دى اول مشكلة بطرحها ف المنتدى
مشكلتى باختصار انى 20 سنة لما كنت ف 3 اعدادى اعجبت بواحدة من اول مرة شوفتها ف حصة درس مشتركة بين الاولا. والبنات هى ف نفس سنى وبعد كدا الحب تتطور ف الثانوى لما دخلنا مدرسة ثانوى مشتركة اعجبت بيها ف اولى وتانية والاعجاب زاد جدا ف سنة تالتة ثانوى وهى كمان كانت ف مشاعر من ناحيتها ليا مكناش بنتكلم بس كنا بنراقب بعض ف صمت ولما نتقابل ف مكان بنبص اوى لبعض وكانت عينينا هى اللى بتتكلم كان نفسى اكلمها اوى ف 3 واقولها انى معجب بيها بس كنت خايف لاعطل نفسى واعطلها عن الدراسة وخصوصا السنة دى كانت اهم سنة ” نظام حديث يعنى ال3 هى اللى شهادة ” وكنت برضو مش ضامن مستقبلى مع انى الحمد لله متفوق وهى كمان انا دخلت هندسة وهى كانت ادبى ودخلت تربية هى انشاء الله هتخلص كليتها وانا هيبقى فاضلى 4 سنين ف الكلية انا حصلتلى ظروف واجلت ف ثانوى ومروحتش ظروف غصب عنى بس انشاء الله هتفرج من عند ربنا انا مكلمتهاش ف 3 بس كان ف بينا عشم جامد ونظرات ماكنتش ببص غير ليها هى وهى كمان مكنتش بتبص غير ليا انا مش معايا رقمها بس ممكن اجيبو من اى حد من صحباتها
الخلاصة انى عاوز رأيكم ومن غير تريقة لو سمحتم اكلمها واوعدها ان انشاء الله لما اخلص كلية واتخرج واشتغل سنة مثلا اخطبها يعنى هى هتستنى 5 سنين بعد كليتها عشان اقدر اخطبها ولا كدا بكون بظلمها معايا
انا معجب اوى باخلاقها وشخصيتها وجمالها وهى غالية اوى عندى وكل اما ومش بحاول اكلمها خايف اوعدها بحاجة مقدرش اعملها او يكون الوقت اللى هتستناه دا ظلم ليها بس انا دخلت ف اكتر من علاقة مع بنت ع الشات عشان انساها مش بنساها برضو ومش عاوز ارتبط غير بيها
مشاكل الشباب مع البنات
اكلمها واوعدها بالزواج ولا بظلمها معايا
اضيف بتاريخ: Thursday, September 1st, 2016 في 20:11
كلمات مشاكل وحلول: بنات, بنت, شاب, كلية الهندسة
السلام عليكم…انت ماقولتش اسمك ايه فهتضر اقولك يا اخ…بس يا معلم موضوعك صعب مش عايز احبطك بس المشكلة انك بنيت كل امانيك على احتمالات…خلينا في الاحتمال الايجابي انها تكون فعلا بتحبك او معجبة بيك زي ما انت معجب بيها وفي الحالة ديه لو انت فعلا شايف انها البنت اللي بتتمناها ماتضيعش اي فرصة توصلها بيها احساسك بيها مايهمكش من اي ظروف ومتفكرش في انك هتربطها معاك لغايت لما تستقر وتعرف تتجوزها اقولك ليه؟ لان الحياة مش هتديك اكتر من فرصة لو ضيعت الفرصة يبقى لازم تعرف انها مش هتجيلك تاني فكر كويس في كلامي وافتكر ان في الحياة ماينفعش تبقى غير كسبان او ندمان مفيش اختيار تالت لو فعلا مش ناوي تلعب بيها قولها من غير ما تفكر لان ساعتها ربنا هيقف معاك…نيجي بقى للاحتمال السلبي انها تكون بتبتسملك او بتضحكلك مجرد مجاملة او كسوف او ممكن يكون الشعور كان موجود عندها نحيتك بس مبقاش موجود دلوقتي، ممكن يكون دخل في حياتها واحد غيرك انت يبقى لازم تتاكد كويس ان حياتها مفيهاش حد علشان ماترجعش بخفي حنين. لو عايز نصيحتي سيب العلاقة تاخد وقتها قرب منها على قد ما تقدر بس ماتفاتحهاش في موضوع الجواز او الحب خالص يعني من الاخر خليك صديق وبس لغايات لما تعرف هي كانت بتفكر فيك ازاي؟ لو كانت بتحبك هتلاقيها هي كمان بتقرب منك ونصيحتي ليك حاول تاجل اعترافك ليها بحبك على قد ما تقدر لغايت لما تتاكد فعلا انها بتحبك وساعتها تكون قدرت تعرفعها اكتر وهي كمان تكون قدرت تعرفك اكتر اهم حاجة عايزك تفتكرها من كلامي “لو البنت ديه من نصيبك مش هاتروح لحد غيرك”.
اخي والله انت صعبان علي ومش عارف اقولك ايه ولاايه نظرات الاعجاب ليست دليل الحب كما تظن او تتوهم فكل البنات والشباب في هدي المرحلة وفي السن ده بيحصل بينهم هذا الشي بحكم الدراسة والتواصل مع بعض والاختلاط وعايزك تبص لمستقبلك ياباشا وتترك عنك هالافكار التي تدمر مستقبلك وحياتك ولاتخليش اي حاجة تشغلك عن مذاكرتك والوصول الى هدفك وطموحك في الحياة انت حتى الان ماتعرفش البنت هل هي مرتبطة اواحد متكلم عليها او حتى ماتعرفش اهلها مين واي هي ظروفها اوظروف اهلها وده تفكير خاطي منك سوف يجلب لك المزيد من الالم والمتاعب في الحياة اذا كنت متاكد من دين واخلاق وتربية الفتاة واهلها ناس كويسين وطيبين فمن الافضل انك تصارح الفتاة وتبدى لها رغبتك في الارتباط بها ومن ثم تنتظر الرد منها فان اخبرتك بانها لاتفكرفي الارتباط باحد حاليا فاحترم رغبتها واتركها وان قالت لك انها سوف تكلم اهلها وترد عليك فهذا شي حسن وتقدر تخلي الست والدتك تتكلم مع ام الفتاة وتتعرف عليها ويحصل التقارب والود والارتياح من خلال الزيارات بينهما وتكون مقدمة لاجل الارتباط بها وفي الاخر كل شي قسمة ونصيب واذا ربنا ارادلكما الخير فسوف يوفق بينكما ويجمع بينكما وان لم يحصل نصيب فلا تجعل هذا يوثر على حياتك ومستقبلك هتلاقي احسن منها الف مرة وربنا يصلح احوالك ويوفقك ويسترعليك في هالحياة
أولا حرام انك تكلم بنات على الشات عشان تنسي واحدة انت كدا بتلعب بمشاعرة البنات وكدا حرام عليك وبعدين هي لو بتحبك فعلا اتكون مستعدة تستناك العمر كلة بس انت الأول لازم تغير من أخلاقك وحاول تقرب من ربنا عشان يساعدك وأسأل ربنا في صلاة الاستخارة وربنا اعطيك الحل اكيد وفي حاجة تاني انت لازم تكون جدي في الموضوع ده عشان في النهاية أيكون جواز اكيد وربنا يساعدك وبتمني أكونه ساعدتك