بصو يا جماعة انا بنت عندي 14 سنة ومصرية بس عايشة في السعودية انا اصحابي في المدرسة بيقولو عليا متكبرة ومغرورة وكمان بيقولو شكلي وحش مع اني شكلي جميل جدا وملامحي حلوة بس لبس المدرسة بيوحشني وبيطلعني طخينة المهم انا ممتازة جدا وبطلع التانية او التالتة على المملكة كل سنة بس معنديش اصحاب ابدا وكلهم زمايل ووعندي شوية بنات شلة كانو اصحابي بس احنا بنتخانق كتير وبنرجع وبنتخانق مرة تانية بس االمشكلة انا اللي برجع في الاخر مع انهم هما اللي غلطانين لان مبلاقيش حد يكلمني غيرهم وهما اللي بيضحكوني ولما بتخانق معاهم ببقى كئيبة اوي
وعندي يمكن اكتر من 10 ايميلات على الفيس وكنت بحب واحد زمان وطلع بيكدب عليا واتازمت اوي لما عرفت بخيانتو وبعد كدا نسيت ودلوقت بكلم واحد هوا طيب اوي وكويس بس هوا بيقولي انو بيحبني زي الاخوات
واهلي بيعاملوني وحش اوي وبابا دايما بيزعق ليا وبيضربني كتيييير ومش عارفة اعمل ايه مع كل المشاكل دي ؟؟
البنات المراهقات
اصحابي بيكرهوني واهلي بيعاملونى وحش
اضيف بتاريخ: Wednesday, May 8th, 2013 في 18:50
كلمات مشاكل وحلول: السعودية, بنت, مشاكل البنات, مصر
معلش بكرة تتعدل
الاخت الفاضلة صاحبة المشكلة انتي لسة صغيرة – حاولي تنسي مشاكلك لسة العمر قدامك – اهلك بيحبوكي وبيربوكي هما قاسيين عليكي شوية بس لمصلحتك – وزمايلك حاولي تجاريهم بلاش تتخانقي معاهم – حاولي بلاش العصبية – اما الحب والجواز هييجي لواحده انتي لسة صغيرة – بلاش تستعجلي اللي هيحبك هيجري وراكي لأخلاقك ودينك – وعن رسول الله صلي الله عليه وسلم انه قال : تنكح المرأة لأربع لمالهاولحماله ولحسبها ونسبها ولدينا – فانكح ذات الدين تربت يداك – يعني احسنهم ذات الدين – اهتمي بدينك صومي وصلي واقرئي القرأن واصحي كل يوم قبل الفجر بساعة صلي ركعتين لله وادعي ربنا بما تشائي فان الله سبحانه وتعالي ينزل الي الارض بما يليق بغظمته سبحانه وتعالي في الثلث الاخير من الليل يقول هلي من مستغفر فاغفر له – هل من تائب فاتوب عليه – هل من صاحب حاجة فاعطيه – وذلك كل يوم- ربنا يوفقك وكل عام وانتم بحير
قلبي انا مثلج والله بس انا ما عندي صديقات غير وحده بس والباقي اعتبرهم زملاء فقط وإذا انتي صديقاتج ما يحبونج وما يعطونج اهتمام خلاص اتركيهم ليش تذلين نفسج علشان ناس ما يستاهلونج! انا عانيت كثييييير فالمدرسه بس الحمدلله مطنشه لن ما فيه شي ثاني اقدر اسويه هذا مستقبلي وغصبت علي لاازم أروح المدرسه اهم شي خليج واثقه من نفسج واهلج اكيد أنهم يحبونج بس يخافون عليج بمعاملتهم هاذي .. موفقه ✌
شوفي ياقمر انت حلوه واكيد اصحابك بيغارو منك ولوفي عاقل ميشكش في جمالك وانت بنت 14 سنه وكمان من مصر متصدقيش الي يقول متمشيش ورا قلبك لان القلب دئمن بيختار الصح واكيد قلبك مش حيختار الا الصح
انتى جميلة وزى القمر كل انثى او امراة الله يجملها ويحلها لكى تتزوج ولكن الجمال انواع ومتفاوت الدرجات واهم انواع الجمال هو جمال الروح وعليكى ان تتعاملى مع زملائك بالحب واللين والحنية والكرم تكون النتجة ان شاء الله خيرا الله يحبب فيك مخلوقاته وشكرا
بصي … من ناحية أهلك و معاملتهم الوحشة فكلها كام سنة وهاتسبيهم و تتجوزي ف معلش تعالي علي نفسك واستحمليهم وأكيد دة له أجر كبير عند ربنا , أنا عارفة انه صعب لكن هاتعملي ايه !
ومن ناحية صحباتك فانا بانصحك بلاش تتعاملي مع ناس انتي مش مقتنعة بانهم اصحاب حقيقيين … ركزي في دراستك و إرمي فيها كل همك لأن دي هي مسئوليتك في السن دة … وادعي ربنا انك تلاقي صديقات حلوين زيك كدة … وانتي نفسك حاولي تتعرفي علي بنات اكتر في مدرستك واكيد هاتلاقي اللي شبهك في الشخصية
أما بالنسبة للشخص اللي بيقول انه زي أخوكي ف بانصحك تسيبيه … استني لما تكبري وانتي هاتلاقي الشخص اللي يستاهل مشاعرك فعلاً … لأن بيقولوا ان المشاعر زي الجوهرة ماينفعش تديها لأي حد لأن مافيش غير حد واحد اللي يستحقها وهو زوجك المستقبلي … ف بلاش تدمري عاطفتك في السن الصغير دة
بنتي الحبيبةالدنياعمرهاماتتغير الناس هم اللي بيتغيرواوانت الحمدلله شاطرةومتفوقةفي دراستك ودي ضريبةالنجاح والتفوق اللي عاوزه منك الاستمرارفي النجاح والتفوق ولاتتاثربكل اللي يحصل معك دي مجردسحابةصيف وتنجلي واختارليك زملاءواصدقاءبس يكونوامودبين ومحترمين واياك والغروروالتكبر فهذةصفةذميمةعواقبهاوخيمةعلى كل من اتصف بها وربي يوفقك ويسعدك واهتمي في نفسك واهلك عشان ربنايرضى عليك ويوفقك في حياتك
قربي من ربنا واوعي تيأسي من حياتك ..
ومش يمكن موقف حبيبك بتاع النت دة كان رسالة ليكي من ربنا انك كدة بتضري نفسك وبتبقي زي الفاكهة اللي عند الراجل كله بيقلب فيها شوية وبعدين بيسيبوها ويمشوا لو ما عجبتهمش ؟
حافظي علي نفسك والزمي الحياء وقلدي أمهات المؤمنين زوجات النبي صلي الله عليه وسلم واقرأي عنهم وشوفي عزتهم وحيائهم وجمالهم ..
وربنا يوفقك وملكيش دعوة بكلام الناس ..
ولو صحابك زعلوا روحيلهم وصالحيهم مش عشانهم ولا عشان حد .. عشان ربنا بيحب كدة ..
واتعاملي مع الحياة ببساطة .. وصدقيني اي بلاء في حياتك اعرفي ان دة من ذنوبك ..
فالله لا يظلم أحد ..
واتعاملي بأدب مع بابا وماما واصبري .. رضاهم من رضا الرب سبحانه وتعالي
الشاطر دايما بيكترو حوله الحساد والاعداء اهتمي بصديقه واو اتنين من المقربين والباقي كلهم اعتبريهم زملاء ومش حينفعوكي بحاجه وما تزعليش اوي لانهم ما بيكلموكي دول اعداء النجاح دانا اعرف وحده نفس المشكله من 20 سنه
انتى ذكيه بسم الله ما شاء الله وخساره تضيعى مجهود سنينك ومستقيلك بسسب الحب خليكى واعيه واهتم بمذكرتك وارفعى راس اهلك ووريهم انهم عرفو يربو ويفتخرو قدام النس بيكى ودقينى مفيش حد بيحب حد بجد الا اللى بيدخل اليت من بابه
انارأيي انو الصداقه مو مهمه احنا منروح نتعلم مش نصاحب خطأ كمان نحب على الفيس لان الناس الي ما شفتيهم وما بتعرفيهم لا توثقي فيهم مش كلهم صادقين انتي لسه صغيره على الحب لا توقعي باخطأ وتذكري حب المراهقين مش دائم وان الله غفور رحيم
انا من رايى انك متخسريش اصدقائك ابدا بل تحاولى انك تظهرى لهم احسن الصفات اللى فيكى لانى بجد جربت وحسيت معنى الصداقة الحقيقية.اما بالنسبة لاهلك هما بيحبوكى وعمرهم ما يكرهوا بنتهم ابدا ممكن بس تكون قرصة ودن عشان يهتموا بيكى وانا كنت زيك كدة بس عرفت معنى الاهل والاصحاب اصل الواحد ملوش فى الدنيا دى كلها غير ربنا والاهل والاصحاب وكمان محدش بيختار اهله.ارجوا ان تنتفعى بردى وجزاكم الله كل خير
مثل ما تشكين لنا .. اشكي لربـي ! وربـي مب رادك ان شاء الله 🙂
