انا بنت عندى 13 سنة وفى تانية اعدادى مشكلتى انى بحب العلم جدا وبحب اقرا فى اى كتاب لدرجة انى لما اجى اتكلم مع اى صاحبة ليا ببقى عايزة افيدها بالمعلومات اللى عندى فمش بعرف اهظر زى بقية البنات ومش بعرف اقول نكت عشان اضحكهم فبالتالى بيعاملونى على قد عقلى ويتكلموا معايا فى الثقافة ولما ييجوا يتكلموا مع البنات التانية يعدوا يقولوا نكت ويهظروا وانا المشكلة مليش فى الحاجات دى بس انا عارفة ان دى الطريقة الوحيدة اللى اقدر بيها اخلى الناس تحبنى وانا ماعرفش اعمل كدة ولما جربت اهظر معاهم ضحكوا ضحكة مزيفة او بمعنى أصح ضحكة شفقة ولما اجى اقول نكتة بتهته فى الكلام وبالتالى محدش بيضحك وبتكسف اوى ساعتها وبتمنى ان الأرض تنشق وتبتلعنى ارجوكم ساعدونى هو ممكن تكون المشكلة فى نظركم حاجة تافهة لكن المشكلة دى هى اللى بتبعد الناس عنى ارجوكوا ساعدونى ومتستخفوش بالمشكلة انا بجد تعبت ألاقى فين بس اللى يقدر العلم زيى وكل الناس دلوقتى مبتعملش حاجة فى حياتها غير انهم يلقوا فى النكات ارجوكوا ساعدونى وانا اسفة انى طولت عليكم لكن دى بجد مشكلة عويصة بالنسبة لى. وربنا يعوضكم على اجاباتكم. وشكرا.
البنات المراهقات
ازاي اكون اجتماعيه زى بقية البنات
اضيف بتاريخ: Thursday, September 20th, 2012 في 14:06
كلمات مشاكل وحلول: بنت
و الله انا كنت زيك بالظبط بس بعد كده عرفت انى لازم اندمج معاهم و بدأت معاهم بأنى أإضحك على اللى بيقولوه حتى لو شايفاه تاغه وبعد كده بقيت اهزر وبعديها لاقيت نفسى بقول نكت عادى و بقيت دلوقتى بصاحب ناس تانية وجديدة و زمايلى القدام بقوا هما اللى معايا مش انا اللى عايزا ابقى معاهم
والله انا نفس حالتك بس تركتهم وطنشنهم والله لاحد يومك هذا وهم يكلموني وطنشيهم ودفينيهم بالارض وباكر بتشفيهم ورآك
ثقي بنفسكك خليكك دايم تمزحي انا والله لاني دايم امزح زتكلم بعفويهه صديقاتي يحبوني وانا احبهم واذا شفتي وحدهه من صديقاتك فيها شي ساعديها وخليكك معاها لما ترتاح واضحكي واتمهزئي وخليك شطورهه ومحترمهه انا ترا من المتميزات بس احب المزح والمعلماات يحبوني من ادبي ومزحي بس امزح بادب واحترام خليك كذاا
كوني واثقه من نفسك لان تقه بالنفس لها دور وصاحبي البنات الي يحبونك
لا تبحث على من تحب فيجعلك عبدا بل ابحث على من يحبك فيجعلك ملكا
حبيبتي في عصرنا هذا البشر ما يعجبهم شيء لذلك خليك على شخصيتك وحبيها والمستقبل اهم من النكت وش تستفيدي منها لأنها مضيعة للوق انا اقول استانسي ولكن مع المذاكرة الجيدة ولا تستغني عن المراكز الأولى ….. أتمنى يفيدك
أنا كمان قدك وكنت بعانى نفس المشكلة بس الحمد لله اتحلت لما عرفت إن الناس بتحبني على طبيعتي يعني متحاوليش تتصنعي إنك بتهزرى .. اللى هيحبك هيجي يصاحبك
محدش بيدور على حد بيهزر كتير عشان يصاحبه .. بالعكس ..
