الســـلام عليكم ورحمة الله وبركــاته ..
عشان مااطولش عليكم هجيب م الاخر , انا عندى مشكله صغيرة كده او مش مشكله يعنى . ماعلينا المهم
اناعندى 17 سنه ف تالته ثانوى عام , كنت مرتبطه بواحد من حوالى سنتين ف اخر سنه من الكليه بس مش مجرد ارتباط بنت وولد كنا شبه مخطوبين كان مكلم بابا وماما عليا واهله طلبونى بس بابا قال ع الاقل بعد الثانوى يتخطبوا وفضلنا على كده بكلم اهله باستمرار ومصاحبه اخواته البنات وهو كمان كان مرتين او تلاته ف الاسبوع يكلم ماما وجه عندنا البيت مره ..يعنى علاقتنا كانت على نور
المهم انا كنت بحس انه بيحبنى اوى اكتر كمان ماانا بحبه , بس كان عليه حركات ملهاش لازمه ..كنت اكتشف كلام ليه مع بنات ع النت اكتر من مره وكنت اواجهه يعترف ويقولى انا غلطان وعارف انى بغلط بس والله مابحب غيرك وكنت بصراحه بصدق ده واسامحه
ومره سبنا بعض شهر واكتشفت انه كلم صاحبتى ويعتبروا ارتبطوا حوالى اسبوعين كده بعدها سابها وقالها انه بيحبنى ومش عارف ينسانى وهى كلمتنى قالتلى وبردو سامحته ورجعتله ووعدنى انه مش هيزعلنى تانى
جه من حوالى 3شهور اتغير تغيير جذرى اهتمامه بيا قل جدااااااااا كلامه بقى بالعافيه وانا طبعا كانت كرامتى فوق اى حد وكنت بتكبر انا كمان المهم جه مره قاللى انه مريض بـ فيروس سي اتصدمت طبعا واتجننت وحاولت اخفف عنه وابينله انى هساعده ,اقوم اتفاجئ انه هو اللى رافض دا وكلامه بيرمى اننا هنسيب بعض .فضلت لآخر لحظه باقيه ع اللى بيننا واتصل يكنسل وكلمت اهله بس ماجبتش سيرة الحكايه بعدها كرامتى وجعتنى وبعدنا تماما حوالى شهرين ونص وكنت فعلا قربت انسى وقلت هو باعنى مش هبقى عليه
رجع دلوقتى عااااايز يرجعلى, اتصال باستمرار بيا وب مامتى واعتذارااات واحساس بالندم والجو ده ,ع فكره نسيت اقولكوا انا حسيت للحظه انه ماكنش مريض ولا حاجه لانى لما كلمت مامته ماحستش بزعل على خطورة المرض ولقيتها بتكلمنى حلو اوووى وبحنيه كده زى عادتها معايا يعنى واخواته نفس الحكايه لما كلمنى سألته انه مكانش باين على اهلك قاللى انا مكنتش قايلهم لسه حسيت بتناقض ف كلامه لانه وهو بيحكيلى اول مره ع التعب بسأله عنهم قاللى ان بابا هيسفره انجلترا يتعالج طيب ف ايه مكانوش عارفين وف ايه بيقولولك كدا؟؟؟؟ . بس بيقول ان بعدها ب 20 يوم اكتشف ان الفيروس مش نشط وهيروح بالادويه باذن الله
طيب هو لو كده استنى كل الفتره دى ليه ومش كلمنى غير بعدها بشهور ؟؟؟
المهم هو دلوقتى عمال يضغط عليا بشكل فظيع ويقوللى جربينى المره دى بس وانا تعبان من غيرك وبتاع .. انا مش عارفه اعمل ايه انا اديته اكتر من فرصه, هو بنفسه كان يقوللى انا ماكنتش احلم انى ارتبط بواحده زيك هو ع فكره ابن ناس ومحترم وليه مستقبل كويس ان شاء الله بس مش عارفه دماغه دى محدش فاهمها
انا خايفه ارجعله يعمل حاجه تانى ….
وكمان فى حاجه انا حاسه انى مش متأثرة شاكه انى ماكنتش بحبه حتى لما كلمنى كان عادى خااااالص ,بس لما بيكلمنى بعامله وحش اوووى وبحرجه جامد حتى بيتكسف ويقصر ف الكلام ويقفل ويرجع تانى يوم يتصل
انا مش عارفه اعمل ايه وماما بتقوللى جربيه تانى هو بيحبك اوى وخلااص هانت وهتتخطبوا وبابا بيقوللى انتى حره وانتى اللى اخترتى . بس مش عارفه لو اتخطبنا افتراضا عمل حاجه من حركاته دى هيبقى الموقف ايه ولو حصل ولاقدر الله فركشنا الخطوبه هيبقى اسمى خطوبتى اتفركشت
انا حيرانه اوووى .. ياريت تساعدونى لو سمحتوا
وسورى لو طولت عليكم
شوفي يابنتي انازي بابا الولد يحبك وانت تحبيه وذاواضح من كلامك مافي مانع تعطيه فرصة اخيرة لعل الله يهديه على يديك وخصوصا انوتغير ماعادش يكلم بنات وانشاءالله يكون من نصيبك وفقكماالله
مترجعلوش ياحببتي لانه لو كان بيحبك بجد مكنش هيجرحك ويسينك تتغذبي ويسيبك فجأة وكمان يحب صحبتك دا رأيي واستخيري ربنا وربنا معاكي
حبيبتي التسامح اساس الحب والحياة
بعتئد المفروض تعطيه فرصة ازا مو كرمالو كرمال الحب اللي كان بينكم
خدى فرصتك فى التفكير على الاخر وانت لسة على البر
سنكوا لسة صغير
ان لم تقتنعى به تماما فلا داعى للا رتباط
وفقك المولى
انا من رايى انك فعلا تستخيرى ربنا وهو اللى هيدلك للطريق الصح بس لو هو بيحبك فعلا ليه بيسيبكولو مش بيحبك ليه بيرجعلك تانى انا بجد محتاره اقولك ايه بس زى ما باعك فى الاول وبسهوله هيبيعك تانى وبرضه بسهوله يعنى هو مبيكتشفش انه بيحبك الا لما بيبيعك ويبعد عنك مينفعش كده بصى لما تستخيرى ولو رجعتيله تانى قوليله يا تتغير او نسيب بعض علشان بجد مينفعش انه وقت ما يعوز يسيبك يسيبك ووقت ما توحشيه يرجعلك تانى ربنا يوفقك
أنا برأيي تبقي مع حبيبك وتسامحيه أوكي كذب عليكي ولكن لو ما كان بحبك عنجد ما كان رح يخطبك صدقيني الشب بيعرف بنت وتنتين وعشرة وبحب بنت وحده مستحيل ينساها أو يبيعها استخيري قبل كل شيء والله يوفقك ويهدي بالك (: