مشاكل عائلية

مش عارفة ازاي اتعامل مع حماتي و اهل زوجي

انا سيده متزوجة من حوالى 3 سنوات بدايه تعارفى بزوجى عن طريق حماتي هى التى اختارتنى لاكون زوجة لابنها ولكن بعد ماتمت الخطوبة تشاجرت هى وامى وقالت كلام كتير منه ان لو ابنها تزوجنى لن تدخل له بيت وانهاخلاص مش طيقانى مع العلم انه لم بكن لى دخل وذهبت الى عماتى واشتكت لهم لان والدى متوفى وعماتى واعمامى لا يحبون والدتى المهم كل واحد قال كلمه والنار ابتدت تزيد وربنا سهلها وواحد تدخل وحلها فى الوقت دة كنت حبيت خطيبي جدا وهو كذلك المهم تم الزواج وامى حاولت على قد ما تقدر تجهزنى بكل الى قدرت عليه مع العلم ان مستوانا الاجتماعى افضل منهم بكثير ولكن عندما توفى والدي اخواته اخذوا كل شى ولم اعترض على اى شى احضروه المهم تزوجنا وكل الخلافات ذهبت وتصالحت حماتي مع والدنى وفى ليله الصباحية ذهبت حماتي لوالدتي ولقتها محضره حاجات تبعتها لى حلفت عليها انها تخليهم بس فى وسط الكلام راحت تقولها بعد كده لما يجى حد ياخد حد من بناتك عرفيه ظروفكم مع العلم انها استلفت عشان تجوز ابنها واحنا والحمدلله ظروفنا احسن وقالت لى نفس لكلام وديما لما كانت تحصل مشكلة بينهم وبين ابنهم يغلطونى واقعد اتحايل على كل واحد لغايت ما يرضى وميكونش ليه دخل فى الموضوع ولما كنت بتحايل يسيبوا ابنهم ويصالحوه وانا الى بيطلعونى غلطانه مره يقعد والده يقولى يعنى امك كانت جهزتك كانت جابت لك حاجه وكلام كتير ومعروف عنهم انهم بيكدبوا كتير وبيقووا كلام غلط وبيغلطوا فى الناس وديما بيتكلموا عن الناس وديما بيتخانقوا مع بعض وحسهم عالى حملت فى ابنتى الاولى وولدت قيصرى وعملوا مشكله اذاى اقعدعند امى ومروحش عندهم فى اول اسبوع ولاده اتخانقوا مع ابنهم وظلموا امى قالوا ان ليها يد فى الى حصل وبرضوا قعدت اتحايل عشان يتكلموا معايا وكل ما تحصل حاجه يطلعونى غلطانه ويقولوا ابننا معلهوش عيب اتغير بعد ماتجوز مكنش كده اخر مشكله قلت لزوجي انى لن اذهب عندهم ووافق لانهم اهانوني كتير واشتكوا منى وعايزين لما يجوزوا حد اروح معاهم افرش الشقة لمجرد انى ارىايه الى اتجاب فى الشقة وانا امى جابت ليه ايه مع العلم انى لم يكن لى دخل فى الموضوع ووافق زوجى على رغبتى لانه عارف اهله دلوقتى زوجي بيقولى الموضوع مش هيفضل كده على طول ولازم هتيجى فى يوم تروحى هناك وعايزنى اروح دى رغبته لكن مغصبش عليا انا بحبه جدا وهو بيحبنى وبيحاول ميزعلنيش بس انا والله كنت بعاملهم بما يرضى الله وبخاف على زعلهم وديما كنت بتصل اطمن عليهم وديما بفكر جوزي بيهم لانى بخاف ربنا وديما بقول لنفسى لو ملوش خير فى اهله مش هيبقا ليه خير فيا وبحاول على قد ما اقدر اخليهم راضيين عنه دلوقتى كل واحد فى حاله عايزه اعرف لو روحت هناك لان ده اكيد اذاى تعامل معاهم واذاى اخليهم يحبونى واذاى اتجنب المشاكل معاهم اعمل ايه مع حماتي دلونى الله يخليكم

