انا عندي 19 سنه واعرف ولد في نفس سني هوا محترم وكويس وبيحبني يعني انا الحمد لله متأككده من كدا بس بحس ان اللي حوليه بيسطره عليه اوووي بيحب اصحابه لدرجه ان لو قالوه ايه حتي بيسمع كلامهم وانا متخانقه معاه دلوقتي بسبب صحابه عشان مش بحب ان كل كلامه يبقا من صاحبه والاول لو كنت قلتله ايه يقولي بحبك ويسمع كلامي دلوقتي بقت كل حاجه اصحابه حاسه انه اتغير مني اوووي حتي لما ببقا خايفه عليه واكلمه قلقانه عليك يقعد يقولي من امتي وياخد كل كلمه حلوة اقولهاله علي انها حاجه وحشه مني حاسه انه قل حبه ليا اوي مش عارفه ارجعه ازاي واخر مشكله بينا فضلت اتصل بيه كتير اوي كنت قلقانه عليه وهوا كان عند صاحبه ولا رد عليا حتي ولسانه بقا زفت مش بيتكلم غير بقله ادب لحد لما عصبني وخلاني شتمته وزعقت معاه وقلتله غور خلي اصحابك تنفعك مش عارفه اعمل ايه انا مقدرش ابعد عنه هموت والله في يوم بس كنت من غيره و ف نفس الوقت مش قادرة اتعامل مع واحد هيجي يخطبني ويبقا كل حاجه عندي ويبقا طريقته كدا ولسانه وحش معايا وماشي ورا اصحابه
مش عارفه اعمل ايه
الحب قبل الزواج
ازاى اتعامل مع حبيبى بعد ما اتغير
اضيف بتاريخ: Friday, June 22nd, 2012 في 23:10
كلمات مشاكل وحلول: الحب, الزواج
بصراحة انا شايفة انه مش حب ولا من ناحيتها ولا من ناحيته لانها هى بتحبة حب امتلاك بمعنى انها عايزاه معاها على طول الواد مش زى البنت مش بيحب حد يتحكم فيه ولا حتى واحد صاحبة ولا مامتة ولا اى حد وخصوصا لو مرتبط وبعدين انتواالاتنين فى سن اسمة سن التمرد يعنى لازم يحصل كدة وهو لو بيحبك مش هيقدر يبعد عنك ولا يسيبك زعلانة بس اللى بيزهق من حاجة بسرعة يبقى عمرة ماحبها بس ممكن كان حنلها فى وقت معين وبعدين زهق ومدام زهق مش هيرجعلها صدقينى فكرى تانى ممكن تاخدى قرار صح .واصبرى شوية هتختارى الافضل
حبيبتي حتى لو اتغير حاولي انك تكوني ذكية يعني مثلا ممكن تذكريه بالحجات الحلوة اللي صارت بينكم او اتذكريه بوعودو بس بطريقة مش عصبية و ربنا معاكي
حبيبتي متعلقيش تصرفاته علي اصحابه اللي بيحبك هيعاملك كويس وهيتقي الله فيكي بغض النظر عن صحابه بقي بيقولوه ايه ولا بيعملو ايه
ربنا معاكي
ههههههههه يابنت الناس لما هو بيحبك ميجيش ليه الاول
طب بصي بلاش تعلقي على موضوع صحابه دا
في واحده تقول لواحد غور خلى صحابك تنفعك ههههههه والله انتى عسل
بصي اولا ممكن عادى فالسن دا يمشي ورا صحابه متتنرفزيش كدا
لسانه بقا زفت ؟؟ عااادى ماكل ولاد خالتى لسانهم زفت بس طيبين
ولاد خالتى بس دي العيله كلها ما شاء الله
يابنتي خدى الموضوع ببساطه شويه
يعني مثلا لما قالك من امتى قوليله ربنا يسامحك وسلام
حسسيه بالذنب بدل ماتتعصبي قوليله اي دا انت مش عصام اللى اعرفه انت عصام هاتلى عصام انا مش بهزر عايزه عصام بتاع زمان
قوليله بقا كدا طب متشكرين ياعصام سلام
معرفش معلقه مع عصام ليه ههه ماعلينا
لو زعلتى منه قاطعيه وخليه يومين مع صحابه وانتى ولا هنا
لحد ماهتلاقيه زهق منهم وجالك برجليه
وكمان ممكن اتغير من ناحيتك تلاقي واحد من صحابه قاله غور خلى حبيبتك تنفعك ههههه
هو تلاقيه عايز يتفرد عليكي ويعمل فيها مش اكتر
بس حاولى انت تبقى زكيه وبلاش نرفزه وعصبيه
وبلاش تسالى عليه كتير اولا عشان متخنقهوش
ثانيا ياحبيبتي انتى لسه فبيت باباكى افتكري دي كويس
انتى ملكيش حق فحبيبك دا عشان تقلقي عليه ولا تقوليله كلمه حلوه
احنا فمجتمعنا دا الراجل بيحب الكلمه الحلوه تيجي من عنده
يا اما شقلبوا الادوار
اتقلي شويه يعني
علي اساس ان دا حب ؟ يابنتي الحب انو يخاف عليكي من نفسه ولو انتي فاكره انك بتحبيه يبقي غلطانه الي بيحب مبيشوفش فحبيبه حاجه غلط حتي ولو كان هوا الغلط نفسه