مشاكل الثانوية العامة

هل الثانوية العامة في السعودية اسهل من مصر

أنا تخرجت ثانوية عامة قسم علمي من السعودية ونسبتي ٩٢،٦
وكنت أرغب أطلع على منهاج الثانوية العامة المصري علمي علوم وعلمي رياضة
هل أسهل أو أصعب من السعودية لأن عندنا في القسم العلمي في الثانوية العامة بالسعودية أكثر من ١٤ مادة دراسية
و أغلب الطلاب يهربو من القسم العلمي للقسم الأدبي لأنه أسهل

مشاكل وحلول ذات صلة

اضيف بتاريخ: Thursday, July 31st, 2014 في 01:41

كلمات مشاكل وحلول: , , ,

20 رد to “هل الثانوية العامة في السعودية اسهل من مصر”

  1. MMKFY
    10/05/2023 at 19:49

    انا خلصت أولى ثانوى فى مصر عايزة اعرف ينفع اكمل تانية وتالتة ثانوى فى السعودية

  2. حبيبه محمد
    15/07/2022 at 03:13

    انا حاليا داخله ٣ثانوي كنت عاوزه اعرف اروح اخد سنه تالته ثانوى عام هناك ولا لا.. ولو رحت هناك وجبت مجموع مثلا ٩٩هنزل مصر هل هدخل كليه قمه ولا صعب

  3. Nour
    12/05/2022 at 07:14

    يا جماعة أنا عايشة في السعودية مع {اولادي الولد تاني ثانوي} و(البنت ثالث متوسط) والظروف حكمت علينا لازم ننزل مصر نهائيا ….
    المشكلة المفروض الولد هياخد ثالث ثانوي بمصر دماغه مش في المذاكرة بينجح بالعافيه … والبنت شاطرة ..أنا خيفه عليهم من الدراسة بمصر هل في امل ينجحوا هناك ؟

  4. اياد محمد سيد
    11/09/2021 at 01:04

    ممكن اعرف الثانويه العامه في السعوديه سنه واحده ولا سنتين ؟؟؟ ايه امتحان القدرات مش فاهمه الامتحان ده هنا في مصر ولا في السعوديه؟؟؟عباره عن ايه امتحان القدرات ده؟؟؟ الافضل اهذ ثانيه وثالثه من السعوديه ولا اخذ ثالثه فقط؟؟؟ انا محتاره ياريت احد يرد عليا وشكرا

  5. Mmm
    03/03/2021 at 03:55

    ممكن اخد الثانويه العامه في السعوديه بس اخلص ٢ث ف مصر

  6. ارجو الرد
    12/04/2020 at 04:01

    ده ولا ده ولو شديت حيلي فلاتنين هجيب قد ايه

  7. احمد
    12/04/2020 at 04:00

    يعني انا مفهمتش ادخل ثانوي سعودي ولا مصري انا مصري ومتوفر قدامي الاتنين مستواي من ٨٠ الي٩٠ ده لما بشد حيلي علي الاخر

  8. حبيبه
    26/09/2019 at 06:17

    انا وحده جربت ٣ اعدادي وسنين من ابتدائي فالسعوديه هنا انا بنصح للي مستواه عالي فعلا او متوسطومجموعه فمصر ١٠٠ و٩٩ و٩٨ انه ياخد ٣ ثانوي من مصر عشام فعلا هيقدر يجيب مجموع عالي هيتعب شويه بس هيجيب ان شاء الله لكن الي مستواه في ال٧٠ وال ٨٠ فالميه ياخدها من السعوديه ويشد حيله عشان يلحق كليه فمصر حلوه وانا فعلا خدت اراء ناس كتير اوي اخواتي جربوه وقرايبنا ووحده صحبتنا ♥️