مشاكل وحلول ذات صلة

اضيف بتاريخ: Saturday, January 15th, 2011 في 06:10

كلمات مشاكل وحلول: , , , , , , ,

39 رد to “مش عارفة ازاي اتعامل مع حماتي و اهل زوجي”

  1. منوشه
    29/04/2019 at 14:41

    بجدانابردو تعبانه وميكلفش ربنا نفس الي وسعها انا حماتي سببب خراب بيتي انا حاليا غضبانه بابيت اهلي بسببها لان جوزي ديما في صفها اما انا لا نفسيتي تعبت

  2. ام حازم
    13/04/2017 at 20:54

    لو سمحت انا عندي مشكله برده

  3. ابوالبتول
    05/09/2016 at 17:08

    اختي مهما كان دول اهل زوجك واهل ولادك ماينفعش تظلوا متخاصمين ومقاطعين بعض الى امتى لايجوز من الناحية الدين وهذا حرام لايحق لمسلم ان يهجراخاه المسلم فوق ثلاث خليك اكرم من اهل زوجك وبادري الى التصالح معهم وطوي صفحات الماضي لاجل زوجك اللي تحبيه ولاولادك وعشان تعيشوا في اجواء كلها بهجةوسروروسعادة بعيداعن المشاكل والمشاحنات والبغضا والكراهية وهذي من اخلاق المسلم تجاه اخوه المسلم والله بيكنب لك الاجروالثواب ويبارك لك في زوجك واولادك قال تعالى- ادفع بالتي هي احسن فاذا الذي بينك وبينه عدواة ومايلقاها الا الذين صبروا ومايلقاها الا ذوحظا عظيم – وقال الرسول الكريم – لايحق لمسلم ان يهجراخاه فوق ثلاث فاذا لقيته بادره بالسلام -وقيل لاعرابي كيف سدت قومك قال -احلم علي صغيرهم واوقر كبيرهم ولااحمل في قلبي ضغينة على احد – اسال الله ان يصلح احوالكم انت واهل زوجك ويولف القلوب على محبته وطاعته ويهدي العاصي منكم والضال ولايفرق بينكم ويجعلكم اسرة واحدة متاخيين ومتحابين في الله ويستر عليكم اجمعين

  4. Nourin
    19/07/2016 at 03:28

    والله انا عندى مشاكل كتييييييييييييييييير اوى اوى من ناحيه اهل جوزى ومن ناحيه اخوات امى ومن ناحيه اعمامى ومحدش بيسال علينا خالص وابى متوفى من وانا واخواتى صغيرين اوى انا حاسه انى فعلا ما ليش اهل نفسى اتكلم مع حد حتى جوزى لما بتدلع عليه شويه واقوله انا مخصماك يقولى براحتك ويسيبنى اجى اكلمه يقولى عشان ما تخديش على كدا ودايما يعاملنى وحش قدام اى حد انا بجد تعبت ونفسى ربنا يريحنى فعلا الواحده من ابوها مالهاش اى قيمه الله يرحمك يا بابا ويجعل مسواك الجنه واموات المسلمين جميعا .

  5. Nour
    21/04/2016 at 15:38

    انتى مشكلك هوينه وربنا يهديلك الحال انا مشكلتى مع جوزى وحماتى هوا بيجى عليا عشان امه بالرغم من انى تعبانه وتعبى دا بسببهم وامه بتقول انى مش بعمل لها حاجه

  6. اللا منتهى
    25/12/2013 at 23:56

    والله انتى مشكلتك هوينه لانها مع اهل جوزك وعلى الاقل جوزك كويس معاكى انما تعملى ايه لو كنتى مكانى وجوزى بييسمع كلام مامته بطريقه فظيعه وبيجى عليا حتى لو كانت غلطانه فيا واللى بيضايقنى انه عارف غلط مامته كويس وبيبقى واقف وهى بتهنى وتجرحنى ومابيقدرش يقولها حتى كفايه دى مراتى واللى يغيظ انه يطلعنى غلطانهادام اهلى واى حد يحضر بعدين ويكدب وينافق ويقول ادامهم امى ماقلتش كده ويغلطنى واللى يغيظ اكتر انه يجى بينى وبينه يقولى انا عارف انك مظلومه وباجى عليكى وامى غلطانه بس مقدرش اقولها ولا اقول كده ادام الناس وغير كده هى بتغير منى لدرجه صعب وصفها كانها ضرتى وتفضل طول اليوم تتصل بابنها وكمان بيحكلها كل اسرار بتنا واى حاجه تحصل بنا وانا تعبت اعمل ايه علشان يتقى ربنا ويعرف انه ماينفعش يرضى امه بالنفاق والكدب