أى حد بيدور على حد مثقف عشان يلجئوله ويستشيروه في كل حاجة ..
إنتِ كده صح ومحاوليش تغيري نفسك عشان حد ..
الحل المجرب والاكيد ان شاء الله انك تكوني اجتماعية وكمان دي مش مشكلة عندك اساسا لان المفروض ان البنت يكون عندها حياء وبتتكسف بس الصراحة اغلبية الشباب بيفضلوا البنت الملتزمة الي عندها خفة روح حاولي بردك متبقيش جد علطول مع اصحابك واختاري صحبة صالحة وربنا يصلح احوالك
انا كمان كنت كدهوكمان كنت مش بحب اتعامل مع اى حد ولا اخرج لاى محل ولا بفعد مع صحابى بس بقيت اتعامل اكتر مع الناس يعنى اتحرك واخرج بره اكتر اشوف ناس جديده سعتها اتعلمت ازاى اتكلم بثقه او اتعامل مع الناس لان الحياه مش كلها كتب وكمبيوتر وبس
انا ننصحك تحاول تتقرب من صحباتك وتعرف كيف تتعاملي معاهم
اثبتى على موقفك بس حولى مع ولدتك انها تعامك شوية حاجات تقربك ليها كده يعنى تخليكى تقربى من البنات التانية انا اعتبر زيك بحب القراءة و المذاكرة والبنات كلهم بيكرهونى لانى مش زيهم مؤدبة ماما مربيانى على الادب و الاخلاق و مليش اصحاب غير 2 تقريبا انا بقولك اثبتى انت صح هما و المجتمع غلط بجد كفاية احترام المدرسيين ليا
انا عندي تقريبا نفس المشكلة لكن مع الكرش و برضة انا بحب العم شوية لكن مظبط الموقف مع العلم و كمان الصحاب يعني البسي حلو جينز و افتحي اكونت الفيس كل يوم و اعلملي لايك لأساحبي و ضيفيهم و كلميهم و بيني فيا لفرندز ان عندك ولاد و كدة و خليكي تقيلة شوية معلومة بتنفع الحركات دي مع صحابي و انا عندي برضو 13 سنة و متفوق بس عارف احل مشاكلي و مشكلتي انا مع الكرش و مبعرفش بنات الخ الخ و مش مهم النكت المهم تحكي عن اي شئ و اتجنبي عن المعلومات دي قدام صحابك اهم حاجة هيقولو دحيحة و قرف انتي بس البسي و اتقلي و احكي عن تجاربك مع ولاد بس بالتدريج و الله الموفق و المستعان
بصى خليكى فى مذاكرتك احسن لأن النكت مش هتساعدك فى المذاكرة ولا هتطلعك من الأوائل ولا هتخليكى تجيبى الدرجة النهائية لكن بالعكس دى ممكن تسقطك لكن المذاكرة هى اللى هتحققلك امنياتك فى المدرسة وبعدين يا سيتى اما تخلصى مذاكرة ابقى اقعدى احفظيلك نكتتين تلاتة.
شكرا تانى يا جماعة على الردود الحلوة لكن انا كنت عايزة اقول ان صحباتى دول اصلا شاطرين وكلنا بنطلع من الأوائل وكمان هما طيبين جدا وكويسين جدا بس المشكلة انهم بيموتوا فى حاجة اسمها نكت وبيحبوا جدا اللى بيقولوا نكت. ورداً على karam k مش للدرجة دى اليأس يعنى فيه ناس كويسة. انا حاليا عملت النصائح بتاعتكم وبقوا صحباتى يحبونى اكتر وفى نفس الوقت مأهملتش مذاكرتى عشان النكت وكل دة بفضلكم جميعا. شكرا.
