منك عندي 20 سنه وبحب برضو اتنين وهما الاتنين أصغر مني
    بس بصي مش معنى انه مثلآ حاسه انه أصغر منك يبقى مبتحبوش لآعادي منآ بحب أضغر مني وبرضو بحب اتنين والله اللي انا عارفاه اني بحبهم ممكن ردي ميعجبش ناس كتير بس مش معنى انه من دروك وانك حاسه انه مش فاهمك يبقى مبتحبوش

  16. سمر
    10/02/2012 at 21:25

    الحياة مملة اوى انت عندك حق فى كل ما قلتة انا مرات بتجربة الحب وفعلا حست انى دة حب

    مراهقة

  17. هيا
    03/02/2012 at 22:31

    أقولك ايه؟ عن تجربة ان الحب الحقيقي مش مقيد بزمن لا في سن المراهقة ولا في سن النضوج لكنه مقيد بالشخص الذي لاقيتة في مشوار حياتك.هل هو مناسب لكي في كل احواله؟ هل اتحد عقلك وقلبك معا في اختيارك له؟هل هو انسان ذو شخصية قوية صاحب مسئولية ,ذو خلق ودين , صادق في حبه لكي يتحدي به العالم بأسره يتخطي اي ظروف يواجهها….ألخ
    قلبك جوهرة ثمينة لاتعطيه لانسان غير جدير بالحفاظ عليه أعتزي بنفسك وبقلبك وأنظري في قرارةنفسك وتحدثي معها فالمشوار طويل والشخصيات عديدة انتي من تحددين الشخصية المناسبة لكي فاذا ساعدك القدر ولاقيتهافتمسكي بها حتي اخر العمر واذا لم فانتظري فالحياة مليئةبكل هو جديد ولكن أحترسي أن تغضبي الله وتندرجي تحت خطوات الشياطين والنصيحة الاخيرة اذا لاقيته اتفقي معه علي ان ترضوا الله وتتجمعوا سويافيما أحله لكم فهذا هو الحب الصادق

  18. nora
    03/02/2012 at 19:25

    حبيبتى انتى اكيد مبتحبيش الاولانى لانك لو كنتى بتحبيه كنتى عمرك ما تفكرى فى غيره وكنتى تشوفيه احسن حد فى الدنيا حتى لو كان في اللى احسن منه…وكمان انتى مبتحبيش التانى لانك دلوقتى لو لقيتى حد احسن منه اكيد هتنسيه بصى فى الاخر انا هقولك ان انتى مشا عرك مش مستقره على حد وده يا اما علشان انتى فى مرحلة المراهقه او انتى لسه ملقيتيش الحب الحقيقى فى حياتك وده ميمنعش ان انتى العمر لسه قدامك طويل واكيد لما تكبرى هتلاقى الشخص المناسب اللى يستاهل انك تسلميله قلبك وانتى كمان تحبيه بجد وربنا يوفقك

  19. شوشو هيما
    30/01/2012 at 22:20

    حبيبتى انتى لسة صغيرة مفيش حاجة اسمها بتحبى اتنين الاولانى دا انتى مبتحبهوش بس عشان قالك متسبنيش وكدا اما التانى معرافشى بردوا ولو جالك واحد تالت لقتية احسن من التانى هقولى كدا برضوا دى مراهقة حبيبتى حددى انتى عايزة اية وشوفى دراستك وكل ما بتكبرى بتشوفى الاحسن من اختك شوشو

  20. نوسة
    30/01/2012 at 19:14

    انتى غريبة قوى ازاى يعنى بتحبى اتنين دة كلام مش منطقى اللى انتى فية دة لة اسم الله اعلم بية دا حتى ماسموش حب مراهقة لان حب المراهقة عمرة مايبقى كدة بس اللى انا متأكدة منة انك مابتحبيش الاتنين ربنا يحفظك

  21. amirastar
    30/01/2012 at 15:29

    انا حاسه بيكي لاني مريت بنفس التجربه وعارفه انه مش من السهل انك تنسي خصوصا اذا كنتي بتحبي بجد بس انت اكيد هتلاقي نفسك بتحبي شخص فيهم والتاني بالنسبه ليكي مجرد اعجاب علشان كده انتي لازم تصبري وانتي هاتكتشفي انك بتحبي واحد فيهم بجد واوعي تتخلي عن حبك ابدا لانك اذا اتخليت عن حبك هاتندمي واوعي تقولي هانسي مع الايام الحب بجد عمره مابيتنسي ولازم تتاكدي اذا كان اللي بتحبيه بيحبك بجد ولالا لازم تتاكدي علشان ماتكونيش ضحيه ادي حبك للي يستاهلوا ربنا يسعدك

  22. الحياه مملة اوى
    26/01/2012 at 22:40

    بصى حبيبتى انتى كل الحب دة حب مراهقة بس الى بيحبك فيهم بجد يدخل من الباب مئدرش اقولك غير كدة وعلى فكرة انا كمان عندة 18 سنة ومن سنة كدة حبيت وحد بجنون وطلع ميستهلش الحب دة بس انا كل ما اكبر احس ان دة فعلا كان حب مراهقة بس انتى بجد فعلا دة مش حب حقيقى والدليل انك سبتى واحد لو كونتى بتحبية بجد مكنتيش فكرتى فى غيرة المهم ان الى عيزك يتقدملك وربنا يسعدك

  23. samrgndi
    26/01/2012 at 12:23

    يابنتي انتي لسه صغيرة على الكلام ده ؟؟ وبعدين قلبك ده فندق ؟؟ أزاي في واحدة تحب إثنين في لحظة واحدة ، خلي بالك من مذاكرتك وشوفي مستقبلك وبدري على الكلام ده. لما تخلصي كلية وتحتكي بالعالم بتعرفي كلامي ده مظبوط .

    ربنا يحفظك من كل شر

اترك رداً أو حلاً لهذه المشكلة