  7. شادن
    26/10/2013 at 19:23

    انا مش عارفة اقولك ايه انا كنت بدور على حل لنفس المشكلة انا عندى مش حماة ديه حمى بجد مش برضى ادعى عليها ومش بقول غير حسبى الله ونعم الوكيل ربنا ينتقم منها غلطتى معاها انى عاملتها بعشم زايد والعشم وصل تعاملى معاها انها بقت تفهم الكلام على مزاجها وتزعل مع نفسها وفى الاخر تشتك وتسخن جوزى عليا من غير ما اكون حتى فاكرة الموضوع اللى المفروض زعلت منه بس الواحد مش بيتعلم الا بالتجربة وعم عشم مات الله يرحمه من زمان ولكل واحد حدود فى البيت بمعنى يوم لما اروح عندها يبقى فعلا زيارتى خفيفة متتعداش الساعة او الساعتين بالكتير والمفروض ده اللى هيتم بالعكس لان الحماة حماة مهما تبين انها كويسة وحبيبة بتبقى عايز ضرب النار وحسبى الله ونعم الوكيل فيهاوفى كل حماة

  8. لولو
    20/07/2013 at 16:37

    بجد انتى مشكلنك قريبة من مشكلتى انا بقى ام جوزى واختة مفتريين بمعنى مفتريين بجد من اول جوازى وهما منكدين عليا مش عارفة لية مع العلم ان اختة هى اللى قالتلو عليا وجوزى دلوقتى مسافر عملو معايا مشكلة كبيرة لدرجة انهم منعونى انى ادخل شقتى وافتروا عليا اوى وقالو لجوزى كلام انا ماقولتوش ودلوقتى جوزى مش بيكلمنى من اكتر من شهر وانا حاولت اكلمة ومش بيرد عليا بالرغم من انة عارف ان اهلة مفتريين وانا دلوقتى مش عارفة اعمل اية مع العلم انا متجوزة بقالى سنتين ومعايا بنت

  9. nana
    10/01/2013 at 18:17

    السلام عليكم يصى انتى مش غلطانه خالص اما بالناسبه للزيارات اكيد طبعا مش هتقطى على طول روحى بس قليل ولو روحتى بلاش تفضلى طول اليوم هناك حسسيهم ان بسبب تصرفتهم انتىى بقيتى كده وفهمى جوزك كده برضه قوليه انا بروح علشانك انت بس لكن اعذرنى انا مش هقدر اكمل يومى كله هناك والله العظيم انتى قصتك قريبه منى بس انا حماتى حسبى الله ونعمه الوكيل فيها ربنا ينتقم منها ياا رب المهم اعملى زى ما قولتلك ربنا يسترها معاكى ويكفيكى شرهم يا رب ويحفظك

  10. ابواميرة
    15/12/2012 at 22:08

    ربنايكملك بعقلك يابنتي ويسترعليك ويكفيك شرهم خلي بالك منزوجك واولادك واهتمي في بيتك ومالك دعوة في اهل زوجك كوني مطنشة كل الكلام اللي يقولوه وتاكدي انك تعمل الصح وهم الغلط والايام حتغيرهم ويعرفواقدرك وفقك الله