  9. جمال جبريل
    05/08/2018 at 08:25

    قبل كل شيء لابد أن نضع في الاعتبار عامل اغتراب الطلاب الذين درسوا في السعودية عن أهلهم ووطنهم و هذا يؤثر سلبا على حالتهم النفسية مما ينعكس على تحصيلهم الدراسي ولا أنكر أن المناهج في السعودية قوية و لكنك كطالب مصري متعود على المذاكرة تكون فرصة الحصول على الدرجات النهائية ميسرة و هذه ليست المشكلة ،فعندك منهج تذاكره و تدخل فيه الاختبار و تجيد الإجابة و تحصل على نسبة ممتازه . أما المصيبة الكبرى و الضربة القاضية بالنسبة للمصريين الحاصلين على الثانوية السعودية تتمثل في اختبار القدرات و ذلك لأنه بدون منهج و يعتمد على كثرة اطلاعك و مذاكرتك لكل ما يمت بصلة لمادتي اللغة العربية و الرياضيات و الثقافة العامة و عواصم الدول و إلخ إلخ …… يعني عاوزين موسوعة و هذا صعب جدا على الطلاب و المصيبة الأكبر في معاملة التنسيق للطلاب وإفرادهم بتنسيق مستقل بعد كل هذا فمن الممكن أن الحاصل على نسبة 99 في المائة لا يجد لنفسه فرصة في كليات الطب و الصيدلة و الهندسة و لم يضعوا في الاعتبار أن الذي يحصل على هذه النسبة هو طالب متفوق و لو كان في مصر لكان من الأوائل فرفقا بطلاب المعادلة .

  10. مريم محمود
    21/10/2017 at 11:26

    انا كنت اولي ثانوي وثانيه ثانوي ف مصر وحصلت ظروف وطلعت السعودية مش عارفه اخد ثانويه العامة في السعودية
    ولا اعمل اي فات شهر ومش عارفه

  11. yiju23
    13/09/2017 at 21:52

    في الواقع أنا حبيت استفسر بسؤال يخص هذا الموضوع … أنا حاليا طالعة لثاني ثانوي بإذن الله بالإضافة الى إن نسبتي في أول ثانوي كانت 97.50 فحبيت أعرف إذا وجهة نظركم حول هل لو كملت هنا أفضل أم نزولي لمصر وتكملة المرحلة الثانوية هناك أفضل ؟… للإن الصراحة أنا سمعت كلام مره يخوف عن لأو نزلت ماراح أقدر أمشي هناك ,لو جلست ماراح أدخل جامعات في مصر وأنا عن جد دماغي بينتحر … رجاءً أطلب منكم إبداء رأيكم وربما نصحي وشكرا

  12. ؟؟؟؟
    15/01/2017 at 19:19

    السعودية منهجاً الاسهل في الدول العرب او حتى يمكن العالم
    مصر بتكون صعبة بسبب الحاجة للاعتماد على اكثر من مرجع لفهم المادة
    الحمدلله انتوا مش بالأردن
    الدراسة هناك أرهاب و المناهج جامعة فصل اول

  13. الجهني
    30/10/2016 at 20:27

    وجعع يوجعكم يالمصاريه تحسبون السعوديين حمير لا يحبيبي اغلب الطلاب متفوقين واحسن من المصاريه بالف مره بس انتم عندكم تفكير زباله تحسبون السعودي ما يذاكر مايجتهد مايشتغل لا يشتغل ويجتهد تباً لكم

  14. alex
    04/06/2015 at 16:50

    بما ان المناهج في السعودية اسهل من مصر..وفرص الشغل في السعودية اكثر من مصر..اذا ادخل الثانوية العامة في السعوديةوانشاء الللة هجيب درجة عالية لاني متعود علي المنهج المصري (ألاصعب) وبعدها التحق بالكلية الي ارغب بها واشتغل هناك (انا نجحت في الصف الثاني الثاوي وخلاص داخل علي …:( )ارجوووو الافادة

  15. سيليا
    07/02/2015 at 12:09

    يا جماعة انا رايحة انشاء اللة السعودية نظام سنة واحدة.. كتير قلولى سهلة و اسهل من مصر .. بس نفسى حد مجرب يقولى سهلة و يتجاب فيها مجموع والا لأ .. انا خايفة جدا..و عايزة اعرف تعامل الناس معاك كويس والا فى تفرقة عنصرية ؟