ارجوا أي واحدة او واحد يقرا الرسالة دي يقراها للاخر وما يملش علشان مهمة جداااا ومفيدة لاي حد مش ليها بس
بصي اول حاجة مشكلة الاصحاب مش تخسري اصحابك انت عارفة انا من مصر اجتماعية اوي بحب اهظر مع اصحابي بحب اوريهم اني انا وحدة مستحيل تتنسي مستحيل تتخاصم خليكي فرفوشة لما تلاقي اي وحدة في الفصل سواء صحبتك او مش صحبتك يعني ادخلي معاهم بطريقة تنسيهم انك متكبرة بيني ليهم انك مظلومة بعد ما صحبوكي يعني لما تيجي تدخلي الفصل سلمي عليهم كلهم قولي لكل وحدة ايه الاخبار وحشتيني واضحكي معاهم اما دول سواء اصحابك اللي مش بيحبوكي او اصحابك اللي بتحبيهم صحيح اصحابك اللي بتتخانقي معاهم عارفة تروحي تصاحبيهم لو الخناقة دي لحاجة ضد رايك قوليلهم بلاش النقاش في الحاجات دي علشان بتجيب مشاكل ولو مش رضوا خوديهم علي قد عقلهم وقوليلهم ان انت من رايهم حتلاقي نفسك حبوبة كثير ده بالنسبة لاصحابك اما بقي بالنسبة والدك وو ولدتك ففرحيهم بطريقة خاصو مثلا هما نازلين رايخين مكان اوقعدي في البيت افتحي علي النت طريقة عمل أي حاجة يعني كيكة بطريقة مختلفة أي حاجة اعمليها و بعد كدة اول ما يجوا سلمي عليهم بوسي اديهم وقلعي لباباكي الجذمة والجاكت تكوني موضبة الغرفة بتاعتهم بطريقة حلوة راشة عطر فيها واول ما يدخلوا يغيروا هدومهم تكوني انت في المطبخ بتقطعي الحاجة اللي انت عملتيا في طبق وقدمهالهم بطريقة جميلة حتلاقي حتي بباكي وممامتك انت كسبتي محبتهم ليكي اسمعي كلامهم أي حاجة يقولولك اعمليها فورا تروحي تعمليها وتقولي لمامتك عايزة حاجة ثاني يا ست الحبايب و باباكي عايز أي حاجة ثاني حضرتك حتلقيهم حبوكي جامد اما بالنسبة للنت بلاش تعملي علقات مع أي حد حتي لو كان يقربلك وانت عرفاة كويس انت ما فكرتيش في ربنا قبل ما تعملي كده ربنا حرم الكلام ده غير كده النت والبلاوي دي بتعمل مشاكل ممكن تودي الواحدة في ستين داهية انا اعرف ناس كثير حصل معاهم نفس الحكاية كانوا بيكلموا واحد علي النت وحصل انهم اتقابلوا وكلام كبير اوي لو انت شايفة انك مش بتعملي حاجة غلط ابقي كلمي الولد ده قودام مامتك او باباكي مش حتقدري الولد ده طلاما كلمك يبقي اكيد كان بيكلم واحدة قبلك و العلاقة باظت ليه تحوطي نفسك في مشاكل امنعي نفسك لو بتعملي الكلام ده وخايفة من باباكي وممامتك يبقي مش خايفة من ربنا اللي شايفك بتعملي اية طول الوقت استغفري ربنا واطلبي منوا ان يبعدك عن الطريق ده علي طول افتكري ربنا علي طول ارجوا ان اكون افتدك وتاخدي بنصحتي
للاسف نحن في زمن يحب المظاهر الخارجيه
جميل انك نسبة ذكائك حلوه هكذا لاينقصك شئء !
لاننا في زمان يحب المظاهره الخاريجيه
عليك الاهتام في مظهرك قليلا كتسريح شعرك جيدا ولاباس بقليل
من الاكسورات لتعطي جاذبيه
اعطيك مثلا كاابنت اختي الان هي لاتذهب للمدرسه الا وهي مسرحه شعرها باداة السراميك
وتلبس ساعه واسوارة واحد فقط ومنظرها ظهر كانها فتاه ماركه اول من المحبين للموضه
وهي في الحقيقه فتاه غير مبالاليه لاتهتم لهذه الاشياء تظعها على السريع وبدون نفس ايضا
وليست فيها اي ملامح من الجمال ولاحظة انها من بدت بوضعها الجميع يريد مصادقتها فكوني هكذا قليلا جربي ماذا عندك !