  11. نسمة أمل
    03/12/2012 at 21:32

    السلام عليكم انا مقدرة الي انتي فيه ياأختي بس بوسي إيدك وش وضهر إنك مش قاعدة معاهم بنفس البيت انا معاهم بنفس البيت ووروني النجوم بعز الضهر المفروض اني لسا عروسة وبقالي ست شهور متجوزة بس خلوني أحس إني بقالي سنين متجوزة لو شافوني رايقة مع جوزي بينكدو علينا وطول الوقت نكد بنكد ووشي بوشهم ولا بقدر أزعل ولا بقدر أمشي الحيات بقت قرف بينا ورغم اني مش مقصرة بحاجة ولو بموت بنزل وبجبلهم حاجة السوق بس للأسف مفيش تقدير ودايمن محسسني إني مقصرة وما بعملش حاجة وقلة أدب زعشان كدا بقولك بوسي ايدك وش وضهر كفاية انهم بعيد عنك مش معاكي دي نعمة كبيرة أوي

  12. موده
    27/04/2012 at 17:48

    والله انا بردو في مشكله مع اهل جوزى بس لالاسف جوزى مش عايا عايز يرضى اهلو ماشي دى حاجه كويسه بس انا قررت انى احل مشاكلي معنتش هنزل زى الاول من اول النهار لا انا هنزل المغرب ساعه واطلع مليش دعوه بحد خالص قررت ابقى فى حالى تماما كانى مش موجوده وبحاول اكسب جوزي على اد ما اقدر وبحاول مفكرش فى اى حاجه تضايقني عاشان اللي في بطني ربنا يخليهولى واناشايفه ان عدم الاحتكاك راحه ليا جدا بس اهم حاجه مفيش اى مخلوق يستاهل انك تيجي على نفسك عشانو

  13. هنا
    13/12/2011 at 00:59

    اللة يلعن كل حمى منكدة على ابنها ومراتة ويوعدها باللى ينكد عليها وبعدين لما تقولك مامتك مش جابتلك حاجة ردى عليها وقوليلها يعنى انتو كنتو جبتو حاجة انا جبت على قد اللى انتو جبتو وبعدين انتى بتقولى ان هى بتتبلى عليكى بالكلام سمعيها بقى واللة زى ما بقولك اصل قولتى زى ما قولتيش وقولى انك ما قولتيش حاجة والكل عارف ان هى بتتبلى عليكى اصل الصنف اللى زى دة مش بيجى الا بالصوت العالى صنف جبان زى العقربة اللى عندى انا واللة كنت زيك وجوزى مش فهما الا بعد سنتين من الجواز وشفت المر لاكن بقى انفجرت فيها واللة واللة كانت عاملة زى الكتكوت المبلول ومن سعيتها علشان خاطر جوزى وصلة الرحم كنت بروح لها كل يوم دلوقتى هو يوم فى الاسبوعوبروح كمان من العصر وبروح المغرب ربنا يكيدهم وبعتلهم اللى اقوى منهم يارب يارب يارب يارب يارب يارب يارب يارب

  14. HanyMoh
    22/10/2011 at 11:33

    المشكلة في حد ذاتها بسيطة..

    لأنها لم تتعدى حدود الكلام الجارح فقط من الأهل دون الزوج..

    فطالما الزوج لا يفعل مثل أهله فلا مشكلة، واعلمي أنه من الصعب أن يضحي بأهله في هذا الوقت..

    فأنا أرى أن ترجعي بيتك وبقدر المستطاع تجلسي في شقتك وحدك وحاولي ألا تحتكي بهم كثيرا، وتحملي ما يقولون..

    وأذكر مقولة لخالد بن الوليد عندما شتمه شخص..
    قال له خالد… هي صحيفتك فاكتب فيها ما شئت..

    فمن يسبني لا أعير له اهتمام، أما إذا اعتدوا عليك بالضرب فكنت سأقول لك اتركي البيت ولا تعودي له إلا في ظروف جديدة..

    وبإذن الله سيجد زوجك الحل قريبا أن يشتري لكما شقة خارج البيت..