اقلك خليك على شخصيتك ولاتتغيري لا شخصيتك احلى بكثير ويمكن يدلوك على طريق غير صحيح
اصلا النكت مش حاجة مهمة خليكى فى مذاكرتك بعدين متحاوليش تغيرى من شخصيتك ربنا خالق كل واحد بشخصيته لما بيحاول يغيرها من الأحسن للأوحش بتبقى مصيبة بعدين الناس هتحبك وانتى شاطرة عشان بتفيديهم اما بتوع النكت هيفيدوهم فى ايه فنصيحتى ليكى اوعى تتعلمى منهم لأنهم اكيد هيبوظوكى. مع تحياتى.
كبري دماغك محدش يستاهل تقولي له نكت
شكرا على ردودكم الحلوة وشكرا للأستاذ “عادى” وانا هاحاول زى مانتوا قلتوا انى ادور على اللى زيى وهحاول برضو اقرا نكت حلوة. شكرا مرة اخرى.
الدعاء ..الدعاء
قولى :اللهم افتح بينى وبينهم بالحق وانت خير الفاتحين
وغير كدة “عسى ان تحبوا شيئا وهو شر لكم ” ممكن انتى لما تبقى صاحبتهم يخدوكى لطريق مش كويس ..ماتعريش فين الخير ..بس انتى ادعى ربنا يرزقك بصحبه صالحة تاخد بايدك لطاعته ..انا كنت زيك وقولت لماما تدعيلى عشان دعاء الام مستجاب والحمد لله ربنا رزقنى بصحبة صالحة …
الفرق بينك وبينهم انك محترمه بتروحى المدرسه علشان بس تدرسي وده السبب اللى عملنا علشانه المدارس بس كلنا دخلنا مدارس وعارفين الشله الخفيفه اللى بتهرب من نص الحصص او بتقعد فى اخر الصف علشان تلعب وتضحك انتى عندك 13 سنه واضح انك لسه فى قمه برائتك ارجوكى متحاوليش تتغيرى لان انتى الصح حطى هدف لحياتك اما المدرسه والحلم اللى اكيد رسماه للمستقبل او تبقى تافه من اللى بيقولوا نكت وتسقط فى اخر السنه وانتى عايشه فى الموضوع وفاهمه واكيد حاسه الفرق الدراسي بينك وبينهم ان كانوا حافظين شويه نكت انتى حافظه المنهج الدراسي وده سبب وجودك فى المدرسه شوفتى بئه مين فيكوا احسن انتى العالمه وله التفهه
بسم الله
شوفي صلى على النبي
المشكلة بتعاني منها العديد الفتيات المراهقات وغير المراهقات
على فكرة الموقع فيه نكت في اللينك ده
http://www.masreat.com/%D9%85%D8%B5%D8%B1%D9%8A%D8%A7%D8%AA/%D8%A7%D9%84%D9%85%D8%B5%D8%B7%D8%A8%D8%A9/%D9%86%D9%83%D8%AA/%D9%86%D9%83%D8%AA-%D9%85%D8%B5%D8%B1%D9%8A%D8%A9/
المشكلة مش في النكته نفسها
المشكلة عندك في الالقاء
او طريقتك وانت بتقولي النكته
حتى اانت كاتبة في مشكلتك انك بتهتهي في النكته
اول حاجة لازم تمسكي نفسك
ودي حاجة مهمة في الالقاء الكويس
وبعدين اما بتكلمي حد في الثقافة او العلوم
مبتهتهيش ؟… ليه … حاجة ده مجالك
صاحبي البنات اللي بتحب المجال ده
مش بقولك انك تسيبي صاحباتك لكن صاحبي كمان البنات اللي بتحب الثقافة
وعشان انتي بتحبي البنات اللي بتقول نكت
وعشان كمان انتي بتحبي القراية
اقري نكت كتيير
ودوري حتى في جوجل
واما تقري نكت كتير
اوتوماتيك هتقولي احلى نكت
المشكلة اللي عندك
انك 1- معندكيش نكت حلوة
2- طريقة الالقاء عندك وحشة
ممكن تدوري
مثلاً
عن فن الالقاء
فن الحوار
دي على فكرة كتب
وهتفيدك
وان شاء الله تحل مشكلتك