ركزت على هاذه النقطه كثير لااملك ردود لبقية النص *
السلام عليكم ورحمة الله وبركاته
عزيزتي نصيحتي ليكي اهتمي بدراستـك لان هذا الشي الوحيد الي راح يوصلك للقمم
وبالنسبة لاصحابك فحاولي تغيري من نفسك يعني لا تخلي العصبية تفوق على شخصيتك
وبالنسبة لابوكي وامكي غالبا الاهل يربون بطريقة خاطئية وهي الضرب والقسوة وهذا الدليل على حبهم ليكي ويخافو عليكي بــس طبعا يوصلوها بطريقة غلط لان 89 بالمئة في مجتمعنا العربي تربية بالقسوة اهم شي دراسستك فقط اما الحب بعدين يجي اسال الله ان يبعد عنك الحزن واذا احتجتي اي شي انا موجوده حبوبه
بصى يآختى ,, أنـآ دلوقتى مـاشى بمبدا ,طـالما نزلت من بطن امى لوحدى ’’يبقى أقدر اعيش لوحدى ,بس المشكلة اننا سلبيين وبنحب نقضيها شوية
احنا ف زمن الصحاب صنع ف الصين
ويبختك انك لوحدكـ ,, الصحاب الى بجد هيجولكـ بس أمتة لمـآ ترفعى من شآنكـ بدل مانتى بتطلعى التانية او التالتة اطلعى الأوله وربنـآ يكرمك أمـا أهلك فهمـا اكيد فى ضغط شغل وكدا وانتم فى غربة استحملى
الفيس بوك، نصيحة وخصوصـآ انى أدمن صفحـآت مشهورة ومعروفة وكبيره جدأ
نصيحة بقى منى انـآ لو تعرفى تخرجى منه أخرجى ,, حب النت دا بيجى للناس الى قرفانة من حياتها ومش عارفه تعيش ف الطبيعه ف بتهرب من الواقع للخيال(النت)
الفيس بوك دمر حيـآتى شخصيا بالرغم من انه عمـلى الدآئم ومصدر رزقى
نصيحـة اتركى الفيس بوك ,,,, وأسف على طــول الرد أتمنى ليكى حيـآة سعيده
السلام عليكم بصي يا قمرايا هقولك علي حاجة انتي بتصلي الاول ولا لاء حولي تصلي وتقري قران شوية والدنيا هتتظبط معاكي وانتي حلوة او وحشة دي خلقة ربنا محدش بيختار شكلة وعلي فكرة والله لو صليتي وقريتي قران شوية الدنيا هتبقي معاكي زي الفل جربي ومش هتخسري حاجة ياريت تقري سورة يس بنية ان ربنا يصلح حالك ويبعد عنك ولاد الحرام وبلاش علاقات من النت لانهم كلهم كدبين ممكن تكونة اخوات في الله مافيش مشكلة
بصي يا حبيبتي انتي اول حاجة صغيرة اوي على موضوع الحب ده لسة بااادري عيشي سنك ماتكبريش نفسك بدري بدري تاني حاجة كل المشاكل ديه هتتحل في انك تقربي من ربنا مهما كان عدد صحبنا و ضحكنا و هزارنا معهم مفيش غير ربنا هو الوحيد اللي لما بنتكلم معاه بنرتاح ربنا هو الصديق الوحيد اللي لو لجأتيله عمره ما هيتخلى عنك و دايما راضي بكي في اي حال و رحيم اوي علينا قربي لربنا و خليه صديقك و هترتاحي اوي و الله و هيساهلك كل مشاكلك ديه ان شاء الله بس نصيحة مني بلاش الحب في السن ده لانك بتحبي احساس الحب مش الشخص اللي قدامك و صعب اوي في الظروف اللي انتي فيها ديه تمشي ورا قلبك و ورا الحب علشان واضح ان مفيش حد ينصحك خلي بالك من نفسك و اوعي تسمعي كلام اي حد على النت و متكلميش حد منهم تاني و زي ما قلتلك خلي ربنا هو صديقك الوحيد ..اسفة لو طولت عليكي