انا رجل فلسطيني عايش في مصر منذ ان كنت صغير , وانا صغير كنت في المدرسه الفلسطيني الوحيد في المدرسه كانت الاولاد يقولوا لي انت فلسطيني بعتا ارضكوا تخليتا عن وطنكوا ولما كنت بروح للاستاذ كان بيقعد معاهم لحد ما تربت عندي مشكله نفسيه وبقيت عدواني وكرهت الناس كلها وعايش في وحده ومبعرفش اتقلم مع اي حد ,,, علي الرغم من اني شغلي في المبيعات وعلاقتي كتيره في الشغل لاكن غير كده مش عارف اكون اجتماعي خااالص عاوز حل انا تعبان علي الاخر ومش عارف اخرج من الي انا فيه .
انا بحب انسانه مصريه بس مش قادر اتكيف معاها لاني عصبي جدا واخلاقي صعب وحاسس اني بضيعها من ايدي ..
انا الان عمري 25 سنه ونفسي اعيش زي الناس من غير مشاكل نفسيه ,, اروح لدكتور ولا اعمل ايه !!!!!؟؟؟؟؟
مشاكل الشباب النفسية
الغربه والحاله النفسيه : ازاي اكون اجتماعي
اضيف بتاريخ: Saturday, November 10th, 2012 في 14:07
انا ايضا اعانى من ذالك ولكنى مازلت 16 سنة واشعر ان الناس جميعا لا يهتمكوا بى لزا اشعر اننى افضل منهم جميعا
أنا مصري و اقسم بالله اني بموت في الشعب الفلسطيني يا أخي يا أخي لماذا لا تأخذ الأمور ببساطة كلنا نعلم ان الشعب الفلسطيني من أكثر الشعوب نضالا و مقاومة للاحتلال فكيف تأخذ هذا الانطباع عن المصريين لا تعمم الخطأ على كل الشعب المصري بسبب خطأ فئة بسيطة
اما من ناحية البنت إلي بتحبها حاول تشرحلها انك عصبي و تطلب منها انها تستحملك و تفهمها ان العصبية دي خارج إرادتك و اكيد هي لو تحبك وتقدر كده و ه يزداد حبها ليك بس حاول على قد ما تقدر تمسك نفسك و تقولها كلام حلو كتير (البنات ما بتجيش الا بكده ) اتمنى لك الاستقرار و السعادة و التوفيق 😀
انتة انسان حساس جداً وحساسيتك خليتك بقيت عصبى ، الحل انك تحاول تهدا من عصبيتك ومتاخدش كل حاجة على أعصابك حاول انك تطنش عشان تعرف تعيش فى نفس الوقت لازم حبيبتك تفهمها انك انسان حساس وزى متخاف على شعورها وبتحترمها لازم تخاف على شعورك لانها الانسانية الوحيدة اللى هتهديلك أعصابك وبعد كدة انطلق فى الحياة وتعامل مع الناس عادى جدا
اولا عادي لو رحت لدكتور بس الاول لازم تكون مهيأ نفسيا للعلاج
تانيا انت بتقول انك رجل مبيعات وليك علاقات اندمج وسط الناس ولازم تكون متأكد انك واحد منهم مش غريب عنهم وطنك هوا اللي تربيت فيه يعني انت عايش دلوقتي في وطنكووسط اهلك تناسي الكلام اللي قيل لك زمان وعيش حياتك بطبيعبة وخليك هادي قرب من ربنا ولو متأكد من مشاعرك تجاه حبيبتك صارحها بحبك وتوكل علي الله