  16. asln 3ady
    03/10/2014 at 06:58

    احم احم 😀
    انا جربت ثانوية السعودية
    وفعلا انه ثانوية مصصر اصعب بكتيير
    خصوصا ان المنهج بيختلف اختلاف تام 🙂
    على حسب اللي انتي اتعودتي عليه وخدتيه
    وكمان اوعي تنسي القدرات 😀 دي مفعولها كبير
    وبيغطي على دراسة مصر لانك اوساسا بتدفعي فلوس ومزاكرة مش مزاكرة بتطلعي بالبركة -_-
    وفمصر مفيش قدرات ولا تحصيلي
    الحمدلله اتلغى علينا التحصيلي لمدة وكدزا 🙂 :@
    طالما بدأتي هنا كملي هنا (السعودية )
    وعن نصيحة شدي حيلك واستحملي القدرات اهو بنزاكر شوية وبعدين بيتفك الهم 🙂

  17. ابوبتول
    09/09/2014 at 11:25

    المناهج تختلف في مصرعن السعوديةكثيراواغلب الطلاب المصريين العايشين في السعوديةتجديهم من الاوائل المتفوقين كل سنة في مرحلةالثانوية العامة لانهم مايجدوصعوبةفي المناهج ومافيش طلاب اخرين ينافسوهم في الفسم العلمي اغلب الطلبة الاخرين يذهبون للفسم الادبي

  18. emy
    31/07/2014 at 23:04

    اعتقد فى مصر اسهل علشان الجامعات هنا احسن وكمان لو حبيت تدخل جامعة من الثانوية فى السعودية لمصر صعب ومواد الثانوية فى مصر 10 مواد اتمنى اكون فيدتكم بالتوفيق

  19. mohamed
    31/07/2014 at 14:19

    ونسيت اضيف .. المعلومة الاهم .. منهج الثانوية المصرى اصعب من السعودى بشكل ملحوظ .. يعنى فكر مليون مرة وصلى صلاة استخارة قبل الموضوع دا لانى اعرف ناس سعوديين كتير معرفوش يمشو فى المناهج هنا ففكر الاول

  20. mohamed
    31/07/2014 at 14:17

    حظك انى لسا مخلص ثانوية عامة السنة دى .. شوف احنا عندنا فى القسم العلمى علوم 7 مواد داخلة فى المجموع ومادتين برا المجموع .. المادتين اللى برا المجموع دول بيتاخدو كورس 5 حصص فى السنة وسهلين ان شاء الله وهيا فى العلمى علوم ورياضة اللتنين .. وبرغم من انهم 7 مواد مش 14 الا ان منهج كل مادة طويل نسبيا لانه على مدار سنة ودرجة الصعوبة الصراحة محتاجة جهد لكن المشكلة انك حتى لو جبت 95 مثلا ممكن متدخلش طب ولا حتى صيدلة السنة دى الصيدلة اخدت من 96 فالمية تقريبا والطب من 97 .. يعنى ارقام خيالية !! .. بالنسبة للعلمى رياضة انا كنت فيها الفرق بتاخد رياضة 1 ..( جبر وهندسة فراغية / تفاضل وتكامل ) بدل الاحياء فى العلوم .. ورياضة 2 ( استاتيكا / ديناميكا ) بدل الجيولوجيا فى العلوم .. لكن بعترف مطلوب جهد مش سهل بردو والكل بيشهد ان منهج الرياضة اصعب من العلمى علوم لكن فى المقابل الهندسة السنة دى اخدت من 92.4 تقريبا ويعتبر رقم حلو ..لو تقدر تمشى فى الوضع دا وبتفهم رياضة وتقدر تجيب فيها مجموع عالى ليه لا؟ .. دى المعلومات اللى عندى وربنا يوفقك ان شاء الله !

اترك رداً أو حلاً لهذه المشكلة