  15. ام حمادة
    16/10/2011 at 12:19

    بصي انا عندى نفس المشكلة تعملى اية بقي
    بصي يا ستى : اولا اكسبي جوزك كويس جدا خلى كلامهم بالنسبة له ما هو الا تفاهه ملهاش لزمة
    ثانيا حلولى تردى عليهم الرد المسكت ازاى يعنى تحرجيهم ذي ما هم بيحرجوكى بس من غير عصبية
    ولما حد يحاول ينرفزك اضحك وفوتى عليهم الفرصة ودة اكبر عقاب ليهم صدقنى هيكلوا في نفسهم ويسبوكى فى حالك

  16. ام صاصا
    12/09/2011 at 17:44

    انا مخطوبه واهله كانو يغيرو منى ويكرهونى وحاولو يجوزوه حد تانى وربنا نصرنى وانا عصبيع جدا بس الت لنفسي انى مش هدخل فيهم مهما حاولو يوقعونى فالكلام خليكي واضحه وحاسمه فكلامك ووقفى كل واحد عند حده واخديهم على طبعك اللى هو عدم التخدل فى شؤنك وربنا معانا كلنا ويسترها مع الولايا

  17. have no one
    10/08/2011 at 06:18

    السلام عليكم
    بصى يا ستى الدنيا واحد اتنين تلاته
    اولا سيبك من القديم كله حياتك مع جوزك الاهم اما علاقتك باهله خليها محدوده بلاش مناقشات كتير وجدال فى اى موضوع ثانيا اى مشكله بين جوزك واهله كأنك متعرفيهاش جوزك يحل مشاكله معاهم بالطريقه اللى تريحه وتخليكى انتى بعيده لانه ادرى الناس بالتعامل معاهم روحى زوريهم مفيش مشكله بس خفافى يعنى بالبلدى كأنك ف زيارة مريض ويابخت من زار وخف وشيري قالت كلمه حلوه ممكن ف فرح اخته تجيبى هديه حلوه وتباركيلها . اما حوار انك تروحى ف فرش شقق لحد لا اعتذرى يعنى تعبانه العيال كده اكيد طبعا انهم هيقولوا شوفوا البت مش راضيه تيجي ومش عارف ايه بس نفضي وكبرى دماغك اهم شئ علاقتك بجوزك واللى بينكم ميوصلش لاهله لا من قريب ولا من بعيد . ومعلش انى اتكلمت كتير

  18. miro
    15/07/2011 at 03:44

    بصى انا زيك بالظبط بس انا محتارة برضو لقيت احسن حل انى اروح مع جوزى وانزل معاه وقللى الكلام ومتدخليش ف مشاكلهم عشان ميدخلوش ف مشاكلك والله يعينك عشان تعيشى لازم تضحكى ف وش كل الناس وعشان تراضى ربنا طبعا بس نفسك ليها حق عليكى وعفا الله عما سلف
    وبعدين ربنا بيقول بسم الله الرحمن الرحيم والكاظمين الغيظ والعافين عن الناس
    قولى كلمة حلوة واضحكى ف وشهم وسيبيها على الله

  19. وحدى على قمم الجبال
    07/06/2011 at 12:18

    روحى روحى روحى يابنتى فزوجك هو فلزت كبدها و انتى اخذتيه على الجاهز ولا تدخلى عليهم بايدك فاضية ان شالله تخلع حطة بيتك و تعطيها لهم سدى باب الشيطان و متعمليش زى اه زوجى تزوج على سو شجعوه حينما ظهرت هذه المرءه فى حياته و نسى 16 سنه تعب و شقى معه فى الشغل و البيت و خدمة اخواته و اربع اولاد حتى اصبح رجل اعمال . ارجوكم يا اخواتى ادعو لى ربى ان يفرج كربى و يهدى زوجى الى رشده

  20. مى
    07/02/2011 at 01:50

    بصى احسن حاجة انك تخليكى زى ماانتى لا تروحى ولا تيجى لان لو روحتى عندهم لازم حايعملوا لك مشاكل وطالما جوزك مقدر الموقف يبقى خلاص

  21. همسه
    19/01/2011 at 08:56

    تعرفى تكبرى دماغك متضغطيش على نفسك فى اى حاجه هى ام جوزك مش امك وجوزك فاهم كويس اوى اللى بيحصلك عيشى فى حالك ومالكيش دعوه بحد واللى عاوز يشوف عيال ابنو يتفضل اهلا وسهلا وياخد واجبه ولو حصلت مشكله مع جوزك ومعاهم متدخليش فيها عشان هما بيتصالحو منهم فيهم ولا تروحى ولا تيجى ربى العيلين من غير حرق دم ربنا يصبرك

  22. محمد
    17/01/2011 at 11:15

    انتي محظوظه كون مشاكلك مش مع جوزك.. احمدي ربك واستحمليهم.. شويه شويه إن شاء الله هتكبري في عينهم..

