مشاكل الازواج

ازاى اتعامل مع جوزى

السلام عليكم ورحمة الله وبركاته فى البداية أحب اقوللكم حاجتتين الاولى انى لما اطلعت على المشاكل المعروضة وحلولها حسيت انكم بجد زى اخواتى بتحاولو جاهدين انكم تحلو المشكلة بصدق واخلاص وبتاخدوا المواضيع بجدية ودا خلانى أحبكم أوى ولا أتردد بأنى ارسل مشكلتى لكم كى تفيدونى فيها والحاجة الثانية انى أ فضل أعرض مشكلتى على ناس ميعرفونيش شخصيا ويفيدونى فيها أفضل من انى أعرضها على حد يعرفنى وتكون حياتى مكشوفة ليهم اما المشكلة يا جماعة انا عندى 28 سنة متزوجة منذ خمس سنوات تقريبا وزوجى 36 سنة والحمد لله ملتزمين وعندى بنتين توأم ربنا يبارك لنا فيهم يارب قولو امين بحب زوجى كتير بس مش عارفة أتعامل معاه ازاى بمعنى زوجى كلامه قليل معايا مش بيشاركنى همومه او خصوصياته سواء كانت مادية أواجتماعية يعنى مش زى الازواج اللى بيبقو عارفين كل حاجة عن بعض انا مش فضولية بس عاوزة يكون بنا لغة حوار نفسى اشيل عنه واخفف متاعبه بس مش بيدينى فرصة ولما اتكلم معاه فى كده يقولى مش عاوز أشيلك الهم كفاية انا بس همومه دى مخلياه دايما ساكت لانه بيفكر فيها وده قرب يصيبنا بالخرص الزوجى دى حاجة وحاجة تانية انه أثناء العلاقة الحميمية مش بيتكلم خالص كتير بطلب منه انه يكلمنى او أسمع صوته ونادرا لما بيستجيب لى واخره انه يقولى بحبك هو أثنا ء العلاقة بيحاول يهتم بى ويعمل اى حاجة تثرنى لكن كتير يوصل هو للذروة قبلى ويخلص ويسبنى ودى بيتكرر مرات كتيرة ورا بعضها ودا بيضايقنى طبعا عاوزنى دايما انا اللى أطلبه وأنا اللى ابدأ مع انه بيبان على انا الحمدلله على قدر جيد من الجمال دائما مهتمة بنفسى وزينتى ورومانسية جدا جدا بس هو دايما يقولى الحب مش كلام الحب افعال امال ودانا دى ربنا خلقها ليه واذا مسمعتش من زوجى الكلام الحلو اللى يشبعنى ويرضى غرورى كامرأة هاسمعه من مين كتير بتصعب على نفسى واحس انه طالما معندوش رغبة للموضوع ده بلاش اضغط عليه واسيبه ودا ممكن يخلينا نبعد عن بعض ايام كتيرة ممكن لعشرة ايام او اكتر لحد ما نفسيتى بتتعب وارجعله انا تانى واصبر نفسى بان شغله بيخليه واقف على رجله طول النهار وده بيخليه مجهد بس صدقونى الامر بيزيد عن حده كتيروكمان حاجة مهمة البنات عندهم دلوقتى ثلاث سنوات ونصف ولحد دلوقتى زوجى رافض اننا ننام فى غرفتنا ويقولى حرام نسيب الاولاد نايمين فى غرفة لوحدهم لسه صغيرين وطبعا بنام معاهم كل واحد فينا مع بنت على سرير لوحده ودا سبب جفاء بنا وحاولت اقنعه كتير ان دا غلط المفروض من سن سنتين يتعلموا ينامو لوحدهم بس مفيش فايدة انا عارفة انى طولت عليكم كتير انا اسفة بجد بس ارجوكم ردو على بسرعة لانى محتاجة حد يريحنى وجزاكم الله خيرا

مشاكل وحلول ذات صلة

اضيف بتاريخ: Thursday, June 16th, 2011 في 02:22

كلمات مشاكل وحلول: , ,

9 رد to “ازاى اتعامل مع جوزى”

  1. لي لي
    13/11/2013 at 11:48

    احنا معظمنا بنعاني نفس المشكله واحمدي ربنا ان جوزك قليل الكلام بس انا زي حالتكك بس جوزي مش قليل الكلام بس ده قليل الأدب كمان لانه مقضيها ضرب واهانه وعدم مسئوليه لاولاده مع ان مفيش واحده كانت بتحب جوزها وساعدته زيي انا دلوقتي بكرهه بس مضطره استحمل عشان ولادي انالو كتبت كتاب مش هيقضي علي اللي عمله فيا ولسه بيعمله انا عاوزه اقولك ان انتي قلبتي عليا المواجع وبتمني من ربنا مش يهدي جوزي لا بتمني انه يعوضني خير في ولادي

  2. أبو الحلول
    21/09/2011 at 15:33

    في مشاكل عند الزوج أكبر من الحلول السطحية .. يمكن في أشياء أثناء العلاقة أو ميعادها مش متناسب مع زوجك. و بعدين النوع هاد من الرجال بحاجة للهدوء في البيت من خلال كلامك حاسس انه المسؤولية مشاركك فيها بالبيت