  23. حبيبة الرحمن
    16/01/2011 at 10:46

    انتي روحي مع زوجك ازيك ياماما الحاجه وبوسي ايديها وايد حماتك وبس ولا تتكلمي حرف بعد اكده وخدي وجبك وارجعي مع زوجك وهو يبقه معاكي رجله علي رجلك حد اتكلم حد اتشال حد اتنكت طرشه وخرصه وعميا لو فتحتك في موضوع الفرش قولي ليها انا تزوجت والحمدو الله ولو امك عملت امك سوة قولي ليها انا مع حضرتك وامي في بيتها وكبري

  24. ابو عبد الرحمن
    16/01/2011 at 00:09

    على فكرة هى لو مراحتش هتبقى المصيبة اكبر علشان هيلاقو المفتاح بتاع المشاكل الى يخربو الدنيا عليها بيه طبعا مراتك مستعرية منا مراتك متكبرة علينا مراتك مش بتحب تشفنا اسمعى كلامى والله مهتتعبى ابدا لو عايزة تحافظى على زوجك وبيتك عاملى العيلة دى كلها كدة بالنفقاق والكدب وشغل الحريم الى انتى فهماه ومتستنيش لما حماتك تخبط معاكى وتعمل مشكلة سبقى انتى بالكلام الحلو قبل ما تسمعى الوحشة انا على فكرة راجل وانا عارف انك مستغربة من الكلام علشان سورىانا عارف كلام حريم بس انا عندى 6 بنات اتجوزو وشفت من الدنيا كتير وقليل وربنا يهدى كل عاصى

  25. shery
    16/01/2011 at 00:04

    حبيبتى زى ماقولتلك ماتكلفيش نفسك اكتر من وسعها روحى معاه مره كل شهر ولو فرح اخته قرب جيبى هديه قبلها حلوه وروحى باركلها ومتعطيش حد فرصه يكلمك فى حاجه ولو قالو مابتجيش ليه وكده قوليلهم مشاغل والبيت والاولاد وفتحه معاكى مواضيع قصرى يعنى المناسبات تجمليهم احزانهم تشاركيهم بس فى حدود حصل مشاكل متتدخليش خالص حتى لو بينهم وبينه انتى بس هدى جوزك فى البيت وخلاص امه وابوه قالولك احنا واحنا قوليلهم ماشى ربنايسهل كده هيلاقوكى مش مهتمه هيزهقوا ويخلو كلامهم لنفسهم اهم حاجه كرامتك اللى بتحافظ على كرامتهابتجبر اللى قدامها مايمسش كرامتها بالادب ومن غير غلط وربنامعاكى ياقمر

  26. ابو عبد الرحمن
    16/01/2011 at 00:01

    بصى يا ستى منعا للمشاكل علشان ممكن يكونو سبب فى حدوث ما لايحمد يعقباة الناس انواع الى بيحب بطنو والا بيحب يفخم فية والا بيحب الى يكدب علية وصدقينى الكلام دة عن خبرة سنين وسنين اعملى الى هقولك عليك اعرف علة حماتك اية وراضيها علشان جوزك عمرة ما يبع امه علشانك خديها فى طبعا هتقولى ازاى باى طريق بالكدب عليها والنفاق معاها وشغل الحريم الى انتى عارفاه حبة اونطة على شوية كدب ونفاق متزوق هتبقى انتى بتها من مرات ابنها بس اعرفى الاول عدوك اية الى بيوجعو واعرفى العلة قبل ماتعرفى الشخص نفسة\
    هتسمعى كلام اشكال والوان جربى الى انا بقول علية علشان تمشى حياتك بدل ما هتخرب عليكى

    ابو عبد الرحمن

  27. ابو عبد الرحمن
    15/01/2011 at 23:54

    فية مثل من الامثال المصرية بيقول اصبر على جار السوء ليرحل لنصيبة تشيلو وسلامى لحماتك

  28. جميلة
    15/01/2011 at 22:43

    بصى روحى مرة كل فترة وبلاش تتكلمى كتير معاهم اكتفى بالنظرات والصمت افيد لكى فى الموضوع دا

  29. صلوا على نبيكم محمد)(مسلمه
    15/01/2011 at 20:40

    يا اختى روحى ليهم لان من المستحيل انه تفضل علاقتكم كده على طول لازم هيجى اليوم اللى هتروحى فيه ذى ما قالك زوجك وروحى فرح اخته حتى علشان الناس لانهم اكيد هيلاحظوا انك مجتيش وبعدين القطيعه وحشه ولا يجوز هجر المسلم لاخيه المسلم فوق ثلاث بس كونى حذرة فى التعامل يعنى كلميهم ووديهم لكن بحدود يعنى متدخليش فيهم قوى كلام بالمعقوال ومتدخليش نفسك فى مشاكلهم ومتساليش عن اخبارهم فيلزموا حددهم معاكى يعنى معامله بالحسنى فقط بدون تداخلات

  30. صاحبه المشكله
    15/01/2011 at 19:36

    يااختى يامسلمه انا لما بادخل بينهم وبين ابنهم لسبب لان جوزى بيبقا زعلان ومش عارف يواجههم فكنت بحاول اقرب بنهم لكن بالعكس كانوا بيصطلحوا وبعد كده يغلطونى بخاف على شعور جوزى بس لو روحت عندهم لازم احتك بحماتى وحمايا ويقعد كل واحد منهم يندهلى ونقعد مع بعض لوحدناوجوزى يكون بره وكل مرة نفس الكلام يقلوه احنا بنضغط عليكى عشان نعلمك انا بصراحه زهقت مش عارف اتصرف اذاى لما اروح

  31. صاحبه المشكله
    15/01/2011 at 18:51

    جميله جوزى اتخانق معاهم بسبب انهم بيزعلونى فى كذا موقف المشكله انى لازم لما انزل اجازه ازور اهلى لازم اروح عندهم لانى ولادى صغيرين جدا ومش بيروحوا فى اى مكان من غيرى وكده جوزى زعلان انا حاسه بيه لان الولاد رافضين انهم يروحوا معاه هناك لوحدهم وكده هو حاسس انهم بيبعدوا عن مامته واهله فديما بيقولى الوضع ده مش هيستمر على طول لازم فى يوم النفوس هتصفى انا من ناحيتى ماظنش انى هنسا ولا اعتقد انهم هيبطلوا مش عارف اعمل ايه

  32. سلمى
    15/01/2011 at 18:43

    طبعا انا كتبت السوال الى انتى اكيد بتساليه لنفسك كنت عايزه اعرف طريقه تفكيرك كده دة الى انا فهمته انا من رايى ماتروحيش

  33. صاحبه االمشكله
    15/01/2011 at 18:39

    عجبنى راىsheryبس انا عايزه احنا دلوقتى قاطعين العلاقه من حوالى 6شهور ودخلت اخته قربت بعد حوالى اسبوعين وطبعا مينفعش مااروحش جوزى هيزعل طب لو روحت اتصرف اذاى واتعامل معاهم اذاى

  34. سهير
    15/01/2011 at 18:18

    تلاقيكى بسالى نفسك لما اروح عندهم اتصرف اذاى انا من رايى ما تروحيش خالص وتريحى نفسك

  35. صاحبه المشكله
    15/01/2011 at 18:12

    انا فعلا سالت نفسى بس اعتقد انه مش ده الحل لان كده جوزى هيزعل حتى لو مبينش الزعل ده وهيحس انى رفضه اهله خالص ياريت حد يقولى اقتراح تانى عجب ردsheryبس نفسى حد يرد عليا ايه الطريقه انا بروح لهم كل شهر مره او هما بييجوامش عايزه حد يغلطنى فى حاجه

  36. سلمى
    15/01/2011 at 18:02

    انا عايزه اعرف لو روحت هناك اتصرف معاهم اذاى بعد ما كنت داخله فيهم جدا كنت بعتبر نفسى واحده منهم دلوقتى طريقه التغامل تبقا اذاى بنا