  3. فيروز
    20/07/2011 at 12:03

    والله يا اختى الله يعينك ويعينى لانى اعيش نفس المشكلةبس انتى جوزك لطيف معاكى ولو شوية لكن انا بما قلتيه كله على زوجك فى زوجى بل يزيد عنة فى قلة تعبيره لى واستهزاؤه لى امام الاخرين مع انى انسانة متعلمةوجامعية وحساسة جدا جدداوعلى قدر من الجمال ولكن اقول لكى ولى ما علينا الا الصبر فالصبر مفتاح الافرج ربنا يهديهم علينا قولى امين

  4. نفسى اكون ام
    28/06/2011 at 20:00

    حبيت ادعيلك ياحبيبتى ربنا يصلح بينكوا الحال اللهم اميييييييييييين

  5. صاحبة المشكلة
    18/06/2011 at 06:24

    أشكركم كتير وجزاكم الله خيرا على سرعة استجابتكم وأسأل الله العظيم رب العرش العظيم ان يرزقكم السعادة فى حياتكم ويهبكم الذرية الصالحة اميييييييين

  6. حبيبة الرحمن
    16/06/2011 at 20:13

    الحل انك تنغشيه تدلعي عليه وتحسسيه ايه اللي مزعلك وتقولي ليه كلمتين حلوتين بدلع عاوزه اتكلم معاكايه مضيقك يانور عيوني انا مراتك حبيبتك ولو زعق فيكي ومش حابب يتكلم يبقه حاولي معاه تاني ولو علي العلاقه الحميه في فترة مداعبه قبل الجماع واتي فهميه انتي بتحبي ايه معاه من كلام لاكده ياقمر شديه ليكي خليكي بسكوته وناعمه قوي معاه وفاهميه اني الاطفال ينامه في غرفه خاصه بيهم لانهم لو اتعوده يناموا جمبيكم استحاله هايبعده عنكم حتي لو كبره ولو رفض يبقه البنات علي سرير وانتي وهو علي سرير

  7. علمنى هواك
    16/06/2011 at 17:17

    اختى العزيزه اول شئ قولى الحمد لله مشكلتك بسيطه جدا بالنسبه لباقى المشاكل اللى بيتعرض ليها الناس اولا جوزك بيحبك ومهتم بيكى واهتمامه دا باين من خلال التزامه بشغله وحبه لاولاده الصغار اما بالنسبه لقله كلامه معاكى فدا عادى جدا الناس الوان ومزجات فيه الانسان اللى بيحب يحكى كتير وفيه الانسان قليل الكلام ودا مش عيب هو شخصيته على كده يعنى صعب تغيريه من يوم وليله بس انتى خلى قلبك واسع وخففى عليه وواسيه بكلمتين حلوين مش تفكرى تبعدى عنه اما بالنسبه للعلاقه الحميمه فاظن ان الموضوع ده الست اللى بيكون ليها الدور الاكبر فيه من جهه اثاره زوجها والاهتمام بمظهرها وحتى لو انتى طلبتى منه فد حقك يعنى ماهو عيب ولاحرام دا حلالك راجعى حسباتك وماتخليش اوهامك تغطى على عواطفك اللى هى من صفتك الانثويه يعنى تعطيه الحب والحنان وفى الاول والاخر انتى مالكيش غيره ولاهو ليه غيرك وربنا يجعل حياتكم سعاده وحب

  8. etqan54
    16/06/2011 at 12:57

    عزيزتى زوجك انسان كويس جدا ورومانسى وعاطفى جداااااااا ولكن هادئ والرجال مختلفون كما النساء طالما هو لا يتكلم انت تكلمى ولكن بإعتدال كونى متوسطة الكلام واثناء العلاقة تكلمى معه بكل ما تحبى ان تسمعيه منه وما المانع بعد ينام البنات ان تجزبيه وتنامى بجواره حتى ولو على الارض المهم دائما التصقى به حتى ولو لم يأتيك وقولى له انك تحبى وتعشقى قربه وانك مللت النوم وحدك ومع الايام سوف يفعل ما تحبى لا بد ان تكون المبادرة منك انت وحاولى تغيير اماكن النوم وانصحك ان ترفقى بزوجك بقدر الامكان وادعو الله ان يبارك لك فى زوجك وابنتيك اللهم امين

  9. عبده
    16/06/2011 at 03:47

    عزيزتى كونى دائما بجواره حنونه وصديقه له اعباء الدنيا كثيره تهد اجدع راجل فهو محتاج لحنانك لامومتك له اما مشكله العلاقه فانتى دائما كونى هادئه معه مع الاثاره الخفيفه له ودائما تكون بدايه العلاقه مداعبه كثيره وطويله عليكى انتى ان تداعبيه وتمارسى انتى ب لحركات اللى توصلك انمتى للنشوه وفيه اساليب كثيره توصلك للنشوه قبله اما الحب كلامه كتير ممكن هو يكون بيخجل يقولك كلام الحب معلش تعالى انتى على نفسك وحركيه ما دام انتى بتحبييه وادعيلك بدوام السعاده فى حياتكم والله معكم

اترك رداً أو حلاً لهذه المشكلة