  37. صلوا على نبيكم محمد)(مسلمه
    15/01/2011 at 15:44

    مش عارفه اقولك ايه بس للاسف فى ناس كثير كده واضح من كلامك انك طيبه ومحترمه وعاقله وبتعاملى ربنا فى تصرفاتك لكن نصيحتى ليكى لا تقاطعى حد ابدا مهما عمل فيكى بس بشرط انك تعملى حدود فى الكلام والعلاقه يعنى سلمى عليهم وكلميهم لكن بحدود مدخليش نفسك فى مشاكلهم ومتدخلهمش فى مشاكلك يعنى لو زعلوا من ابنهم ملكيش دعوة خالص لا تقولى خير ولا شر وبعدين طالما من طبعهم الكدب يبقى مش هتخلصى من كدبهم علشان كده قللى كلامك معاهم يعنى اذيك يا فلانه الحمد لله كده يعنى فيه واجب اعمليه تعرفى المشكله ان الواحده لما بتكون طيبه جدا ومتسامحه ومتساهله وبتعامل ربنا فى كل تصرفاتها الناس بتفهمها غلط يعنى بتعاملى ربنا وشخصيتك المهذبه بتفرض عليكى كده ولانك بتحترمى نفسك بتحترمى الناس لكن بعض الناس بيفتكروا ان ده ضعف منك وقله كرامه ومش فاهمين انك بتعاملى ربنا وان دى فعلا اخلاقك بس تقولى ايه لازم يعنى الواحد يبقى وحش علشان يحترموه ؟ للاسف فعلا فيه ناس لازم الواحد يعاملهم بكبر وانه ميسبش حقه بس خوفنا من ربنا بيجبرنا على اللين وعدم الهجر والمقاطعه

  38. جميلة
    15/01/2011 at 14:11

    وانا والله فى بيت عيلة وبرضه كانو اسلوبهم افظع من كدة بس جيت فى يوم كلتلهم كل واحد يلزم نفسه يعنى بقيت ما انزلش عندهم ابدا ولا فى فرح ولا فى موت بس اولادى بخليهم يكلمهم اما انا انفصلت عنهم نفسيا وكليا لان الظلم وحش دلوقت بيتمنو اكلمهم وانا والله مالى نفس ابدا لان هما فاكرين نفسهم هما بس اللى ناس والباقى كلاب انا بقول لكى اقتصرى منهم ومش تروحى عندهم بس جوزك واولادك يروح عشان صلة الرحم اما انتى ارجوكى ابعدى عشان كل ما تروحى عندهم هيتعبو اعصابك بلاش واسئلى مجرب انا عنيت منهم كتير وطالما ناس غلاطة عمرهم ما هيعترفو بغلطهم فهمى جوزك وخليه يعملك سعر

  39. shery
    15/01/2011 at 08:44

    بقولك ايه انتى عملتى اللى عليكى وزياده مطاطيش اكتر من كده لاتاخدى على دماغك اكتر منهم اهم حاجه جوزك
    اناقاعده فى بيت عيله لكن شقتى لوحدى وجوزى بيحبنى جدا حاولوا يعملوا مشاكل معبرتهمش من الاول ووقفت كل واحد عند حده وبعدين كل واحد على قده همامالهم دخلتى بايه ومدخلتيش بايه مش انتى مبسوطه وراضيه خلاص وزى مابقولك ماتتحايليش على حد وهو ديماخليه واقف جنبك واثبتيله حسن نيتك يعنى قوليلى انابقتصر عشان المشاكل اناعملت كده وفى الاخر بقوا يتقربوالى ورجعوا كلهم يتمحكوا اهم حاجه جوزك وعيالك وارضيه هو عاملوكى كويس عامليهم كويس غلطه فيكى اقتصريه اهم حاجه كرامتك محدش يهنها وافضلى رافعه راسك ولو اكلمه تانى على الحاجات اللى دخلتى بيها قوليلهم اناراضيه وبكره اعوضه فى بنتى كده هتخرسيهم

اترك رداً أو حلاً لهذه المشكلة